«Гэта інвестыцыя ў будучыню, у дэмакратыю, у правы чалавека»
Прадстаўніца па нацыянальным адраджэнні Кабінета Аліна Коўшык здзейсніла візіт у Стакгольм, падчас якога:
▪️разам са Святланай Ціханоўскай сустрэлася з дэпутацкай групай «За дэмакратычную Беларусь» у парламенце Швецыі;
▪️правяла сустрэчу з міністаркай культуры Швецыі Парысай Лільестранд;
▪️разам з прадстаўніком Народнай амбасады Беларусі ў Швецыі Дзмітрыем Васэрманам сустрэлася з дзяржсакратаркай Міністэрства культуры Швецыі Карын Сванборг Шоваль;
▪️узяла ўдзел у дыскусіі «Беларуская мова і ідэнтычнасць» на Стакгольмскай канферэнцыі па Беларусі;
▪️далучылася да мітынгу ў падтрымку палітзняволеных.
Падчас сустрэч абмяркоўвалася стварэнне культурніцкай прасторы для беларусаў у Стакгольме, пашырэнне супрацоўніцтва ў сферах літаратурных перакладаў, папулярнай музыкі, па праграмах рэзідэнцый для творцаў і інш.
Аліна Коўшык: «Узмацненню пазіцый нашай культуры ў Швецыі паспрыяла з’яўленне Беларускага інстытута і Беларускага культурнага цэнтра ў Стакгольме.
Прыемна, што часткай Стакгольмскай канферэнцыі стаў перформанс «Мая будучыня – пустое месца», які прадставілі выбітныя аўтаркі Ева Вежнавец, Вальжына Морт і Света Бень.
Я ўдзячная Швецыі і яе спецпасланніцы па кантактах з дэмакратычнай Беларуссю Крысціне Ёханесан за падтрымку і такі высокі ўзровень арганізацыі. Гэта інвестыцыя ў будучыню, у дэмакратыю, у правы чалавека.
Неўзабаве выйдзе пераклад кнігі Евы Вежнавец «Па што ідзеш, воўча?» на шведскую мову. Спадзяюся, пасля нашай размовы з міністаркай культуры з’явяцца і іншыя. І маю надзею, што нашыя артысты будуць лепш прадстаўленыя на фестывалях у Швецыі, каб дэманстраваць Еўропе сучасную беларускую культуру».
@CabinetBelarus
Прадстаўніца па нацыянальным адраджэнні Кабінета Аліна Коўшык здзейсніла візіт у Стакгольм, падчас якога:
▪️разам са Святланай Ціханоўскай сустрэлася з дэпутацкай групай «За дэмакратычную Беларусь» у парламенце Швецыі;
▪️правяла сустрэчу з міністаркай культуры Швецыі Парысай Лільестранд;
▪️разам з прадстаўніком Народнай амбасады Беларусі ў Швецыі Дзмітрыем Васэрманам сустрэлася з дзяржсакратаркай Міністэрства культуры Швецыі Карын Сванборг Шоваль;
▪️узяла ўдзел у дыскусіі «Беларуская мова і ідэнтычнасць» на Стакгольмскай канферэнцыі па Беларусі;
▪️далучылася да мітынгу ў падтрымку палітзняволеных.
Падчас сустрэч абмяркоўвалася стварэнне культурніцкай прасторы для беларусаў у Стакгольме, пашырэнне супрацоўніцтва ў сферах літаратурных перакладаў, папулярнай музыкі, па праграмах рэзідэнцый для творцаў і інш.
Аліна Коўшык: «Узмацненню пазіцый нашай культуры ў Швецыі паспрыяла з’яўленне Беларускага інстытута і Беларускага культурнага цэнтра ў Стакгольме.
Прыемна, што часткай Стакгольмскай канферэнцыі стаў перформанс «Мая будучыня – пустое месца», які прадставілі выбітныя аўтаркі Ева Вежнавец, Вальжына Морт і Света Бень.
