➖بالنسبة لاسئلة المقارنات ،  جاوبهم على شكل جداول مو شرح ، تمام؟ واكتب شكو شي تعرفه عنهم + التعاريف من يكولك عرف ف اكتب شكو شي تعرفه عن التعريف وأهم شي بالتعريف هو الموقع والوظيفة إذا موجود .

➖الإجوبة مالتك مو شرط تكون الا نصا 100% يعني اذا مثلا نسيت الجواب نصا ف تكدر تعبر بطريقتك بس تكون صح يعني ، الفكرة أنه مو الا نصًا بس اذا تذكر الجواب نصا احسن بس اذا نسيته عادي تعبر حسب فهمك ولا تعوف شي فارغ .

➖من تخلص اجوبتك راجعهم + تأكد أنك تارك اذا اكو ترك تمام ؟ ابد لا تستعجل .

⭐️#مراجعة_الرياضيات↗️

➖أن شاء الله حنطيكم كم نصيحة لمراجعة مادة الرياضيات ف اللي يريد يستفيد يطبقهم :

🟠تثبت على مصادرك وما تغيرهم ابد ، كتاب ؟ ملزمة ؟ دفتر ؟ جيب المصدر وأثبت عليه.

➖أول شي تجي تسويه من تقرا أنك تقرا قوانين الموضوع وملاحظاته ، ثم تجي تباشر بالتطبيق ، تبدي #بالامثلة ثم #تمارين الموضوع ثم وزارياته شي بعد شي ، تكملهم يلا تعبر للموضوع اللي بعده وهكذا .

🟠 من تجي تقرا ، عندك الاسئلة انواع :

➖اسئلة تطبيق مباشر مبيهم فكرة أو لوفة :- هيج نوع من الاسئلة فقط تحل مثال مثالين الباقي اطلع عليهم وأعبر لأن تطبيهم مباشر مجرد تغيير أرقام .

➖اسئلة بيهم لوفة وافكار :- هيج نوع من الاسئلة كلش ركز عليهم وحلهم بيدك ورقة وقلم لأن بيهم لوفة او فكرة يحبونهم بالوزاري .

#ملاحظات_مهمة

🟠تحل بيدك ورقة وقلم خصوصاً الأسئلة اللي بيهم فكرة أو لوفة ، ترا الرياضيات ما تندرس شفهي ، وماتكدر تعرف نقاط الخلل عندك بدون ما تحل بيدك خوش ؟

➖شگد تكدر حل وزاريات شگد ماتكدر حل وزاريات تمام ؟ وركزلي على وزاريات من سنة 2015 إلى2021 بكل ادوارهم لأن كلش مهمين .

➖اسئلة التمارين مهمة هم ركز عليهم .

🟠ركزلي على الاسئلة اللي بيهم فكرة وتحلهم بيدك ، سبق ونبهتكم على هذا الموضوع من ايام المراجعة وكلتلكم شكو سؤال بي فكرة اشر عليه حتى بالامتحان الوزاري ما تتاخر ، اما اللي تطبيقهم سهل فحل شي بسيط عنهم والبقية اطلع عليهم .

بلاند للتعليم🐦‍⬛️| كروب بلاند 🐦‍⬛️

⭐️نسخ الأسئلة الوزارية للرياضيات ↗️
➖بدون حــل .

🟠للصف السادس #الإعدادي .

🟠من عام 2011 إلى الدور الثالث لعام
      2024 دخل و خارج القطر .

بلاند للتعليم🐦‍⬛️| كروب بلاند 🐦‍⬛️

⭐️#خطك مو مرتب؟↗️

إذا طالب وخطك مو كلش مرتب لا تخاف مو يعني ما تكدر تحسن شكله خصوصًا بالامتحان .

➖اكتب بهدوء ولا تستعجل لأن السرعة أكثر شي تخرب الخط .

➖خلي بين الكلمات مسافات واضحة ولا تخلي الكلمات تلزگ سوة .

➖حاول تخلي حجم الحروف متقارب من بداية الجواب لنهايته .

➖لا تضغط بالقلم بقوة خلي إيدك مرتاحة حتى تكون الكتابة أسلس .

➖إذا عندك وقت قبل الامتحان تدرب على كتابة كم سطر ببطء وحاول تثبت نفس شكل الحروف .

