ባንካችን አቢሲንያ በአሰላ ከተማ የቨርችዋል ባንኪንግ ማዕከል አስመረቀ::

በሀገራችን ከሚገኙ ባንኮች በቴክኖሎጂ የታገዙ የባንክ አገልግሎቶችን በማስፋፋት ቀዳሚ የሆነው ባንካችን በአሰላ ከተማ አይሻ ጊጊ ህንፃ ላይ የቨርችዋል ባንኪንግ ማዕከል አስመርቆ ሥራ አስጀምሯል።
በምረቃ ፕሮግራሙ ላይ የአሰላ ከተማ ከንቲባን ጨምሮ አባገዳዎች ፣ ሀደ ስንቄዎች ፣ የዲስትሪክት የስራ ሃላፊዎች እና የባንካችን ሠራተኞች የተገኙ ሲሆን ማዕከሉ በአካባቢው ያለውን ማኅበረሰብ ከግምት በማስገባት 24/7 የባንከ አገልግሎት የሚሠጥ ማዕከል በመገንባት ተደራሽነቱንም በማስፋፋት በአካባቢው ለሚንቀሳቀሰው ማኅበረሠብ የተሻለ እና የተመረጠ የባንክ አገልግሎት በመስጠት ላይ ይገኛል ።

በዚህም መሰረት ሀሙስ ጥር 9 ቀን 2016 ዓ.ም. በአሰላ ከተማ የገነባውን ማዕከል አስመርቆ በይፋ አገልግሎት አስጀምሯል፡፡ ባንካችን በተለያዩ የሀገራችን ከተሞች መሰል የቨርችዋል ባንኪንግ አገልግሎት በማስፋፋት ላይ ይገኛል፡፡

ባንካችን አቢሲንያ የግማሽ ዓመት የሥራ አፈፃፀም ጉባዔውን በማካሄድ ላይ ይገኛል።

ጥር 23 ቀን 2016 ዓ.ም የ2023/24 በጀት የግማሽ ዓመት የሥራ አፈፃፀም በአዲስ አበባ ስካይ ላይት ሆቴል መካሄድ የጀመረው ጉባዔ የባንካችን የበላይ አመራሮች፣ የዲስትሪክት ኃላፊዎች እና የተለያዩ የሥራ ክፍል ሥራ አስኪያጆች የተሳተፉ ሲሆን፣ በጉባዔው መጀመሪያ ላይ የዲስትሪክቶች የግማሽ ዓመት የሥራ አፈፃፀም ሪፖርት ቀርቦ የዲስትሪክት ኃላፊዎች ከጉባኤው ለተነሱ ጥያቄዎች ማብራሪያ ሰጥተዋል።

ጉባኤው ጥር 24 /2016 ለሁለተኛ ቀን የቀጠለ ሲሆን አጠቃላይ የባንካችንን የሥራ አፈፃፀም ምዘና፣ እንዲሁም ለቀጣይ ግማሽ ዓመት አቅጣጫዎችን በማስቀመጥ የሚጠናቀቅ ይሆናል።

ባንካችን አቢሲንያ በሀረር ከተማ የመጀመሪያ የሆነውን የቨርቹዋል ባንኪንግ ማዕከል አስመረቀ!!
መስከረም 2013 ዓ/ም ባንካችን አቢሲንያ ቨርቹዋል የባንክ ማዕከል አስመርቆ ያስጀመረው ፈር ቀዳጅ ቴክኖሎጂ እነሆ ቁጥሩን ወደ 30 ከፍ በማድረግ ለሀገራችን ኢትዮጵያም ሆነ ለባንክ ኢንዱስትሪው የመጀመሪያ የሆነውን ቴክኖሎጂ ከማስፋፋት እና ለደምበኞቹ ተደራሽ ከማድረግ አኳያ ግስጋሴውን ቀጥሏል፡፡
ባሳለፍነው ቅዳሜ የካቲት 09/2016 ዓ.ም በሀገራችን በሚገኙ ዋና ዋና የክልል ከተሞችና እንዲሁም የንግድ እንቅስቃሴውን ማሳለጥና ማዘመን ይቻል ዘንድ እነሆ በሀረር ከተማ ቦቴ አካባቢ በቁጥር 30ኛ የሆነውን የቨርቹዋል ማዕከላችን በይፋ ያስመረቅን ሲሆን በእለቱም የሀረር ከተማ መዘጋጃ ቤት ምክትል ስራ አስኪያጅ አቶ ኤልያስ የኑስ እንዲሁም የስራ ባልደረቦቻቸው በመገኘት የቨርቹዋል ማዕከሉን መርቀው ከፍተዋል፡፡
አቶ ኤልያስ የኑስ በእለቱ ባስተላለፉት መልዕክት የባንኮች መሰል ቴክኖሎጂ መስፋፋት ለሀገር ኢኮኖሚ ከሚያርገው አስተዋፅኦ በዘለለ ከተሞች የሚያርጉትን የንግድ ልውውጥ ዘመኑ የደረሰበትን ቴክኖሎጂ የዋጀ መሆኑ በመግለጽ የሀረር ከተማንም የንግድ እና የቱሪዝም ማዕከልን ለማስቀጠል የባንኮች ሚና ከፍተኛ መሆኑን የገለፁት አቶ ኤልያስ አቢሲንያ ባንክም ይህን በመገንዘብ በቴክኖሎጂ ላይ እያደረገ ያለው ፈር ቀዳጅ ሚና እና ባንኩ ለቴክኖሎጂ እየሰጠ ያለውን ትኩረት አድንቀዋል፡፡ በማዕከሉ ምርቃት እለት በባንካችን የድሬደዋ ዲስትሪክት ዳይሬክተር፤ የዲስትሪክቱ የስራ መሪዎች እና ጥሪ የተደረገላቸው የሀረር ከተማ መዘጋጃ ቤት የስራ ሃላፊዎች፤ የተከበሩ ውድ ደንበኞቻን የተገኙ ሲሆን ባንካችንም በቅርቡ ተጨማሪ የቨርቹዋል ማዕከላትን ስራ ለማስጀመር ዝግጅቱን ጨርሶ ወደ ደንበኞቹ እንደሚያደርስ ለማሳወቅ እንወዳለን፡፡