سلسله #رواد_الخير ( 4 )

ولسسسسسه مواصلين معاكم ومع ناس وهبوا نفسهم للعمل الطوعي عملا بقول الرسول صلوات ربي وسلامه عليه " ولأن امشي مع اخي المسلم في حاجته ، احب الي من ان اعتكف في المسجد شهرا " او كما قال
شخصيتنا الليله تمتاز بالهدوء ورجاحه العقل ، صبوره على ما تجود به ذخيره الايام ، دائما تجدها مبتسمه خاصه اثناء العمل الخيري ،، دائما تجدها ف المقدمه لمساعده الاخرين تعالوا نتعرف عليها اكتر من خلال المساحه القادمه 😉😉

🔺 في البدء حدثينا عنك وعن المنشأ والسكن ؟؟!!

انا اروى احمد عبد الباقي ..مواليد ولاية النيل الابيض مدينة ربك العام 1997 م السكن حاليا بمدينة كنانة ...
المراحل الدراسية ..الاساس بمدينة ربك ..المرحلة الثانوية مدارس الاندلس كوستي ...و الان المرحلة الجامعية كلية الطب جامعة امدرمان الاسلامية المستوى الثالث 😍😍

🔺 ما هي مواهبك وهواياتك ؟؟

قراءة الشعر و الروايات 😄


🔺 احلامك المستقبليه وما الذي تحقق منها ؟؟

الاحلام المستقبليه كتيره منها الاتحقق و هو جزء بسيط اسأل الله ان يتحقق ما تبقى منه ...
اهم شي في احلامي المستقبليه انو انجز و اكون من الطبيبات المتميزات الرائدات في مجال الطب الباطني باذن الله ...


🔺 قدوتك وشخصيه تركت اثرها عليك ؟؟

قدوتي ..معلم البشريه الاول سيدنا محمد صلى الله عليه و سلم و بعد ذلك كثير من الشخصيات ذات الاثر الواضح في المجتمع ...مصطفى حسني ..عمرو خالد ...و قدر جليل من امثال هؤلاء ....


🔺 رحلتك مع النشاط الطلابي والعمل الطوعي على وجه الخصوص ؟؟


رحلتي مع النشاط الطلابي م طويله خالص البدايه كانت مع العمل الطوعي بعد فترة من دخولي الجامعة تقريبا نهاية السنة الاولى ...و كانت بعد فترة التدريب في دعم المرضى كانت دافع لي ...و بعدها جمعية بصمة خير 😍😍😍



🔺 كيف كانت تجربتك مع #بصمه_خير ؟؟

تجربتي مع بصمة خير ..ما كانت مجرد تجربة و نشاط طوعي ..بالنسبة لي مدرسة اتعلمت منها حاجات كتيييرة و استفدت منها قبل ما اقدم ليها اي شي بالرغم من انها فترة قصيرة لكن اتعلمت فيها الكتير .. كانت اضافة حقيقية لكتييير من الحاجات الكنت بفقدها ...(لا حصر لها )..


🔺 بعض المواقف التي واجهتها اثناء العمل والتي تركت اثرا عليك ؟؟!!

المواقف جميلة و اجمل شي لما تحس بالناس الحولك ..كمية الدعوات البتجيك من الناس و الفرحة البتحسها انت قبل الشخص القدمت ليهو المساعده ..مواقف بتوريك انت بالجد ربنا سخرك عشان تفك حوجة الناس دي ...في بصمة خير امكن بحكم منصب الامين العام السابق المواقف بسيطه اكترها وقت توزيع الحقيبه ...انا غايتو شلت دعوات من خالاات لحدي اليوم اثرها معاي 😍❤️



🔺 نصيحه تقدمها للمجتع ولكل متطوع للعمل الخيري ؟؟!!


