#qabul #murojaatlar #bola_manfaati #bolalar_ombudsmani

📍May oyining ilk kunida Bolalar ombudsmani o‘zining navbatdagi shaxsiy qabulini o‘tkazdi va bola manfaatlariga oid murojaatlar bilan tanishdi.

📃Qabul davomida bugun quyidagi masalalar ko‘rib chiqildi:

🖇 Ayol turmush o‘rtog‘i vafotidan so‘ng turmush o‘rtog‘ining yaqin qarindoshlari tomonidan 3 nafar kichik yoshdagi farzandi bilan uydan xaydab chiqarish bilan muttasil tahdid qilinayotganligi yuzasidan;

🖇 Oilaviy ajrimdan so‘ng otaning o‘z farzandi bilan uchrashish huquqi ona tomonidan cheklanayotganligiga oid;

🖇 Voyaga yetmagan qizni aldab, noqonuniy ravishda uchinchi davlat orqali Turkiyaga olib ketilganligi masalasi va boshqa murojaatlar ko‘rib chiqildi.

Shuningdek, avvalgi qabulda ota-onaning ajrimidan so‘ng onasi va buvisi tomonidan sog‘lig‘iga salbiy ta’sir ko‘rsatuvchi mehnatga jalb qilinayotganligi yuzasidan murojaat qilgan bolaning buvisi kelib, o‘z vajlarini bayon etdi.

Telegram|Facebook|Instagram|X

📍Bugun O‘zbekiston Respublikasi Prezidenti huzuridagi Ijtimoiy himoya milliy Agentligi tashabbusi bilan “O‘zekspomarkaz” pavilyonida tashkil etilgan “Inson uchun” nomli respublika savdo ko‘rgazmasida qatnashdik.

🔹Ushbu ko‘rgazmada 200 ga yaqin nogironligi bo‘lgan shaxslarni band qilgan tadbirkorlar mebel, tekstil mahsulotlari, poyabzal, sport, oziq-ovqat, texnika, poligrafiya va boshqa turdagi tovarlar bilan ishtirok etmoqda. Ular orasida o‘ziga xoslikka ega bolajonlar tomonidan yaratilgan ijod mahsullari ham bor.

🎨Bolalar ijodining har bir namunasidagi yorqinlik, hayotga, san’atga bo‘lgan cheksiz muhabbatning guvohi bo‘ldik. Va albatta, bolajonlarni ijod qilishda davom etishi uchun rag‘batlantirish maqsadida jamoamiz bilan ular tayyorlagan yumshoq o‘yinchoqlar, turli applikatsiya va tasviriy suratlar xarid qildik.

"Hech kim ortda qolmasligi kerak" tamoyili asosida insoniylik va jasorat mujassam bo‘lgan bunday ijod maydonini yuksak darajada tashkil etgani uchun Ijtimoiy himoya milliy Agentligiga nihoyatda minnatdormiz.

Telegram|Facebook|Instagram|X