Я ўдзячная Швецыі і яе спецпасланніцы па кантактах з дэмакратычнай Беларуссю Крысціне Ёханесан за падтрымку і такі высокі ўзровень арганізацыі. Гэта інвестыцыя ў будучыню, у дэмакратыю, у правы чалавека.
Неўзабаве выйдзе пераклад кнігі Евы Вежнавец «Па што ідзеш, воўча?» на шведскую мову. Спадзяюся, пасля нашай размовы з міністаркай культуры з’явяцца і іншыя. І маю надзею, што нашыя артысты будуць лепш прадстаўленыя на фестывалях у Швецыі, каб дэманстраваць Еўропе сучасную беларускую культуру».
@CabinetBelarus
Галоўныя падзеі Стакгольмскай канферэнцыі па Беларусі
Кіраўніца Кабінета Святлана Ціханоўская, яе намеснік Валер Кавалеўскі, прадстаўніца па нацыянальным адраджэнні Аліна Коўшык і кіраўнік апарату Кабінета Валерый Мацкевіч завяршылі візіт у Швецыю.
Стакгольмская канферэнцыя стала найбольш прадстаўнічым міжнародным мерапрыемствам па Беларусі пасля 2020 года. Удзел у ёй узялі дыпламаты, палітыкі, актывісты, эксперты з больш чым 20 краін. Канферэнцыя была арганізаваная Стакгольмскім цэнтрам усходнееўрапейскіх даследаванняў па ініцыятыве МЗС Швецыі і Святланы Ціханоўскай.
Панэльныя дыскусіі канферэнцыі праводзіліся па наступных тэмах:
▪️«Месца Беларусі ў Еўропе» – адным са спікераў стаў Валер Кавалеўскі;
▪️«Беларуская культура і мова» – у абмеркаванні ўдзельнічала Аліна Коўшык;
▪️«Палітычныя зняволеныя»;
▪️«Новая беларуская эканоміка»;
▪️«Пабудова трывалай дэмакратыі»;
▪️«Інклюзіўная Беларусь»;
▪️«Незалежная журналістыка»;
▪️«Моладзевая перспектыва па Беларусі».
Святлана Ціханоўская заклікала ўдзельнікаў канферэнцыі прыкладаць усе магчымыя высілкі, каб вызваліць палітзняволеных, а таксама падкрэсліла важнасць шматбаковай міжнароднай падтрымкі беларусаў. Яна адзначыла: праз інвестыцыі ў вольную Беларусь свет інвестуе ў мір і дэмакратыю.
На палях Стакгольмскай канферэнцыі па Беларусі таксама адбылася закрытая панэльная дыскусія «Пашырэнне правоў і магчымасцей беларускіх абаронцаў дэмакратыі» з удзелам дыпламатаў, чыноўнікаў і палітыкаў з ЗША і краін ЕС. «Вельмі важна заўсёды спалучаць санкцыі з дапамогай людзям», – звярнула ўвагу прысутных кіраўніца Кабінета ў сваім выступленні.
Паводле Ціханоўскай, дапамога павінна быць накіравана беларускім незалежным СМІ, грамадзянскай супольнасці, сем'ям рэпрэсіраваных, прафсаюзам, праваабаронцам і інстытутам дэмакратычных сіл. Беларуская лідарка заклікала фармалізаваць адносіны з дэмакратычнымі сіламі Беларусі.
@CabinetBelarus
Кіраўніца Кабінета Святлана Ціханоўская, яе намеснік Валер Кавалеўскі, прадстаўніца па нацыянальным адраджэнні Аліна Коўшык і кіраўнік апарату Кабінета Валерый Мацкевіч завяршылі візіт у Швецыю.
Стакгольмская канферэнцыя стала найбольш прадстаўнічым міжнародным мерапрыемствам па Беларусі пасля 2020 года. Удзел у ёй узялі дыпламаты, палітыкі, актывісты, эксперты з больш чым 20 краін. Канферэнцыя была арганізаваная Стакгольмскім цэнтрам усходнееўрапейскіх даследаванняў па ініцыятыве МЗС Швецыі і Святланы Ціханоўскай.
