🖇 Bugun BMTning Inson huquqlari bo‘yicha Oliy komissari boshqarmasining Qiynoqlarni oldini olish va gender zo‘ravonlik masalalari bo‘yicha eksperti Damelya Aytxojina bilan uchrashuv o‘tkazdik.

📌 Muloqot davomida ekspert dastlab Bolalar ombudsmanining faoliyati bilan tanishdi. Ma’lumki, Bolalar ombudsmani bola o‘z ixtiyori bilan chiqib keta olmaydigan har qanday muassasalarga - ta’lim, tarbiya, tibbiyot muassasalariga, voyaga yetmaganlarga ijtimoiy-huquqiy yordam ko‘rsatish markazlariga, ixtisoslashtirilgan o‘quv-tarbiya muassasalariga, tergov hibsxonalariga va tarbiya koloniyalariga moneliksiz kirish huquqiga ega.

📨 Mazkur muassasalarda turgan bolalar yozma shakldagi o‘z murojaatlarini ularning soni cheklanmagan holda Bolalar ombudsmani nomiga yuborish huquqiga ega.

O‘tgan 2023-yil davomida Bolalar ombudsmani tomonidan yopiq shakldagi muassasalarga 18 marotaba monitoring tashriflari amalga oshirilgan☑️.
Joriy yilda ham bolalar saqlanayotgan turli muassasalar faoliyati tizimli o‘rganib kelinmoqda.

🗣️ Suhbat davomida yopiq shakldagi muassasalarda bolalarni saqlash shart-sharoitlari, ularning ta‘lim va sog‘liqni saqlashga bo’lgan huquqlari qay tarzda ta’minlanayotganligi masalalariga to‘xtalib o‘tildi.

📣 Shuningdek, uchrashuvda voyaga yetmagan qizlarga nisbatan erta unashtiruv va erta nikohning tub omillari va bu ijtimoiy muammoning gender tengligini real ta’minlashga salbiy ta’siri masalasi ham muhokama qilindi.

Telegram|Facebook|Instagram|X

🖇️ Bugun Zangiota tumanidagi 24-sonli tarbiya koloniyasiga navbatdagi monitoring tashrifimizni amalga oshirdik.

📝 Monitoring davomida bu yerdagi voyaga yetmaganlar saqlanishi sharoitlari, xususan, ta’lim olish, kasbga o‘rgatish va tarbiyaviy jarayon belgilangan standartlar doirasida qay tarzda tashkil etilganini atroflicha o‘rgandik.

📍 Shu bilan birga, monitoringda bolalarga tibbiy xizmat ko‘rsatish, ovqatlanish, yotoq, sanitariya-gigiyena hamda sport mashg‘ulotlari, yaqinlar bilan uchrashuvlar uchun yaratilgan sharoitlar minimal standartlarga rioya etgan holda tashkil etilganligi darajasi o‘rganildi.

📌 Monitoring o‘tkazar ekanmiz, muassasada bugun Yoshlar kuni arafasida tashkil etilgan "Zakovat" intellektual o‘yinining guvohiga aylandik. Bolalar bu musobaqada nihoyatda faollik ko‘rsatib, jamoa bo‘lib fikrlash, hozirjavoblik, eruditsiya kabi muhim ko‘nikmalarni namoyish etdilar.

O‘rganish jarayonida aniqlangan kamchiliklar hamda koloniyadagi shart-sharoitlarni yaxshilash yuzasidan mas’ullarga tegishli tavsiya va ko‘rsatmalar berildi☑️.

📚 Shu bilan birga kutubxona fondini bolalar uchun lotin alifbosidagi zamonaviy kitoblar bilan to‘ldirish, muassasaning kompyuter sinfini yangilash bo‘yicha amaliy ko‘mak ko‘rsatishga kelishildi.

🔎 Eslatib o‘tamiz, o‘tgan yilning dekabr oyida qish mavsumida mavjud sharoitlar bilan tanishish maqsadida mazkur tarbiya koloniyasiga Bolalar ombudsmanining monitoring tashrifi amalga oshirilgan edi.

Telegram|Facebook|Instagram|X