سلسله #رواد_الخير ( 2 )

وجينا لشخصيتنا التانيه الليله .. شخصيه هاديه ، محبه للخير ، من الحفارين 🌚
تعالوا نتعرف على صاحب الشخصيه دي اكتر من خلال حوارنا معاهو 😉



ــ في البدء هلا حدثتينا عنك ؟

انا تسنيم صلاح الدين عبدالله
مواليد القاهرة 1995 و وجئت الي السودان 2010 ،، طالبه بالمستوى الخامس الدفعه 25 كليه الطب جامعه ام درمان الاسلاميه 😍
هواياتي القراءة خصوصا علم النفس والتنمية البشرية والفلسفة والمنطق والشعر احيانا😅




ــ من هو قدوتك ،شخصيه وضعت اثرها في حياتك ؟؟

قدوتي الرسول صلي الله عليه وسلم
اكتر الاشخاص اللي اثرت ف حياتي هم
طارق سويدان وابراهيم الفقي وستفن كوفي .وف المجال الطبي د.داليا ود.مازن المبشر ود.مصطفي حسين ود.اميمة و مستر القوصي 😍


ــ لكل منا حلم يتمنى ان يحققه ، فهلا حدثتينا عن حلمك ؟

حلمي هو ان انجح ف مجالي الطبي الي اخترته 😊


ــ رحلتك مع النشاط الطلابي والعمل الطوعي على وجه الخصوص ؟؟

انا رحلتي مع النشاط الطلابي بسيطه لاني من الناس المهتمه بالقراية فقط لكن اول ما دخلت #بصمة_خير اكتشفت جوانب اخرى في نفسي كانت طيه الكتمان ☺️


ــ كيف كانت تجربتك مع #بصمه_خير ؟؟

بصوره عامه كدا ممكن تقول انو تجربتي مع #بصمة_خير كانت اضافه حقيقيه لحياتي 😊🌹
الابداع ف الافكار والتخطيط ليها رغم الموارد الماليه القليلة والمحاوله بشتى الطرق انك تساعد زول ما بقرب ليك وممكن ما تكون بتحتك بيه او ما بتعرفو نهااائيا
تتعب عشان تجمع تبرعات وتفرح لما يدخل جنية زيادة للجمعية مع انه ما داخل ليك اصلا وبعد التعب ده كلو لما تشوف البسمة ف وشه بتزيل التعب كله وتحس بالرضا والفخر انه ربنا وفقك لهذا فكل ده لن تجده الا ف العمل التطوعي
بالجد والله😍😍
لن تحس انك #انسان الا لما تشتغل ف #عمل_تطوعي😊



ــ مواقف مرت بك وتركت اثراً خلدته ذاكرتك ؟؟

احلي ذكريات لي هي الحقيبه الرمضانيه ولما اتجمعنا ف بيت متطوعه نقطع البصل ونشتغل ف جمع الحقيبة بالجد كانت احلي ايام ما حتعرف شعورها الا لمن تعيش التجربه بنفسك 😍😍😍



ــ نصيحه تقدمها للمجتمع ولكل متطوع ف العمل الخيري ؟؟


نصيحتي لاي متطوع
لا تيأس ابدا ولا تكل ولا تمل من العمل الطوعي
لا تنسى ابدا النيه واحتساب الأجر
وفق بين قرايتك وعملك التطوعي عشان تكون مثال للمعادلة الناجحة وقدوة للخايفين علي قرايتهم تتأثر بالعمل التطوعي.
بالتوفيق يارب🌹


رابط قناه التلجرام : @Basmtkhaer


#جمعيه_بصمه_خير
#نحن_وانت_عشان_الغير

✨جمعية بصمة خيير✨

✨مشرووع الكسووة الشتويـــة✨


قال عبيد بن عمير: ( يحشر الناس يوم القيامة أجوع ما كانوا قَطْ، وأعطش ما كانوا قَطْ، وأعرى ما كانوا قَطْ، فمن أطعم لله عز وجل، أشبعه الله؛ ومن سقى لله عز وجل، سقاه الله؛ ومن كسا لله عز وجل، كساه الله )...
" ومن كسا كساااه الله "
" وكان الله في عون العبد ما دام العبد في عون اخيه "
اقتـــرب الشتاااء ،،، و ما نراه في أيامنا هذه من انتشار للفقر والغلاء والتعب والعناء في جلب لقمة العيش وطلب الرزق , و بيننا أناس ليس لهم من يعيلهم أو يكادون لا يجدون ما يسد رمقهم😔 لا يعلم حالهم إلا الله 💔وهــم احــوج مــا يكوون لمن ياخذ بيدهم ولو قليلا فــالحيــاة اصبحــت لا تطاااق,,,