المجتمع بتمنى ليهو التوفيق و السداد و دايما يكون متكاتف لخدمة المحتاجين 😊
اما لكل متطوع بقول ليك العمل الطوعي دا حاااااجه قمة كدا ، امنح نفسك الفرصة انك تدخل عالم التطوع ح تكتشف حاجات غير ...و اهم شي اعرف انو العمل الطوعي لو م اضافة ليك مستحيل يخصم منك .....و انت محتاج للعمل دا قبل انو يكون محتاج ليك ...اخلص النية و خليها خالص لربنا ...و مهما لاقيت من مواقف اتاكد انها اختبار لمدى صبرك ...و اهم شي ح تشوف تغير في شخصيتك قبل العمل الطوعي و بعدو فرق واااضح شديد ...
و اخر شي العمل الطوعي حياة اديها من وقتك ......


للتبرع :
#زين : 0909197907
#اريبا : 0927065563

#للاستفسار : 0991211095

رابط قناه التلجرام : @Basmtkhaer



#جمعيه_بصمه_خير
#نحن_وانت_عشان_الغير

للتبرع :
#زين : 0909197907
#اريبا : 0927065563

#للاستفسار : 0991211095

رابط قناه التلجرام : @Basmtkhaer



#جمعيه_بصمه_خير
#نحن_وانت_عشان_الغير

كان الحسن إذا رأى المساكين قال :

هؤلاء مناديلُ الخطايا،
فلا تنهر سائلاً،
ولا تقهر مسكينًا،
فلربما بأحدهم ينجيك الله من النار .


للتبرع :
#زين : 0909197907
#اريبا : 0927065563

#للاستفسار :
0991211095

رابط قناه التلجرام :
@Basmtkhaer



#جمعيه_بصمه_خير
#نحن_وانت_عشان_الغير

السـلام عليـكم
🌸

حالة لـ طفلة عمرها عشر سنوات عندها ثقب في القلب ومحتاجة لقسطرة علاجية .
تكلفة العملية 45 مليون .
 اتوفر منها بفضل الله حوالي 25 , الباقي 20 مليون 💚💪
بجنيهي وجنيهك على جنيه غيرنا بتكمل 💪 وربنا كريم ، وما نقصت صدقة من مال 💚 .

للتبرع :
#زين :  0909197907
#اريبا :  0927065563

#للاستفسار :
0924762579
0118505253

رابط قناه التلجرام :
  @Basmtkhaer



#جمعيه_بصمه_خير
#نحن_وانت_عشان_الغير
#الشيـر_فرض_حب

#اجتماع_بصمة_خير
#الحقيبة_الرمضانية

تم عقد اجتماع بصمة خير بخصوص الحقيبة الرمضانية يوم الثلاثاء الموافق 3/4/2018 وكانت مخرجاته كالآتي:-
1/اختيار اللجنة الاشرافية المكونة من خمس اشخاص
2/التعريف بكل اللجان واختيار القائمين عليها (رئيس ، نائب رئيس)
3/ تحديد محتويات الحقيبة الرمضانية والعدد المتوقع توفيره توفيره لهذا العام
4/دراسة اسعار السوق وتحديد الميزانية التقريبية المطلوبة مع قابلية الزيادة والنقصان الطفيف فيها
5/تحديد موعد الاجتماع المقبل لأعضاء اللجان التنفيذية


#تم_بحمد_الله

#منظمة_بصمة_خير
( الهيكل الاداري لمشروع الحقيبة الرمضانية للعام 2018 )

#رئيس_الحقيبة_الرمضانية:-
🌹محمد عبدالحليم
0930776328
#نائب_رئيس_الحقيبه_الرمضانيه:-
🌹مهاد علي
0904313098

#لجنة_الاشراف:-
🌹سمر طه0920816703
🌹طه محمد علي0912807493
🌹روان الامين0910991583
🌹أبو بكر بدر0967558127
🌹محمد الطيب 0118505253


#اللجنة_المالية:-
🌹الرئيس محمد عبدالرازق 0962367002
🌹نائب_الرئيس رحاب نور الدين 0119070524


