መራራ እውነታ‼

መውሊድን ማክበር በሸሪዓችን የታዘዘ ቢሆን ኖሮ፤ በዚህ ደረጃ ለማክበር ተነሳሽነቱ አይኖራቸውም ነበር። ምክንያቱም ከፊሎቹ በእልህና በስሜት ስለሚጓዙ እንጂ ብዙዎቹ መውሊድ አክባሪዎች ሸሪዓው በግልፅ ባዘዛቸው ተግባራት ላይ የተዘናጉ ናቸው።

የሽንት ቤት አጠቃቀም ስነ ስርኣት
~
① እንዳይሰረቁ ወይም እንዳይጠፋ ካልሰጉ በስተቀር የአላህ ስም ያለበት ነገር ይዞ ሽንት ቤት ውስጥ አለመግባት።
② የሚፀዳዱት ሜዳ ላይ ከሆነ ከሰው እይታ ራቅ/ ሰወር ማለት። [ሶሒሕ ኢብኒ ማጃህ: 1/ 60]
③ በሰው መተላለፊያ መንገድ ላይ ወይ አጠገብ፣ ሰዎች ከሚጠለሉበት ዛፍ ስር፣ ፍሬው ከሚበላ ዛፍ ስር፣ የፍራፍሬ ዛፍና አትክልቶች አጠገብ፣ ወራጅ ባልሆነ ውሃ ላይ፣ የውሃ ምንጭ ላይ፣ መቃብር ውስጥ አለመፀዳዳት። [ኢርዋኡል ገሊል: 1/100] [ሙስሊም: 269፣ 281] [ኢርዋእ: 1/102]
④ ንፋስ ወደሚነፍስበት አቅጣጫ ዙሮ አለመፀዳዳት።
⑤ የተሰነጠቀ መሬት ላይ ወይም ቀዳዳዎች ላይ አለመፀዳዳት። [አቡ ዳውድ: 29]
⑥ ውጭ ላይ የሚፀዳዱ ከሆነ ወደ መሬት ዝቅ እስከሚሉ ልብስን አለመሰብሰብ ወይም አለማውረድ። [ሶሒሑል ጃሚዕ: 4652]
⑦ ውጭ ላይ በሚፀዳዱ ጊዜ ወደ ቂብላ አለመዞር፣ ጀርባንም ለቂብላ አለመስጠት። ሽንት ቤት ውስጥ ከሆነ ወይም ከፊት የሚጋርድ (ግድግዳና መሰል) ነገር ከኖረ ችግር የለውም። ይህንንም ቢሆን ከተቻለ መጠንቀቅ። [አልቡኻሪይ እና ሙስሊም] [ኢርዋእ: ቁ· 61]
⑧ ሽንት ቤት ሲገቡ ግራ እግርን ማስቀደም።
⑨ ሽንት ቤት ሲገቡ "ቢስሚላህ። አላሁመ ኢንኒ አዑዙ ቢከ ሚነል ኹቡሢ ወልኸባኢሥ" ብሎ ከሸይጧን መጠበቂያ ዱዓ ማድረግ። [ሶሒሑል ጃሚዕ: 3611] [አልቡኻሪይ እና ሙስሊም]
(10) በሚፀዳዱ ጊዜ ብልትን በቀኝ እጅ አለመንካት፣ በቀኝ እጅ አለመፀዳዳት። [አልቡኻሪይ እና ሙስሊም]
(11) በሚፀዳዱበት ጊዜ ያለ ምክንያት ከማውራት መቆጠብ።
(12) ቢያንስ በሶስት ድንጋይ፣ ሶፍት፣ ወረቀትና መሰል ነገር መፀዳዳት። አንድም ቢሆን ሶስት የተለያዩ ጎኖች ወይም ገፆች ከኖሩትም በቂ ሊሆን ይችላል። ወይም በውሃ መጠቀም። አጥንት፣ ፋንዲያ፣ ምግብ ነክ ነገር እና ንፁህ ያልሆነ ነገር ለመፀዳጃነት አይውልም። [ሙስሊም፡ 262፣ 263፣ 271]
(12) ከሽንት ቤት ሲወጡ ቀኝ እግርን አስቀድሞ መውጣት።
(13) ከሽንት ቤት ሲወጡ "ጉፍራነክ" ማለት። [ሶሒሑል ጃሚዕ: 4707]
=
(ኢብኑ ሙነወር፣ መጋቢት 23/2010)

https://t.me/B1e9h

ወገኔ ሆይ! አሕመድን መሆን ቢያቅትህ አቡል ሀይሠምን መሆን አያቅትህ!
~
የኢማሙ አሕመድ ልጅ የሆኑት ዐብደላህ እንዲህ ይላሉ:–
አባቴን ብዙ ጊዜ "አላህ ሆይ! እባክህን አቡል ሀይሠምን ማረው" ሲሉ እሰማቸው ነበር።
"አባቴ ሆይ! አቡል ሀይሠም ማነው?" ስላቸው እንዲህ አሉኝ:– "አንድ ከዘላኖች የሆነ ሰው ነው። ፊቱን አላየሁትም። ከተገረፍኩበት ቀን ቀድሞ በነበረው ሌሊት በጠባብ ጨለማ ክፍል ውስጥ አስገቡኝ። የሆነ ሰው በእጁ ነረተኝና "አህመድ ብኑ ሐንበል ነህ አንተ?" አለኝ።
"አዎ" አልኩት።
"ታውቀኛለህ?" አለኝ።
"አይ" አልኩት።
"እኔ ሌባው፣ አስካሪ መጠጥ ጠጪው፣ ሽፍታው አቡል ሀይሠም ነኝ። በተለያየ ጊዜ 18 ሺ አለንጋ እንደተገረፍኩ ከአሚረል ሙእሚኒን መዝገብ ላይ ተመዝግቧል። እኔ በሸይጧን መንገድ ላይ ሆኜ ይህን ሁሉ ችያለሁ። ስለዚህ አሕመድ አንተ በአላህ መንገድ ላይ ነህና ታገስ!" አለኝ።

·
አስረውኝ ግርፋቱ በተጀመረ ጊዜ አለንጋው ጀርባየ ላይ ባረፈ ቁጥር የአቡል ሀይሠምን ንግግር እያስታወስኩ ለራሴ፡ "አሕመድ ሆይ! በአላህ መንገድ ላይ ታገስ!" እለው ነበር።

እና ወዳጄ!
★ (አሕመድ) ኢብን ሐንበል መሆን ካልቻልክ አቡል ሀይሠምን ሁን!
★ ጥፋት ላይ የሰመጥክ ብትሆን እንኳን ሐቅን ውደድ!
★ ወንጀል ላይ የተነከርክ ብትሆን እንኳን ለጌታቸው ታዛዥ የሆኑትን ውደድ!
★ ሸይጧን የፈለገ ካንተ ቢያገኝ ለአላህ የሚሆን ቦታ ይኑርህ!