عشان اخوانا الصغار البمشوا المدارس كل يوم الصباح في عز البرد وهم ما لاقين حاجه تقيهم شر البرد ،،، عشان امهاتنا البشوفو اولادهم برجفوا من البرد وهم ما لاقين حاجه يغطوهم بيها غير توب العفاف 😔✋
طيب نفسك تساعد بس ما عارف كيف 😃🤔
ما تشيل هم ،، ناس #بصمه_خير عاملين مشروع #الكسوه_الشتويه
ممكن تساعد بانك تتبرع ليهم بسعر اللبسه او البطانيه 100 جنيه تحولها لارقام التبرعات او تشتري كروت شحن بالقيمه وترسلها على المعرف
@OnlyU_3
يلا يا اخوي عايز اقول ليك حاجه مهمه شديد ،، حتى لو عندك جنيه عايز تتبرع بيهو اتبرع طوالي وما تتردد واتذكر " ما نقص مال من صدقه " وكون متاكد انو ربنا حيتقبلو منك ويبارك ليك فيه ان شاء الله
واهم شي ساعدنا بالدعوات والشير 😁

#للتبرع بالرصيد
0909197907 - 0927065564
#للتوااصل والاستفسااار
0991211095
@OnlyU_3

احمد : يااااالله 💔
عمر : مالك ي صحبي ف شنو ؟؟
احمد : والله يا عمر لسه ما اشتريت المراجع ولا اللابكوت والسماعه وووووو ..
ما لاقي لي فرقه امشي السوق عديل كدا مع الضغط حق المحاضرات دا وما عارف اعمل شنو 😭😫
عمر : بسييييطه ي قلب ولا يهمك ، انا عندي ليك فكره 😉😌
احمد : فكره شنو يا عمر اسرع احكي لي ياخ 😍😍😍
عمر : يلا يا اخوي ناس #بصمه_خير عاملين مشروع المراجع دا وبجيبوا ليك المرجع العايزو لحددددي عندك وبسعر رمزي بس بعود لصالح عمل الخير 😍
احمد: انت جااااااااادي 😍😍😍
وساكت من قبيل مالك طيب يا ماسوره 😒😒
عمر : هههههه اسي ما فات حاجه 😉
كل العليك بس تتواصل مع الرقم حق الجمعيه دا وتطلب منهم المرجع العايزو وهم بوفروه ليك ان شاء الله
احمد : بجيبوا لي المرجع #لحدي_عندي وبسعر #رمزي بعود لصالح #عمل_الخير
اسرع اديني الرقم ياخ😍😍
عمر : طيب طيب سجل عندك
0991211095

وانتو كمان ممكن توفروا ع نفسكم تعب المشي للسوق والمواصلات وف نفس الوقت تساعدوا ف عمل الخير
كل العليكم تتواصلوا مع الرقم
0991211095
او المعرف
@OnlyU_3




#بصمه_خير
#نحن_وانت_عشان_الغير

سلسله #رواد_الخير ( 3 )

ورجعنا ليكم تاني مع واحده من الشخصيات المعروفه بحبها الشديد للعمل الخيري .. تعتبر قدوه لكتير من محبي الخير ف الكليه ولكل الناس البعرفوها .. تعالوا كلنا سوا نتعرف ع شخصيتنا من خلال الحوار التالي 😉😉

🔻 في البدء حدثينا عنك وعن المنشأ والسكن ؟

سجى حسن محمد عثمان من مواليد الجزيرة ١٤/٩/١٩٩٥م
أسكن مدينة الكاملين مربع واحد حي البساتين..
تمرحلت في دراستي بمدينة الكاملين
ثم التحقت بكليه الطب جامعه امدرمان الاسلاميه

🔻ما هي مواهبك وهواياتك

أكثر مواهبي هي الكتابة خصوصا في مجال تنمية الذات والتطوير والإنجاز ..
من مؤلفاتي كتاب عن التنمية الذاتية اسمه #كيف_تكون_شخصية_ناجحه_في_المجتمع .. .. الكتاب قريبا ان شاء الله سيسجل في حقوق الملكية الفكرية للنشر والطباعه وسينزل السوق ..

