Вось такая кніга выдадзена расійскім фондам "Гістарычная памяць". Аўтар - не проста святар, але і навуковы супрацоўнік Інстытута гісторыі НАН Беларусі. Насцярожвае, што сфера яго навуковых інтарэсаў - гэта расійская гістарычная публіцыстыка мяжы ХІХ-ХХ стагоддзяў, ёсць моцнае падазрэнне, што і гісторыя Берасцейскай уніі напісаная на тых жа матэрыялах.

Абвешчаны збор заявак на Прэмію імя Льва Сапегі. Дэдлайн - 1 лютага 2024 года. Падрабязней пра ўмовы конкурсу і фармуляр заяўкі.

Канферэнцыя ў Тарту па вывучэнню Усходняй Еўропы

EIGHTH ANNUAL TARTU CONFERENCE
ON EAST EUROPEAN AND EURASIAN STUDIES

Area Studies in Crisis?
In Search of New Approaches in East European and Eurasian Studies 20-21 June 2024, Tartu, Estonia

The Tartu Conference is a venue for academic discussion of the fundamental cultural, social, economic and political trends affecting all aspects of life in Eastern Europe and Eurasia. Organised by the Centre for Eurasian and Russian Studies (CEURUS) at the University of Tartu, this forum brings together scholars from across multiple disciplines, from the region and beyond.

Please see the Call for Papers here and submit your proposal by 20 January 2024.

СТЫПЕНДЫІ ВА ЎНІВЕРСІТЭЦЕ МІЧЫГАНА
The Weiser Center for Europe and Eurasia at the University of Michigan invites applications from faculty and artists at institutions of higher education in:

Albania, Armenia, Azerbaijan, Belarus, Bosnia and Herzegovina, Georgia, Kazakhstan, Kosovo, Kyrgyzstan, Moldova, Montenegro, North Macedonia, Serbia, Slovak Republic, Tajikistan, Turkmenistan, Ukraine, and Uzbekistan.
Applicants must:
• hold a teaching faculty position w/ terminal degree in their field;
• receive an invitation from a faculty mentor at the University of Michigan with whom research will be conducted; and
• have excellent oral and written English language skills (proficiency will be verified). The awards support short-term research visits of 2 to 3 months (September-November 2024 or February-April 2025) to the University of Michigan, Ann Arbor, and include round trip airfare, housing, health insurance, and a stipend.

Full list of required documents and the application form.

Абвешчана праграма грантаў для груп беларускіх даследчыкаў. Праекты могуць падавацца па любым дысцыплінам. У асобны лот вылучаны даследаванні Беларусі.

З-за розных еўрапейскіх бюракратычных абмежаванняў, працэдура афармлення дастаткова складаная, што трэба ўзяць пад увагу.

Працягласць 6-12 месяцаў

Deadline: 22 студзеня 2024

Абвешчаны набор на стыпендыяльную праграму польскага ўрада для маладых навукоўцаў для кандыдатаў з краін Усходняй Еўропы, Цэнтральнай Азіі і Каўказа.

Стыпендыі будуць прызначаны для навуковага знаходжання ў польскіх універсітэтах з верасня 2024 па чэрвень 2025 года.

Апошні тэрмін прыёму заявак - 1 сакавіка 2024 года. Падрабязней.

Паведамляе беларуска-шведскі гісторык Андрэй Катлярчук: Новая калектыўная манаграфія On the Digital Front-Line. Far-Right Memory Work in Baltic, Central, and East European Online ёсць вынікам буйнага навуковага праекта 2019-2023. 7 краінаў і 7 дужа цікавых актуальных даследаванняў па дыгітальнай гісторыі і альтэрнаціўнай палітыкі памяці.
Беларускіх гісторыкаў мусіць зацікаваць глава ”Узброіць будучыню. Анлайн-плакаты і контрнаратыў Другой сусветнай вайны ў асяродках беларускіх ультранацыяналістаў” (To Weaponize the Future: Digital Posters and the Counter-narrative of World War II in the Belarusian Far Right) - першая ў маей навуковай кар’еры даследаванне з выкарыстаннем метадалагічных напрацовак visual and digital history. Файны дызайн вокладкі прыдумаў дацкі мастак беларускага паходжання Dim Newman. Кніга будзе даступная анлайн толькі праз 2 гады. Набыць папяроваю версію можна будзе з канца студзеня 2024 г.

На 76-м годзе жыцця ад анкалогіі памёр доктар архітэктуры, тэарэтык і гісторык архітэктуры Валерый Францавіч Марозаў. Вядомы перш за ўсё сваімі грунтоўнымі працамі па архітэктуры класіцызму.

