Biology Essay ලියන්න තාමත් හරියටම දන්නෙ නැති ලමයිට..

මුලින්ම ප්‍රශ්නෙ හොදින් කියවන්න...ඒක ගොඩක් වැදගත් ලියන්න ඕන කරුණු  මොනවද කියන එක තේරුම් ගන්න.Bio වලදි නිවැරදි රූප අදින එකත් වැදගත්, එකෙන් ලකුණු ගන්න ලේසියි.සමහර ප්‍රශ්නවල විශෙෂයෙන්ම කියනව රූප අදින්න.ඊට පස්සේ රූපෙත් එක්ක අදාල කරුණු පැහැදිලි කරන්න.පාඩම් කරද්දි ත් රූප අදින ගමන් පාඩම් කරාම මේක ලේසි යි.. පින්තූර අදිද්දි මතක ඇතුව කොටස් නම් කරන්න.

bio වලදි essay එකට අදාළ point marking scheme එකෙ පිළිවෙලටම ඕන නෑ. තමන් මතක තියා ගනිපු, ලේසි විදියකට ලියන්න... කොහෙ හරි අදාළ point තියෙනවා නම් ලකුණු දෙනවා ලියනකොට සාමාන්‍ය රචනාවක් ලියන විදිහටම ඡේද වෙන් කරල ලියන්න ඕන. points විදිහට ලියන්නෙ නෑ. ලියන කරුණු සම්පත් පොතෙ තියෙන පිළිවෙළටම නොතිබුනාට ප්‍රශ්නයක් නෑ. හැබැයි රචනාව ලියද්දි කරුණු ගැලපෙන විදිහට ලියන්න.


හිතන්න අපි ලියන්නෙ ප්‍රෝටීන ගැන කියලා.. එතකොට ඡේද වෙන් කරනකොට, ඇමයිනෝ අම්ලවල ව්‍යුහය ගැන වෙනම ඡේදයක්, පෙප්ටයිඩ බන්ධන ගැන වෙනම ඡේදයක්, ප්‍රෝටීනවල ව්‍යුහ මට්ටම්වලට වෙන වෙනම ඡේද , ප්‍රෝටීන දුස්ස්වාභාවීකරනය ගැන වෙනම, අන්තිමට ප්‍රෝටීනවල කෘත්‍ය ගැන වෙනම ඡේදයක් විදිහට ගැළැපෙන විදිහකට වෙන් කරල ලියන්න.

මූලද්‍රව්‍යය ලියද්දි සංකේත ලියන්න එපා නමම ලියන්න ඕන.

marking scheme එකේ තියෙන්නේ සම්පත් පොතේ තියෙන ඒවමනෙ.එතකොට සම්පත් පොතේ තියෙන කරුනුම තමා ලියන්න ඕනෙ. සමහර වචන තියෙනව ඒව සම්පත් පොතේ විදිහටම තියෙන්න ඕනෙ. ඒවට තමා ලකුනු දෙන්නෙ. ඒව හරියටම මොනාද කියල කියන්න බෑ. එතකොට වාක්‍යවල උක්ත ආඛ්‍යාන එහෙම සම්පත් පොතේ විදිහටම ඕනෙ නෑ. ලියන පිළිවෙලත් සම්පොත් පොතේ වගේම වෙන්න ඕනත් නෑ.
ඔය සමහර නිර්වචන, පද හදුන්වන ඒවයෙ එහෙම සම්පත් පොතේ තියෙනව වගේම වෙන්න ඕනෙ. ඒවයෙත් උක්ත අඛ්‍යාත ගලපන එක නම් ප්‍රශ්නයක් නෑ. ඔයාට මතක විදිහට කරන්න.

පොදුවේ අද essay එකේ දැකපු වැරදි ටිකක්...

▪️ සමහරු ඡේද වෙන් කරන්නෙ නෑ. මේ papers බලන්නෙ වැඩිහරියක් වයසක teachersලා. එක ගොඩේ ලිව්වම සමහර වෙලාවට points miss වෙන්න පුලුවන් එයාලට. ඒක අපිටමයි පාඩු. ඒ නිසා රූල් 6-7 ලියල ඡේද වෙන්කරන්න.

▪️ සමහරු topic එක තේරුම් අරන් නෑ...එකෙ ඇහුවෙ ජලයේ රසායනික හා භෞතික ගුණ ගැන මිසක් භෞතික ගුණ ගැන විතරක් නෙමෙයි. ඒ නිසා සමහර අයගෙ points අඩුයි.

▪️ ජලය ජීවීන්ට වැදගත්වන හේතු 2 ලියද්දි points වගේ 1..2.. දාල ලිව්වම ලකුණු හම්බවෙන්නෙ නෑ..ඒකත් ඡේද විදිහටම ලියන්න ඕන.

▪️ H බන්ධන කියල ලියන්න බෑ. හයිඩ්‍රජන් බන්ධන කියල ලියන්නම ඕන. නැත්තම් ඔයා ඒක කලින්ම හඳුන්වල දෙන්න ඕන.

▪️අකුරු...පොඩ්ඩක් පැහැදිලිව ලියන්න. ඒ කිව්වේ ශිෂ්‍යත්වෙ වගේ බෝල අකුරු ඕනෙ නෑ. clear එකට තිබ්බ නම් ඇති.

Essay No.02

(a) කාබෝහයිඩ්‍රේටවල මූලික රසායනික ස්වභාවය හා විවිධත්වය විස්තර කරන්න.
(b) කාබෝහයිඩ්‍රේටවල ප්‍රධාන කෘත්‍ය මොනාවාදැයි උදාහරණ සහිතව දක්වන්න.

(Time target - 45 min)
ටිකක් දිග essay එකක්. මෙච්චර දිග ඒවා exam එකට අහන්නෙ නෑ. ඒකයි 45minන් ලියන්න කිව්වේ.

කැමති අය ලියල 4to එකක් දාන්න.

#bio_essay