🔻قدوتك وشخصيه تركت اثرها عليك ؟؟

أعظم قدواتي الذين كانوا سببا في تغير شخصيتي تماما ..
واحاول مرار وتكرار التأسي به هو النبي عليه الصلاة والسلام..
فهو القائد المربي الداعيه ..


🔻رحلتك مع النشاط الطلابي والعمل الطوعي على وجه الخصوص؟؟

نشاطاتي الطلابية كانت اكثرها على المستوى الاكاديمي تنحصر في رئاستي للدفعه ☺️
اما رحلتي في العمل الطوعي فقد بدات منذ السنه الاولى في كلية الطب ..
بتكوين جمعيه صغيرة انا وزميلاتي كنا حوالي ٧ كانت تحت اشراف د.محمد زين الرجل الهامه القدوة في فعل الخير ..
استمرت لمدة سنتين وكانت عبارة عن تكافل وتكاتف بين الزميلات لمساعدة المحتاجين لم تكن تحت مسمى بعينه
ثم بعد ذلك التحقت بجمعيه تكافل الخيريه وكنت اشارك في بعض اعمالها الخيريه كالحقيبة الرمضانيه ويوم اليتيم

ثم بعد ذلك وفي سنتي الثالثة انضممت الي جمعيه بصمة خير وكنت أمثل رئيس المكتب الاجتماعي بالجمعيه ..
وهنا كانت التجربة المذهلة بالنسبة لي علي الرغم من العثرااات التي واجهتني إلا انها كانت تجربة فعالة جدا واسهمت اسهام كبير جدا في بناء شخصيتي وتطويري في مجال الاعمال الخيرية ..
وكان مكتبي محبب جدا الي نفسي لانو بمثل حلقة وصل مع المحتاجين
بالجلوس معهم ومعرفة اخبارهم ومشاكلهم واحتياجاتهم ..

🔻بعض المواقف التي واجهتها اثناء العمل والتي تركت اثرا عليك ؟

من أكثر الحاجات الكانت بتحمسني للشغل ان حب الخير كان يشتعل في نفوس من معي .. بل ويجري في دمائهم ..
كنت اتعامل مع كل الفئات الاصغر والاكبر مني وجميعهم كان همهم عمل الخير وإدخال الفرح في نفوس المحتاجين ..
..
المواقف الواجهتها اثناء عملي ببصمة خير كثيرة بس امكن اكثر شيء ترك اثر في حياتي انو كان احدى الخالات الماسكنهم في الجمعيه وكنت بعرفها شديد وقريبه ليها شديد كانت مع كل امتحان لي قبل الامتحان بيوم بتتصل علي وتدعي لي شديد ..
وتقول لي انها بتقيم الليل وتدعي لي وبتديني اطفالها الايتام الصغار يدعو لي ..
فكانت اكتر حاجه بتأثر فيني شديد .. بتجيني دعوات من حيث لا ادري وكتيرررررر بتكون ضايقه علي أو في معضلة في الحياة حاصلة لي بتتصل علي خالتو دي فجأة بتدعي لي شديد لمن ببكي فبحس كأنوا ربنا برسلها لي ..
وللان دعواتها مامنقطعه مني وإمكن بعد توفيق الله ودعوات الوالدة لدعواتها أثر كبير في حياتي لانها دعوات صادقة...


🔻 نصيحه تقدمها للمجتمع ولكل متطوع للعمل الخيري ؟

نصيحه أقدمها للمجتمع أولا :
اسهل طريق للسعادة إسعاد غيرك
كلما تفقدت أحوال الناس وساعدتهم تعهد الله احوالك وتفقدها وكان هو وليك ومدبر امورك ...

نصيحه لكل متطوع للعمل الخيري :

العمل الخيري ما بس زول محتاج وندق شير نجمع ليهو قروش ونديها ليهو ..
العمل الخيري عمل نقابي كامل ..
محتاج مسؤولية ومحتاج اجتهاد ومحتاج اخلاص نوايا ومحتاج صدق وتوكل ..

العمل الخيري محتاج صبر شديد وطولة بال ..
محتاج فريق عمل كامل وادارة وتنظيم..

