یی چیی بوشم جاوید نَچِشکی
هویچ وخت عاشق نَو وه لِچ زِرشکی
خرجان فِره‌یه و ، ته گیفانان قویل
مترسم وه زور فشار بِپِشکی 😂

#بهمرد  هر ایسکه 😁

#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳

😂😂😂😂😂

آیای ، اوووف ، اوخیش اره اِی کاره
رحمت بای وه حال بِرّی بیچاره 😁

مِ ترسیام وتم نَپوختی نکین
و جرم مهریه ، هَریمی سر دَین !

کس‌و کار دگدر ، صو نونه آگر
دل بسلمانان ، گشت بووه کافر

نایژنتی عه جای رنگ آسمان نوینین
دویره‌ی گیان وه یاد کس و کار بچین !

ایسکه گِ موشین وژت کار زانین
م خیر تومه مَی ، وژته مزانین !

باوش اَرن دَی ، تا توینته محکم
هناسی بکیش ، تا بچوئیر خَم

وه جا زرشکی ، لِچه‌ل سی کَتی 🫦
رنگ باز و بوری اَر کَله دَتی 👱‍♀

بیل ناخوین بوتیه ناخوین مامر پیر💅
تا دل گُرّ گِرتیت خاص بکی اسیر 😜

روژ و روژگارتان دایم بو و کام
خاص هاواست بو ، نکوین وه دام

هاواست جم کَ ، تون خدا باوا
هویچوخت نموشم گپی ناراوا

دگدر دس وه تیخ جراحی ناوا
در لم تِرا دَی ، هره سر پاوا 🫁😁

بکینمه لومه ، لیخروت بوینم
بلرزی بدتر چوار ستوینم 😖

#بهمرد ، دل جاوید کریا وه داوار
رنگ ار رخسارش چیو دو هاته هوار 🫥

چِراخ‌رِزیا

سیفی اَر باخِ ولاتِم جَورِ دنیا نیامیَه پا//
اَی رفیقَل هام ری‌یِم چیئمه‌ری بون گِ مامه‌وه//

#بهمرد اِی خاکه نه جاتَن شَقه اَر بال دَو بچو//
تا منیژ وانگی ایرعارِم وَی لَشِ گیسیامه‌وه !//

منصوررضایی‌سرونوی
#بهمردهرمزدیار

▶ @Behmard60042
▶ @BHormozdyar

شعر زیبایِ
« قاف و نویر »
اثری جدید از خادمتان :
#بهمرد_هرمزدیار
منصوررضایی‌سرونوی
ــــــــــــــــــــ #لکی

طی روزهای آتی بعد از میکس و مونتاژ تقدیمتان خواهد شد به مهر 🙏

پایدار باشید و مانا 🙏

▶ @Behmard60042
▶ @BHormozdyar

📝پیام #توتیای_کرمانشاهی استادجلیلیان
      به #بهمرد

وسوز قلب بیمارم پری تو هام والتجا ‌...
که بشکم یاور و یارد ژای کردارگی خیرا ...

مکه گوش وفضول  بی سرو پایل وبی مآوا ...
بگر اَو ریگه ی پر خیره که خالق دا به تو آقا ...

وصالیات وباقیات رسی خیریگ وامواتت ...
که یه اَو اصل خیراته رسید ورفته ‌واحیا ...

هسن افراد بی مایه  بغض آلود وکردارد ...
توکوشش بیشتر فرما که یه مینید اراد والله ...

قصه یل مفت وبی ارزش نکی ریگه ت فراموش کید ...
توانتخاب ای راهی که یارو یاورد مولا ...

📝جواب بهمرد

وه بانِ سر ، وه روی چیئمم ، پندت تا هَر ها ئی گوشم
محالاتن ! هویچوخت وه بان نصیحتت چیی بوشم !
تو توتیایِ خوَش خُلقین و مِ بهمرد وه فرمانِت
بنیش اَی ناخدای کشتی گِ دَلیات بِردیه‌سی هوشم !!