➖بالدفتر خلي إجاباتك مرتبة وكل سؤال بمكان واضح ولا تخلي الكتابة متداخلة .

➖والأهم: الخط مو مسابقة جمال المطلوب يكون واضح ومقروء حتى المصحح يگدر يفهم إجابتك بسهولة .

إذا خطك مو حلو ركز على الوضوح والترتيب مو لازم تصير خطاط بس خليه ينقري بسهولة . 🤍

بلاند للتعليم🐦‍⬛️| كروب بلاند 🐦‍⬛️

⭐️#تعرفون شي طلاب↗️2026

باقي كم يوم وتنتهي رحلة السادس .
رحلة ما جانت سهلة أبداً بيها تعب سهر خوف ضغط ظروف مشاكل لحظات حسيتو بيها ما راح تكدرون ومع هذا كملتو رغم كلشي .

بعد أيام كلشي راح يصير ذكرى …
الدفاتر المحاضرات المعاهد اليوتيوب القلق الانتظار وحتى الأيام اللي تمنيتوا بيها الوقت يركض .

راح تنتهي الرحلة …
ويبقى الشي الوحيد اللي راح تحصدوه من كل هذا التعب : نتيجتكم . 🤍

بالنهاية، الناس ما راح تعرف شكد تعبت
ولا شكد سهرت ولا شنو مريت بيه حتى توصل لهنا راح يشوفون النتيجة فقط .

فخلي أخير أيامك هي الأيام اللي تثبت بيها لنفسك كل هالتعب ما راح يروح هدر .

كمل لأن النهاية صارت أقرب مما تتخيل
وإن شاء الله حصادك يكون أجمل من كل التعب اللي مريت بيه . 🤍

بلاند للتعليم🐦‍⬛️| كروب بلاند 🐦‍⬛️

طلابنا اللي راح تعيدون ويا دفعة 2027 🤍

أعرف هسه يمكن بداخلكم ألف شعور ويمكن تحسون سنة كاملة راحت من إيدكم بس صدگوني هاي مو النهاية .

يمكن غيركم راح يتخرج قبلكم ويمكن الطريق صار أطول بس هذا ما يعني إن حلمكم ابتعد .

من اليوم لا تعتبرون نفسكم متأخرين اعتبرو نفسكم أكثر خبرة وأكثر معرفة وأقوى من السنة اللي راحت .

وإحنا وياكم خطوة بخطوة من أول يوم الأخير يوم راح ندرس نراجع نتعب نضحك ونتجاوز كلشي سوه .

دفعة 2027؟
لا… أنتم دفعة 2026 اللي قررت ما تستسلم . 🥰

بلاند للتعليم🐦‍⬛️| كروب بلاند 🐦‍⬛️

⭐️#تـــنـــــويـــه↗️

راح تشوفون عشرات ومئات القنوات تنشر صور وأسئلة وتدعي أنها تسريبات للامتحان فلا تنخدعون .

نوضح لكم : لا تعتمدون على أي سؤال أو صورة تنتشر قبل الامتحان لأن هواي من هالمحتوى يكون مفبرك أو معدل بالذكاء الاصطناعي والبعض يستغل خوفكم حتى يضحك عليكم .

لا تخلون كم صورة مجهولة تشتت تعب سنة كاملة اعتمدو على دراستكم وثقتكم بنفسكم وتوكلو على الله .

الطريق الحلال يمكن يكون أصعب بس نهايته راحة وفخر وإن شاء الله تعبكم اليوم يتحول إلى فرحة جبيرة باچر . 🤍

بالتوفيق لكل طالب تعب وسهر واجتهد …
النجاح الحقيقي ما يحتاج تسريب .

بلاند للتعليم🐦‍⬛️| كروب بلاند 🐦‍⬛️

➖طلاب لا تثقون بأي قناة تطلعلكم وتكلكم الأسئلة بـ50 أو بـ100 إذا جانت الأسئلة فعلًا مضمونة ليش يبيعوها أصلاً؟ يريدون يستغلون خوفكم وقلقكم حتى ياخذون فلوسكم هسة الحرامية كثرانين .

➖لا تدفعون ولا تنجرون وراهم خلي تعبكم ودراستكم هي اللي تجيبلكم الدرجة واللي يريد ينجح ما يحتاج يشتري مستقبله من قناة مجهولة .

