⚡️Ijtimoiy tarmoqlarda "Bolalarning boshini bir-biriga urishtirayotgan maktab direktori" sarlavhasi ostida video tarqaldi.

❕Mazkur videodagi holat Bolalar ombudsmani tomonidan o‘rganildi.

Aniqlanishicha, holat 2023-yilning 13-yanvar kuni bo‘lgan. Qashqadaryo viloyati Yakkabog‘ tumani 80-umumiy o‘rta ta’lim maktabi direktori T.A. 7-sinf o‘quvchilari A.Q. hamda E.T. sinf partasini sindirib, shovqin solib yurganligi vaji bilan o‘quvchilarni shunday nomaqbul tarzda “tarbiyalash”ga uringan.

🖇 Maktab direktorining mazkur harakatlari yuzasidan Yakkabog‘ tumani IIB tomonidan
9-mart kunidan boshlab, tergovga qadar tekshiruv olib borilmoqda.

Bolalar ombudsmani holat yuzasidan o‘z ko‘zatuvini davom ettiradi. Bu borada qo‘shimcha ma’lumot beriladi.

Xabar to’ldirildi.

Telegram|Facebook|Instagram|X

#murojaat

📌 Bolalar ombudsmani Kotibiyatiga Xorazm viloyatida yashovchi L.K. dan murojaat kelib tushdi.

🖇 Murojaatda L.K. 2015-yilda tug‘ilgan farzandi D.D. Gurlan tumanidagi 34-sonli umumta’lim maktabida tahsil olishini, ushbu ta’lim maskani o‘qituvchilari A.Z. va D.A. larning boshlang‘ich sinf o‘quvchilariga bilim berish darajasi yetarli emasligi sababli o‘qituvchilarni o‘zgartirish bo‘yicha maktab direktori Q.Q. ga murojaat qilganligini bildirgan.

‼️Biroq bu holat maktab direktori tomonidan e’tiborsiz qoldirilganligi, maktab faoliyati qoniqarsiz darajada ekanligi bo‘yicha tegishli tashkilotlarga murojaat qilinganligiga qaramasdan holat yuzasidan mas’ullarga chora ko‘rilmayotganligi aytilgan.

🔍Bolalar ombudsmanining MMTVga so‘rovi asosida Xorazm viloyati maktabgacha va maktab ta’limi boshqarmasi ishchi guruhi tomonidan holat o‘rganildi va fuqaro L.K. ning farzandi o‘qiyotgan sinfdagi ta’lim sifati haqiqatan ham talab darajasida emasligi aniqlandi.

Mazkur sabablarga ko‘ra, 34-sonli maktab o‘qituvchilari A.Z. va D.A. larga nisbatan “hayfsan” intizomiy chorasi qo‘llanildi.

Shu bilan birgalikda, maktab direktori Q.Q. maktabda ta’lim sifatini oshirish, o‘qituvchilar faoliyatini doimiy nazoratga olishi va bunday holatlarga yo‘l qo‘yilmasligi bo‘yicha ogohlantirildi❕

Telegram|Facebook|Instagram|X

#qonuniy_chora_korish_jarayonidan

📌 Surxondaryo viloyati Termiz shahrida ota o‘z farzandiga shafqatsiz munosabatda bo‘lganligi holati yuzasidan xabar berilgan edi.
Bola manfaatlari nuqtai nazaridan mazkur holat o‘rganildi.

🔽Termiz shahar IIB tomonidan o‘tkazilgan tergovga qadar tekshiruv davomida aniqlanishicha, 1981-yilda tug‘ilgan A.E. shu yilning 5-yanvar kuni 2019-yilda tug‘ilgan o‘g‘li B.K. uni aytganini qilmagani uchun jahli chiqib, qo‘pol so‘zlar bilan haqoratlab, urgan.

Shuningdek, shu kunni o‘zida A.E. turmush o‘rtog‘i F.M. ning sha’ni va qadr-qimmatini tahqirlab, qo‘rqitib, unga nisbatan oilaviy zo‘ravonlik o‘tkazgan.

❕Termiz shahri Jinoyat ishlari bo‘yicha sudning 1-fevraldagi qarori bilan A.E. ga MJtKning 41-moddasi (Haqorat qilish) bilan bazaviy hisoblash miqdorining 20 baravari miqdorida jarima jazosi hamda MJtK 59 (2)-moddasining 1-qismi (Oilaviy zo‘ravonlik) bilan 10 sutka ma’muriy qamoq jazosi tayinlangan.

Telegram|Facebook|Instagram|X

#qonuniy_chora_korish_jarayonidan

📌 Xorazm viloyati Xonqa tumanidagi o‘qituvchi M.A. kichik sinf o‘quvchisini kaltaklaganligi va bunday qonunga xilof harakatlar yuzasidan Xonqa tuman IIB tergovga qadar tekshiruv olib borilayotganligi haqida xabar bergan edik.

O'rganishga ko'ra, Xonqa tumanidagi 36-son umumiy o‘rta ta’lim maktabi boshlang‘ich o‘qituvchisi M.A. bilan tuzilgan mehnat shartnomasi 2024-yil 1-martdan boshlab bekor qilindi‼️

Shuningdek, tergovga qadar tekshiruv natijasida M.A. Ma’muriy javobgarlik to‘g‘risidagi Kodeksning 52-moddasi (Yengil tan jarohati yetkazish) asosida javobgarlikka tortilib, tegishli jarimaga solindi.

Telegram|Facebook|Instagram|X