Фонд развіцця і падтрымкі армяназнаўчых даследаванняў "АНІВ" сумесна з Нацыянальным гістарычным архівам Беларусі падрыхтаваў і выдаў манаграфію "Маджарскія: армянскі род у гісторыі Беларусі". Гэтая кніга прысвечана гісторыі роду армянскіх майстроў-ткачоў Маджарскіх, якія стварылі нацыянальны беларускі сімвал — знакамітыя «слуцкія паясы».
Актыўная праца над кнігай вялася з 2018 года. У ёй на аснове дакументальных матэрыялаў з беларускіх і польскіх архіваў разглядаецца гісторыя роду Маджарскіх, а таксама гісторыя стварэння і развіцця фабрыкі-персіярні ў Слуцку. Падчас працы над кнігай быў зроблены шэраг асобных адкрыццяў і ўдакладненняў.
У дадатку да кнігі апублікаваны шматлікія тэматычныя дакументы, сярод іх - выяўленыя дзелавыя запісы бацькі і сына Маджарскіх, якія яны выконвалі на польскай мове, але армянскімі літарамі.

Папярэдні прагляд кнігі.

У продажы ў “Акадэмкнізе”.

Форум гістарычных даследаванняў Беларусі запрашае на анлайн-дыскусію на тэму «Выклікі і складаныя пытанні ў даследаванні Халакосту ва Ўсходняй Еўропе”, якая адбудзецца 24 кастрычніка а 17й гадзіне (Менскі час). Мы дыскутуем разам з Мартай Гаўрышка, Аляксандрам Фрыдманам і Леанідам Рэйнам наступныя пытанні:

З якімі выклікамі сутыкаюцца даследчыкі Халакосту і якія “праблемныя” тэмы існуюць да гэтага часу? Як на даследаванні пра Халакост уплываюць палітычныя падзеі і грамадскія выклікі? А таксама, якую новую перспектыву даследаванні пра Халакост атрымалі пасля пачатку паўнамаштабнай вайны Расіі супраць Украіны?

Мадэрацыю робіць Адам Керпель-Фроніюс. Дыскусія адбудзецца на беларускай і англійскай мовах з сімультанным перакладам.

Для ўдзелу ў дыскусіі прайдзіце, калі ласка, рэгістрацыю.

Новае даследванне ад BEROC пра эканамічныя каштоўнасці беларусаў.

Шаноўнае спадарства! Запрашаем вас 26 кастрычніка на чарговую публічную лекцыю з цыкла лекцый стыпендыятаў ЕГУ.
Лектар – дактарант ЕГУ Іван Новік.

Тэма: Сацыяльна-палітычныя погляды Ігната Канчэўскага (Абдзіраловіча) у кантэксце кааператыўнага руху Цэнтральнай і Усходняй Еўропы.

Мова лекцыi – беларуская.

Лекцыя пачнецца ў 18.30 і будзе адбывацца ва аўдыторыі 303 корпуса ЕГУ (Savičiaus g. 17). Таксама лекцыя будзе трансліравацца праз ZOOM, калі вы яшчэ не зарэгістраваліся на курс лекцый анлайн, калі ласка, запоўніце наступную форму.

У выдавецтве Central European University выйшла новая манаграфія пра развіццё беларускага нацыянальнага руха ў часы Першай сусветнай вайны і рэвалюцый 1917 года. Аўтарка - Лізавета Касмач. Вельмі радуе, што лічбавы варыянт кнігі афіцыйна ў open access, і хоць папяровае выданне толькі анансаванае, але на JSTOR кніга ўжо выкладзена цалкам.

Калі згадалі ўжо пра даследванні дыяспары, то адзначым і пазітыўную падзею ў рэгіянальных навуковых выданнях, выйшаў першы ў гісторыі тэматычны выпуск гістарычнай серыі часопіса "Веснік Гродзенскага ўніверсітэта". Укладальнік - Аляксандр Горны.
Тэма нумару - Беларуская дыяспара ў ХХ стагоддзі: персанальныя і калектыўныя стратэгіі. Шкада, што поўны змест нумара выкладзены толькі ў расійскай бібліятэцы elibrary.ru.