🔥60 | Валодзіна А. | Вальдэнсы - галоўныя ворагі каталіцкай царквы🔥

У гасцях падкасту "Так склалася гістарычна" кандыдат гістарычных навук, даследчыца сярэднявечных ерасяў, экскурсавод па Беларусі Аляксандра Валодзіна!
Сення мы гаворым пра ерась вальдэнсаў, якая пэўна адзіная сярод сярэднявечных ерасяў, працягвае існаваць і сёння!
Аб чым гаворка ў падкасце:
⚡️ Што такое ерась і як стаць ерэтыком?
⚡️ Хто такі Вальдо і што ён прапаведваў?
⚡️ І пры чым тут усім катары???

У выдавецтве ЕГУ выйшаў зборнік “Вялікае Княства Літоўскае: сучасныя беларускія даследванні” пад рэдакцыяй Аляксандра Грушы. Зборнік ужо даступны анлайн.

COST Actions запрашае даследчыкаў стварыць сеткавыя праекты і далучыцца да асноўнай еўрапейская праграмы фінансавання навукі Horizon Europe з агульным бюджэтам амаль 100 млд. еўра.

Цяперашні конкурс адкрыты да 23 кастрычніка.

Сеткавыя сувязі карысныя для навукі. Гэта дапамагае трымаць кантакты і павышаць эфектыўнасць. Таму COST (European Cooperation in Science & Technology) прапануе механізм фінансаванне сеткавых ініцыятыў.

Дзякуючы фінансаванню COST (сярэдні бюджэт 150 000 еўра на год) даследчыкі атрымаць магчымасць усталяваць і развіць сувязі з калегамі па ўсёй Еўропе.

Больш падрабязна па спасылцы

Археолагі знайшлі падчас раскопак у Пампеях цудоўныя творы мастацтва.

Па словах археолагаў гэтыя фрэскі - адны з лепшых з усіх, калі-небудзь знойдзеных у гэтым месцы.

На высокіх сценах банкетнай залы намаляваны персанажы грэчаскіх міфаў, у тым ліку і Алена Выдатная (Алена Траянская). Амаль цалкам захаваная мазаічная падлога пакоя выкладзены з больш за мільён белых кавалачкаў

Горад быў пахаваны пад вулканічным попелам пры вывяржэнні Везувія ў 79 годзе нашай эры. Прыкладна трэць старажытнага горада яшчэ трэба ачысціць ад вулканічнага попелу. Цяперашнія раскопкі - самыя маштабныя за апошнія дзесяцігоддзі. У чарговы раз яны пацвярджаюць статус Пампей, як галоўнай крыніцы ведаў аб культуры Рымскай імперыі і жыцці рымлян. Дырэктар Археалагічнага парка Пампеі (аб'ект Сусветнай спадчыны ЮНЕСКА) даў BBC эксклюзіўную магчымасць пазнаёміцца з «цёмным пакоем».

Падрабязней тут

Прэзентацыя вынікаў даследавання: помнік Агова 1 не маладзей за 400 тыс. год.

12 красавіка 2024 г. у Інстытуце гісторыі НАН Беларусі прайшоў круглы стол «Раннепалеалітычны помнік Агова 1 — 300? 400? тыс. г.т.: папярэднія вынікі даследаванняў і перспектывы»

Акрамя іншага, былі прадстаўлены папярэднія вынікі аналізу знойдзенага матэрыялу (стратыграфічны, грануламетрычны аналіз, OSL-датаванне), які дазваляюць вызначыць, што знаходкі не маладзейшыя за 400 тыс. год.

Агова самае старажытнае чалавечае паселішча ў Беларусі. Раней меркавалася, што яго узрост прыблізна 250-300 тыс. года. Аналіз робіць час засялення Беларусі больш старажытным, чым было прынята лічыць раней.

