‘‘ትውልድን በሥነ-ምግባር፣ተቋምን በአሰራር!’’ በሚል መሪ ቃል ለባንካችን ሠራተኞች ሲሰጥ የነበረው ስልጠና ተጠናቀቀ


ባንካችን ለሠራተኞቹ ሲሰጥ የቆየው ‘‘ትውልድን በሥነ-ምግባር፣ተቋምን በአሰራር!’’ በሚል መሪ ቃል ሙስና እና ብልሹ አሰራርን መከላከል ላይ ያተኮረ ስልጠና ተጠናቀቀ።

የባንካችን የሥነ-ምግባርና ፀረ-ሙስና መምሪያ በራሱ ከሚሰጣቸው ስልጠናዎች በተጨማሪ ከፌዴራል ሥነ-ምግባርና ፀረ-ሙስና ኮሚሽን እንዲሁም ከምሁራን ጋር በጋራ ስልጠና የሚሰጥ ሲሆን በያዝነው የ2018 የበጀት ዓመትም በ7 ዙር ለ700 ሰራተኞች ስልጠና ሰጥቷል።

ለሁለት ቀናት በኢንተር ለግዠሪ ሆቴል በተሰጠው ስልጠና ላይ የሙስና ምንነትና አይነቶች ፣የሙስና ወንጀሎች እና ልዩ ባህሪያት፣በባንክ ዘርፍ የሚስተዋሉ የሙስና ተጋላጭነት እና ብልሹ አሰራሮች እንዲሁም የሚያስከትሉት ጉዳት፣ የሙስና መከላከያ ስልቶች …ወዘተ የሚሉ ጉዳዮች ተነስተዋል።

ስልጠናውንም የኢትዮጵያ ፐብሊክ ሰርቪስ ዩኒቨርሲቲ መምህራን የሆኑት ዶ/ር ዮሐንስ ጴጥሮስ፣ዶ/ር ተስፋዬ ሂርጰሳ እና ዶ/ር አወቀ ሰጥተዋል። ስልጠናው በተግባር እና በውይይት ላይ የተመሠረተ ሲሆን፣ በመጨረሻም ሰልጣኞቹ ያገኙትን ዕውቀት የሚፈትሽ ምዘና ተካሂዷል።

በስልጠናው ማጠቃለያም የባንካችን የስልጠና ክፍል ስራ አስኪያጅ የሆኑት ወ/ሮ ማርታ ዘውዴ ሰልጣኞቹን ያገኛችሁትን ዕውቀትና ክህሎት በመጠቀም እራሳችሁን እንዲሁም ባንካችንን ከሙስናና ብልሹ አሰራር መጠበቅ አለባችሁ ሲሉ አሳስበዋል።

በስልጠናው ማጠናቀቂያ ላይ የኢንተር ለግዠሪ ሆቴል ለ7ኛው ዙር ሰልጣኞች ልዩ ባህላዊ የቡና መስተንግዶ አድርጓል ።

ይህ ስልጠና ባለፈው ዓመት ለባንካችን ከፍተኛ አመራሮችና በየደረጃው ላሉ የስራ ሃላፊዎች መሰጠቱ አይዘነጋም።

ምንጭ ፡ ሥነ-ምግባርና ፀረ ሙስና መምሪያ

እንኳን ደስ አላችሁ !

ካሁን ቀደም ቃል በገባነው መሰረት “ከአቢሲንያ ባንክ ጋር ይጀምሩ – ያድሱ እና ይደጉ” በተሰኘው የሽልማት መርሃ-ግብር ባለፉት 2 ዙሮች ዕድለኛ የነበሩ ደንበኞቻችንን እንደሚከተለው ይፋ አድርገናል።

ባንካችን ዕድለኞችን ”እንኳን ደስ አላችሁ ! ” እያለ ሌሎች ደንበኞቻችንም የባንካችንን የተለያዩ አገልግሎቶች በመጠቀም ዕድለኞች እንድትሆኑ ጥሪውን ያቀርባል !