سپاسمندِ لطف و مهر همیشه در فورانتان استاد
توتیای گرانسنگ ❤️👏👏👏

#بهمرد ۲۵ / ۵ / ۱۴۰۲

« قاف و نویر»

شعری زیبا به زبان فاخر لکی

اثر جدیدی از :
منصوررضایی‌سرونوی
#بهمرد_هرمزدیار 💔❤️‍🔥

▶ @Behmard60042
▶ @BHormozdyar

تقدیم شما ادب دوستانِ مهرانگیز 🙏👇

خَم و ژان ئی ژیاینه
پیر کِردِم

بِراکَم
هُشک و بی ذوقِم !!

هَرّی کو بیئم ئی سر وژ
ها گِ مِردِم

بِراکَم
واز کَ طَوقِم ...

#بهمرد

🍁🍁🍁🍁🍁🍁🍁
▶ @Behmard60042
▶ @BHormozdyar

نِمه‌م چام ؟!

هرمزیار اَی دسم عاصه نمه‌م چام
سگِ روحم چیو گرگاسه نمه‌م چام
شیشه‌م تینی دَم الماسه نمه‌م چام
لَش آزاد بو فره خاصه نمه‌م چام
نَسک و هات ، اَر نهاتمه اَر قِراری

الی آخر...

منصوررضایی‌سرونوی
#بهمرد_هرمزدیار

🍁🍁🍁🍁🍁🍁🍁
▶ @Behmard60042
▶ @BHormozdyar

#بیزار

هَم نیمه شَوَو خاومَر چیئم پَرّی
روحِم لَش هایشتمی وه قُله فِرّی
فِگر و خیالات عاص کِردِمه‌سی
وژمه یاد وژم دی بِردمه‌سی
دس بَرمه قلم بوشکمه حال خدا
تا عویژ چیو مِ بنیشی نام جا
خاو بِپَرنمی بوینم مایه دَنگ
یا مات و حیران مَنیشی چیو سنگ
بوینم مَی جواو : چاسی ؟ چایتیه‌ر مِ  ؟!
هر جای رنجیکه مای مسایته‌ر مِ
هر جای خَمیکه مَرشی ئی خُمم
داد و بیدادمه پی ...

به زیبایی تمام سروده شد ✓
بعد از میکس و مونتاژ تقدیم شما ادب دوستان مهرپرور خواد شد ✓

ارادتمند یک یک شما همراهان :
منصوررضایی‌سرونوی
#بهمرد_هرمزدیار

▶ @Behmard60042
▶ @BHormozdyar

آمدنت را به سور خواهم نشست
دیواره‌ی غم به زور خواهم شکست !

#بهمرد

▶ @Behmard60042
▶ @BHormozdyar

#آدمی
به امید
#سبز
است ...

#بهمرد

🍃☘🍃☘🍃☘🍃☘
▶ @Behmard60042
▶ @BHormozdyar

پسرم
سوشیانتم
من تو را بارها و بارها
در رویاههایم
در قعر عمیق ترین خوابهایم
سوار بر اسبی سپید
دیده‌ام

پسرم
سوشیانتم
من تو را در میان بیت بیت اشعارم
به مانند نوری که در ظلمات میدرخشد
دیده‌ام

پسرم
سوشیانتم
من نوید آمدنت را
از مهر فروزان
از #پپیو_پاییزان
از قاصدان فصول
از جوانه‌ی درختان
از رویش گیاهان
از بارش قطرات باران
جویا بوده‌ام

پسرم آخ پسرم
ای ناجی پدر سوشیانتم
من به یاری امشاسپندان
ایزدان پاک و راستی پرستان
به تو دست یافتم

یاریت میکنم تا بمانند سروی سبز
بمانند کوهی سترگ
بمانند ابرهای پر باران
بمانند «میثر»
بمانند «آگِر»
و آب
سایه بخشی
و امید باشی
و سیرآب کنی
و تاریکی از هم بپاشی
و گرما بخشی
و رفع عتش کنی !!