بلاند للتعليم🐦‍⬛️| كروب بلاند 🐦‍⬛️

اللي صار اليوم مو موضوع أسئلة صعبة أو سهلة الموضوع أكبر من هيچ

إذا فعلاً صار سحب للأسئلة بعد بدء الامتحان وتبديل نسخ وتأخير بالتوزيع واختلاف بالأسئلة بين المراكز فهنا لازم تكون أكو إجابة واضحة ومسؤولة من الجهات المعنية

الطالب اللي سهر وتعب ودرس ودخل للامتحان حتى يثبت نفسه مو ذنبه إذا صار ارتباك أو تغيير بالأسئلة داخل القاعة

والأهم: لا تخلون الطالب يتحمل أخطاء المنظومة .

نريد امتحان واحد نسخة واضحة وقت عادل وتصحيح عادل وبس.

أما موضوع التسريبات فإذا جانت جهات فعلاً تسرب أو تتاجر بالأسئلة فالمفروض تكون المحاسبة على مصدر التسريب مو الطالب اللي دخل يمتحن بشرف

طلابنا يستحقون العدالة وحق كل طالب لازم ينحفظ .

حسبي الله ونعم الوكيل بكل شخص يعبث بمستقبل طالب تعب سنة كاملة .

بلاند للتعليم🐦‍⬛️| كروب بلاند 🐦‍⬛️

باقي يوم واحد 🤩

يلا طلابنا الأبطال شدو حيلكم ما بقى غير يوم واحد وتسدون هالصفحة كلها .

هذا مو وقت كسل ولا استسلام هذا وقت آخر دفعة وآخر تركيز ساعة تقراها هسه ممكن هي اللي ترفع معدلك وتفرح أهلك.

لا تلتفت للتعب ولا تفكر شكد بقي فكر شكد أنجزت وباقي خطوة وحدة وتوصل اتخيل باجر أخير يوم وينتهي كلشي .

توكلوا على الله وثقو بتعبكم وإن شاء الله باچر تفرحون بانتهاء الامتحانات عوف التسخيت كمل دراسة وشد حيلك أخير يوم .

شد حيلك اليوم حتى ترتاح باچر . 🤍

بلاند للتعليم🐦‍⬛️| كروب بلاند 🐦‍⬛️

➖﴿ وَتَوَكَّلْ عَلَى ٱللَّهِ وَكَفَىٰ بِٱللَّهِ وَكِيلًا ﴾

أنت تسعى 💕
والله يتكفّل بالباقي .

بلاند للتعليم🐦‍⬛️| كروب بلاند 🐦‍⬛️

⭐️#وجان يخلص السادس↗️

اليوم من انتهى كلشي حسيت أكو كلام هواي بگلبي وأريد أوصله إلكم

أتمنى من كل گلبي ما تنسونا ولا تنسون الأيام اللي قضيناها وياكم لأن بالنسبة إلنا ما جانت مجرد سنة دراسية جانت ذكرى حلوة راح تبقى ببالنا

أتمنى نكون كدرنا نوكف وياكم ولو بشي بسيط ونكون خففنا عنكم بهالأيام الصعبة وأتمنى ما قصرنا وياكم بأي شي .

إذا بيوم من الأيام تحتاج كلمة معلومة نصيحة أو حتى بس أحد يحس بيكم أتمنى نكون كنا موجودين بالوقت الصح .

يمكن اليوم انتهى السادس وكل واحد راح يروح بطريقه بس أتمنى تبقى بلاند ذكرى حلوة من أجمل ذكريات هالمرحلة بحياتكم .

شكراً لكل طالب جان ويانا لكل شخص وثق بينا ولكل شخص خلانا جزء من رحلته.

ما نريد منكم شي بس لا تنسونا . 🤍

بلاند للتعليم🐦‍⬛️| كروب بلاند 🐦‍⬛️

مبارك لطلبة السادس الإعدادي انتهاء الامتحانات النهائية . 🥰

فهذا مو نهاية الطريق هذا أول خطوة للجامعة راح نكون وياكم خطوة بخطوة .

نعلمك كلشي يخص الجامعة ونشارك وياك كل جديد ومفيد وهواي شغلات حلوة ونحل شغلات معقدة .

تابع بلاند الجامعة :
🏘|- t.me/rrrb_r
ㅤㅤㅤㅤ