#اللجنة_الإعلامية:-
🌹الرئيس أبرار كمال
0995414353
نائب الرئيس الخنساء عثمان
090 291 3651

#اللجنة_الإجتماعية:-
🌹الرئيس:أمجد
0999510955
🌹نائب الرئيس: ثويبه عبدالله
0910061453

#اللجنة_العينية:-
🌹الرئيس: محمد فتح الرحمن
011 559 9977
🌹نائب الرئيس: عائشه علي
0113199705


#لجنة_التعبئة_والتوزيع:-
🌹الرئيس حسام محمد
0961195706
🌹نائب الرئيس سماح عبدالرحيم
0920917201

#لجنة_السوق:-
🌹الرئيس:الوليد الزبير
0969798456
🌹نائب الرئيس "أحمد عبدالرحمن" 0112766117


#لجنه_العلاقات_الخارجية:-
🌹الرئيس : مضوي ايدام
0923235258
🌹نائب الرئيس: أنس موسى
0964064832

#يجمعنا_حب_الخير_في_بصمة_خير

#منظمة_بصمة_خير

قال صَلَّى اللهُ عَلَيْهِ وَسَلَّمَ: "مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لاَ يَنْقُصُ مِنْ أَجْرِ الصَّائِمِ شَيْئًا".
نحن وانت وبصمة خير حنجهز للحقيبة الرمضانية عشان ندخل الفرحة في قلوب الغير ، لو عايز تكون معانا تساعدنا وتشاركنا الأجر وتشتغل بنفسك ، اختار اللجنة البتحبها وبتناسبك وادخلها ، وابدا ساعدهم في شغلهم😍
🌹الأسر محتاجاكم ، ابقو كتار❤


#اللجنة_الإعلامية:-
هي اللجنة المسؤولة عن الإعلان عن جميع أنشطة المنظمة ونشر آخر الأخبار ورصد مجريات التحضير للحقيبة الرمضانية لو بتعرف تصمم صور ، او بتكتب بأسلوب حلو ، ولو بتعرف ادمن القروبات الكبيرة مكانك هنا
https://t.me/joinchat/GOUl3hFbZiUyX-mjpi_DGA


#اللجنة_المالية:-
هي اللجنة المسؤولة عن جمع الأموال من المصادر المختلفة وتوزيع الخطابات وابتكار طرق متعددة لاكتساب المال
https://t.me/joinchat/Gmbh10zKQGmjrfOcEgkR-w



#اللجنة_الإجتماعية:-
هي اللجنة المسؤولة عن التواصل مع العمال والعاملات في الجامعة وجميع الاسر المحتاجة خارجها ثم ترتيبهم حسب الأوليات لتوفير الحقيبة الرمضانية لهم
https://t.me/joinchat/CfxQWFInDJ6URW21CifV7A


#اللجنة_العينية:-
هي اللجنة المسؤولة عن جمع جزء من المواد العينية (الدقيق ، البلح ، السكر ،...إلخ) من الطلاب وعدد من الفئات الاخرى
https://t.me/Al3aynia2018


#لجنة_السوق:-
هي اللجنة المسؤلة عن متابعة الأسعار لتحديد تكلفة الحقيبة الرمضانية والتعرف على التجار وشراء جميع المستلزمات الرمضانية
https://t.me/joinchat/CaPCTE3R1mHqtEbVKpGPwQ


#لجنة_التعبئة_والتوزيع:-
هي اللجنة المسؤلة عن تعبئة المواد التموينية وترتيبها ومن ثم توزيعها على الجهات المحتاجة

https://t.me/joinchat/F31PX0cXHSWmc_42PibXMw


#لجنة_العلاقات_الخارجية:-
هي اللجنة المسؤولة من التعامل مع الشركات والمؤسسات الخارجية وتوجيه الخطابات لهم لتوفير الدعم
https://t.me/joinchat/Dxlwg08vmdDY7a8Fe-oI3Q


#يجمعنا_حب_الخير_في_بصمة_خير

#جمعية_بصمة_خير
#الحقيبة_الرمضانية

في زحمة الدنيا كل زول ماشي في طريقو ، يحاول يحقق احلامو ويجتهد عشان يصل لهدفو ، ويتعب ويعاني عشان يخلي دنيتو زي بيتمناها...