Таксама адбылася прэзентацыя археалагічнага матэрыялу

Падрабязней тут

«Таямнічы Ядвігін Ш.: невядомыя фотаздымкі і факты з біяграфіі»

🔎Факталагічна спраўджаная біяграфія пісьменніка Ядвігіна Ш. (Антона Лявіцкага, 1869-1922) пісалася не адразу, яна і сёння захоўвае шмат таямніц.

🔎Асобны даследчыцкі напрамак – пошук, ідэнтыфікацыя выяў аднаго з пачынальнікаў беларускай прозы. Сёлетні юбілей творцы падштурхнуў да новага погляду на архіўныя зборы, стымуляваў распрацоку адметных сюжэтных ліній мінуўшчыны.

🔎Пра гэта і многае іншае распавядзе супрацоўнік Цэнтра даследаванняў старадрукаў і рукапісаў ЦНБ НАН Беларусі, к.ф.н. Мікалай Валянцінавіч Трус!

📍Дзе: ЦНБ НАН Беларусі, вул. Сурганава, 15, 6 паверх
📍Калі: 19 красавіка, 20.30 - 21.15

Інстытут “Палітычная cфера» прадстаўляе вашай увазе чарговую аналітычную паперу “Музеі Беларусі ў перыяд палітычнага крызісу 2019-2022 гг.”.

Мэта даследавання – прасачыць працэсы, якія адбываліся ў дзейнасці музеяў у Беларусі да і пасля палітычнага крызісу 2020 года. Асноўная ўвага нададзеная экспазіцыйнай дзейнасці, якая для музеяў з’яўляецца асноўнай. Зроблены агляд і аналіз уплыву палітычных падзей 2019-2022 гадоў на музейны сектар у Беларусі праз фіксацыю змен у тэматыцы і колькасці экспазіцый. Неабходнасць правядзення даследавання была абумоўлена важнасцю ролі музея як індыкатара, які адлюстроўвае канфлікты ў сферы спадчыны і гістарычнай памяці Беларусі, што актуалізаваліся пасля прэзідэнцкіх выбараў і з пачаткам ваенных дзеянняў ва Украіне.

Чытаць тэкст даследвання цалкам

Паўднёвая Карэя далучаецца да Horizon Europe

Паўднёвая Карэя стала першай азіяцкай краінай, якая далучылася да асноўнай праграмы даследаванняў і інавацый ЕС Horizon Europe. Нядаўна гэта таксама зрабілі Новая Зеландыя і Канада.

З 2025 года карэйскія даследчыкі атрымаюць магчымасць на роўных падавацца на найбольш важныя праграмы Horizon з агульным бюджэтам да €95.5 млрд.

Асноўная ідэя ў стварэнні глабальнай даследчай супольнасці “блізкіх па духу” краін. Мэта, якая атрымала яшчэ большую важнасць пасля агрэсіі Расіі супраць Украіны.

Перамовы былі праведзены ў максімальна сціслыя тэрміны і занялі ўсяго дзесяць месяцаў.

У адпаведнасці з пагадненнем Карэя мусіць зрабіць свой фінансавы ўнёсак у праграму, які будзе залежыць ад колькасці выйграных карэйскімі даследчыкамі грантаў.

На дадзены момант памер унёску не агалошваецца, але на наступныя тры гады Сеул плануе велізарныя інвестыцыі ў пабудову міжнародных даследчых сувязяў. У адпаведнасці з планам, які быў агучаны ў лістападзе 2023, урад Карэі плануе патраціць на гэтыя мэты 6-7% бюджэту, што прыблізна ў чатыры разы больш, чым зараз. Гэты каля €3.7 млрд.

Страх перад ізаляцыяй і Кітаем

У аснове гэтых праграм - занепакоенасць ізаляцыяй. У той час як Карэя ўсё яшчэ з’яўляецца лідарам у асобных сферах (напрыклад, паўправаднікі), маюцца прыкметы скарачэння замежнага супрацоўніцтва. У прыватнасці, сумесных публікацый і патэнтаў.