آخر نصيحه ممكن اقدمها للناس جميعا ..
السودان مليئ بالمحتاجين فاافضل وسيله لتغطيه كل المحتاجين هي ان نتكاتف يدا بيد وقرشا بقرش ونخلص ونجتهد ونسعى في رفع مستوى كل المحتاجين..
ويكفي أن يكون مقابل كل محتاج تساعده دعوه خالصة لله ان يتولى الله أمرك وشانك وحالك فاذا تولى المولى امورك ودبرك شأنك فماذا تريد بعد ذلك؟!


رابط قناه التلجرام : @Basmtkhaer


#جمعيه_بصمه_خير
#نحن_وانت_عشان_الغير

قال.الإمام.الشافعي.

✍إن أهل الجنة إذا دخلوا الجنة ،
ولم يجدوا أصحابهم الذين كانوا
معهم على خير في الدنيا ؛
فإنهم يسألون عنهم رب العزة

ويقولون : ” يارب لنا إخوان
كانوا يصلون معنا و يصومون
معنا لم نرهم“ .

فيقول.الله.جل.وعلا.

اذهبوا للنار وأخرجوا من كان
في قلبه مثقال ذرة من إيمان .

وقال.الحسن.البصري.رحمه.الله.

✍[استكثروا من الأصدقاء
المؤمنين ، فإن لهم شفاعة
يوم القيامة ] .

الصديق الوفي :
هو من يمشي بك إلى الجنة …

قال.ابن.الجوزي.رحمه.الله.

✍إن لم تجدوني في الجنة بينكم ،
فاسألوا عني فقولوا :
ياربنا عبدك فلان كان يذكرنا بك
ثم بكى رحمه الله رحمة واسعة .

وأنا.أسألكم.يا.أحبائي.
إن لم تجدوني بينكم في الجنة، فاسألوا عني ، لعلي ذكرتكم بالله
ولو لمرة واحدة .

- اللهم نسألك رفقة خير

سلسله #رواد_الخير ( 4 )

ولسسسسسه مواصلين معاكم ومع ناس وهبوا نفسهم للعمل الطوعي عملا بقول الرسول صلوات ربي وسلامه عليه " ولأن امشي مع اخي المسلم في حاجته ، احب الي من ان اعتكف في المسجد شهرا " او كما قال
شخصيتنا الليله تمتاز بالهدوء ورجاحه العقل ، صبوره على ما تجود به ذخيره الايام ، دائما تجدها مبتسمه خاصه اثناء العمل الخيري ،، دائما تجدها ف المقدمه لمساعده الاخرين تعالوا نتعرف عليها اكتر من خلال المساحه القادمه 😉😉

🔺 في البدء حدثينا عنك وعن المنشأ والسكن ؟؟!!

انا اروى احمد عبد الباقي ..مواليد ولاية النيل الابيض مدينة ربك العام 1997 م السكن حاليا بمدينة كنانة ...
المراحل الدراسية ..الاساس بمدينة ربك ..المرحلة الثانوية مدارس الاندلس كوستي ...و الان المرحلة الجامعية كلية الطب جامعة امدرمان الاسلامية المستوى الثالث 😍😍

🔺 ما هي مواهبك وهواياتك ؟؟

قراءة الشعر و الروايات 😄


🔺 احلامك المستقبليه وما الذي تحقق منها ؟؟

الاحلام المستقبليه كتيره منها الاتحقق و هو جزء بسيط اسأل الله ان يتحقق ما تبقى منه ...
اهم شي في احلامي المستقبليه انو انجز و اكون من الطبيبات المتميزات الرائدات في مجال الطب الباطني باذن الله ...


🔺 قدوتك وشخصيه تركت اثرها عليك ؟؟

قدوتي ..معلم البشريه الاول سيدنا محمد صلى الله عليه و سلم و بعد ذلك كثير من الشخصيات ذات الاثر الواضح في المجتمع ...مصطفى حسني ..عمرو خالد ...و قدر جليل من امثال هؤلاء ....


