بَرضـاتك ضِيعتني
وحتى ما مـجبُور
مَا لمتك وأگول
عُـيوني بَيه قصور
شَحاسب؟ گلبيِ جمره
أشتعل يلا تَـهيد
يَمن بـيك ألتعب ميفيِد
بَلعب جر الحبل مُو شرط
الـه تفوز مَـرات الخساره تَريح الأيد

-تِگِلي الزَعَل مِنَك مَرة مِني.
شُوكِت سَامِع حَچاية مُرة مِني.
حَضن حاضِن اسهَامَك مِن رُمَني.
لأن رِيح مِن أدِيك أطَبَعَن بيَه .

‏لــ جبار رشيد ..
أدري بيـك تحبني مَـا داعي الكلام
وأدري بدموعك صدگ تبچيـلي مِن
تجيني لا تكلمني بغرام وعَفيه عوف
الشـوگ لا تحچيلي ، أنـا ليلي بلايهَواهس مَا أنام شلون لو صرت انتَواهس ليلي ؟

حاصرتني البجيه

أذا أنتَ غشَيم وعَرفو يغَشوك
شنو ذنبيَ ثمَن لأخطَاك ؟
آني أدفَع
ثنئ رِجل الحَزن والراسَ طخّ الگاع
وركَعني وتگول تهُون لاتركَع
غيَر الروُح تُقنع مـِن أگلها تهُون
العطش مـِن السَراب
شيرتويَّ ؟ شيقنع ؟
سَميرّ صَبيّح

چا شگَد شايل حقارة؟
هـَاي عشرتنه ألطويله
ومَاكو شي مَن عدههَ بعيونك عرض؟
أنا أمس ما شگگتَهن
فكرت گَلبي ركض
هَـاي هيَ وڪُلشي فض
وصـارت تخبُل سماي وراحَت الغيمه
وطلع بيها گمر وهاذ أليل چذبه.
النوم أحلى مَـن ألسَهر
هَاي أول مره يمكن
نمت شابع نعمة اللَّه
وما نَمت شابع قهـر.

واجه يطگني! واخوته حاز بينه
واسمعه يگول مالك حاجه بينه
خزرني وسيف صارن حاجبينه
وصرت مثل الصنم من هد عليه

نايمين گاعدين؟🙂‍↔️🤍

بـزَلاتك أضم رَدتك ضميــري أصيرر
وچذبت الصدكك حتى أنتا ماتخسر
وعَاوَنتَك عَلَي مِن شِفت عُذرَك خَاب!
قنعت ألنفـس گلتلها يتغير..لا گصرك طول لا فاض بيك الطَـيب؟
ولا شَمسك عـلت والراكد تبـَخر
لا مــدك وَصـل
والعين شافت نــور لا ڪَسر
جبر لا لغزل تــَفسـر؟؟

بس هم زين ماصار النويته
الله انطاني احلا من الدعيته
لاگاني الاعز والاغلى عالروح
من عافاني واندار الاجيته
الجنت اتذكره وينساني بالضيم
صاير يذكر واني النسيته♥️!

رَغــم ألحَــرب بـس مـا تَـرڪ صَـلاته😔🤍

.حَبيبي وداعتك تِتلاگه
الوجوه
وعلى كُلشي نتحاسب
وحدة وحدة
أجرحك بالعَتب
ما جرحك بسَيف
لأن جَرح العتب
مَحد يضمده .