[መናቂቡል ኢማም አሕመድ፡ 450–451]
[አሶፍዋ: 1/485]
=

IbnuMunewor

https://t.me/B1e9h

ትምህርት ቅንጦት አይደለም
~
ያ ኡመተል ኢስላም! ልጆችህን ትምህርት አስተምር። ካልሆነ ግን በገዛ ምድርህ ባይተዋር ትሆናለህ። ካልሆነ ግን ሌላው በተቋም እና በመዋቅር ሲዋጋህ አንተ በለቅሶ ነው የምትከላከለው። ካልሆነ ግን በገዛ ቀየህ ላይ "የእስላም አገሩ መካ፣ የአሞራ አገሩ ዋርካ" ይተረትብሃል። ካልሆነ ግን ግብር የምትከፍልበት ተቋም የምትወገርበት ዱላ ይሆናል። ካልሆነ ግን ለሚደርስብህ መገለልና መድሎ ምላሽህ ለቅሶ ብቻ ይሆናል። ካልሆነ ግን መብትህን የምታገኘው ሌሎች ሰፍረው ለክተው በሚሰጡህ መጠን ብቻ ይሆናል።
አለመማር አንድምታው ብዙ ነው። አላስተምርም ካልክ ሚሽነሪ ገብቶ ልጆችህን በትምህርትና በጤና አገልግሎት ስም ይወስድልሃል። እነ ላጲሶ የሚሸነሪ ሰለባዎች ናቸው። አላስተምርም ካልክ ሴረኛ ፖሊሲዎችና ደንቦች እየተረቀቁ ከንግዱ ሴክተር ሳይቀር በካልቾ ትባረራለህ። አላስተምርም ካልክ ታሪክህን እያወላገደ፣ እምነትህን እያንጋደደ ለሚያጠለሽ አካል ቦታውን ትለቃለህ። አለመማር በጤናው፣ በፀጥታው፣ በአስተዳደሩ፣ ... ሴክተር የሚኖረው ክፍተት ከምናስበው በጣም የራቀ ነው። በዚህ ዘመን በስልኩ የተላከለትን መልእክት የማያነብ፣ የሰፈሩ አጥር ላይ የተለጠፈን ማሳሰቢያ የማያውቅ፣ ባንክ ቤት ገብቶ ስሙን መፃፍ አቅቶት ሰው የሚጠብቅ ወጣት ማፍራት እጅግ አደገኛ ነገር ነው። አስተምር ልጆችህን። በትምህርት ተቋማት ውስጥ ያሉ ችግሮችን ልጆችህን በማራቅ አትፈታቸውም። እያስተማርክ ታገል። ጎን በጎን ክፍተቶችን በራስህ በቤትህ ወይም ተደራጅተህ ሙላ። ብታስተምር ይሻልሃል!

Ibnu Munewor

https://t.me/B1e9h

🚫 ከሌቦች ተጠንቀቁ
👇👇👇👇👇👇👇👇👇👇

*ኢትዮ ቴሌኮም እየተጠቀሙ ነው?*

ኢትዮ ቴሌኮም ነፃ ዳታ ለሁሉም *አሮጌ ሲም ካርድ* እያቀረበ ነው።

✅6 ወር የቆየ ሲም - 10 ጊባ
✅1 አመት እና ከዚያ በላይ - 20GB
✅5 አመት እና ከዚያ በላይ - 50GB

አሁኑኑ ፍጠን እና የኢትዮ ቴሌኮም ሲም ካርድዎ ለዚህ አቅርቦት ብቁ መሆኑን ያረጋግጡ።
*እዚህ ጠቅ ያድርጉ*

https://ethio-10-reward.insiteagency.info/
👆👆👆👆👆👆👆👆👆👆
ይህ ከላይ ያለው መረጃ የአጭበርባሪዮች ነውና ተጠንቀቁ ‼ ወደ ማንም እንዳትልኩ
ከተላከላችሁ ወደ 994 ደውላችሁ ሳታረጋግጡ በፍፁም ሊንኩን እንዳትጫኑት ።

https://t.me/B1e9h

2ኛ ዙር አለም አቀፍ የቁርዓንና የአዛን ውድድር 2024 ለማዘጋጀት ቅደም ዝግጅት እየተደረገ መሆኑ ተገለፀ

2ኛ ዙር አለም አቀፍ የቁርዓንና የአዛን ውድድር 2024 ቅደም ዝግጅት አስመልክቶ በዛይድ እብን ሳቢት የቁርአን ማህበር ዛሬ መስከረም 21/2016 ዓል በኤሊያና ሆቴል ጋዜጣዊ መግለጫ ተሰጥቷል።

  ዘይድ  እብን ሳቢት ኢትዮጵያ በዓለም አቀፍ የቁርዓን ውድድር ለማዘጋጀት ከኢትዮጵያ አዕምሮአዊ ንብረት ባለስልጣን የፓተንት መብት ያለው ብቸኛ ማህበር ሲሆን ዘይድ  እብን ሳቢት የቁርዓን ማህበር የመጀመሪያውን አለም አቀፍ የቁርዓን ውድድር በሀገራችን በ2014 ማዘጋጀቱ የሚታወስ ነው።

  ከሀምሳ በላይ የሀገራት ተወካዮች  የተሳተፋበት በ2014ቱ የመጀመሪያው አለም አቀፍ የቁርዓን ውድድር ጉድለቶቹ ፣ችግሮቹ፣ለተከታዩ ዙር ትምህርት ሁኖ እንዳለፈ በመግለጫው ላይ ተጠቅሳል።

  2ኛው ዙር አለም አቀፍ የቁርዓን ውድድር የተሳካና አለም አቀፍ ደረጃን በጠበቀ መልኩ እንዲሆን ከተለያየ የህብረተሰብ ክፍል እና የሙያ ስብጥር አስራ ሶስት አባላት ያሉት አብይ አስተባባሪ ኮሚቴ ተመርጦ ተከታታይ ስራዎችን በመስራት ላይ እንደሚገኝ ተጠቅሷል።

2ኛው ዙር አለም አቀፍ የቁርአን የአዛን ውድድር ከሁለት ወራት በኃላ የሚካሄድ ሲሆን ይህን ውድድር የተሳካ ለማድረግና ዝግጅቱ የሚፈልገውን ወጪ መሸፈን ይቻል ዘንድ የገቢ ማሰባሰቢያ ፕሮግራም ጥቅምት 3 /2017 ዓል እንደሚካሄድ ተገልፃል።

