ባንካችን ዘመናዊ የባንክ አገልግሎት በካፌ የሚሰጠውን ማዕከል በድምቀት አስመረቀ!
ባንካችን አቢሲንያ በዋናው መስሪያ ቤት በሚገኘውና ከጫካ ቡና ጋር በመተባበር የከፈተውን ዘመናዊ የባንክ አገልግሎት በካፌ የሚሰጠውን ማዕከል በትላንትናው ዕለት ጥር 22 ቀን 2017 ዓ.ም የባንካችን ዋና ስራ አስፈጻሚ አቶ በቃሉ ዘለቀ፣ የጫካ ቡና ባለቤት አቶ ብስራት በላይ እንዲሁም ሌሎች ጥሪ የተደረገላቸው እንግዶች በተገኙበት በታላቅ ድምቀት አስመርቋል፡፡
ይህ ዘመናዊ የባንክ አገልግሎት በካፌ በውስጡ በሚገኙ የኢንተርአክቲቨ ቴለር ማሽኖችና (ITM) የራስ አገዝ አገልግሎት መስጠት በሚችሉ ታብሌቶች አማካኝነት ከጥሬ ገንዘብና ከወረቀት ንክኪ ነጻ በሆነ መልኩ ደንበኞች ከቅርንጫፎች ማግኘት የሚችሉትን የባንክ አገልግሎት ማግኘት ይችላሉ፡፡
በተጨማሪም በማዕከሉ ውስጥ በሚሰጠው የካፌና የሬስቶራንት አገልግሎት ከጥሬ ገንዘብና ከወረቀት ንክኪ ነጻ (Cashless and Paperless) መልኩ በተለያዩ የዲጅታል አማራጮች የአገልግሎት ክፍያ የሚስተናገድ ይሆናል፡፡
ለተጨማሪ መረጃ ሊንኩን ይጠቀሙ፡-https://surl.li/ypzbwf

አቢሲንያ_ባንክ
የአቢሲንያ ባንክ የዳይሬክተሮች ቦርድ እና የስራ አመራር አባላት ባለፉት ስድስት ወራት በባንኩ በተሰሩ ዋና ዋና ክንውኖች ላይ ጥር 23 እና 24 ቀን 2017 ዓ.ም በሐይሌ ግራንድ ሆቴል በጋራ ግምገማ አካሂደዋል፡፡
በግምገማው ወቅት ከእቅድ አንፃር በዋና ዋና መለኪያዎች ረገድ የተሰሩ ስራዎች በዲስትሪክት ፅ/ቤቶች ተነስተው ሰፊ ውይይት የተደረገባቸው ሲሆን የባንካችን ዋና ስራ አስፈፃሚ አቶ በቃሉ ዘለቀ በአፈጻጸማቸው የላቀ ውጤት ላስመዘገቡ ዲስትሪክት ፅ/ቤቶች ምስጋና አቅርበዋል፡፡ ዝርዝር መረጃውን ለማግኘት ድረ_ገጻችንን ይጎብኙ፤ https://www.bankofabyssinia.com/hm/

#Bankofabyssinia #Ethiopia #የሁሉም_ምርጫ

ሥነ ምግባራዊ አመራርነት ለተቋማዊ ተልዕኮ ስኬት

ለባንካችን ከፍተኛ አመራሮች ‘‘ሥነ ምግባራዊ አመራርነት ለተቋማዊ ተልዕኮ ስኬት’’ በሚል ርዕስ ጥር 30 እና የካቲት 1/ 2017 ዓ.ም በሀይሌ ግራንድ ሆቴል ስልጠና ተሰጠ፡፡
በስልጠናው የተገኙት የባንካችን ዋና ሥራ አስፈጻሚ አቶ በቃሉ ዘለቀ ስልጠናውን አብረን በመውሰድ ወደ ተግባር መለወጥ ይገባል ብለዋል።
ይህ ‹‹ሥነ-ምግባራዊ አመራርነት ለተቋማዊ ተልዕኮ ስኬት!›› በሚል ርዕስ ለሁለት ቀናት በተሰጠው ስልጠና የሙስና ምንነት ፣የሙስና ወንጀል ልዩ ባህሪያት፣በባንክ ዘርፍ የሚሥተዋሉ ሙስናና ብልሹ አሰራሮች እንዲሁም የሙስና መከላከያ ስልቶች የሚሉት ጉዳዮችን ያካተተ ሲሆን ስልጠናውም መቶ የሚጠጉ የባንኩ ከፍተኛ ፣መካከለኛ እንዲሁም ዝቅተኛ አመራሮች ተሳትፈውበታል፡፡ከስልጠናው ተሳታፊዎች የተለያዩ ጥያቄዎች የተነሱ ሲሆን ለተነሱት ጥያቄዎች ከአሰልጣኙ እንዲሁም ከቤቱ ምላሽ ተሰጥቶባቸዋል፡፡ በስልጠናው ማጠቃለያም ሰልጣኞች ለሁለት ቀናት ያገኙትን ዕውቀት የሚፈትሽ ምዘና ተከናውኗል፡፡
ስልጠናው ማጠቃለያም የባንካችን የሰው ሃብት ዋና መኮንን የሆኑት አቶ ሰይፉ ቦጋለ ለሰልጣኞች ባስተላለፉት መልዕክት ስልጠናው የሙስና እና ብልሹ አሰራር ክፍተቶችን የጠቆመ በመሆኑ አመራሩ ወደ ተግባር መቀየር አለበት ብለዋል፡፡
ዝርዝር መረጃውን ለማግኘት ድረ_ገጻችንን ይጎብኙ፤ https://www.bankofabyssinia.com/cr/

#Bankofabyssinia #Ethiopia #የሁሉም_ምርጫ