Панэльныя дыскусіі канферэнцыі праводзіліся па наступных тэмах:
▪️«Месца Беларусі ў Еўропе» – адным са спікераў стаў Валер Кавалеўскі;
▪️«Беларуская культура і мова» – у абмеркаванні ўдзельнічала Аліна Коўшык;
▪️«Палітычныя зняволеныя»;
▪️«Новая беларуская эканоміка»;
▪️«Пабудова трывалай дэмакратыі»;
▪️«Інклюзіўная Беларусь»;
▪️«Незалежная журналістыка»;
▪️«Моладзевая перспектыва па Беларусі».
Святлана Ціханоўская заклікала ўдзельнікаў канферэнцыі прыкладаць усе магчымыя высілкі, каб вызваліць палітзняволеных, а таксама падкрэсліла важнасць шматбаковай міжнароднай падтрымкі беларусаў. Яна адзначыла: праз інвестыцыі ў вольную Беларусь свет інвестуе ў мір і дэмакратыю.
На палях Стакгольмскай канферэнцыі па Беларусі таксама адбылася закрытая панэльная дыскусія «Пашырэнне правоў і магчымасцей беларускіх абаронцаў дэмакратыі» з удзелам дыпламатаў, чыноўнікаў і палітыкаў з ЗША і краін ЕС. «Вельмі важна заўсёды спалучаць санкцыі з дапамогай людзям», – звярнула ўвагу прысутных кіраўніца Кабінета ў сваім выступленні.
Паводле Ціханоўскай, дапамога павінна быць накіравана беларускім незалежным СМІ, грамадзянскай супольнасці, сем'ям рэпрэсіраваных, прафсаюзам, праваабаронцам і інстытутам дэмакратычных сіл. Беларуская лідарка заклікала фармалізаваць адносіны з дэмакратычнымі сіламі Беларусі.
@CabinetBelarus
Спрашчэнне легалізацыі, прыцягненне рэжыму да адказнасці, папаўненне Гуманітарнага фонду для рэпрэсіраваных
Змест найважнейшых сустрэч кіраўніцы Кабінета на палях Стакгольмскай канферэнцыі
З міністрам замежных спраў Швецыі Табіясам Більстромам абмеркавалі: мерапрыемствы падчас Генасамблеі ААН і Паўночна-Балтыйскай васьмёркі; канфіскацыю рэжымам маёмасці беларусаў; справы супраць кандыдатаў у КР; сітуацыю з Галінай Краснянскай, грамадзянкай Швецыі, асуджанай у Беларусі; новае затрыманне Паліны Шарэнда-Панасюк і інш.
Швецыя спрасціла працэдуры легалізацыі для беларусаў і змяніла ацэнку краіны – Беларусь больш не лічыцца бяспечнай.
Ціханоўская падзякавала Більстрому за павелічэнне дапамогі Швецыі для беларусаў. Яе атрымальнікі – медыя, праваабаронцы, культурныя ініцыятывы, студэнты, прыватны сектар.
Кіраўніца Кабінета папрасіла міністра заклікаць іншыя краіны папоўніць Гуманітарны фонд для дапамогі рэпрэсіраваным, які быў створаны ў Нарвегіі. Швецыя ўнесла ў фонд 5 мільёнаў крон.
Групе сяброў Беларусі ў Рыксдагу беларуская лідарка прапанавала наладзіць абмен з беларускімі экспертамі, якія могуць даць заключэнні па пытаннях ціску на рэжым. Шведскія палітыкі ў сваю чаргу могуць даць ацэнку законам для новай Беларусі. Гаворачы пра легалізацыю беларусаў, кіраўніца Кабінета заклікала не патрабаваць апастылі на дыпломах, пасведчаннях аб нараджэнні, шлюбе і даведкі ад органаў рэжыму.
Са спецпрадстаўніком ЕС па правах чалавека Улафам Скугам Ціханоўская абмеркавала прыцягненне рэжыму да адказнасці праз Міжнародны крымінальны суд і Міжнародны суд ААН. Лідарка папрасіла спецпрадстаўніка падняць перад Вярхоўным камісарам ААН па правах чалавека пытанне палітвязняў у стане інкамунікада, каб дамагчыся доступу да іх.