🔺 رحلتك مع النشاط الطلابي والعمل الطوعي على وجه الخصوص ؟؟


رحلتي مع النشاط الطلابي م طويله خالص البدايه كانت مع العمل الطوعي بعد فترة من دخولي الجامعة تقريبا نهاية السنة الاولى ...و كانت بعد فترة التدريب في دعم المرضى كانت دافع لي ...و بعدها جمعية بصمة خير 😍😍😍



🔺 كيف كانت تجربتك مع #بصمه_خير ؟؟

تجربتي مع بصمة خير ..ما كانت مجرد تجربة و نشاط طوعي ..بالنسبة لي مدرسة اتعلمت منها حاجات كتيييرة و استفدت منها قبل ما اقدم ليها اي شي بالرغم من انها فترة قصيرة لكن اتعلمت فيها الكتير .. كانت اضافة حقيقية لكتييير من الحاجات الكنت بفقدها ...(لا حصر لها )..


🔺 بعض المواقف التي واجهتها اثناء العمل والتي تركت اثرا عليك ؟؟!!

المواقف جميلة و اجمل شي لما تحس بالناس الحولك ..كمية الدعوات البتجيك من الناس و الفرحة البتحسها انت قبل الشخص القدمت ليهو المساعده ..مواقف بتوريك انت بالجد ربنا سخرك عشان تفك حوجة الناس دي ...في بصمة خير امكن بحكم منصب الامين العام السابق المواقف بسيطه اكترها وقت توزيع الحقيبه ...انا غايتو شلت دعوات من خالاات لحدي اليوم اثرها معاي 😍❤️



🔺 نصيحه تقدمها للمجتع ولكل متطوع للعمل الخيري ؟؟!!


المجتمع بتمنى ليهو التوفيق و السداد و دايما يكون متكاتف لخدمة المحتاجين 😊
اما لكل متطوع بقول ليك العمل الطوعي دا حاااااجه قمة كدا ، امنح نفسك الفرصة انك تدخل عالم التطوع ح تكتشف حاجات غير ...و اهم شي اعرف انو العمل الطوعي لو م اضافة ليك مستحيل يخصم منك .....و انت محتاج للعمل دا قبل انو يكون محتاج ليك ...اخلص النية و خليها خالص لربنا ...و مهما لاقيت من مواقف اتاكد انها اختبار لمدى صبرك ...و اهم شي ح تشوف تغير في شخصيتك قبل العمل الطوعي و بعدو فرق واااضح شديد ...
و اخر شي العمل الطوعي حياة اديها من وقتك ......


للتبرع :
#زين : 0909197907
#اريبا : 0927065563

#للاستفسار : 0991211095

رابط قناه التلجرام : @Basmtkhaer



#جمعيه_بصمه_خير
#نحن_وانت_عشان_الغير

للتبرع :
#زين : 0909197907
#اريبا : 0927065563

#للاستفسار : 0991211095

رابط قناه التلجرام : @Basmtkhaer



#جمعيه_بصمه_خير
#نحن_وانت_عشان_الغير

كان الحسن إذا رأى المساكين قال :

هؤلاء مناديلُ الخطايا،
فلا تنهر سائلاً،
ولا تقهر مسكينًا،
فلربما بأحدهم ينجيك الله من النار .


للتبرع :
#زين : 0909197907
#اريبا : 0927065563

#للاستفسار :
0991211095

رابط قناه التلجرام :
@Basmtkhaer



#جمعيه_بصمه_خير
#نحن_وانت_عشان_الغير

السـلام عليـكم
🌸

حالة لـ طفلة عمرها عشر سنوات عندها ثقب في القلب ومحتاجة لقسطرة علاجية .
تكلفة العملية 45 مليون .
 اتوفر منها بفضل الله حوالي 25 , الباقي 20 مليون 💚💪
بجنيهي وجنيهك على جنيه غيرنا بتكمل 💪 وربنا كريم ، وما نقصت صدقة من مال 💚 .

للتبرع :
#زين :  0909197907
#اريبا :  0927065563

#للاستفسار :
0924762579
0118505253

رابط قناه التلجرام :
  @Basmtkhaer



#جمعيه_بصمه_خير
#نحن_وانت_عشان_الغير
#الشيـر_فرض_حب

#اجتماع_بصمة_خير
#الحقيبة_الرمضانية

تم عقد اجتماع بصمة خير بخصوص الحقيبة الرمضانية يوم الثلاثاء الموافق 3/4/2018 وكانت مخرجاته كالآتي:-
1/اختيار اللجنة الاشرافية المكونة من خمس اشخاص
2/التعريف بكل اللجان واختيار القائمين عليها (رئيس ، نائب رئيس)
3/ تحديد محتويات الحقيبة الرمضانية والعدد المتوقع توفيره توفيره لهذا العام
4/دراسة اسعار السوق وتحديد الميزانية التقريبية المطلوبة مع قابلية الزيادة والنقصان الطفيف فيها
5/تحديد موعد الاجتماع المقبل لأعضاء اللجان التنفيذية