ሐበሻ በአልዑመሪ እይታ
~
የፀሐፊው ሙሉ መጠሪያ አቡል ዐባስ ሺሃቡዲን አሕመድ ብኑ ፈድሊላህ ብኒ የሕያ አልዑመሪ ይባላል። ባጭሩ ኢብኑ ፈድሊላህ አልዑመሪ ወይም አልዑመሪ በመባል ይታወቃል። በሂጅራ አቆጣጠር ከ 700 እስከ 749 ባለው ነው የኖረው። በአውሮፓው አቆጣጠር ሲታይ በ1349 ነው የሞተው። ታዋቂ የታሪክ፣ የጂኦግራፊ እና የ'ኢትኖግራፊ' ምሁር ነው። ከበርካታ ኪታቦቹ ውስጥ مسالك الأبصار في ممالك الأمصار ስራው በሰፊው ይታወቃል። የሙስሊሙን ዓለም እና አጎራባች ህዝቦችን ባህል፣ ልማድ፣ ቋንቋ፣ ጂኦግራፊ፣ የአየር ንብረት፣ ... በ 27 ቅፅ (ሙጀለድ) የዳሰሰ ስራ ነው። ይሄ ትልቅ ስራ ስለ ሃገራችን ኢትዮጵያ በሃገር ውስጥ ምንጮች ውስጥ የማይገኙ በርካታ መረጃዎችን ይዟል። በተደጋጋሚ በዚህ ስራ ውስጥ ያሉ መልእክቶችን ጨምቄ ማቅረብ እየፈለግኩኝ ሳይሆንልኝ ቀርቶ ነበር። ዛሬ ባጭሩ ነካ ማድረግ እፈልጋለሁ።
በቀደምት ምንጮች ላይ እንደሚታወቀው ሐበሻ በሚል ነው የሚገልፃት። በዚህ ስያሜ የሚታውቀው ግዛት ዛሬ ካለችው ኢትዮጵያ በእጅጉ የሰፋ ነው። በምስራቅና ሰሜን ምስራቅ በኩል የሃገሪቱ ድንበር ህንድ ውቅያኖስና የመን ነው። ቀይ ባህርንም የሐበሻ ባህር በሚል ነው የሚጠራው።
ሐበሻ ቀደም ባለው ዘመን መናገሻ ከተማዋ አክሱም እንደነበረች የምትገኘውም በሰሐርት ግዛት ውስጥ እንደሆነ፣ ሰሐርት ቀደም ብሎ ቲክራይ (ትግራይ?) በመባል ትታወቅ እንደነበር ይገልፃል። በፀሀፊው ዘመን የመንግስቱ ዋና ከተማ በአምሐራ ግዛት ውስጥ እንዳለ ሲገልፅ መርዐዲ በመባል ትታወቃለች ይላል። ከአምሐራ ቀጥሎ ሸዋ፣ ዳሞት፣ ላምናን፣ ሲሁ፣ ዘንጅ፣ ዐድሉል ኡመራእ ( ፍትሐ ነገስት?) ፣ ሐማሳ፣ ባሪያ፣ ሰባቱ ኢስላማዊ ሱልጧኔቶች እንዳሉ ሲጠቅስ እነዚህ ሁሉም የየራሳቸው ንጉስና ሰራዊት አላቸው። ትልቁ መሪያቸው በቋንቋቸው አፄ በመባል ይጠራል። በዘመኑ ያለው ንጉስ አፄ አምደ ፅዮን ነው ይላል።

የአባይን ወንዝ ሲሁን ብሎ ነው የሚጠራው፣ ግዮን የሚለው ይመስለኛል። የህዝቡ አለባበስ በክረምትም በበጋም አንድ አይነት ነው። ከጥጥ የሚሰራ ያልተሰፋ ልብስ ሲሆን እያንዳንዱ ሰው ሁለት ልብሶች አሉት፤ ከላይ የሚለበስ አንድ ከስር የሚታጠቁት ሌላ። ቁምጣና ቦላሌው ብዙም አልነበረም ማለት ይሆን?
አብዛኛው ግብይታቸው እቃ ለእቃ ልውውጥ ነው። ከሰባቱ የኢስላማዊ ሱልጧኔቶች ውስጥ በአምስቱ የነበረው ግን ከዚህ ይለያል። የኢፋት ሱልጧኔት ዋና ከተማ ላይ የወርቅና የብር ሳንቲሞችን ይጠቀማሉ። ደዋሮ፣ አሪቢኒ (አርባቢኒ?)፣ ሸርኻ እና ሀዲያ ሱልጧኒቶች ሐከና ብለው የሚጠሩት በትልልቅ መርፌ ቅርፅ የሆነ መገበያያ ይጠቀማሉ።
የሐበሻ ህዝቦች በአመት ሁለት ጊዜ ዝናብ ተጠቅመው ያመርታሉ። በሁለቱ ወቅቶች የሚገኘውን ዝናብ በል (በልግ?) እና ክረም (ክረምት) ብሎ ጠቅሷል። ስንዴ፣ ገብስ፣ በቆሎ፣ ጤፍ እና ሌሎችም የእህልና የጥራጥሬ አይነቶች፣ ፍራፍሬዎች እንዳሉ ያወሳል። በኢስላማዊ ሱልጧኔቶቹ ውስጥ በተለይም በኢፋት ሸንኮራ አገዳ እንዳለ ይጠቅሳል።

በሐበሻ ምድር የሚገኙ የሙስሊም ሱልጧኔቶችን በተመለከተ በቁጥር ሰባት እንደሆኑ ሲጠቅስ ከነዚህ ውስጥ ሰፊው ኢፋት (እሱ አውፋት እያለ ነው የሚጠቅሰው) ሲሆን በሰራዊት ብዛት ጠንካራው ደግሞ ሀዲያ እንደሆነ ይጠቅሳል። እነዚህ ሱልጧኔቶች አቅማቸው ደካማ፣ ሀብታቸው አነስተኛ፣ በመካከላቸው መጣጣም የሌላቸው የተለያዩ እንደሆኑ ያነሳል። አብዛኞቹ ስፋታቸው በጣም አነስተኛ ነው። ከአምሐራው ገዢ በኩል ጫና እንዳለባቸውና በመካከላቸው ያለውን ፉክክር ትተው ቢግባቡ ኖሮ መጋፈጥ ይችሉ እንደነበር የነስቡ ራያን ኪታብ አዘጋጀ ታዋቂውን ዘይለዒይን ያጣቅሳል።
የነዚህ ሰባት ግዛቶች ነዋሪዎች እምነታቸውን የሚተገብሩና የሚጠብቁ ናቸው። መድረሳዎችና የሱፍያ ዛውያዎች እንደሌሉም አውስቷል።
የኢፋት ሱልጧኔት ግዛት ከመሀል ሃገር እስከ ዘይላ (ሶማሊያ ጠረፍ) እንደሚዘረጋ ይገልፃል። የአብዛኛው ነዋሪ አለባበስ ሽርጥና ኮፍያ እንደሆነ ፉቀሃኦቹ ዘንድ ደግሞ ቀሚስና ጥምጣም እንደሚለበስ ይጠቅሳል። ይሄ እንግዲህ እነዚህ ልብሶች በቅርብ ከዐረቢያ የመጡ ለሚመስላቸው አካላት የሚሰጠው ጥቆማ አለው። ሱሪ መልበሱም ቢሆን ጦሩ አካባቢ እንዳለ አንስቷል።
የኢፋት ህዝቦች ቋንቋቸው ሐበሽኛ እና ዐረብኛ ነው። ዐረብኛ በሰፊው እንደነበር አስተውሉ። ኋላ በምን ምክንያት ጠፋ ታዲያ? ሐበሽኛ የሚለው ሌሎች ቦታዎች ላይ ከተጠቀሱ ነጥቦች ጋር ስናዛምደው አማርኛውን ነው የሚመስለው።

