‍ یادگاری
"اوستاد پوررضا" یه پیشکش!

بوشوی ولی صدا تی شین گولانه ور بمونسه
بهاره سبزه ناجه بولبولانه ور بمونسه

"همش دوواره آسمونه دیل پوره بو" ایشتووم!
تی جمشاخونه ساز گویا می خانه ور بمانسه

په ماله تی شین هممته گیلانه جاده مئن دره
تی نوم گیلکه نازنین ترانه ور بومونسه

می کوجه دیل تی نازنین لالایی امره پیله بو
تی یاده امره وُشکَسئن می جانه مئن بومونسه

قلم دسایته گول هوتو تی اویهِ نت نیویشتره
گمون کونم صدا تی شین جوانه مئن بومونسه

صدایه تی شِه بولبولون خاسن ایذه قرض هاگیرن
نودونسن صدا تی شین کو لونه مئن بومونسه

✍ #حسینعلی_صادقی_سرشت
🎙 #کیان_کریمی

🆔️ @Bahar_Narenj_99