#تم_بحمد_الله

#منظمة_بصمة_خير
( الهيكل الاداري لمشروع الحقيبة الرمضانية للعام 2018 )

#رئيس_الحقيبة_الرمضانية:-
🌹محمد عبدالحليم
0930776328
#نائب_رئيس_الحقيبه_الرمضانيه:-
🌹مهاد علي
0904313098

#لجنة_الاشراف:-
🌹سمر طه0920816703
🌹طه محمد علي0912807493
🌹روان الامين0910991583
🌹أبو بكر بدر0967558127
🌹محمد الطيب 0118505253


#اللجنة_المالية:-
🌹الرئيس محمد عبدالرازق 0962367002
🌹نائب_الرئيس رحاب نور الدين 0119070524


#اللجنة_الإعلامية:-
🌹الرئيس أبرار كمال
0995414353
نائب الرئيس الخنساء عثمان
090 291 3651

#اللجنة_الإجتماعية:-
🌹الرئيس:أمجد
0999510955
🌹نائب الرئيس: ثويبه عبدالله
0910061453

#اللجنة_العينية:-
🌹الرئيس: محمد فتح الرحمن
011 559 9977
🌹نائب الرئيس: عائشه علي
0113199705


#لجنة_التعبئة_والتوزيع:-
🌹الرئيس حسام محمد
0961195706
🌹نائب الرئيس سماح عبدالرحيم
0920917201

#لجنة_السوق:-
🌹الرئيس:الوليد الزبير
0969798456
🌹نائب الرئيس "أحمد عبدالرحمن" 0112766117


#لجنه_العلاقات_الخارجية:-
🌹الرئيس : مضوي ايدام
0923235258
🌹نائب الرئيس: أنس موسى
0964064832

#يجمعنا_حب_الخير_في_بصمة_خير

#منظمة_بصمة_خير

قال صَلَّى اللهُ عَلَيْهِ وَسَلَّمَ: "مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لاَ يَنْقُصُ مِنْ أَجْرِ الصَّائِمِ شَيْئًا".
نحن وانت وبصمة خير حنجهز للحقيبة الرمضانية عشان ندخل الفرحة في قلوب الغير ، لو عايز تكون معانا تساعدنا وتشاركنا الأجر وتشتغل بنفسك ، اختار اللجنة البتحبها وبتناسبك وادخلها ، وابدا ساعدهم في شغلهم😍
🌹الأسر محتاجاكم ، ابقو كتار❤


#اللجنة_الإعلامية:-
هي اللجنة المسؤولة عن الإعلان عن جميع أنشطة المنظمة ونشر آخر الأخبار ورصد مجريات التحضير للحقيبة الرمضانية لو بتعرف تصمم صور ، او بتكتب بأسلوب حلو ، ولو بتعرف ادمن القروبات الكبيرة مكانك هنا
https://t.me/joinchat/GOUl3hFbZiUyX-mjpi_DGA


#اللجنة_المالية:-
هي اللجنة المسؤولة عن جمع الأموال من المصادر المختلفة وتوزيع الخطابات وابتكار طرق متعددة لاكتساب المال
https://t.me/joinchat/Gmbh10zKQGmjrfOcEgkR-w



#اللجنة_الإجتماعية:-
هي اللجنة المسؤولة عن التواصل مع العمال والعاملات في الجامعة وجميع الاسر المحتاجة خارجها ثم ترتيبهم حسب الأوليات لتوفير الحقيبة الرمضانية لهم
https://t.me/joinchat/CfxQWFInDJ6URW21CifV7A


#اللجنة_العينية:-
هي اللجنة المسؤولة عن جمع جزء من المواد العينية (الدقيق ، البلح ، السكر ،...إلخ) من الطلاب وعدد من الفئات الاخرى
https://t.me/Al3aynia2018