ኢፋት ውስጥ የሚገኙ የእህል፣ ጥራጥሬ፣ ፍራፍሬና የአትክልት አይነቶችን ሲዘረዝር አንዱ የጠቀሰው ጫት ነው። ፍሬ እንደሌለው፣ የሚበላው ቅጠሉ እንደሆነ፣ ማስተዋልን እንደሚጨምር፣ የሽምደዳ (ሒፍዝ) ችሎታን ለማዳበር እንደሚያግዝ፣ የረሳን እንደሚያስታውስ፣ ደስታን (ምርቃና?) እንደሚሰጥ፣ የምግብ፣ የእንቅልፍና የግንኙነት ፍላጎትን እንደሚቀንስ፣ ሁሉም እንደሚበሉትና እንደሚጓጉለት ይገልፃል። ስለዚህ የጫት ወረራው የጥንት ነው ማለት ነው። አፄዎቹ አሰራጭተውብን ነው የሚለው የአንዳንዶች ክስ እዚህ ላይ ጥያቄ ውስጥ ይገባል። በተለይ ደግሞ ዒልም ፈላጊ ደረሶች፣ በስራ እና በሌሊት ጉዞ ምክንያት ሌሊቱን ነቅተው ማሳለፍ የሚሹ ሰዎች ይጠቀሙታል። እዚህ ላይ ከጫት ጋር ተያይዞ የየመኑ ጫት ራሱ መነሻው ሐበሻ እንደሆነ ጥቆማ የሚሰጥ አስገራሚ ታሪክ ጠቅሷል። ስለ ኢፋት ህዝብ አመጋገብ ሲያነሳ ብዙም ዶሮ መብላትን አይፈልጉም፤ ቆሻሻ ስለምትበላ ይፀየፋሉ ይላል።
የደዋሮ ሱልጧኔትን በተመለከተ የኢፋት ጎረቤት እንደሆነና ስፋቱ ትንሽ ቢሆንም ከኢፋት ጋር የሚቀራረብ ጠንካራ ሰራዊት እንደነበረው ይገልፃል።
የሀዲያ ሱልጧኔት ስፋቱ ትንሽ ቢሆንም ከሰባቱ ሱልጧኔቶች ሁሉ ጠንካራ ሰራዊት ያለው ነበር። የደዋሮ፣ የሀዲያ፣ የአራቢኒ፣ የሸርኻ፣ የዳራ እና የባሊ ሱልጧኔቶች ሁለ ነገራቸው አንዱ ከሌላው ጋር ተመሳሳይ ነው። ከኢፋት በተለየ ሁሉም የሐነፊያ መዝሀብ ተከታይ ናቸው። በኢፋት ግን የሻፍዒያ መዝሀብ ነበር በሰፊው የነበረው። እነዚህ ሱልጧኔቶች ሁላቸውም ለኢፋት ሱልጧኔት አክብሮት አላቸው። በአንዳንድ ጊዜም ከጎኑ ይቆማሉ።

የሐበሻ ህዝብ ብዛት አለው፡፡ ሃይለኞች እና ጦረኞች ስለሆኑ ከነሱ ውጭ ያለ አካል ገዝቷቸው አያውቅም። ከጀግንነታቸው ባሻገር ይቅር ባዮች ነበሩ። በጦርነት ላይ መሳሪያውን የጣለን ሰው አይነኩም። እንግዳ አክባሪዎች ናቸው። ለዚህም የነጃሺን ቁረይሽን መቀበሉን ማጣቀሻ ያደርጋል። ማስመሰል የላቸውም። በእውነተኝነትና በታማኝነት ይታወቃሉ። ግን እነዚህ መልካም ስብእናዎች ዛሬ የሐበሻ ህዝብ ላይ ምን ያህል አሉ?

ሌላ ያነሳው ነገር ዘራቸው አይነቱ አንድ ቢሆንም ከ50 የሚበልጡ ቋንቋዎች እንዳሉ የሁሉም መፃፊያ ፊደል አንድ እንደሆነ እሱም ሐበሽኛ (አማርኛ?) እንደሆነ ነው። የሚፃፈውም ከቀኝ ወደ ግራ ነው፣ ልክ እንደ ዐረብኛው ማለት ነው። መቼ ይሆን ታዲያ ዛሬ ያለው የአማርኛ አፃፃፍ ከግራ ወደ ቀኝ ወደ መፅፃፍ የዞረው? የፊደል ገበታው 16 ፊደሎችን የያዘ እንደሆነና እያንዳንዱ ሰባት ሆሄያት እንዳለው ጠቅሷል። እንደሚታወቀው በየጊዜው እየተጨመረ ነው ዛሬ የደረሰበት የደረሰው።

መረጃዎቹን ጨምቄ ነው ያመጣኋቸው። የፈለገ ሰው የተጠቀሰውን ኪታብ 4ኛ ቅፅ ከገፅ 31 እስከ 44 መመልከት ይችላል። ተጨማሪ መረጃዎችን የፈለገ አልመቅሪዚይ እና አሰኻዊይ የፃፉትን ማየት ይችላል።
=
(ኢብኑ ሙነወር፣ መስከረም 25/2017)
https://t.me/IbnuMunewor

🔷  ሴት ልጅ ከህፃናት መቼ ነው የምትሸፈነው ?

