يا سادة يا كرام من أسوء ما قد تفعله الحياة للمرء انها تديله شوية أمل في شئ بعد كدة تاخده وتجري.

عارف لما تستوعب أن الوضع اللي انت فيه اكبر من ان يتحل بـ النوم والتجاهل وأنه محتاج رد فعل منك وانت معندكش طاقة ولا شغف ليه.

نازل عليا حالة من الصمت معنديش حاجة عايز اقولها لا عتاب مستخبي ولا مواضيع افتحها مع حد حاسس اني عايز افضل ساكت كأن الكلام تقيل ومحتاج مجهود.

اتمني السنة دي تبقي اخر سنة في دروس الحياة خلاص والله اتعلمت واتعجنت واتطحنت وطلع عين اللي جابوني ومش هعمل حاجة تاني بس كفاية لحد كدة.

الدنيا جميلة بس احنا اللي قاعدين في محافظات متعرفش معني الحياة ولا ليها روح اصلا.

هو ليه الحزن مستمر علي عكس السعادة يعني مثلاً مفيش حاجة حصلت وخلتني مبسوط لمدة اسبوع بس في حاجة حصلت وخلتني حزين لمدة سنة.

اقل من دقايق وداخل عمليات هكون ممتن لو تدعولي اخرج منها ع خير🤍

كمية ضغوطات تشيب اقسم بالله كنت راسم صورة تانية في دماغي لفترة العشرينات دي مفيش حاجة من اللي حلمت بيها حققتها الحمد لله انها دنيا والحمد لله العيش عيش الآخرة.

احيانًا بتكون كل اللي محتاجه انك تقلل ذنوبك مش انك تعيد صياغة اهدافك او تعمل جدول مختلف او تغير نوع القهوة.

‏حقيقي مفيش اجمل من ان الواحد لا ينشغل الا بنفسُه ولا يمل من اصلاحها وتهذيب قلبُه طول الوقت ربنا يعينا علي انفُسنا ويرزقنا قلب سليم ونفس سوية.

الشخص اللي انت بتحبه وبتتمني تشوفه وتقعد معاه تسمع صوته في ناس تانية بتشوفه كل يوم عادي جدا وكأنه شخص عادي.

الله يخربيت الظروف اللي بتجبرنا نتأقلم علي وضع لا عاجبنا ولا مريحنا ولا عايزينه الدنيا كل فترة بتعاندنا.

‏في وقت معين كدا الواحد بيستسلم فيه ويقعد يتفرج علي الدنيا وهي ماشية قدامه كأنها مش بتاعته ولا ليه فيها حاجة.

مش قادر اواسي نفسي اكتر من كدة مش عارف اقولها كملي وهتعدي مش عارف اضحك عليها واقولها انتي هتكوني كويسة قريب عشان مبيحصلش كدة.

‏يارب حطني في المكان الصح اللي الاقي فيه راحتي متخلنيش اتخبط في جهات متناسبنيش وخد بأيدي من بين كل البعثرة للطمأنينة اللي محتاجها يارب.

يارب رمضان ده يكون من اجمل واحلي رمضانات حياتي ويبقى بداية ربيع عمري وينور حياتي وكل حاجة تتغير للأحسن في لمح البصر.

اللهم صلي وسلم وبارك علي سيدنا محمد بقدر حبك فيه وفرج بجاهي عندك ما انا فيه ربي لا اسألك رد القضاء ولكني اسألك اللطف فيه.

كُل ألفاظ الوداع مُرة والموت مُر وكُل شيء يسرق الإنسان من الإنسان مُر.

عارف لما تقتنع خلاص انها مبقتش فارقة بس ما زال في حتة قد السمسمة في مخك بتقولك انها لسه فارقة وهاتك يا دوامة ومش هخليك تنام الليلادي.

جوايا شيء لسه عايز يعافر وجوايا امل ضئيل بس حرفيًا مش قادر والله امل والم في جسد واحد صعب بجد.