Таксама кіраўніца Кабінета сустрэлася з экс-прэм’ер-міністаркай Магдаленай Андэрсан, міністрам міжнароднага супрацоўніцтва Швецыі Ёханам Форсэлем, іншымі палітыкамі, дыяспарай і разам з Алінай Коўшык і Валерыем Мацкевічам узяла ўдзел у акцыі салідарнасці з палітвязнямі.
@CabinetBelarus
Змест найважнейшых сустрэч кіраўніцы Кабінета на палях Стакгольмскай канферэнцыі
З міністрам замежных спраў Швецыі Табіясам Більстромам абмеркавалі: мерапрыемствы падчас Генасамблеі ААН і Паўночна-Балтыйскай васьмёркі; канфіскацыю рэжымам маёмасці беларусаў; справы супраць кандыдатаў у КР; сітуацыю з Галінай Краснянскай, грамадзянкай Швецыі, асуджанай у Беларусі; новае затрыманне Паліны Шарэнда-Панасюк і інш.
Швецыя спрасціла працэдуры легалізацыі для беларусаў і змяніла ацэнку краіны – Беларусь больш не лічыцца бяспечнай.
Ціханоўская падзякавала Більстрому за павелічэнне дапамогі Швецыі для беларусаў. Яе атрымальнікі – медыя, праваабаронцы, культурныя ініцыятывы, студэнты, прыватны сектар.
Кіраўніца Кабінета папрасіла міністра заклікаць іншыя краіны папоўніць Гуманітарны фонд для дапамогі рэпрэсіраваным, які быў створаны ў Нарвегіі. Швецыя ўнесла ў фонд 5 мільёнаў крон.
Групе сяброў Беларусі ў Рыксдагу беларуская лідарка прапанавала наладзіць абмен з беларускімі экспертамі, якія могуць даць заключэнні па пытаннях ціску на рэжым. Шведскія палітыкі ў сваю чаргу могуць даць ацэнку законам для новай Беларусі. Гаворачы пра легалізацыю беларусаў, кіраўніца Кабінета заклікала не патрабаваць апастылі на дыпломах, пасведчаннях аб нараджэнні, шлюбе і даведкі ад органаў рэжыму.
Са спецпрадстаўніком ЕС па правах чалавека Улафам Скугам Ціханоўская абмеркавала прыцягненне рэжыму да адказнасці праз Міжнародны крымінальны суд і Міжнародны суд ААН. Лідарка папрасіла спецпрадстаўніка падняць перад Вярхоўным камісарам ААН па правах чалавека пытанне палітвязняў у стане інкамунікада, каб дамагчыся доступу да іх.
Таксама кіраўніца Кабінета сустрэлася з экс-прэм’ер-міністаркай Магдаленай Андэрсан, міністрам міжнароднага супрацоўніцтва Швецыі Ёханам Форсэлем, іншымі палітыкамі, дыяспарай і разам з Алінай Коўшык і Валерыем Мацкевічам узяла ўдзел у акцыі салідарнасці з палітвязнямі.
@CabinetBelarus
Стварэнне моцных асяродкаў беларускай культуры ў Польшчы
Намеснік кіраўніцы Кабінета Павел Латушка ініцыяваў стварэнне Цэнтра беларускіх тэатраў у Польшчы падчас сустрэчы з намесніцай міністра культуры Польшчы Мартай Цінькоўскай.
Ён падкрэсліў патрэбу «Вольных Купалаўцаў» і больш чым 10 беларускіх тэатральных калектываў у пастаянным памяшканні ў Варшаве.
Павел Латушка: «Я патлумачыў спадарыні Цінькоўскай, што важна ствараць моцныя асяродкі беларускай культуры ў Польшчы, якія стануць крыніцамі адраджэння ў нашай краіне, калі рэжым Лукашэнкі зменіцца. Асобным асяродкам у музейнай сферы можа стаць і Музей Вольнай Беларусі».