پسرم
سوشیانتم
#بهمرد
به یاری اورمزد
تو را میسازد
و تو جهانی را #میسازی

یاحق
منصوررضایی‌سرونوی
#بهمرد_هرمزدیار ۲۶ / ۱۱ / ۱۴٠۲

#شعر_لکی
اثری جدید در ادامه‌ی اشعار
پَپیو پائیزان یک تا ۶

با عنوان «پَپیوپائیزان۷»

ارادتمند تمامی ادب دوستان
منصوررضایی‌سرونوی
#بهمرد ۱٠ / ۱۲ / ۱۴٠۲

تقدیمتان با مهر 🙏👇👇👇

بنام خدای خرد
شعر لکی
شماره : ۷۱
عنوان : «هَشار هَشار»
اثر : منصوررضایی‌سرونوی
#بهمـــــردهرمزدیــار

#جدید
تاریخ نشر : ۱۱/ ۱۲ / ۱۴۰۲

شعر #لکی
عنوان « هَشار هَشار  »

گوش بِتَکِن  !  هَی برا
بوین چه موشم تون خدا
اتحادمان  حفظ بکیم
نیلیم  یَیهو  بایی‌را  !

قِلامانی سازیه
دنیا وه بین نازیه
یَکی بدمان نموشی
خدا بان سر قاضیه  !

بِگِر  ! بزان چه موشم  ؟!
فدات گِشت عقل و هوشم
هر چیو آگِر گرما بیئن
تا وه پَی‌تان  بجوشم  !

بوری کَلین سری بون
سری و سروری بون
امیدِ لشکری بون
نویرانی اختری بون

بوری گِران براکَه
نازار کُرَکه دالکه
عزیز دله‌کَی خوالکه
نَیل بِکوِم وه لالکه  !

آواختمه وه اتحاد
دل یَکتری بکیم شاد
خوَشی باریم ار بلاد
هر چیو نازار کله باد  !

بون تا بیدون حرص و آز
زنئی بکیمن وه ناز
تا گُپمانه پِف اَر ساز
داد بکیمن واااای شاواز

شاواز شاواز سروناو
وه خِر بامی آو سراو
خاصی دنیا هایتیه باو
بار ناوردیه‌ی ناحساو  !

واهای شاواز کُر و دِت
شیرن شمامل چیو بِت
پَی کارِ خیر نمیئن گِت
بهمرد روشن بو  چیئمِت  !

بهمرد خوصه‌ت دویرا کَ
روژگارت چیو سویرا کَ
شاوارِت پِر نویرا کَ
دِرِک‌سان چَویرا کَ  !

بهمرد شِکِت وه دل ناو
نمای چیو مردم وناو
چیی بایه پا حساو
نِمَپیچن  گشت وه تاو  !

برال دَسی بینه بان
وه پی سازین سایه بان
واجب‌تِر اَر واجبن
چیو آو اره نام بوسان  !!

بوری بشکن خزانه
همیاریت کَ روانه
تو عه صاحب قُرانه
گشت چیئمه‌ریت وِسانه 🙏

بوری بکه رّی خدا
کم پویلَلِت بِشارا
دس هیز دَه دی براکم
وه ئی «هَشار هَشارا» 😁😂

بهمرد قسم وه سلطان
وه ذاتِ پاکِ یزدان
وناوی چو پِشتِ‌تَن
گام ار گام و شان ار شان!

منصوررضایی‌سرونوی
#بهمرد_هرمزدیار

بنام خدای خرد
شعر لکی
شماره : ۷۱
عنوان : « دَنگ لاوه لاوه »
اثر : منصوررضایی‌سرونوی
#بهمـــــردهرمزدیــار

#زیبا و #جدید
تاریخ نشر : ۹ / ۱ / ۱۴٠۳

❤️‍🔥 بشنوید و لذت ببرید 🌹

▶ @Behmard60042
▶ @BHormozdyar

#کاری_سه_نفره 😍
شعر و دکلمه : #بهمرد
صدای لالایی : #سریتی
صدای نفسهای داخل لالایی : #سوشیانت😁

...  من شعرم
گریه‌مه  ،  بغضمه

و اگر موقعی که غمگینم شعر نگم و خالی نکنم  جدا" میترکم  !
و این ترکیدن در مغزم رخ میده و
با وجودیکه با شعر خالی میکنم ته مانده‌ش باعث سردردم میشه  ...

