🚨 💣  ခရစ်စတီယာနို ရော်နယ်ဒိုသည် ပေါ်တူဂီ လက်ရွေးစင်အသင်းမှ အနားယူမည် မဟုတ်ပါ။ ဆက်လက် ကစားသွားမည် ဖြစ်ပါသည်။

ခရစ်စတီယာနို ရော်နယ်ဒို၏ တရားဝင် ထုတ်ပြန်ချက် ⬇️ 💥

ပေးထားတဲ့ ကတိအတိုင်း ပြီးခဲ့တဲ့ လက်ရွေးစင်အသင်း စခန်းသွင်းစဉ်မှာ ဘာတွေ ဖြစ်ပျက်ခဲ့သလဲဆိုတာကို တိုက်ရိုက် ပွင့်ပွင့်လင်းလင်း ရှင်းပြချင်ပါတယ်။

ကမ္ဘာ့ဖလားအပြီးမှာ FPF (ပေါ်တူဂီ ဘောလုံးအဖွဲ့ချုပ်) ဥက္ကဋ္ဌက ကျွန်တော့်ကို အနားယူမယ့် အစီအစဉ် ပြန်စဉ်းစားဖို့ တိုက်တွန်းခဲ့သလို လက်ရှိ နည်းပြအပေါ် ကျွန်တော့်ရဲ့ အမြင်ကိုလည်း မေးခဲ့ပါတယ်။ ကျွန်တော်ကတော့ အဲဒီနည်းပြဟာ မှန်ကန်တဲ့ ရွေးချယ်မှုဖြစ်လိမ့်မယ်လို့ အဖြေပေးခဲ့ပါတယ်။

ဩဂုတ်လထဲမှာတော့ နည်းပြက ကျွန်တော့်ကို အသင်းရဲ့ စီမံကိန်းအတွက် မရှိမဖြစ် အဓိက ကစားသမားဖြစ်ကြောင်း၊ ပထမဆုံးပွဲကနေ နောက်ဆုံးပွဲအထိ ကစားပေးရမှာဖြစ်ကြောင်း ပြောခဲ့ပါတယ်။ သူက ကျွန်တော့်ကို အဝေးကွင်း ခရီးစဉ်အချို့ နားနားနေနေ နားခဲ့ဖို့ အကြံပြုခဲ့ပေမဲ့ ကျွန်တော် ငြင်းဆန်ခဲ့ပါတယ်။ ကပ္ပတိန်တစ်ယောက်အနေနဲ့ အိမ်မှာ သက်တောင့်သက်သာ ကျန်ခဲ့ဖို့ မဖြစ်နိုင်ပါဘူး။
ဒါနဲ့ ပတ်သက်လို့ Simão Coutinho က သက်သေပါပဲ။

နော်ဝေးနဲ့ ကစားမယ့်ပွဲနေ့မှာတော့ နည်းပြက ကျွန်တော့်ကို မိနစ် ၃၀ လောက် ဝင်ကစားဖို့ အဆင်သင့်ဖြစ်၊ မဖြစ် မေးလာခဲ့ပါတယ်။

မိနစ် ၃၀ လောက် ဝင်ကစားဖို့ အဆင်သင့်ဖြစ်၊ မဖြစ် နည်းပြက မေးလာပါတယ်။ အဲဒါဟာ မူလအစီအစဉ်ထဲမှာ မပါပေမဲ့ ကျွန်တော် သဘောတူခဲ့ပါတယ်။ ပွဲဝက်နားချိန်ကတည်းက သွေးပူလေ့ကျင့်ခန်း ဆင်းခဲ့ပေမဲ့ ပွဲထဲဝင်ကစားဖို့ မခေါ်ခဲ့ပါဘူး။ သူ ပေးထားတဲ့ ကတိကို ဖျက်ခဲ့တာပါ။ ပွဲအပြီးမှာ ပရိသတ်တွေကို နှုတ်မဆက်ဘဲ ထွက်သွားခဲ့တာကတော့ ကျွန်တော့်အမှားဖြစ်လို့ တောင်းပန်ပါတယ်။

၄၈ နာရီအကြာ Coutinho ရှိနေတဲ့အချိန်မှာ မီဒီယာတွေ့ဆုံပွဲကျရင် အမှန်အတိုင်း ပြောပြပေးဖို့ ကျွန်တော်တို့ သဘောတူခဲ့ကြပါတယ်။ အဲဒါကတော့ - ဒီအစီအစဉ်ဟာ နည်းပြကိုယ်တိုင် စီစဉ်ခဲ့တာဖြစ်ကြောင်း၊ ကျွန်တော့်ဘက်က ပွဲထွက်ကစားချိန် တောင်းဆိုခဲ့တာ မဟုတ်ကြောင်းနဲ့ ပွဲထဲမထည့်ဘဲ သွေးပူလေ့ကျင့်ခန်းပဲ ဆင်းခိုင်းခဲ့တာဟာ အမှားတစ်ခုဖြစ်ကြောင်း စတာတွေပဲ ဖြစ်ပါတယ်။ သူက ကျွန်တော့်ကို ဖက်လှက်နှုတ်ဆက်ပြီး ကတိပေးခဲ့သလို အဲဒီမှတ်စုပါ အတိုချုပ် စာတမ်းကိုလည်း ကျွန်တော် သဘောတူခဲ့ပါတယ်။

