‍ #منصور رضایی سرونوی #بهمرد
#خاطره_زلزله
در جواب خاطره #نفیر_کرمانشاهی
پنجشنبه سوم اسفند١٣٩۶

سلام براکم ؛ #نفیر دلگرمیم
خَنَت هایشت اَر بان دِلَی ریچرمیم
چَن اوقاتی بی نخَنویم وه خوَش
صفا و دلگرمی ، خدات بکی بَش
خداوند بکی سوخانت ساق بو
دَر لطفِ دادار وَ رویِت طاق بو
اهورا بکی دایم بخَنین
وه گَرد خم خوصه هویچوخت نَجنگین
معنا کِلامِت چیو باخِ وَهار
وه خوَش و خرم ، هر دم بایه بار
کیَنی شعورِت لوریز بو تمام
بوشین ، بِوَشین ، ناشتا تا وه شام
وه قولی وژت سرتی ژان نَنِم
مَی چیی بوشِم ؛ وژمیژ بِخَنم

شو زمین لَخشه ، وه گرد یَی دوسی
دوسِ نازارِ چَرمِله پوسی
در حالِ چَت بیم ، اَی نام تِل هَرّی
متوجه بیم ؛ سرمه مَلَقی
خانم اَی پا گاز مِ چیو جِنازه
دریژِم کیشایو ، چیَم وه دروازه
دیم تبلاو عسکه باوَم چیو مشکه
هَله ماوردی ؛ یَو دوما غش که
غش کَه و خَنه ! بوین کاکه #بهمرد
چِجور هَیوایه وِرَی نام پاگرد
وَ گیانِ هَر کی شیرِن تِرِکمه
هَر وه شامَمی ایمام در گومه
وه عه زنگیه ها وه خاک بالَن
هَر وه سَی فَرِخ اَی خاک جلالن
وه باوه یادگار وه خودِ سلطان
وه حق کِردَگار سازنده جهان
وه یَی واز ؛ چیو بَور پریمی حسار
چیمیه یاد نوی #سریتی نازار
وه رُمه ترانس برقَل گشت قط بی
خیالمَی باوَت چیَمم راحت بی
دنگم هاوردَور هَی خانم بیهوا
نَترسین گیان تو نمیلمته جا
هردِک وه یَکا دامانه کویچه
لرزمان کتی گیان ، ایدف دلپیچه
کِلکم نیار گوش دادِم کِرد وه سر
جوری شنفتان گشت بنی بشر
هَی مردم هاوار وه راگَی خدا
کنتورَل اصلی کُل کِپ بِکَنا
نه یَی جار دو جار وه قیره قوی
مردم زلزلان دی وه یادا چی
دنگ هی هاوارم ، چِنه ١٠ریشتر
تِرس هایشتی مردم ! نه بلکم بیشتر
آو و گاز و برق ، کلا" بسریا
اَقرمه قیرّان ، حلقم دِرریا

خلاصه برا لَخشه وِساوا
بی شِک خو دیته ، گوَر وه وَر داوا
هر وه عه چاپه لرزه زِرانیم
و حق #قورانه مال #باوه_خانیم
چه بوشِم و چیو گپ دل بِشارما
چقه دنانم وه نام عه سرما
هَر یَمه زانست گردیم کوی تا رو
تا گر جمم کرد قیری تخته چو
هر وه رِکه رک آگرمی کِردا
تا دم مِردن چیوم ؛ گِلِم هاوِردا
َمردم گشت هیواین کویچه چول کِریا
مِ چمه مالاو بی دنگ نیشتمِرا
وتم هی خانم بیَسیم بادا باد
تو اَر #هوماین و مِ کُر #کیقباد
وت اک بومه خِر لرزه شانَلِت
چقه چق ناجور نام دنانَلِت
دامه ژیر خَنه ؛ سرم هایشته هوار
وتم تون خدا گوپی آو قَن بار

#بهمرد_هرمزدیار
⛄ @behmard60042 join👈

بنام خدای خرد
شعر لکی
شماره : ۷۱
عنوان : « دَنگ لاوه لاوه »
اثر : منصوررضایی‌سرونوی
#بهمـــــردهرمزدیــار

#زیبا و #جدید
تاریخ نشر : ۹ / ۱ / ۱۴٠۳

❤️‍🔥 بشنوید و لذت ببرید 🌹

▶ @Behmard60042
▶ @BHormozdyar

#کاری_سه_نفره 😍
شعر و دکلمه : #بهمرد
صدای لالایی : #سریتی
صدای نفسهای داخل لالایی : #سوشیانت😁