ባንካችን የደንበኞች የዕውቅና እና የምስጋና ቀንን በደማቅ ዝግጅት አከበረ 

ባንካችን አቢሲንያ ትናንት ሰኔ 22 ቀን 2018 ዓ.ም የደንበኞች የዕውቅና እና የምስጋና ቀንን ምክንያት በማድረግ ረጅም ጊዜ አብረውት የሰሩ ደንበኞቹን እና አጋሮቹን በመሸለም እና ዕውቅና በመስጠት በሸራተን አዲስ በደማቅ ዝግጅት አከበረ። 

በፕሮግራሙ ላይ የመክፈቻ ንግግር ያደረጉት የባንካችን ዋና ሥራ አስፈጻሚ አቶ በቃሉ ዘለቀ “የዝግጅቱ ዓላማ ባንካችን ከደንበኞቹ ጋር ያለውን ስትራቴጂካዊ አጋርነት ማጠናከር፣ ለአስተዋፅኦዋቸው ምስጋና ማቅረብና ለስኬታችን የላቀ ድርሻ ላበረከቱ ደንበኞችና ሌሎች ባለድርሻ አካላት ደግሞ ተገቢውን ተቋማዊ ዕውቅና መስጠት ነው” ሲሉ ተናግረዋል። 

ዋና ሥራ አስፈጻሚው አክለውም “እኛን ምርጫችሁ አድርጋችሁ ስለታመናችሁን፣ ይበልጥ እንድንሻሻልና እንድንዘምን ስላበረታታችሁን እና ሁልጊዜም ከጎናችን ስለቆማችሁ ለእናንተ ደንበኞቻችን ያለኝን የላቀ ምስጋና አቀርባለሁ” ብለዋል።  Read more...