На сустрэчы намеснік кіраўніцы Кабінета прадставіў сабраныя Беларускім ПЭНам лічбы аб рэпрэсіях у сферы культуры ў Беларусі за 2023 год. Сярод іх:
▪️1097 парушэнняў у дачыненні да 605 дзеячаў культуры;
▪️163 парушэнні ў дачыненні да 147 арганізацый і супольнасцей;
▪️57 парушэнняў у дачыненні да аб'ектаў гісторыка-культурнай спадчыны і беларускай мовы;
▪️182 аб’екты інфармацыйнага кантэнту ўключаны ў «Рэспубліканскі спіс экстрэмісцкіх матэрыялаў».
Дамовіліся, што Міністэрства культуры Польшчы прааналізуе беларускія ініцыятывы ў Польшчы, іх запыты і праблемы. Пасля адбудзецца сустрэча, каб абмеркаваць іх больш шырокую падтрымку.
Павел Латушка па прапанове Беларускай Рады культуры звярнуўся да Міністэрства культуры Польшчы з просьбай спрыяць візавай падтрымцы для творцаў з Беларусі.
Павел Латушка: «Падчас працы міністрам культуры Беларусі мне давялося паспрыяць стварэнню музея выбітнага спевака Чэслава Немана ў Старых Васілішках, на Гродзеншчыне, займацца аднаўленнем Нясвіжскага палаца і Мірскага замка, адкрываць іх пасля рэстаўрацыі, ініцыяваць адкрыццё помніка Станіславу Манюшку ў Чэрвені, яшчэ раней садзейнічаць адкрыццю помніка Адама Міцкевічу ў Мінску. Гэта толькі частка спадчыны, якую нам атрымлівалася адраджаць раней. А пасля змены ўлады ў Беларусі паўстане яшчэ больш важных сумесных ініцыятыў, якія аб'ядноўваюць беларусаў і палякаў як еўрапейскія народы».
@CabinetBelarus
Намеснік кіраўніцы Кабінета Павел Латушка ініцыяваў стварэнне Цэнтра беларускіх тэатраў у Польшчы падчас сустрэчы з намесніцай міністра культуры Польшчы Мартай Цінькоўскай.
Ён падкрэсліў патрэбу «Вольных Купалаўцаў» і больш чым 10 беларускіх тэатральных калектываў у пастаянным памяшканні ў Варшаве.
Павел Латушка: «Я патлумачыў спадарыні Цінькоўскай, што важна ствараць моцныя асяродкі беларускай культуры ў Польшчы, якія стануць крыніцамі адраджэння ў нашай краіне, калі рэжым Лукашэнкі зменіцца. Асобным асяродкам у музейнай сферы можа стаць і Музей Вольнай Беларусі».
На сустрэчы намеснік кіраўніцы Кабінета прадставіў сабраныя Беларускім ПЭНам лічбы аб рэпрэсіях у сферы культуры ў Беларусі за 2023 год. Сярод іх:
▪️1097 парушэнняў у дачыненні да 605 дзеячаў культуры;
▪️163 парушэнні ў дачыненні да 147 арганізацый і супольнасцей;
▪️57 парушэнняў у дачыненні да аб'ектаў гісторыка-культурнай спадчыны і беларускай мовы;
▪️182 аб’екты інфармацыйнага кантэнту ўключаны ў «Рэспубліканскі спіс экстрэмісцкіх матэрыялаў».
Дамовіліся, што Міністэрства культуры Польшчы прааналізуе беларускія ініцыятывы ў Польшчы, іх запыты і праблемы. Пасля адбудзецца сустрэча, каб абмеркаваць іх больш шырокую падтрымку.
Павел Латушка па прапанове Беларускай Рады культуры звярнуўся да Міністэрства культуры Польшчы з просьбай спрыяць візавай падтрымцы для творцаў з Беларусі.