ይህ ነጥብ ብዙዎች ዘንድ ትኩረት ያልተሰጠው ነጥብ ነው ። አብዛኞች የሚያስቡ አንድ ልጅ አካለ መጠን እስካልደረሰ ድረስ ከሱ መሸፈን ግዴታ አይመስላቸውም ። ነገር ግን ለዚህ ጥያቄ አላህ በተከበረው ቃሉ መልስ ሰጥቶበታል ::
ይኸውም በሱረቱ አንኑር 31ኛ አንቀፅ ላይ እንዲህ በማለት ነው :-

« وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ »

النور ( 31 )

" ለምእምናትም ንገራቸው ፡- ዓይኖቻቸውን ይከልክሉ፡፡ ብልቶቻቸውንም ይጠብቁ ፡፡ ጌጣቸውንም ከእርሷ ግልጽ ከኾነው በስተቀር አይግለጡ ፡፡ ጉፍታዎቻቸውንም በአንገትጌዎቻቸው ላይ ያጣፉ ፡፡ (የውስጥ) ጌጣቸውንም ለባሎቻቸው ወይም ለአባቶቻቸው ወይም ለባሎቻቸው አባቶች ወይም ለወንዶች ልጆቻቸው ወይም ለባሎቻቸው ወንዶች ልጆች ወይም ለወንድሞቻቸው ወይም ለወንድሞቻቸው ወንዶች ልጆች ወይም ለእህቶቻቸው ወንዶች ልጆች ወይም ለሴቶቻቸው ወይም እጆቻቸው ለያዙት (ባሪያ) ወይም ከወንዶች ለሴት ጉዳይ የሌላቸው ለኾኑ ተከታዮች ወይም ለነዚያ በሴቶች ሐፍረተ ገላ ላይ ላላወቁ ሕፃኖች ካልኾነ በስተቀር አይግለጹ ፡፡ ከጌጣቸውም የሚሸፍኑት ይታወቅ ዘንድ በእግሮቻቸው አይምቱ ፡፡ ምእመናኖች ሆይ! ትድኑ ዘንድ ሁላችሁም ወደ አላህ (በመመለስ) ተጸጸቱ " ፡፡

      በዚህ አንቀፅ ላይ 
" ለእነዚያ በሴቶች ሐፍረተ ገላ ላይ ላላወቁ ህፃናት " ብሎ አስቀምጦታል ።

ሸኽ ሙሐመድ ኢብኑ ሷሊህ አል ዑሰይሚን - ረሒመሁላሁ - የዚህ ህፃን መለያው ብለው አራት ነገሮችን ያስቀምጣሉ ። እነርሱም : –

1ኛ  -  ስለ አንድ ሴት ለሌላ መግለፁ
2ኛ  -  ቆንጆዋን ከፉንጋዋ መለየቱ
3ኘ  -  ሴቶችን በተለያየ ገፅታቸው ማነፃፀሩ
4ኛ  -  ሴትን በደንብ መመልከቱ
ነው ይላሉ ።
ሌላው ሸይኽ ኢብኑ ባዝ – ረሒመሁላሁ – ሴት ልጅ ለዘመዶቿ ( ለመሕረሞቿ ) ማሳየት የሚፈቀድላት የአካላቷ ክፍል የሚከተሉት ናቸው ይላሉ : –
– እጇ እስከ ክርኗ
– እግሯ እስከ ቅልጥሟ
– ከአንገቷ በላይ ፊቷ ፀጉሯ ጆሮዋና የመሳሰሉት ሲሆን
– ከአንገቷ በታች ማሳየት አይፈቀድላትም ። እንዲሁም ስስና ጠባብ ልብስም መልበስም አይፈቀድላትም ።

አላህ አውቀው ከሚሰሩት ያድርገን ።

https://t.me/B1e9h

እዩኝ፣ እዩኝ ማለት ደብቁኝ፣ ደብቁኝ ማለት ያመጣል
~
ባህሩ እኛ ተመቅኝተን ትኬት እንዳይሸጥላቸው እንዳደረግን አድርጎ እየከሰሰ ነው። በመጀመሪያ "በቁጭታችሁ ሙቱ!"፣ "ጩኸት በህመም ልክ ነው" እያላችሁ በፎከራችሁ ማግስት አሰናከላችሁብን ብላችሁ ማልቀስ ጥሩ አይደለም። ቢያንስ ሰንበትበት በሉ እንጂ። ይልቅ ካልተሳካ ማላከኪያ ሰበብ ከመፈለግ እውነተኛ ምክንያቱን ከራሳችሁ ዘንድ ፈልጉት። እንደኔ ጥቂት ነጥቦችን ብታስተውሉ መልካም ነው።
1ኛ፦ ለአንድ ቀን ደዕዋ 1000 ብር መጠየቅ ልክ ነው ወይ? በታዳሚው ቦታ ሆናችሁ ራሳችሁን ጠይቁ።
2ኛ፦ ሚሊኒየም አዳራሽ ምን አንጠለጠላችሁ? በልካችሁ አትሞክሩም? ቢሳካስ ለአንድ ቀን አዳራሽ 810ሺ ብር፣ እንደገና ለሻይ ቡና 3.1 ሚሊዮን ብር ሌሎች ወጭዎችን ሳይጨምር ይሄ ብቻ አራት ሚሊዮን አካባቢ ብር ከማውጣት በተመሳሳይ መጠን ብዙ ስራ መስራት ይቻላል። ብዙ ሰው ያላቸው አካላት ጋር ትከሻ እየተለካኩ ሲንገዳገዱ ከማዘን በአቅም ልክ ማሰብ ይሻላል።
3ኛ፦ የራሳችሁ ጩኸት ሸውዷችኋል። ሶሻል ሚዲያ ላይ የሚረብሸው ድምፃችሁ ስለ ራሳችሁ ቁጥር የተጋነነ ምስል እንድትይዙ አድርጓችኋል። ግርግር አይሸውዳችሁ። በሐጅማችሁ ሁኑ።
4ኛ፦ ኢኽላሳችሁን ፈትሹ። የቀስድ መበላሸት ብዙ ነገር ያበላሻል። እዩኝ፣ እዩኝ ማለት ደብቁኝ፣ ደብቁኝ ማለት ያመጣል። እነዚህን ነጥቦች በደንብ ብታጤኗቸው ለሌላ ጊዜ ይጠቅሟችኋል።
የአሁኗ ለቅሶ አላማ ከመንጋው ዘንድ ቁጭት ፈጥሮ መቀስቀስ ከሆነም ኒያችሁን አጥሩ። ያለ ኢኽላስ እንዲሁ ለእልህ የወጣ ገንዘብ ከአላህ ፊት ያስጠይቃል። ከዚህ በፊት እንዳደረጋችሁት ከሩቅ በእልህ ተጠራርታችሁ ዛሬን ብታሳኩ እንኳ የኋላ ኋላ ውርደት ያስከትላል። እልህና ኢኽላስ የተለያዩ ናቸው።
አንድ ነገር ግን አስረግጬ ልንገራችሁ! ቁጥራችሁ አሁን ካለውም የበለጠ እያነሰ ነው የሚሄደው። በተቃርኖ የተሞላ አካሄዳችሁን የታዘበ ሰው ይህንን ለመረዳት አይከብደውም። በሆይሆይታ ያሰለፋችኋቸው መንጋዎች ወደ ቀልባቸው ሲመለሱ ጊዜ እናንተ ከምትሾፍሩት የስሜት ባቡር እየተንጠባጠቡ ይወርዳሉ።
ማስታወሻ፡
{ یَـٰۤأَیُّهَا ٱلنَّاسُ إِنَّمَا بَغۡیُكُمۡ عَلَىٰۤ أَنفُسِكُمۖ }
"እናንተ ሰዎች ሆይ! ወሰን ማለፋችሁ (ጥፋቱ) በነፍሶቻችሁ ላይ ብቻ ነው።" [ዩኑስ፡ 23]
{ وَلَا یَحِیقُ ٱلۡمَكۡرُ ٱلسَّیِّئُ إِلَّا بِأَهۡلِه }
"ክፉ ተንኮልም በባለቤቱ ላይ እንጂ በሌላ ላይ አይሰፍርም።" [ፋጢር፡ 43]
=
የቴሌግራም ቻናል፡-
https://t.me/IbnuMunewor

