زۆر باسکراین ، زۆریشمان لێ
ڕۆشت بەڵام کەم نەبووینەوە🖤..

هەموو ساتێک دەتوانم بگریم هەموو ساتێک...
بۆ نموونە هەر ئێستا ، هەر لێرە ، لەهەموو شوێنێک... لەناو تەکسی ، لەسەر ئیش ، لەکاتی سەیرکردنی فیلم ، لەتەنیشت مرۆڤەکان ، لەناوەڕاستی جددیترین قسەکان ، لەناو هەموو بارودۆخێک هەر قسەیەک دەتوانێت بمخاتە گریان... شتێک لەناو سنگمدا دەکوڵێت بەبێ ئەوەی بتوانم هیچ کارێک بکەم دێت و چاوەکانم تەڕ دەکات و دەستەکانم دەلەرزێنێت و بێ ئارامم دەکات... وە دواتر دێمەوە بە خۆمدا و دەبینم ئیتر ئەو مرۆڤەی چەند ساڵ پێش ئێستا نیم... سەیرە.... لەگەڵ ئەو هەموو ئازارەی کە چەشتوومە ، دیسانەوە کاتێک ناوت دەهێنن دڵم لەناو سینەمدا ئارام ناگرێت وەک بڵێی عەشق تەنانەت کاتێکیش کۆتایی دێت..کۆتایی نایەت....

من منداڵێکی ١٤ ساڵ بومم
تۆش درۆزنێکی ١٨ ساڵی🥀؟؟

نەبوونیت منی نەکوشت بەڵام ئەو بوونەت کە هاوشێوەی نەبوونت بوو هەزار جار منی سووتاند...
هەندێک کەس بوونیان هەیە بەڵام هەبوونیان بۆنی نەبوونیانی لێدێت ، نە دەتوانی پشتیان پێ ببەستیت و نە دەتوانیت وازیان لێبهێنیت.. لەنێوان ڕۆشتن و مانەوە هەم خۆیان وون دەکەن هەم ئێمەش...

ژیان هەموو کاتێک دادپەروەر نه‌بووە لەگەڵماندا، ئێمەی خستە ناو تاقیکردنەوەی سەخت، هەوراز و نشێوی زۆرمان بڕی و باجی زۆر شتمان دا کە شایەنیشی نەبووین. بەڵام من هێشتا بڕوام بەوە هەیە کە ڕۆژێک دادێت چیتر خەمەکان دەستیان بەسەر ئێمەدا ناڕوات. ئەو ڕۆژەی کە هەموو ڕێگە ئاڵۆزەکان کۆتایییان دێت و دەستەکانت دەگرم و بە تۆ دەگەم، هەموو ئازارەکانی ڕابردوو وەک تەمومژێک دەڕەوێنەوە. ئەوەندە بەختەوەری، ئارامی و خۆشەویستی دەهێنمە ژیانتەوە، کە هیچ شوێنێک بۆ پەژارە نەمێنێتەوە. ئەوەندە دڵت پڕ دەکەم لە خەندە و هیوا، کە خەفەت بە ئاواتەوە بێت تەنانەت بۆ یەک دێڕیش ببێتە میوانی ژیانمان، یان ناوێک لە بەسەرهاتی ئێمەدا جێبهێڵێت. ئێمە بۆ ئەوە دروست نەبووین لەناو خەمدا بژین؛ ئێمە شایەنی ئەوەین بگەینە ئەو شوێنەی کە تێیدا پێکەنینەکانمان وەڵامی هەموو ئەو ڕۆژانە بدەنەوە کە بە سەختی تێپەڕین..

لەو ڕۆژەوەی بڕیارمان دا خۆمان بین، زۆر باسکراین... لە قسەی ساردەوە بگرە تا دادگاییکردنی بێ هۆکار. لەو ڕێگەیەدا زۆریشمان لێ ڕۆشت؛ زۆر کەس کە پێمان وابوو هەمیشەیین، لە نیوەی ڕێگەکەدا جێیان هێشتین. بەڵام کەم نەبووینەوە🖤.. نە شکاین و نە ڕووخاین. درەخت کاتێک گەڵاکانی دەوەرێت کەم نابێتەوە، بەڵکو خۆی بۆ بەهارێکی سەوزتر و بەهێزتر ئامادە دەکات. ئێمەش بەو ڕۆشتنانە تەنها زیاتر گەورە بووین🪽»

لە کۆتا جارەکان بەشێوەیەک خۆی ناشیرن کرد ،نەمویست نە بیناسم نە بیبینم نە ببیستم 🥀..

وتی بە هەواڵی خۆش دێمەوە، وتم هەر هاتنەوەت خۆشترین هەواڵە... بەڵام نەیزانی مژدەکانی ئەو ناتوانن ئەو برینە قووڵانە ساڕێژ بکن کە بەهۆی دوورییەکەیەوە لە دڵمدا دروست بوون. وتی چاوەڕێبە شتێک دەهێنمەوە هەموو تاڵییەکانت لەبیر بباتەوە، بەڵام نەیزانی کاتێک ئەو لێرە نییە، هەموو شارەکە بێدەنگ و ماتە، هەموو ڕەنگەکان ڕەش و سپین و هیچ شتێک تامی خۆشی نادات. من بەدوای هیچ دیاری و هەواڵێکی ئەم دوونیایەدا نەدەگەڕام، تەنها تینووی ئارامیی دەنگێک و ئامادەیی کەسێک بووم کە هەموو تەمەنمی تێدا بەجێهێشتبوو. بەڵام خەمەکە لەوەدا بوو، کاتێک هاتەوە، من چیتر ئەو کەسەی جاران نەبووم؛ دابڕانەکە ئەوەندە ڕۆحمی شەکەت کردبوو، کە تەنانەت خۆشترین هەواڵیش نەیتوانی پێکەنینێک بگەڕێنێتەوە سەر لێوەکانم..🖤