Павел Латушка: «Падчас працы міністрам культуры Беларусі мне давялося паспрыяць стварэнню музея выбітнага спевака Чэслава Немана ў Старых Васілішках, на Гродзеншчыне, займацца аднаўленнем Нясвіжскага палаца і Мірскага замка, адкрываць іх пасля рэстаўрацыі, ініцыяваць адкрыццё помніка Станіславу Манюшку ў Чэрвені, яшчэ раней садзейнічаць адкрыццю помніка Адама Міцкевічу ў Мінску. Гэта толькі частка спадчыны, якую нам атрымлівалася адраджаць раней. А пасля змены ўлады ў Беларусі паўстане яшчэ больш важных сумесных ініцыятыў, якія аб'ядноўваюць беларусаў і палякаў як еўрапейскія народы».
@CabinetBelarus
Напярэдадні выбараў у Каардынацыйную Раду адбудуцца дэбаты кандыдатаў
24 мая, а 21-й гадзіне па мінскім часе, прадстаўнікі ад усіх выбарчых спісаў у жывым эфіры тэлеканала «Белсат» абмяркуюць найважнейшыя пытанні, якія стаяць перад дэмакратычным рухам Беларусі.
Удзельнікі дэбатаў прэзентуюць праграмы сваіх спісаў, падыскутуюць, адкажуць на пытанні выбаршчыкаў і вядучых Ігара Кулея і Анастасіі Русецкай.
❗️Падключаючыся да трансляцыі, дбайце пра меры бяспекі!
Нагадаем, выбары ў Каардынацыйную Раду 3-га склікання пройдуць з 25 па 27 мая.
@CabinetBelarus
24 мая, а 21-й гадзіне па мінскім часе, прадстаўнікі ад усіх выбарчых спісаў у жывым эфіры тэлеканала «Белсат» абмяркуюць найважнейшыя пытанні, якія стаяць перад дэмакратычным рухам Беларусі.
Удзельнікі дэбатаў прэзентуюць праграмы сваіх спісаў, падыскутуюць, адкажуць на пытанні выбаршчыкаў і вядучых Ігара Кулея і Анастасіі Русецкай.
❗️Падключаючыся да трансляцыі, дбайце пра меры бяспекі!
Нагадаем, выбары ў Каардынацыйную Раду 3-га склікання пройдуць з 25 па 27 мая.
@CabinetBelarus
Forwarded from Светлана Тихановская
Святлана Ціханоўская аб'яўляе пра правядзенне трэцяй канферэнцыі «Новая Беларусь»
Мерапрыемства пройдзе 3-4 жніўня ў Вільні. Яго мэта – сабраць беларускія дэмакратычныя сілы, актывістаў і актывістак, грамадскія і культурніцкія ініцыятывы і дыяспару на адной пляцоўцы, каб абмеркаваць стратэгічныя прыярытэты дэмакратычнага руху на 2025 год, актуалізаваць выклікі супольнасці і разам знайсці шляхі іх вырашэння.
Бліжэйшым часам будзе сфармавана працоўная група, якая падрыхтуе змест, павестку і прапрацуе дэталі мерапрыемства. Адзначым, што ўся афіцыйная камунікацыя па Канферэнцыі Новай Беларусі праходзіць праз пошту confnewbelarus@tsikhanouskaya.org. Калі ласка, дбайце пра сваю кібер-бяспеку і карыстайцеся толькі афіцыйнымі кантактамі!
Святлана Ціханоўская: «На Канферэнцыі Новай Беларусі мы зможам разам, шчыра і адкрыта ацаніць усе выклікі, з якімі сутыкаемся на нашым шляху, прааналізаваць памылкі. Абмеркаваць, што хвалюе беларусаў і беларусак, якія кожны дзень праходзяць праз шматлікія выпрабаванні. Нам трэба пачуць адно аднаго, нават калі здаецца, што цяжка прыйсці да агульнага разумення. Толькі сумеснымі намаганнямі мы можам дамагчыся поспеху».
Мерапрыемства пройдзе 3-4 жніўня ў Вільні. Яго мэта – сабраць беларускія дэмакратычныя сілы, актывістаў і актывістак, грамадскія і культурніцкія ініцыятывы і дыяспару на адной пляцоўцы, каб абмеркаваць стратэгічныя прыярытэты дэмакратычнага руху на 2025 год, актуалізаваць выклікі супольнасці і разам знайсці шляхі іх вырашэння.