አዲስ ሙሀዶራ‼️

«ተውሒድ እና ሽርክ»

➊የነብያችን አስተምህሮ ሁሉም አስፈላጊና አንገብጋቢ ነው ግን ከተውሒድ ይጀምራል።

➋ተውሒድ የተሻለ የምንመነዳበት ይሆን ዘንድ ትኩረታችን ሊጨምር ይገባል።

➌የሰገደ ሁሉ እኩል አይሸለምምና እንንቃ‼️

❹ነብዩ የኖሩትም የሞቱትም ስለተውሒድ እየተጨነቁ ነውና ተውሒድ ላይ እናተኩር‼️

ዛሬ በወልቂጤ ከተማ የተደረገ መሳጭ ፕሮግራም ነው።

በኡስታዝ ኢብኑ ሙነወር

https://t.me/B1e9h

🎈🎈🎈    🎈🎈🎈
  ስማኝ ወንድሜ ስሚኝ ውድ እህቴ

✍ አንተ ወንድሜ ስልክ ምትደውለውና መልክት የምትልክላት ለምንድን ነው የእውነት ምትወዳት ከሆነ የቀድሞውን ስህተት ማስተካከል ከፈለክ በቤተሰብ በኩል ሂደህ በሩን አንኳኳ...

አላህ እንዳለው ወደ ቤቱ ኑ በበሩ በኩል አለበለዚያ ግኑኝነትህን አቋረጥ የሸይጧንን በር ዝጋው።

አንችም እህቴ እንደሚወድሽ ካወቅሽ እንዲያገባሽ ጠይቂው እንዲያገባሽ ስጠይቂው አላስፈላጊ ምክኛቶችን የሚደረገድርልሽ ከሆነ አይወድሽም ማለት ነው። ለሃራም ነገር እያመቻቸሽ መሆኑን አትርሺ።

እሽ ብሎ እንደሚያገባሽ ከነገረሽ ጥሩ ባስቸኳይ ወደ ትዳር ግቢ ግን ያገባኛልና ብለሽ አላስፈላጊ ግኑኝነት እንዳታገርጊ ሂወትሽን ታበላሽዋለሽ አደራሽን አደራሽን እህቴ በዚህ ምንገድ ስህተት እንዳትሰሪ።

ብዙዎች ያገባኛል በሚል ምክንያት ያለ ሂጃብ ፎቶ ይልካሉ ተገናኝተው ይተቃቀፋሉ ይሳሳማሉ ብዙ ድምበር ያለፉ ነገሮችን ያደርጋሉ ዚና ሳይቀር።❗️

ሱብሃላህ  ቆይ ከመቼ ወዲህ ነው ሃላል በሃራም መንገድ ተሳክቶ የሚያውቀው።ቢሳካስ እንዴት ነው ደስተኛ መሆን ሚቻለው። በጣም የሚያሳዝነው ያለ ሂጃብ ተገላልጠው ፎቶ ይልኩና በኋላ ከዚህ ሃራም ምንገድ ለመውጣት ሲፈልጉ ከተለየሽኝ ከኔጋ ያለውን የሚስጥር ፎቶ ባደባባይ አወጣዋለሁ ብሎ ያስፈራራታል።

ተገናኝተን አብረን ጊዜ ካላሳለፍን በሚዲያ አሰራጨዋለሁ እያለ ያስፈራራታል አስቡት ያኔ ምንም የማታውቀዋ ልጅ ሳትፈልገው ሀራም ነገር ትሰራለች ከአላህ ፊት መዋረድን ረስታ በሰው ዘንድ መዋረድን ትፈራለች። አስቡት በራሷ ፎቶ የማትወጣው መቀመቅ ውስጥ ትገባለች።

እና እባካችሁ ተጠንቀቁ እህቶቼ ፎቶ መላላክም ይቅርባችሁ።

ወላሂ እህቴ በዚህ መንገድ አልፈሽ ሰላም እሆናለሁ ብለሽ እንዳታስቢ የገቡበትም በጭንቀት ተወጥረው ነው ያሉት ስራ ራሱ መስራት አቅቷቸው። ወላሂ ሂወት ምስቅልቅል ነው ሚያወጣው አግብተሽም ጭንቀቱ አይተውሽም አደራሽን ይሄን መንገድ እንዳትሄጂው።

በዚህም መንገድ ላይ ከሆንሽ ተውበት አድርገሽ ወደ አላህ ተመለሽ አንዴ ወንጀል ሰርቻለሁ ማን ያገባኛል ከተበላሸሁ በኃላ ብለሽ እንዳታስቢ ወላሂ ወደ አላህ ከመጣሽ አላህ አይተውሽም በደስታ ነው ሚቀበልሽ።

  ከዚህ ውጭም መፍትሄ የለም ሂወትሽም ሚስተካከለው በዚህ መንገድ ብቻ ነው።
   እና እህቴ በቶሎ አግባኝ በይው ማግባት ካልቻለ እራቂው  ሌሎች የውሸት ምክኛቶችን የሚያቀርብልሽ  ከሆነ  ባስቸኳይ አቋርጭ የሚፈልግሽ ለግዚያዊ ስሜቱ ማብረጃ ነው ማለት ነው። 

የሚወድሽ ከሆነ ሲያቀርባቸው የነበሩትን የውሸት ምክንያቶች አስተካክሎ ያገባሻል።

ንቂ እህቴ  እስከመቼ  ትዘናጊያለሽ ወላሂ በዚህ መንገድ ብዙ ሴቶች እያለቀሱ ነው።
በውስጥ መስመር በዚህ መንገድ የሚያማክሩኝ ሴቶችን ብትሰሙ ወላሂ በጣም ታዝናላችሁ እምባየ ሁሉ ይቀድመኛል። ባለትዳር ሁነው ልጅ ኑሯቸው ከካፊር ጋር ሚማግጡ ሁሉ አጋጥሞኛል አስቡት ይሄን ያክል ድምበር አልፈናል።❗️
በጣም አዘንኩ በሙስሊሙ ሁኔታ።

እና ውድ እህቴ ይህ ያለሽበትን ትንሽም ብትሆን ከሃራም ፍቅር ግኑኝነት ካልወጣሽ ነገ አንቺም እንደተራ ነገር አይተሽው ትዳር ላይ ሁነሽም ከዚህ ሃራም ልትገቢበት ትችያለሽ። አላህ ይጠብቀን ለማሰብም ይከብዳል ግን የሸይጧንን መንገድ የምንከተል ከሆነ ሂጃባችንን በስርዓት የማንለብስ ከሆነ በቀላሉ ስለምንከፋፈት ወደዛ ምንገድ የማንገባበት ምክንያት አይኖርም እና ሙስሊሟ እህቴ ሆይ ሂጃብሽን አጥብቀሽ ያዢ።