Вельмі пазітыўны дзядзька, увесь час усміхаўся і жартаваў. 💔

Цяпер кафедра гісторыі архітэктуры, якую ён больш за 20 гадоў узначальваў на архітэктурным факультэце БНТУ, відаць, знікне зусім.

#асобы

Навіна ад Яўгена Папакуля: У выдавецтве “Тэхналогія” ўжо можна замовіць чацвёрты, заключны (праўда-праўда), том з эдычнай серыі “Забытыя песні”. 240 старонак цікавостак! Кожны аматар суровай Поўначы знойдзе ў гэтай кнізе штосьці для сябе: там і рунічнасці, і знакавыя паэмы выбітных скальдаў з тлумачэннем усіх кенінгаў (а іх некалькі соцень!), і ўсе ісландскія казачныя песні з нечаканымі ды часам псіхадэлічнымі сюжэтамі, і познія містыфікацыі, і марошка на гэтым скандынаўскім торце – “Пасма пра Торвальда Вандроўніка” з дапаўненнямі з “Сагі пра хрост” і “Кнігі Пляскатай Выспы” з грунтоўным каментаром і гіпотэзай наконт месца пахавання Торвальда нашага Кодрансана (пры ўмове, што ён усё ж скончыў свой век менавіта ў Полацку). Наогул, гэты том атрымаўся самым беларускім, і не толькі дзякуючы Торвальду, але яшчэ і згадкам знаёмых нам геаграфічных аб’ектаў у творах скальдаў, а таксама шматлікім паралелям паміж ісландскімі казачнымі песнямі і беларускімі народнымі казкамі

Шаноўнае спадарства! Еўрапейскі гуманітарны ўніверсітэт запрашае вас 30 лістапада на чарговую публічную лекцыю з цыкла лекцый стыпендыятаў ЕГУ.

Лектар: кандыдат палітычных навук Андрэй Костыраў
Тэма: Стратэгічная камунікацыя краін Балта-Чарнаморскага рэгіёну як ключавы фактар новай сістэмы Еўрапейскай бяспекі

Лекцыя пачнецца ў 18.30 і будзе адбывацца ва аўдыторыі 303 корпуса ЕГУ (Savičiaus g. 17).
Таксама лекцыя будзе трансліравацца праз ZOOM.

Рэгістрацыя

Выйшла другая кніга серыі, прысвечанай ключавым тэмам, вобразам і канцэптам традыцыйнага светапогляду беларусаў, у якой гаворка ідзе пра ўяўленні аб шматмернай сакральнай сферы чалавечага досведу, Бога і боскага свету, адносінах паміж Богам і чалавекам, элементах веры і культу.

Традыцыйны светалад беларусаў. У 5 кн. Кн. 2. Сфера сакральнага. Народная тэалогія / Нац. акад. навук Беларусі, Ін-т філасофіі; уклад. і агул. рэд.: І. М. Дубянецкая, С. І. Санько; аўт. тэкстаў: Т. В. Валодзіна [і інш.]; маст. М. С. Храпавіцкі; ідэя праекта У. Р. Гусакова; каардынатар праекта А. А. Лазарэвіч. – Мінск: Беларуская навука, 2023

Збор заявак на далучэнне ў экспертны пул

У межах праграмы Еўрапейскага саюзу па развіцці адукацыі і навукі SALT-II (Support to Advanced Learning and Training) абвяшчаецца збор кандыдатур у экспертны пул для ацэнкі заявак на атрыманне стыпендый і грантаў на даследаванні.

Час працы: студзень-люты 2024 года.

Характар працы: ананімнае рэцэнзаванне заявак на акадэмічныя стыпендыі і даследчыя гранты, якія будуць пададзеныя на конкурс праграмы ў 2023 і 2024 гадах.

Звяртаем увагу, што прапанова тычыцца спецыялістаў ва ўсіх навуковых дысцыплінах, у тым ліку з натуральных і тэхнічных навук.

Патрабаванні да экспертаў, аплату працы і іншыя тэхнічныя дэталі глядзіце па спасылцы.

Кандыдаты, якія пройдуць адбор праграмы, будуць уключаны ў пул экспертаў. Пасля завяршэння конкурсу на стыпендыі і даследчыя гранты, атрыманыя заяўкі будуць размеркаваныя сярод экспертаў у залежнасці ад тэм і кваліфікацыі. Мяркуецца, што кожную заяўку будуць аналізаваць мінімум два эксперты.

Тэрмін падачы: 10 снежня 2023 года

Для падачы сваёй кандыдатуры, калі ласка, запоўніце форму і далучыце да яе CV.