لكن ليه كلنا بنفكر في دنيتنا وما شايلين هم الآخرة؟!!
ليه نسينا الجنة وطلعناها من لسته طموحاتنا؟؟!
كفاية نشل هموم دنيتنا وخلونا نفكر شوية في آخرتنا ، بدل الشركات والاملاك الدنيوية، نطمح بأجر اخروي ، ومافي احسن من التجارة بعمل الخير ، والله سبحانه وتعالى قال { إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَّن تَبُورَ } ، وزي ماعارفين انه الصدقة من اعظم اعمال الخير ، خصوصا اطعام الطعام ، واتخيلو معاي كمية الأجر لو كان الاطعام ده في رمضان ، وده اللي احنا عايزين نعمله ، نجهز الحقيبة الرمضانية لكل المحتاجين ، خلونا نقيف مع بعض ونساعد الغير ، وننشر السعادة في شهر الخير ، اشترو اسهمكم في الجنة وأسسو لآخرتكم وأبشرو بالأجر

#لشراء_سهمك_في_الجنة

🌸تحويل الرصيد:-
زين 0909197909
اريبا 0927065563
سوداني 0125165681
🌸حساب البنك
بنك_فيصل
8116
بنك_الخرطوم
1514703


#يجمعنا_حب_الخير_في_بصمة_خير

#جمعية_بصمة_خير
#الحقيبة_الرمضانية

عطشان وماشي تشرب كباية عصير باردة تنعشك🍹🍹 ، او نفسك في جبنة تعدل ليك مزاجك☕ ، او كباية شاي الصباح البتصحيك من الصباح🍶 ، دييل كلهم حلاوتهم لما يكونو طاعمين ومن غير سكر ما بتشربو🍚 ، لكن عارفين أحلى حاجة لما تعمل كباية ليك وتانية لغيرك ، تكب ملعقة سكر ليك والتانية لغيرك 🤤 ، تقاسم زول في حلاوة شرابك ، هنا بتحس بالمتعة لما تشرب ، طيب ليه ما ناخد وقفة صغيرة كدا 🤔 ونقرر أنه نشارك أهلنا في كل احتياجاتنا 😁 ، مثلا نبدا بالسكر 🤩 ، لو كل زول جاب لينا من بيتو حتى لو كباية سكر وحدة ، أو كل شلة دقو شير💰واشترو بيهو كمية سكر ، متخيلين كمية السكر الحنجمعها😍😍 ، ومتخيلين معاي كمية الناس الحنقدر نسعدهم وندي ايامهم طعم حلو👨‍👩‍👦‍👦👨‍👩‍👧‍👧 ، ختو ايديكم في ايدينا🤝 ، وخلونا نجهز سكر عصايرنا البنروي بيهو عطش الصايمين 🍹، وجبنتنا البنعدل بيها مزاجهم☕ ، اسبوعنا ده اسبوع السكر عايزين كل زول يجيب لينا الكمية البقدر عليها ، عايزين نجمع اكبر كمية👌 ، متوقعين منكم الكتير✊ ، ومتأكدين انكم ما حتخذلونا💪..

🌹حبة منك وحبة مني تكفي غيرنا وتغني~❤

#اللجنة_العينية

السلام عليكم شباب الخير ♥

رمضان كريم علينا وعليكم وربنا يرزقنا صيامه وقيامه على اكمل وجه

جمعيتكم .. 😇 بصمــة خير زي ماعودتكم دائماً مشاركتكم حب الحياة في العمل الخيري .. وزي ماعودتنا انو كل الألوان في طب الإسلاميه تخرج في لون بصمة خير 💙..

