.
الهی ، خسته و بی‌کس نباَشین

اسیرِ دست هر ناکس نباَشین

ببین شاد و ببون خندان شمی لب

سلامت باشین و هرجا دباَشین

✍ #ابراهیم_اسماعیل‌زاده_لزرجانی

🆔️ @Bahar_Narenj_99

🎙 #سجاد_بذری_گزافرودی
✍ #ابراهیم_اسماعیل‌زاده_لزرجانی
▫️ سیاگالش (۲)

🆔️ @Bahar_Narenj_99

.
ببو نرگس گلِ افسانه‌ی مو

میان باغچه دورِ خانه‌ی مو

بنفشه درهنه رچهّ به رچهّ

سینه‌سرخم تی‌‌لبخند دانه‌ی مو

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
بُمام در شهری که کاری نداَشتم

غریبان میان ، یاری نداَشتم

بخوردم خون دل ، تی یاد همره

بجز کُلبار غم باری نداَشتم

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
بونه یه روز حال هوا وگرده؟

اَرده بزاَ شیرِ موسان دگرده؟

بونهَ یه روز از پشت‌سر دوخوانی

وگردم و زمین می‌دور بگرده؟

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
هیسام غربت ، غریبی خیلی سخته

گِله از تو ندارم ، کارِ بخته

دبستم دل به زنجیر اسارات

بسوزم و بسازم... خیلی وقته

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
به‌ یه ، تا کهنه آباده بموجیم

پیران ور بنیشینم چوم بدوجیم

بُگون از روزگاران و رفاقت

ز دست هم بداَر کمتر بسوجیم

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
بدی؟ پَرپَر زنم تی دیدنِ رِ

تی رویِ ماه و نرگس چیدنِ رِ

سینه‌سرخه بونم تی پرچین سر

زنم بال‌بال تی‌ور ، رقصیدنِ رِ

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
داَرم تنها ، تی عکسِ یادگاری

کُنه می‌دل تی واستی بی‌قراری

زنهَ باد و کُنی گیسو پریشان

نُدانی چندی سختِ انتظاری

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
گُل بابونه‌ایی در کوه و در دشت

میان دره عطر گل دبو مشت

ترا کوه مستاگود عطر آویشن

زرج چهَ‌چهَ زنه عینهو جوردشت

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
به کوی دلبران ، ماه ناز داَره

کوکه هر شب خوره آواز داَره

سینه‌سرخه بگیت خاموشی امشب

مثل می‌دل ، هزارته راز داَره

✍ #ابراهیم_اسماعیل‌زاده_لزرجانی

🆔️ @Bahar_Narenj_99

.
بوشُم کهنه مزار ، دلتنگ تو ، بُم

بنیشتم تی‌کنار ، دلتنگِ تو ، بُم

بخواندم فاتحه ، سنگِ دِساسِم

ببوُ دل بیقرار ، دلتنگِ تو ، بُم

✍ #ابراهیم_اسماعیل‌زاده_لزرجانی

🆔️ @Bahar_Narenj_99