ወላሂ ሂጃብሽ በጣም ነው ሚጠቅምሽ።
ቁጥብ ከሆንሽ ማንም እንደፈለገ አይጫወትብሽም ያከብሩሻል።

አንተም ወንድሜ ማትወዳት/ማታገባት ከሆነ አትጫወትባት በእህትህ እንዲደርስ የማትፈልገውን በሌሎች ሴቶችም ላይ አታድርግ አላህን ፍራ የምትወዳት ከሆነ አግባት አገባታለሁና ብለህም እሷን ማግኜት እና በስልክ በሚዲያ ጊዜህን ከማጥፋት ተቆጠብ።

እና እህቴ ይበቃሻል ከአላህ ጋር ዛሬ ታረቂ ከዚህ በላይ በሀራም መንገድ አትሂጂ ገና እየገባሽ ከሆነም በቶሎ አቋርጪው። ውድ እህቴ አንችኮ በተረጋጋ ሁኔታ ላይ ነበርሽ ለምን ወደዚህ አስቀያሚ የሸይጧን መንገድ ገብተሽ ይችን ውድ ህይወትሽን ታበላሻታለሽ።

በዚህ መንገድ ስንገባ መጀመሪያ ደስተኛ የሆን ይመስለናል ግን ወላሂ ጊዜያዊ ደስታ ብቻ ነው። እህቴ በሃራም መንገድ ገብተሽ ይችን አጭር ህይወት በጭንቀትና በጥበት የባሰ አታሳጥሪያ።❗️

በሀራም የተነካካ ነገር መጨረሻው አያምርም ብታገቢም አላህ ለትዳርሽ ጥፍጥና አይሰጥሽም ምክንያቱም አላህን እያስከፋሽ ነው የጀመርሺው እና እህቴ ይሄን የሃራም በር ባስቸኳይ ዝጊው።❗️

 
መልክቱን ሼር አድርጉት ብዙ እህትና ወንድሞች ተዘፍቀውበት ያለው የሀራም ግንኙነት ነው። ለዚና መስፋፋትም ትልቁ መንስኤ እየሆነ የመጣው ይሄው ቦይ ፍሬንድ ገርል ፍሬንድ ነው(የሃራም ፍቅር)።

   አላህ ይጠብቀን

አላህ የበለጠ ያውቃል


https://t.me/B1e9h

የቴሌ እና ሌሎች አክሲዮኖችን ስለመግዛት

«የቴሌን ሼር መግዛት ኢስላማዊ ብይኑ (ሑክሙ) ምንድን ነው?»

በሸይኽ ኢልያስ አሕመድ

https://t.me/B1e9h

ብዙ ጊዜ እኖራለሁ የምትለውን ምኞትህን አሳጥር
➿➿➿➿➿➿➿➿➿➿➿➿

የሞቱ ሰዎች በአጠቃለይ ከመሞታቸው በፊት መቼ እንደሚሞቱ አያውቁም ነበር።
የተለያዩ የወደፊት እቅዶች ነበሩዋቸው። ተውበት አድርጌ፣ትዳር ይዤ፣ ቤት ሰርቼ፣መኪና ገዝቼ፣ዝምድናን ቀጥዬ፣ያስቀየምኳቸውን እቅርታ ጠይቄ ወዘተ------- እያሉ ይህንን ሁላ እቅድ ይዘው አንዱንም ሳይፈፅሙት የተፃፈችዋ ቀን ደርሳ ሰይወዱ በግድ ወደ ዘላለማዊ ሀገር ሄደዋል። ስለዚህ ውድ ወንድሞቼ አሁን ያለንባት ሰአት ለእኛ ትልቅ አጋጣሚ ናትና ንፁህ የሆነ ተውበት አድርገን ወደ አላህ እንመለስ።

🥀ሞት ማለት ሩቅ አይደለም። ተዘጋጁ
ልመጣ ነው ብሎም አይነግረንም።

አንድ ቀን👇

እሞታለሁ
ትሞታለህ
ትሞቺያለሽ
እንሞታለን።

🥀ስለዚህ ውዶቼ ከፈናችን ኪስ
የለውምና ለነገው ለጨለማው ቤታችን
ስንቅ እንያዝ።


🥀ይህን መልዕክት እኛ ጋር እንዳይቀር
ለተለያዩ ወዳጆቻችን በማስተላለፍ
የአጅሩ ተካፋይ እንሁን።


https://t.me/B1e9h

ስማ…

አንተም ፈተና ደረሰብኝ ትላለህ?

ከቀልቡ ውጭ አንድም ጤነኛ ሰውነት አልቀረውም። መላ ሰውነቱ ታመመ። ከሚስቱ ውጭ የቅርብም የሩቅም ሰው ራቀው። ጭራሽ ከአካባቢው ይወገድ እስከማለት ድረስ አገለሉት። ለ18 አመታት ያክል በህመም ተሰቃየ።

ይህ ብቻ ትላለህ… በህዝቦቹ ዘንድ በጣም ሃብታም ነበር። በርካታ ማሳና አዝዕርት ነበረው። ግን በቅፅበት እንዳልነበር ሆነና ወደመበት።

በርካታ ልጆች ነበሩት። ሁሉንም በድንገተኛ አደጋ አጣቸው።


ግን…

ታገሰ። ወደ አላህም ስሞታውን አሰማ። አላህም የታጋሾችን ምንዳ መላሽ ነውና ከበፊቱ የበለጠ ሃብትና ልጆች ሰጠው። ሐታ 26 ወንድ ልጆችን ወለደ ይባላል። ጤናውም ተመለሰለት።

أيوب عليه السلام

አላህ ምን እንዳለ ተመልከት፦


(وَاذْكُرْ عَبْدَنَا أَيُّوبَ إِذْ نَادَىٰ رَبَّهُ أَنِّي مَسَّنِيَ الشَّيْطَانُ بِنُصْبٍ وَعَذَابٍ

ባሪያችንን አዩብንም አውሳላቸው፡፡ «እኔ ሰይጣን በጉዳትና በስቃይ ነካኝ» ሲል ጌታውን በተጣራ ጊዜ፡፡


ارْكُضْ بِرِجْلِكَ ۖ هَٰذَا مُغْتَسَلٌ بَارِدٌ وَشَرَابٌ

«በእግርህ (ምድርን) ምታ፡፡ ይህ ቀዝቃዛ መታጠቢያ መጠጥም ነው» (ተባለ)፡፡


وَوَهَبْنَا لَهُ أَهْلَهُ وَمِثْلَهُم مَّعَهُمْ رَحْمَةً مِّنَّا وَذِكْرَىٰ لِأُولِي الْأَلْبَابِ

ለእርሱም ከእኛ ዘንድ ለችሮታ ባለአእምሮዎችንም ለመገሠጽ ቤተሰቦቹን ከእነርሱም ጋር መሰላቸውን ሰጠነው፡፡


وَخُذْ بِيَدِكَ ضِغْثًا فَاضْرِب بِّهِ وَلَا تَحْنَثْ ۗ إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّابٌ

«በእጅህም ጭብጥ አርጩሜን ያዝ፡፡ በእርሱም (ሚስትህን) ምታ፡፡ ማላህንም አታፍርስ» (አልነው)፡፡ እኛ ታጋሸ ኾኖ አገኘነው፡፡ ምን ያምር ባሪያ እርሱ በጣም መላሳ ነው፡፡)

[ሷድ: 41–44]

♠
ሰማህ ሰማህ…?

