8-yanvar - O‘zbekiston Respublikasi prokuratura organlari xodimlari kuni🛡!

Oliy Majlisning Bola huquqlari bo‘yicha vakili (Bolalar ombudsmani) jamoasi adolat va qonuniylik posboni bo‘lgan prokuratura organlari xodimlarini bugungi kasb bayrami bilan chin dildan qutlaydi va olib borayotgan mas’uliyatli va sharafli faoliyatida yuksak muvaffaqiyatlar tilaydi.

Telegram|Facebook|Instagram

⚡️⚡️Ijtimoiy tarmoqda go‘dak farzandiga nisbatan turli shakldagi qiynash va uni xavfga soluvchi harakatlar qilgan A.B. ning garov evaziga hibsdan chiqqanligi to‘g‘risida haqiqatga zid ma’lumotlar tarqaldi.

Haqiqiy holat shundan iboratki, Jizzax shahar IIB huzuridagi TB tomonidan 2023-yil 21-dekabr kuni A.B. ga nisbatan O‘zbekiston Respublikasi JKning 110-moddasi 2-qismi “a,b” bandlari, 112-moddasi 1-qismi va 168-moddasi 4-qismiga binoan jinoyat ishi qo‘zg‘atilgan. Fuqaro A.B. JPKning 221-moddasi tartibida ushlanib, TIIB VSHga joylashtirilgan va bugungi kunda ham hibsda saqlanmoqda.

A.B. tomonidan bolaning onasi Z.X. ga mutassil tazyiq o‘tkazilib kelinganligi inobatga olinib, 2023-yil 28-dekabrda Z.X. ga himoya orderi berilgan hamda uning va voyaga yetmagan farzandi A.X. ning xavfsizligini ta’minlash choralari ko‘rilgan.

Telegram|Facebook|Instagram

🖇 Ota-onalar uchun foydali ma’lumot:

📌 O‘tkazilgan global tahlillar shuni ko‘rsatayaptiki, bolalikdagi shafqatsiz munosabat (childhood maltreatment) kichik yoshda olingan boshqa jiddiy travmalar kabi kelgusida insonning ruhiy sog‘lig‘i yomonlashishiga olib keladigan eng asosiy omillardan biri hisoblanadi.

Insonni bolalikda shafqatsiz muomala qurboni bo‘lganligi boshqa nosog‘lom hayotiy tajriba (adverse childhood experiences) singari keyinchalik yuzaga keladigan turli ruhiy kasalliklarga chalinishi ehtimoli nihoyatda katta.

Jumladan, buning oqibatida bolada depressiv buzilish, nevrotik xavotirlik, suitsidal fikr va urinishlar hamda alkogol va giyohvandlik suiiste'mol ehtimolini nihoyatda kuchaytiradi.

Xususan, 3-5 yoshdan boshlab jismoniy zo‘ravonlikka duchor etilgan bolalarda (o‘smir yoshidagi bolalarga qaraganda) depressiya rivojlanishi xavfi 77% ga oshishi, 5 yoshgacha davrida jinsiy zo‘ravonlik qurboni bo‘lgan bolalarda esa suitsidal urinishlar xavfi 150% ga oshishi isbotlangan.

Bolalikdagi zo‘ravonlik shaxsning butun hayoti davomida o‘z asoratini ko‘rsatadi. Bolaga shafqatsiz munosabatda bo‘lish 2 shaklda - harakat va harakatsizlikda (acts of commission and acts of omission ) aks etadi. Bolaga faol zo‘ravonlik (child abuse) - emotsional; jismoniy; jinsiy bo‘ladi.

Nofaol zo‘ravonlik esa bolaga kerakli parvarishni qilmaslik va uning manfaatlariga zid ravishda uni qarovsiz qoldirishda - emotsional e’tiborsizlik va jismoniy e’tiborsizlikda ko‘rinadi.

Oiladagi zo‘ravonlikning bola sog‘lig‘iga salbiy ta’siri nafaqat u shunday zo‘ravonlikning bevosita qurboni, balki uning guvohi bo‘lganida (masalan, ota tomonidan onaning kaltaklanishi guvohi) ham jiddiy ravishda oshadi.