المره دي البصمه أكبر إن شاء الله بوجودك ومساهمتك معانا في مشروع حقيبة الصائم 😍

ونبدأ اول إيجابياتنا لشهر الخير ونية التغيير للأفضل ..

المشروع كبير ومحتاج كل شيء منك سواء كان دعم مادي او عيني او معنوي او دعوات بالتوفيق ✨..

فالجنيه والجنيهين وال 5 وال20 البطلعن مننا ومنك بفرقن كتير وبكونن سبب في فرحة أُسر كتيره وانت واحد من صناع الفرحه ♥

 قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لا يَنْقُصُ مِنْ أَجْرِ الصَّائِمِ شَيْئًا " 💙✨

للتبرعات :
زين : +249909197907
سوداني : +249125165681
اريبا : +249927065563

للتحويل عبر البنوك :
بنك فيصل الاسلامي _فرع ابوسعد_ 8116
بنك الخرطوم _ فرع الجمهوريه _ 1514703

إحجز مكانك في الجنة 💙✨

#يجمعنا_حب_الخير
#الحقيبة_الرمضانية
#اللجنة_الإعلامية

محمد: السخانة حتقتلنا حاسي كأننا جايين من صحراء وانا حموت عطش خلاااص💔

حسن: عطش شنو يازول والله انا ظمئان عدييل كدا 🤤

محمد: تعال هناك في بياع عصير نشرب لينا كبايتين كركدي باااردين كدا يردو الروح😍

حسن : عارف يا محمد مافي أحلى من احساس انك تروي عطشك والله احساس في قمة الروعة لكن عارف انا من اسي شلت هم رمضان في الحر دا احنا ساعتين حنموت بالعطش حنصوم للمغرب كيف😔

محمد : هم شنو يا حسن بتتسهل لما تحتسب الاجر واحنا ع الاقل ممتعين نفسنا وقت الفطور وبنعوض حق اليوم كلو لكن انت عارف انو في ناس ما عندهم حق كباية العصير دي ولا قادرين يشتروها وبعد دا كلو متعففين وما بشتكو💔

حسن : طيب رايك شنو نساعدهم ونعمل حاجة عشانهم نمشي السوق اسي ونشتري كمية من الكركدي ونوزعه ليهم رايك شنو👌

محمد :فكرة حلوة والله حاجة بسيطة ما حتكلفنا وحنااخد بيها اجر كبيييير انا معاك يلا السوق😍

محمد وحسن مشو السوق واشترو البقدرو عليهو ووزعوهو واخدو اجر كل كباية حيشربوها الصايمين ديل وحيحسو بسعادة وتوفيق ما بتوصفو😍

وانتو كمان لو عجبتكم الفكرة ساعدونا وكونو معانا امشو السوق واشترو ليهم البتقدرو عليهو او شاركوهم بشوية من العندكم في بيوتكم ما حيكلفكم كتير وحيديكم اجر كبيير وما تنسو
🌹حبة منك وحبة مني تكفي غيرنا وتغني~❤

#اللجنة_العينينة

بسم الله الرحمن الرحيم

تعلن جمعية بصمة خير عن قيام بازارها الخيري لصالح الحقيبة الرمضانية للعام 2018 🔥

- المكان : كلية الطب الفتيحاب "مبنى الأولاد "
- الزمان : غداً الاتنين في تمام الساعة 11 صباحاً ..