#لجنة_السوق:-
هي اللجنة المسؤلة عن متابعة الأسعار لتحديد تكلفة الحقيبة الرمضانية والتعرف على التجار وشراء جميع المستلزمات الرمضانية
https://t.me/joinchat/CaPCTE3R1mHqtEbVKpGPwQ


#لجنة_التعبئة_والتوزيع:-
هي اللجنة المسؤلة عن تعبئة المواد التموينية وترتيبها ومن ثم توزيعها على الجهات المحتاجة

https://t.me/joinchat/F31PX0cXHSWmc_42PibXMw


#لجنة_العلاقات_الخارجية:-
هي اللجنة المسؤولة من التعامل مع الشركات والمؤسسات الخارجية وتوجيه الخطابات لهم لتوفير الدعم
https://t.me/joinchat/Dxlwg08vmdDY7a8Fe-oI3Q


#يجمعنا_حب_الخير_في_بصمة_خير

#جمعية_بصمة_خير
#الحقيبة_الرمضانية

في زحمة الدنيا كل زول ماشي في طريقو ، يحاول يحقق احلامو ويجتهد عشان يصل لهدفو ، ويتعب ويعاني عشان يخلي دنيتو زي بيتمناها...

لكن ليه كلنا بنفكر في دنيتنا وما شايلين هم الآخرة؟!!
ليه نسينا الجنة وطلعناها من لسته طموحاتنا؟؟!
كفاية نشل هموم دنيتنا وخلونا نفكر شوية في آخرتنا ، بدل الشركات والاملاك الدنيوية، نطمح بأجر اخروي ، ومافي احسن من التجارة بعمل الخير ، والله سبحانه وتعالى قال { إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَّن تَبُورَ } ، وزي ماعارفين انه الصدقة من اعظم اعمال الخير ، خصوصا اطعام الطعام ، واتخيلو معاي كمية الأجر لو كان الاطعام ده في رمضان ، وده اللي احنا عايزين نعمله ، نجهز الحقيبة الرمضانية لكل المحتاجين ، خلونا نقيف مع بعض ونساعد الغير ، وننشر السعادة في شهر الخير ، اشترو اسهمكم في الجنة وأسسو لآخرتكم وأبشرو بالأجر

#لشراء_سهمك_في_الجنة

🌸تحويل الرصيد:-
زين 0909197909
اريبا 0927065563
سوداني 0125165681
🌸حساب البنك
بنك_فيصل
8116
بنك_الخرطوم
1514703


#يجمعنا_حب_الخير_في_بصمة_خير

#جمعية_بصمة_خير
#الحقيبة_الرمضانية

عطشان وماشي تشرب كباية عصير باردة تنعشك🍹🍹 ، او نفسك في جبنة تعدل ليك مزاجك☕ ، او كباية شاي الصباح البتصحيك من الصباح🍶 ، دييل كلهم حلاوتهم لما يكونو طاعمين ومن غير سكر ما بتشربو🍚 ، لكن عارفين أحلى حاجة لما تعمل كباية ليك وتانية لغيرك ، تكب ملعقة سكر ليك والتانية لغيرك 🤤 ، تقاسم زول في حلاوة شرابك ، هنا بتحس بالمتعة لما تشرب ، طيب ليه ما ناخد وقفة صغيرة كدا 🤔 ونقرر أنه نشارك أهلنا في كل احتياجاتنا 😁 ، مثلا نبدا بالسكر 🤩 ، لو كل زول جاب لينا من بيتو حتى لو كباية سكر وحدة ، أو كل شلة دقو شير💰واشترو بيهو كمية سكر ، متخيلين كمية السكر الحنجمعها😍😍 ، ومتخيلين معاي كمية الناس الحنقدر نسعدهم وندي ايامهم طعم حلو👨‍👩‍👦‍👦👨‍👩‍👧‍👧 ، ختو ايديكم في ايدينا🤝 ، وخلونا نجهز سكر عصايرنا البنروي بيهو عطش الصايمين 🍹، وجبنتنا البنعدل بيها مزاجهم☕ ، اسبوعنا ده اسبوع السكر عايزين كل زول يجيب لينا الكمية البقدر عليها ، عايزين نجمع اكبر كمية👌 ، متوقعين منكم الكتير✊ ، ومتأكدين انكم ما حتخذلونا💪..

🌹حبة منك وحبة مني تكفي غيرنا وتغني~❤

#اللجنة_العينية