(Manba: Semple D, Smyth R. Oxford Handbook of Psychiatry. Third Edition.
Oxford: Oxford University Press. 2013;1057)

Telegram|Facebook|Instagram

Bolalar ombudsmani kotibiyatiga kelib tushgan savollarga javob beramiz✔️

Hozirgi kunda voyaga yetmagan bolalar ota-onasi tomonidan kaltaklanayotganligining guvohiga aylanyapmiz. Shunday holatlarda ota-onalarning: "Mening farzandim, istaganimni qilishim mumkin", degan gaplarini eshitamiz. Ota-ona farzandini qilgan ishi uchun jazolashi yoki kaltaklashi mumkinmi❓

JAVOB:
Ota-onalar tomonidan farzandlariga nisbatan hech bir holatda zo‘ravonlik qilinishi yoki biror harakati uchun urish, kaltaklash ko‘rinishidagi jismoniy jazo qo‘llashi mumkin emas. Bolaning hayoti, sog‘lig‘i hamda sha’ni va qadr-qimmati qonun bilan himoyalangan.

❕Xususan, Ma’muriy javobgarlik to‘g‘risidagi Kodeksning 59 (2) moddasiga ko‘ra, bir ro‘zg‘or asosida birgalikda yashayotgan shaxsga (masalan, o‘z farzandiga) nisbatan sodir etilgan ta’lim olish, sog‘liqni saqlash yoki mehnatga oid huquqni amalga oshirishga to‘sqinlik qilish, xuddi shuningdek unga sog‘lig‘ining yomonlashuviga olib kelgan tarzda uning sha’ni va qadr-qimmatini tahqirlash, qo‘rqitish, yaqin qarindoshlaridan ajratib qo‘yish alomatlari mavjud bo‘lmasa, — bazaviy hisoblash miqdorining o‘n baravaridan yigirma baravarigacha miqdorda jarima solishga yoki o‘n sutkagacha muddatga ma’muriy qamoqqa olishga sabab bo‘ladi.

❕Jinoyat kodeksining 126 (1) moddasiga asosan, bir ro‘zg‘or asosida birgalikda yashayotgan shaxsga (masalan, o‘z farzandiga) sodir etilayotgan paytda hayot uchun xavfli bo‘lgan qasddan badanga og‘ir shikast yetkazish natijasida ko‘rish, so‘zlash, eshitish qobiliyatini yo‘qotishga yoxud biron a’zoning ishdan chiqishiga yoki uning funksiyalari tamoman yo‘qolishiga, ruhiy holatning buzilishiga yoki sog‘liqning boshqacha tarzda yomonlashuviga yoxud badanning tuzalmaydigan darajada xunuklashishiga sabab bo‘lsa, — besh yildan yetti yilgacha ozodlikdan mahrum qilish bilan jazolanadi.

Telegram|Facebook|Instagram

#bayram_muborak #Bolalar_ombudsmani

🇺🇿Oliy Majlisning Bola huquqlari bo‘yicha vakili (Bolalar ombudsmani) jamoasi O‘zbekiston Respublikasi Qurolli Kuchlari tashkil etilganining 32 yilligida yurtimizning mard va jasur o‘g‘lonlarini Vatan himoyachilari kuni bayrami bilan samimiy tabriklaydi.

Yurtimizning tinch va farovon hayotini ta’minlashdek muqaddas burchingizni ado etishda kuch-g‘ayrat, mas’uliyatli va sharafli faoliyatingizda esa ulkan zafarlar tilaymiz.

Xalqimizning yuksak ishonchi va hurmat-ehtiromi sizlarga hamisha yor bo‘lsin!

Telegram|Facebook|Instagram

📣Oliy Majlisning Bola huquqlari bo‘yicha vakili (Bolalar Ombudsmani) murojaatlarni qabul qilish kunlarini takroran e’lon qilamiz.

‼️Oliy Majlisning Bola huquqlari bo‘yicha vakili (Bolalar Ombudsmani) Kotibiyatiga esa haftaning Dushanba-Juma kunlari soat 10:00-12:00 va 15:00-17:00 ga qadar bola huquqlariga oid murojaatlaringizni qoldirishingiz mumkin.

📌 Bolalar ombudsmani qabuli:

haftaning Chorshanba kuni, soat 10:00-13:00 ga qadar

📍 Manzil: Toshkent shahar, Shayxontohur tumani, Islom Karimov ko‘chasi, 55-uy. Toshkent shahar hokimligi huzuridagi “Munisipal aktivlarni boshqarish markazi binosi.

📞 +998712597412
📨 bolalarvakili@gmail.com

Agar Siz bola huquqlarini buzilishiga guvoh bo‘lsangiz yoki xabar topsangiz, bu haqida zudlik bilan Bolalar ombudsmani yoki tegishli huquqni muhofaza qiluvchi organlariga murojaat qiling!

👫 Unutmang, har bir bola davlat va qonun himoyasida!

Telegram|Facebook|Instagram