Анонс анлайн-лекцыі пра Аршанскую бітву
5 верасня ў 19.00 (час: Мінск/Вільня) кандыдат гістарычных навук Аляксандр Казакоў, асацыяваны даследчык універсітэта Эксэтара, Вялікая Брытанія распавядзе пра разгром маскавітаў пад Оршай 8 верасня 1514 г., які быў настолькі буйной падзеяй таго часу, што гэтую бітву адразу сталі называць “вялікай”. На пачатку 1990-х гадоў Аршанская бітва стала адным з галоўных месцаў памяці ў нацыянальным гістарычным наратыве беларусаў. І дагэтуль яна не дае спакою гісторыкам і не толькі. Колькі войскаў білася пад Оршай? За кошт чаго была дасягнута перамога, і якое яна мела значэнне? У гэтай лекцыі будзе прадстаўлены погляд на бітву як гістарычную падзею ранняга Новага часу у святле апошніх даследаванняў, а таксама на памяць пра яе ў сучасных Беларусі, Польшчы, Літве, Украіне і Расіі. Падключацца тут.
Рэгістрацыя на лекцыю

SCIENCE AT RISK Emergency Office і часопіс Topos абвяшчае конкурс для рэпрэсаваных беларускіх даследчыкаў на публікацыю навуковых артыкулаў. Аўтары і аўтаркі публікацый, абраных рэдакцыяй часопіса, атрымаюць ганарар у памеры 750 еўра. Падрабязней.

⚛️ SciFest — Фестываль навукі ў Менску
Ужо ў гэтую суботу адбудзецца найбуйнейшая навукова-папулярная падзея ў Беларусі. Тут ты зможаш паслухаць лекцыі навукоўцаў і навуковак з розных галінаў, правесці эксперымент самастойна і паўдзельнічаць у квізах і гульнях👨‍🔬

Калі і дзе: 02.09 а 11-й, Цэнтральны батанічны сад

Кошт: 10 рублёў — для дарослых, 5 рублёў — для студэнтаў і студэнтак (для дзяцей да 15 гадоў уваход бясплатны)

Даведацца падрабязней і набыць квіткі — вось тут

Чарговы выпуск "Няпростай гісторыі": дыскусія Андрэя Казакевіча і Аляксея Ластоўскага пра тое, адкуль узяліся літвіны ў сучаснай Беларусі і чаму на гэта так нэрвова рэагуюць літоўцы.

Нацыянальны гістарычны музей выклаў у свабодны доступ усе нумары часопіса "Беларускі музей". Паколькі гэты часопіс практычна не распаўсюджваўся, то навіна сапраўды радуе!

Чарговы выпуск “Няпростай гісторыі” прысвечаны бітве пад Воршай, шмат размаўляюць пра яе значэнне, але тут прапануецца навукова-крытычная оптыка. Суразмоўца - гісторык Аляксандр Казакоў.

Вялікабрытанія вяртаецца ў самую значную навуковую праграму ЕС – Horizon.
Навуковыя ўстановы Братаніі змогуць падаваць заяўку ў фонд, які зараз складае 95 мільярдаў еўра. Таксама Злучанае Каралеўства будзе ўдзельнічаць у праграме Copernicus (€9 млд.), праўда не далучыцца да праграмы ядзерных даследаванняў Euratom R&D. Штогадовы ўнёсак Брытаніі ў дзве праграмы складзе €2.6 млд. на год.
Для параўнання ўсе бюджэтныя выдаткі на даследавання ў Беларусі ў 2023 годзе складуць не больш за €0.1 млрд. У Расіі менш за 7 млрд.
Удзел Брытаніі ў схеме быў часткаю дамовы па Brexit 2020 года, але быў спынены на тры гады з-за супярэчнасцей па Паўночнай Ірландыі.
Навукоўцы Вялікабрытаніі заўсёды атрымлівалі шмат грантаў з праграм Horizon, змагаючыся за першае месца і часам апярэджваючы іншую еўрапейскую навуковую супердзяржаву - Германію.
Затрымка і няўпэўненасць з Horizon прывялі да зніжэння ўдзелу ў еўрапейскіх праектах. Тупік таксама прымусіў перавесці многія даследаванні ў краіны ЕС. Акрамя таго, брытанскія даследчыкі, якія займалі кіруючыя пасады ў шэрагу вялікіх і працяглых праектаў, былі вымушаныя сысці. Новая дамоўленасць можа ажывіць сектар і пазіцыі брытанскіх даследчыкаў у еўрапейскай навуцы.
Варта нагадаць, што з-за падтрымку беларускімі ўладамі вайны Расіі супраць Украіны, Беларусь была выключана з навуковых праграм ЕС. Удзел беларускіх дзяржаўных арганізацый у еўрапейскіх даследаваннях больш немагчымы.