للمشاركة يرجي التواصل مع :
- مودة عادل 0917733018
- ثويبة عبد الله 0910061453

كما يمكنكم مشاركة الثواب فقط بالشراء من البزار بنية الصدقة و الأجر 🌸

كن مشاركاً و إحجز مكاناً بالجنة 💙✨

#الحقيبة_الرمضانية
#يجمعنا_حب_الخير
#اللجنة_الإعلامية

#تجارة_لن_تبور

فهما كالآتي اول حاجه الاسوق هي مصدر المجتمع لانه إذا عاوز تعرف م هو حال المجتمع كويس ولا كعب تمشي الاسوق لو كويس خلاص مجتمع بخير إذا الا سوق كعبة معناها المجتمع كعب يعني سوق مقياس المجتمعات
تاني حاجه أشر بقاع الأرض الأسواق
تالت حاجه الحاصل في البلد دي غضب رباني يعني بجد في غلاء م طبيعي وغير ارتفاع الأسعار حتى الناس الاوضاعهم كويسة بقى معانين زي ازمت صرافات كل البنوك م فيها قروش يعني عقاب لجميع .
الفهم شنو من المبادرة انو نخفف غضب رب عن طريقة صدقات لانه بطهر المال والنفس قال نبي صلى الله عليه وسلم:(ان الصدقة تطفي غضب الرب،وتدفع ميتة السوء)واكتر مكان فيها شر وغضب هي الأسواق يلا الإسم مربوط بلاسوق يعني كونو الأسواق شغلها تجارة ونحن بنعرض ليهم تجارة مع الله❤️ألتي لا تبور ولا تخسر. قال تعالى: (إن الذين يتلون كتاب ألله وأقاموا الصلاة وانفقوا مما رزقنهم سرا وعلانية يرجون تجرى لن تبور)
#زمن:الخميس 2018/4/26
#طلاب فقط
ح نتحرك من الكلية ان شاء الله بعد امتحان DRلدفعه27 وح نمشي تلاته اسواق في امدرمان (سوق ليبيا ،سوق امدرمان ،وسوق الشعبي)
بتمنى كلكم تكونو معانا
#أحياء_أمه_النبي صلي الله عليه وسلم

للتواصل:
حسام محمد فضل: @H055AM 0961195706
مصعب بلال: @Babablal0999000762
0999000762
محمد عبد الحليم:
0930776328
#منظمة_بصمة_خير
#الحقيبة_الرمضانية_للعام_2018

بسم الله الرحمن الرحيم

قال تعالى :
{ أَوْ إِطْعَامٌ فِي يَوْمٍ ذِي مَسْغَبَة ٍ؛ يَتِيمًا ذَا مَقْرَبَةٍ؛ أَوْ مِسْكِينًا ذَا مَتْرَبَة ٍ؛ ثُمَّ كَانَ مِنَ الَّذِينَ آَمَنُوا وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ ؛ أُولَئِكَ أَصْحَابُ الْمَيْمَنَة ِ}

و قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لا يَنْقُصُ مِنْ أَجْرِ الصَّائِمِ شَيْئًا "

من هذا المنطلق ومن مبدأ إن المسلمين في توادهم و تراحمهم و تعاطفهم كمثل الجسد الواحد إذا اشتكى منه عضو تداعى له سائر الجسد بالحمى و السهر .
تقيم جمعية بصمة خير مشروع الحقيبة الرمضانية للعام 2018 و الذي يستهدف 400 أسرة محتاجة من العاملين بالكلية و الأسر المتعففة .

( مَّن ذَا الَّذِي يُقْرِضُ اللّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ ) .

شارك معنا بجهدك أو بمالك أو بدعواتك و لا تستصغر الحسنة فإنك لا تعلم أي الحسنات تكون فيها نجاتك 🔥💙 .

للتبرعات :-
زين : +249909197907
سوداني : +249125165681
اريبا : +249927065563

للتحويل عبر البنوك :-
- بنك فيصل الاسلامي فرع ابوسعد 8116
- بنك الخرطوم فرع الجمهورية 1514703

" وَسَارِعوا إِلَى مَغفِرَةٍ مِن رَبِّگُم وَجَنَّةٍ عَرضُها السَّمَواتِ والأَرضِ أُعِدَّت للمُتَّقِين "
إحجز مكانك في الجنة 💙✨

#يجمعنا_حب_الخير
#مد_يد_الإحسان
#الحقيبة_الرمضانية
#اللجنة_الإعلامية