Бліжэйшым часам будзе сфармавана працоўная група, якая падрыхтуе змест, павестку і прапрацуе дэталі мерапрыемства. Адзначым, што ўся афіцыйная камунікацыя па Канферэнцыі Новай Беларусі праходзіць праз пошту confnewbelarus@tsikhanouskaya.org. Калі ласка, дбайце пра сваю кібер-бяспеку і карыстайцеся толькі афіцыйнымі кантактамі!
Святлана Ціханоўская: «На Канферэнцыі Новай Беларусі мы зможам разам, шчыра і адкрыта ацаніць усе выклікі, з якімі сутыкаемся на нашым шляху, прааналізаваць памылкі. Абмеркаваць, што хвалюе беларусаў і беларусак, якія кожны дзень праходзяць праз шматлікія выпрабаванні. Нам трэба пачуць адно аднаго, нават калі здаецца, што цяжка прыйсці да агульнага разумення. Толькі сумеснымі намаганнямі мы можам дамагчыся поспеху».
Як прагаласаваць?
1. Праз вэб-версію: https://storage.googleapis.com/nbvoting/index.html
2. Праз мабільны дадатак Belarus ID (спампаваць можна па спасылцы)
Інструкцыя, як галасаваць.
Выбары ў Каардынацыйную Раду 3-га склікання праходзяць з 25 па 27 мая.
@CabinetBelarus
Please open Telegram to view this post
VIEW IN TELEGRAM
Вольга Гарбунова – аб Кангрэсе #WithoutJustCause, прысвечаным беларускім палітзняволеным
«Раней ледзь не на ўсіх сустрэчах па гэтай праблеме даводзілася чуць, што ў мяне ёсць пяць хвілін на тое, каб падзяліцца сваім бачаннем дапамогі палітзняволеным і іх вызвалення.
Таму на Кангрэсе я была натхнёная тым, што мы ўсе гэтыя дні мелі магчымасць доўга гаварыць пра розныя аспекты тэмы: умовы ўтрымання, чым дапамагаюць арганізацыі, чым могуць дапамагаць палітыкі, як могуць дапамагаць СМІ…
Больш за 100 чалавек прысутнічалі гэтымі днямі на Кангрэсе. Гэта былі вельмі розныя людзі: ад былых палітвязняў і сваякоў да палітыкаў, еўрадэпутатаў, дыпламатаў.
Гэта першае такое маштабнае мерапрыемства. У многіх удзельніц і ўдзельнікаў склалася разуменне, што такія сустрэчы павінны быць рэгулярнымі, што нам не хапае камунікацыі, што ёсць шмат напружання ў некаторых тэмах, якія патрабуюць працяглага прагаворвання, што трэба аб’ядноўваць намаганні, шукаць рэсурсы, умацоўваць працу праваабарончых арганізацый. Самая галоўная каштоўнасць гэтага Кангрэса ў тым, што ён адбыўся. І я вельмі веру, што гэта запусціць працэс на будучыню.
Гэта менавіта такі працоўны фармат, калі можна шукаць кропкі сутыкнення і дамаўляцца»
@CabinetBelarus
«Раней ледзь не на ўсіх сустрэчах па гэтай праблеме даводзілася чуць, што ў мяне ёсць пяць хвілін на тое, каб падзяліцца сваім бачаннем дапамогі палітзняволеным і іх вызвалення.
Таму на Кангрэсе я была натхнёная тым, што мы ўсе гэтыя дні мелі магчымасць доўга гаварыць пра розныя аспекты тэмы: умовы ўтрымання, чым дапамагаюць арганізацыі, чым могуць дапамагаць палітыкі, як могуць дапамагаць СМІ…
Больш за 100 чалавек прысутнічалі гэтымі днямі на Кангрэсе. Гэта былі вельмі розныя людзі: ад былых палітвязняў і сваякоў да палітыкаў, еўрадэпутатаў, дыпламатаў.