အဲဒီမနက်မှာပဲ ဥက္ကဋ္ဌနဲ့ နည်းပြတို့ကို ကျွန်တော် ပြောခဲ့ပါတယ် - 'ကျွန်တော့်ကို အလိုမရှိတော့ဘူးဆိုရင် ပွင့်ပွင့်လင်းလင်းပဲ ပြောပြပါ လို့။ သူတို့နှစ်ယောက်စလုံးကတော့ မဟုတ်ပါဘူး လို့ ငြင်းခဲ့ကြပါတယ်။

ဒါပေမဲ့ မီဒီယာတွေ့ဆုံပွဲမှာ ပြောသွားတာတွေဟာ ကျွန်တော်တို့ သဘောတူထားတာတွေနဲ့ လုံးဝ ကွဲလွဲနေခဲ့ပါတယ်။ ကျွန်တော်နဲ့ မထိုက်တန်တဲ့ တိုက်ခိုက်ပြောဆိုမှုတွေကိုပဲ ကြားခဲ့ရပါတယ်။ ဒါဟာ သူ ကတိဖျက်ခဲ့တာ ဒုတိယအကြိမ်မြောက် ဖြစ်ပါတယ်။"

နှစ် ၂၅ နှစ်နီးပါး ကစားသမားဘဝအတွင်းမှာ ကျွန်တော်ဟာ နည်းဗျူဟာပိုင်းဆိုင်ရာ ဆုံးဖြတ်ချက်တွေမှာ ဘယ်တုန်းကမှ ဝင်ရောက်စွက်ဖက်ခဲ့ခြင်း မရှိပါဘူး။ ဒါပေမဲ့ ကျွန်တော့်အပေါ် ပေးထားတဲ့ ကတိတွေ ပျက်စီးသွားခဲ့တဲ့အချိန်မှာတော့ အဲဒီနေရာဟာ ကျွန်တော် ရှိနေရမယ့်နေရာ မဟုတ်တော့ပါဘူး။

အသင်းကနေ ထွက်ခွာခဲ့တဲ့အတွက် အသင်းဖော်တွေကို တောင်းပန်ပါတယ်။ ဒီအတွက် တာဝန်ရှိသူဟာ ကျွန်တော်တစ်ယောက်တည်းပါပဲ။ FPF (ပေါ်တူဂီ ဘောလုံးအဖွဲ့ချုပ်) အနေနဲ့ ကျွန်တော့်ကို သက်ညှာပေးခြင်းမရှိဘဲ အပြစ်ပေးသင့်ပါတယ်။ ကပ္ပတိန်တစ်ယောက်အနေနဲ့ ဆိုရင် ဒါဟာ ပိုပြီးတော့တောင် ပြင်းထန်တဲ့ အပြစ်တစ်ခု ဖြစ်ပါတယ်။

နှုတ်ဆက်ပွဲ ကစားပေးမယ်ဆိုတဲ့ ပြောဆိုသံတွေ ရှိနေပါတယ်။ ဒါပေမဲ့ ကျွန်တော် ငတ်မွတ်ခေါင်းပါးခဲ့တဲ့ ငယ်စဉ်အခါကတည်းက ဘယ်သူမှ ဘယ်သူ့ကိုမှ လွယ်လွယ်နဲ့ ဘာမှမပေးဘူးဆိုတာ သင်ယူခဲ့ရပြီးပါပြီ။ ကျွန်တော့်အတွက် လက်ရွေးစင်အသင်းဆိုတာ ယှဉ်ပြိုင်မှုတစ်ခုပါပဲ။

ကျွန်တော့်အဖေ ဆုံးပါးသွားခဲ့တုန်းကတောင် နောက်တစ်ပွဲ ပြီးဆုံးတဲ့အထိ ကျွန်တော် အသင်းမှာ ဆက်ရှိနေပေးခဲ့ပါတယ်။ အဲဒါကို ကျွန်တော့်နိုင်ငံအတွက် လုပ်ဆောင်ပေးခဲ့တာပါ။

ပွဲပယ်ပြစ်ဒဏ်စေ့လို့ ကျွန်တော် ကြံ့ခိုင်မှု ပြည့်ဝနေပြီဆိုရင်တော့ ပေါ်တူဂီအသင်းအတွက် အမြဲတမ်းလိုလို ဝင်ရောက်ယှဉ်ပြိုင်ပြီး အနိုင်ယူပေးဖို့ အသင့်ရှိနေမှာပါ။

ဒါဟာ လုံးဝ ဧကန်အမှန်တရားပဲ ဖြစ်ပါတယ်။"