وای اگر اون لحظه بی حوصله باشم و شعر نگم،  یک چشمم میشه کاسه‌ی خون و یک طرف سرم مخزن درد  ....

پس اگر از اشعارم غم همچو اشک فرو میریزه
ازم نگیرین که این فوران آتشیست که گاهگدار
از درونم قیام میکنه  !!

#بهمرد

▶ @Behmard60042
▶ @BHormozdyar

♥♥♥♥

بِکَومه‌ر دورت روله براکه‌م
تَکِم بیه پِشتا گیانم فدات که‌م
قسم وه یکتای صای آسمانِ کاو
پشتِم راستا کِرد محکم چیو پَراو
موتِم اِی خاومه ارا شیرِنه؟؟!
نَیمه‌سه چیئمم تا وه اِی سنه
نِکه پشت سوشیان ها وه قَی پِشتما
بهشت برین ها وه نام مِشتما
دردت بکوی اَر دار ندار #بهمرد
اَر گیانم نَمن توزی ژان و درد !

معنا :
دورت بگردم فرزند چون برادرم
به پشتم تکیه بزن تا جانم را فدایت کنم
قسم به خدای یکتا صاحب آسمان آبی
پشتم را راست نمودی محکم مثل کوه پراو
با خود میگفتم که امشب چرا خوابم خیلی شیرین است؟؟!
تا به این سن اینگونه خواب آرامی به چشمم ندیده بودم
تو نگو سوشیانتم پشت به پشتم تکیه داده
بهشت برین را در مشتم گذاشته بود
درد و بلات به دارایی بهمرد
در بدنم ذره‌ای درد باقی نماند !!

#بهمرد 29 خرداد 1403


▶ @Behmard60042
▶ @BHormozdyar

در غم از دست دادن جوانان همدیاری 😔


خم ارا ساتی نمیلی وه دلِ خوش کیم گذر؟
ساز و دویل چِله کو گرتیه بَزمه‌سی یَی‌سر  چَمر؟
سایه شوم تیر عجل اَرا هر ها بان سر وناو
ارا هر مَی وه سر ایمه ایر بچو  تیرِ خطر؟
باده قوش هو هو کری ار نام کلاوال نیمه شو
موی لشم سیخه مکی روح و راوانمه ماو پَکر
یا ملک الموت برا یه خوشه مایتی کام خدا
گ بسینین روح پاک ار جوانی نیه‌ی ثمر؟؟!
چات پَلت گیر کتیه‌سر مردم ژار و بی کسم
چات مری ار هویچ ولاتی کس نمنیه یَی نفر
چات بینسه میرخضو برا و خویه و کار و کسم
چات بگر آخر زمانه‌و عمر دنیات هاته سر
بومه خِر ای دفتره گ ها دس تو ناحساو
جم کَ باوا،  دی دس هیز ده هایمی هَری تا کمر
هفته عه مِردی نهاتیه  ،  مَلسین تیخت و ماین
گیانِ شیرنی تِرِک قصته مکین مرین عه گر
#بهمرد ار تیر عجل کس سر نمکی ئی دریر
کاشکای بوینیام و قَراصه،  بشکانام گشت بال و پر  !! 😭

منصوررضایی‌سرونوی
#بهمرد ۳٠ / ۳ / ۱۴٠۳ 🏴🥀

🍃☘🍃☘🍃☘🍃☘
#کانال‌دوستان‌بهمرد « وَناویَل »
▶ @Behmard60042  👈🇯‌🇴‌🇮‌🇳

دفترِ دل
#بهمرد منصوررضایی‌سرونوی
شَوری‌وشِ لک

▶ @Behmard60042
▶ @BHormozdyar