لو تدري بمعزتك والله لو تدري
لأن يكضي العُمر ماصيحلك عُمري
واصل مرحلة خايف على عيونك
گلت لأهلي من اموتن ما يبلغونك
شني تبجي وعليمن دمعتك تجري؟
لو تدري بمعزتك وانت ماتدري
وتضحك عليه لأن اسئل على اخبارك؟
چا من شفتني احترك طفيتني بنارك؟
بس انا صوجي وجنت محتفظ بسرارك
تاخذني للمشنقه وانا اخذ بثارك !
تستنكف تمُر عليّ؟
چا ضعف حالي ذنب؟
خايب دشوف الخلق من بيتي تتبارك
وصاير عليه عدو؟
بيا وكت صار المحب وي ولفه يتعارك؟
مو چان كُلشي سوا؟
حتى بمرضنه جنت وياي تتشارك
ذبيتني من الصور خليت بس روحك؟
وحايطكم شكد وفي
من شافك الوحدك ماخله بسمارك
من تنام مو جنت اجي؟
واطرد جهال الفرع لا توصل الدارك
مو جنت اخلي أيدي لمن تغثك شمس؟
ماكتلك اسئل عليّردت اعرف اخبارك
واتحمل شكد حجي من ناسك وناسي
ومن باوعت للسماء ، ماجنت امشي بفخر
خايف يطيح الدمع ، مانزلت راسي
ومتريد جدمي بعد يوصل لبيبانك؟
والله ماريد اجي
وكون افقد الذاكره حتى انسى عنوانك
گد ماعليك سئلت
يوميه اعرف گمت اخبار صحبانك
ويضحكلي جان الهوى من جنه نتحاجه
هسه اكعد انا وهلي
ونطلع بصورتك ونگوم نتباجه
ورسايل مااضن يرحن
يخافن جفك الغايب يأذيهن
ولك هنه ورق بيهن كلام انسان
عاد اقراهن وبعدين شك بيهن
بيض اوراقهن بس الحبر بي لون
مابيهن مشاكل مثل راعيهن
ورسايل منك لحد هسه اداريهن
مثل نومة طفل بليل اهز بيهن
واكلبهن واشوف ايامك الحلوات
مو حلوات بس مجبور اسميهن
شايف من يطيح المطر فوك الماي؟
مابيها فخر من تسحك عليهن
واجيت البيتكم كلت البريد الصوج
بعتبتكم وذر شفتك مسويهن
من تكتب قصائد حابها الجمهور
والمقصود مايسمع نعاويهن
هنا تعرف احساسك طير بس مسجون
مفاتيحه بجهنم وين الاگيهن
وتلاگيني واسولفلك كلام الروح
تكلي سوالفك يم غيري حاجيهن
ولك عگدت الساني الخايف من الموت
اذا يم غيرك وينجاب طاريهن
واكلك على الرسائل عايشات بخير
مثل نومة طفل بليل اهز بيهن
بس بيهن مشاكل مثل راعيهن
جبتلك گلب اصفى من البياض البيك
وانت من السواد اسود
مشيتك جنح على الغيم
وانت وياي مشيت الدمع على الخد
كلتلك عيني محتاجه لكحل عينك
خذاني الليل اجيك وتكسر المرود
انا بيا حال يل تسئل على اخباري
بيتي على النهر بس ماطفت ناري
خانكني واجلب بيك حديثة وبيدها المعضد
طايح على السهم صيده ماجاني السهم كتال
انا برجلي رحت مشاي ردت لفراكك اتعود
ومن كتلي الجوامع مو مقر عشاك
بنيت السهم بيدي وماردت معبد
افا وانا خسرت ديني وولا دينك يلملمني
اقلد وانا التقلد؟
عفتني بنار ماتسوه احترك بيها
واجيك بثوب الستبرد
وطرف ثالث تخليني؟

شلون چنت تعوفني
اترجىٰ على بابك ؟
اله أنشف ماي أصابيعك
واخليها تتراَعش
من كثر دگها على َبابي
اله اضوگك ذلة الملاچ
من يصير راعي
اله اخليك بمكاني
لماله داعي
اله اردك ع الهدوم الـَشابگك بيهن
تدور خانه خانه
اله اخليك تتصفن بالوجوه
كلها تتراوالـَك أنه !

سلامم عليكم🌝🌷

أذا حُبك أذيه تعَذب
الروح؟
صَدِك أنا راضي بهالأذية
أنا شتاقيت ما ضل
صَبر بيه
وأجيك اليوم
مو باچر الچيه
أجيلك
رَكض وأوصل گبل الأقدام
واذا تعَبن أقدامي
أمشي على أديه .