Акрамя гэта існуе нервознасць у выніку ўцечкі тэхналогій у Кітай. Па афіцыйнай інфармацыі паміж 2018-2022 гг. мела месца каля 100 такіх выпадкаў, 24 з іх тычыліся крытычных паўправадніковых тэхналогій. Ёсць прыклады перацягвання і нават подкупу карэйскіх даследчыкаў і арганізацый універсітэтамі і кампаніямі Кітая.

Такім чынам, Карэя абірае свой бок у глабальнай канкурэнцыі за тэхналагічнае дамінаванне, заключаючы пагадненні пра супрацоўніцтва не толькі з ЕС (квантавыя тэхналогіі, паўправаднікі, 5G, AI), але і асобнымі еўрапейскімі краінамі: Вялікабрытанія (digital cooperation), Данія (clean energy)

Наступныя крокі

Наступнай далучыцца да Horizon Europe можа Японія, але перамовы з ён прыпынены, бо японскі ўрад хоча большага кантролю за праграмай.

Таксама вядуцца кансультацыі з Сінгапурам. Тут развіццё кантактаў стрымлівае шэраг фактараў, у тым ліку праблемы з дэмакратыяй і правамі чалавека.

Падрабязней тут

Gentry, Nobility and Aristocracy: the Post-Feudal Perspectives

The conference will take place in Warsaw at the Faculty of Modern Languages at the University of Warsaw (ul. Dobra 55) on 25-27 September 2024 in a hybrid format with possible online participation. 

Арганізатары адмыслова запрашаюць беларускіх даследчыкаў.

На працягу доўгіх пасляваенных дзесяцігоддзяў у Мінску былі закрыты ўсе каталіцкія храмы. Таму адным з цэнтраў духоўнага жыцця для сталічных вернікаў вымушана стаў касцёл Унебаўзяцця Найсвяцейшай Панны Марыі ў Красным, недалёка ад Маладзечна, куды было зручна дабірацца чыгункай.
З 1944 года ў Красным служыў ксёндз Юзаф Марсангер – польскі езуіт, які апынуўся на тэрыторыі Беларусі ў рамках так званай Місіі Усход – яна праводзілася кіраўніцтвам Віленскай архідыяцэзіі падчас Другой сусветнай вайны з мэтай адраджэння касцёльнага жыцця на тэрыторыях, пацярпелых ад рэалізацыі савецкімі ўладамі палітыкі барацьбы з рэлігіяй.
Пасля вайны місія фактычна спынілася, але не для ксяндза Марсангера, які вырашыў застацца ў БССР і прысвяціць усё сваё жыццё захаванню веры на беларускай зямлі. Пра постаць гэтага святара распавядае госця Радыё Ватыкан, спадарыня Раіса Зянюк, кандыдат гістарычных навук, даследчыца дзейнасці каталіцкіх манаскіх ордэнаў і духавенства на тэрыторыі Беларусі ў XIX – XX стагоддзях.

❗З 22 ліпеня па 4 жніўня адбудзецца археалагічная экспедыцыя "Асавец"❗

Крывінскі тарфянік, Бешанковіцкі раен, Віцебская вобласць.
Узрост помніка ІІІ тыс. год да н.э. (так, гэтая знакамітая выява адтуль)

❤️‍🔥Кіраўнік экспедыцыі выбітны беларускі археолаг Максім Міхайлавіч Чарняўскі Maksim Charniauski

✅Падрабязней пра экспедыцыю на сайце asaviec.by

Запісацца валанцёрам можна праз форму на сайце альбо пішыце на пошту Максіму Міхайлавічу maxchar@gmail.com

Далучайцеся да экспедыцыі самі і з сябрамі ☺️

На сайце Нацыянальнага гістарычнага архіва Беларусі размешчана віртуальная выстава, прысвечаная 210-годдзю з дня нараджэння беларускага гісторыка, археолага, краязнаўцы, музеязнаўцы, аднаго з заснавальнікаў беларускай навуковай археалогіі Яўстаха Тышкевіча (1814–1873). На ёй прадстаўлены дакументы па гісторыі роду графаў Тышкевічаў, навуковай, культурнай і грамадска-палітычнай дзейнасці Яўстаха Тышкевіча.
Выстава пра гэтага выдатнага навукоўца падрыхтавана яшчэ адным бліскучым даследчыкам (і нашым сучаснікам) вядучым навуковым супрацоўнікам НГА Беларусі Уладзімірам Дзянісавым.

