📣 Bolalar ombudsmani bola manfaatlariga oid murojaatlar yuzasidan navbatdagi shaxsiy qabulini o‘tkazdi.

✅Bugungi qabul davomida:

1️⃣ egizak farzandlarining birida nevrologik kasallik borligi sababli onada moddiy ko‘makka ehtiyoj yuqori ekanligi, bolalarning otasi aliment to‘lamayotganligi hamda qizlarning uy-joyga egalik qilish huquqi buzilayotganligi yuzasidan;

2️⃣ o‘gay ota tomonidan bola maishiy zo‘ravonlikka uchrayotganligi, sud qarorisiz bola familiyasi o‘gay otasi tomonidan noqonuniy tarzda o‘zgartirilganligi yuzasidan;

3️⃣ bolalar orasida qizamiq oqibatida kelib chiqqan kam uchraydigan og‘ir kasallikdan bolalarning ahvoli yomonlashayotganligi uchun mutaxassislardan iborat maxsus ishchi guruh tuzilib, kasallik asoratlarini oldini olish bo‘yicha tezkor choralar zarurligi masalasiga oid;

4️⃣ yaqin qarindoshi go‘dakni ayolga topshirib ketganligi va u bolani tarbiya qilayotgani, hozirda ayol rasmiy vasiy etib tayinlanishida yuzaga kelayotgan muammolar yuzasidan;

5️⃣ 15 yoshli bolaga noto‘g‘ri tashhis qo‘yilishi natijasida qabul qilingan dorilar oqibatida bola hozirda nutqi yo‘qolganligi, ruhiyatida jiddiy buzilishi va xotirasi keskin yomonlashganligi, hozirda esa malakali shifokorlarni jalb qilib, bolani tezkor davolatish zarurligiga oid;

6️⃣ sud ajrimidan so‘ng bolaning otasi o‘z vaqtida aliment to‘lamayotganligi, sobiq turmush o‘rtog‘iga farzandini undan olib qo‘yishi bilan muntazam tahdid qilayotganligi sababli bola otasi bilan uchrashgan paytida psixolog yoki vasiylik organi vakili ishtirok etishi so‘roviga oid;

7️⃣ voyaga yetmagan qizga nisbatan turli uyatsiz-buzuq harakatlar qilgan o‘gay otaga nisbatan qonuniy chora ko‘rilishi, shuningdek, qizga psixologik yordam ko‘rsatishga oid va boshqa murojaatlar ko‘rib chiqildi.

Mazkur murojaatlarni Bolalar ombudsmani tegishli idoralarni jalb qilgan holda tizimli ravishda o‘rganishni boshladi❕

Telegram|Facebook|Instagram|X