Гэта першае такое маштабнае мерапрыемства. У многіх удзельніц і ўдзельнікаў склалася разуменне, што такія сустрэчы павінны быць рэгулярнымі, што нам не хапае камунікацыі, што ёсць шмат напружання ў некаторых тэмах, якія патрабуюць працяглага прагаворвання, што трэба аб’ядноўваць намаганні, шукаць рэсурсы, умацоўваць працу праваабарончых арганізацый. Самая галоўная каштоўнасць гэтага Кангрэса ў тым, што ён адбыўся. І я вельмі веру, што гэта запусціць працэс на будучыню.
Гэта менавіта такі працоўны фармат, калі можна шукаць кропкі сутыкнення і дамаўляцца»
@CabinetBelarus
«Гэта наш абавязак: быць з імі, падтрымліваць іх, гаварыць пра іх»
Прадстаўніца па нацыянальным адраджэнні Кабінета Аліна Коўшык узяла ўдзел у Кангрэсе #WithoutJustCause і ў працы панэльнай дыскусіі аб асвятленні тэмы палітзняволеных незалежнымі СМІ.
Аліна Коўшык: «Насамрэч звяртаюцца да гэтай тэмы далёка не ўсе медыя. Таму хачу асабліва падзякаваць рэдакцыям, якія распавядаюць пра палітзняволеных, абраўшы гэта сваёй місіяй, – «Радыё Свабода», «Белсат», REFORM…
Заклікаю не маўчаць. Памятаць, нагадваць, абмяркоўваць гэтую праблему. Хацелася, каб гэта было ўпісана ў рэдакцыйныя задачы. Нягледзячы на прагляды, рэйтынгі, сенсітыўнасць тэмы для грамадства…
Падчас дыскусіі мы казалі пра тое, што супольнае перажыванне і «прагаворванне» нашай калектыўнай траўмы дапамагае яе пераадольваць. Ролю медыя ў гэтым пераацаніць немагчыма.
Я агучыла прапановы для СМІ – у прыватнасці, выкарыстоўваць мастацкія прыёмы ў інфапрадуктах на гэтую тэму, каб перадаваць не толькі факты, але і эмоцыі. Таксама вельмі важна расказваць і пра творчасць нашых палітвязняў, якая фіксуе і асэнсоўвае рэчаіснасць.
Гэта наш абавязак: быць з імі, падтрымліваць іх, гаварыць пра іх».
@CabinetBelarus
Прадстаўніца па нацыянальным адраджэнні Кабінета Аліна Коўшык узяла ўдзел у Кангрэсе #WithoutJustCause і ў працы панэльнай дыскусіі аб асвятленні тэмы палітзняволеных незалежнымі СМІ.
Аліна Коўшык: «Насамрэч звяртаюцца да гэтай тэмы далёка не ўсе медыя. Таму хачу асабліва падзякаваць рэдакцыям, якія распавядаюць пра палітзняволеных, абраўшы гэта сваёй місіяй, – «Радыё Свабода», «Белсат», REFORM…
Заклікаю не маўчаць. Памятаць, нагадваць, абмяркоўваць гэтую праблему. Хацелася, каб гэта было ўпісана ў рэдакцыйныя задачы. Нягледзячы на прагляды, рэйтынгі, сенсітыўнасць тэмы для грамадства…
Падчас дыскусіі мы казалі пра тое, што супольнае перажыванне і «прагаворванне» нашай калектыўнай траўмы дапамагае яе пераадольваць. Ролю медыя ў гэтым пераацаніць немагчыма.
Я агучыла прапановы для СМІ – у прыватнасці, выкарыстоўваць мастацкія прыёмы ў інфапрадуктах на гэтую тэму, каб перадаваць не толькі факты, але і эмоцыі. Таксама вельмі важна расказваць і пра творчасць нашых палітвязняў, якая фіксуе і асэнсоўвае рэчаіснасць.
Гэта наш абавязак: быць з імі, падтрымліваць іх, гаварыць пра іх».
@CabinetBelarus