Музей Якуба Коласа запрашае на лекцыю пра жаночы строй!

- разбярэмся з базавымі рэчамі (што такое строй, як вызначаецца і г.д.);
- паглядзім на складовыя часткі жаночага адзення;
- даведаемся, як і што называецца;
- адсочым змены жаночага адзення ў часе і прасторы (уплыў гарадской моды ды суседніх народаў).

З жаночым традыцыйным адзеннем Беларусі вас пазнаёміць Аляксей Друпаў – гісторык, даследчык традыцыйнай беларускай культуры.

Вітаюцца пытанні да лектар!
Таму паразважайце, што б вы хацелі ўдакладніць ці на якую тэму падыскутаваць.

🕰 25 красавіка а 18:30
Мінск, вул. Акадэмічная, 5
🏛 Музей Якуба Коласа
💰Уваходны квіток - 6.50

Выйшла поўная бібліяграфія «Беларускага гістарычнага агляду» за 30 гадоў
У дадатковым сшытку 30-га тома – першая поўная бібліяграфія зместу ўсіх выпускаў часопіса, якая ўключае ўсе тэксты (апрача звестак пра новыя выданні, атрыманыя рэдакцыяй), апублікаваныя на яго старонках з 1994 па 2023 год. Выданне забяспечана алфавітным індэксам аўтараў. Спадзяемся, што наша бібліяграфія дапаможа гісторыкам і ўсім зацікаўленым арыентавацца ў той немалой частцы беларускай гістарыяграфіі, якая з’явілася на старонках БГА за трыццаць гадоў яго існавання.

CFP: Belarusian Visual Culture in the 21st Century
Abstract Submission Deadline: June 1, 2024
We are inviting essay submissions for an edited volume on contemporary visual culture of Belarus. The volume is projected to have 12-14 chapters (5000-6000 words each) on Belarusian visual culture divided in three parts: early 2000s, 2010s, and post-2020 visual culture. The volume is expected to have color illustrations and to feature interviews with contemporary artists, filmmakers, and cultural figures.
Submissions on all aspects of Belarusian visual culture are encouraged, including, but not limited to: art history; all aspects of visual arts and art spaces; photography; visual aspects of social media; television and media studies; theater and cinema studies; dance studies; street art and folk art; protest visual culture and visual art as testimony; independent and official art. We are particularly interested in submissions that examine Belarusian visual culture from the following conceptual perspectives: decolonization and postcolonial optics; political and protest art; national identity and belonging; diaspora and art in exile.
We hope to secure a contract this summer (tentatively with Routledge) after collecting abstracts by the deadline of June 1. The deadline for the finalized peer-reviewed chapter submissions is likely to be in spring 2025, with a publication in early 2026. If interested, please submit a short abstract for your essay (200-300 words) and CV via email on June 1, 2024 to: volha.isakava@cwu.edu and/or sasharazor@ucsb.edu
Do not hesitate to email us with any questions!
Sasha Razor (U.C. Santa Barbara) and Volha Isakava (Central Washington U.)

Прапануем вашай увазе відэазапіс лекцыі археолага Андрэя Вайцяховіча "Археалагічны комплекс на р. Менка: гісторыя даследвання і інтэрпрэтацыі", якая была прачытанай у Мінскай гарадской ратушы 18 красавіка 2024 года, на Дзень помнікаў і гістарычных мясцін.