«ታጋሸ ኾኖ አገኘነው፡፡ ምን ያምር ባሪያ‼»

አላሁ አክበር‼

በል ታገስ ሐቢቢ! በአላህ ተመካ። ከምታገኘው ጸጋ አንፃር «እንኳንም ያ ፈተና ደረሰብኝ!» እስክትል ድረስ የበለጠ ይክስሃል።

Copied

https://t.me/B1e9h

የልብ ድርቀትን ለመከላከል
~
በዚህ ዘመን በልብ ድርቀት ያልተጠቃ ይኖር ይሆን? ሃሳብ ጭንቀታችን ዱንያ ብቻ ሆነ። ዒባዳችን ለዛ አጣ። መተዛዘን ጠፋ። ስግብግብነት ነገሰ። ስስት ከደም ከስጋችን ጋር ተዋህደ። የዱንያ ምኞታችን ከመርዘም አልፎ ተንዘላዘለ።
ወንድሞች እህቶች ወላሂ! የልብ ድርቀት በጣም ሊያስጨንቀን የሚገባ ህመም ነው። የልብ ድርቀት አደገኛ ውጤት የሚያስከትል የአላህ ቅጣት ነው። ከዚህ ህመም ልባችንን እንዴት እናክም? ከዚህ የአላህ ቅጣት እንዴት እንውጣ? ጥቂት ሰበቦችን ልጠቁም። ራሴም ጤነኛ ሆኜ አይደለም። ከማጨስ እንደሚያጠነቅቅ አጫሽ፣ ከህመም እንደሚያስጠነቅቅ ህመምተኛ ቁጠሩኝ።
1- አላህን በማሰብ ራስን አጠቃላይ ከወንጀል መጠበቅ፣ የቅርብም ይሁን የሩቅን ሰው ከመበደል መጠንቀቅ፣ ግብይታችንን፣ ገቢያችንን ሐላል ማድረግ፣ የሰው ሐቅ እንዳይመጣብን መጠንቀቅ
2- ምላስን ከውሸት፣ ከመጥፎ ንግግር፣ ከሃሜትና መሰል ክፍቶች መቆጣጠር፣ ጆሮዎቻችንን ሐራም ነገሮችን ከማዳመጥ፣ አይኖቻችንን ሐራም ነገሮችን ከመመልከት፣ እጆቻችንን ለሐራም ነገሮች ከመጠቀም፣ ልባችን በክፋት፣ ምቀኝነት፣ ጥላቻ፣ ... ላይ ከመጥመድ መቆጣጠር
3- ዚክር ማዘውተር፣ በቋሚነት የቁርኣን ዊርድ መያዝ፣ ደጋግሞ ከልብ ዱዓእ ማድረግ፣ ተደቡር፣ ተፈኩር ማድረግ፣ በዱዓእ፣ በቁርኣን ማልቀስ
4- ከሰላት፣ ከፆም፣ ከሶደቃው፣ ... ከግዴታው ባለፈ ነፍል ዒባዳዎችን ማዘውተር
5- ሞትን፣ ቀብርን፣ ሂሳብን፣ ሲራጥን፣ ... ኣኺራን ማሰብ
6- ደግሞ ደጋግሞ ኢስቲግፋርና ተውበት ማድረግ
7- ቁርኣን በእርጋታ መቅራት፣ ኹሹዕ የሚያጋባ አቀራር ያላቸውን ቃሪኦች ማዳመጥ፣
8- ቀብር መዘየር፣ የታመመን መጠየቅ፣ ወላጆችን፣ ዘመድ አዝማድን፣ ጎረቤትን አቅም በፈቀደ መጠየቅ
9- ችግረኛን በገንዘብም፣ በሃሳብም፣ በጉልበትም፣ በእውቀትም መርዳት፣ ሶደቃ ማድረግ
10- የዙህድና የረቃኢቅ ኪታቦችን ማንበብ፣ ውስጥን ሰርስረው የሚገቡ ሙሓደራዎችን እየፈለጉ ማዳመጥ፣ የነብዩን ﷺ ስራዎች፣ ራስን ለመታዘብ የሚያግዙ የሰለፎችን አስገራሚ ታሪኮች፣ የዑለማኦችን ጣፋጭ ወጎች በትኩረት መከታተል
11- በየትኛውም የዒባዳ መስክ ላይ ኢኽላስን አጥብቆ መፈተሽና ማቃናት።
12- ከራስ ጋር መተሳሰብ። ጊዜ አልፎ ጊዜ በተተካ ቁጥር ወደ ሞት እየቀረብን ነው። ከአምና ዘንድሮ፣ ከባለፈው በዚህኛው፣ ሳምንታችን፣ እለታዊ ውሏችን መሻሻል አለው? ወይስ ያው ነው? ወይስ ጭራሽ እየባሰበት ነው? ከዱንያችን በላይ ኣኺራችን ያሳስበናል? ድንገት ብንሞት ያለንበት ሁኔታ በፀፀት ጣት የሚያስነክስ አይደለም? ራሳችንን ለመለወጥ የምር እንታገል።

እኔ የራሴን ድክመቶች በመመልከት ድንገት የመጣልኝን ነው የፃፍኩት። ሁሉም ነገን አስቦ ዛሬ ራሱን ይመልከት።
﴿بَلِ الْإِنْسَانُ عَلَى نَفْسِهِ بَصِيرَةٌ﴾
"በእርግጥም ሰው በነፍሱ ላይ አስረጅ ነው፡፡" [አልቂያመህ ፡ 14]
ኢብኑ ሙነወር
https://t.me/B1e9h

ሴትዮዋ ከጎረቤቶቿ ጋር ተሰብስባ 7 አይነት ወንዶችን እንደምትወዳቸው በግጥም መልኩ እንዲህ ትነግራቸው ያዘች።

ሰባት ወንዶች ናቸው እኔ ምወዳቸው፤
ለውዴታዬ ልክ አቻም የሌላቸው።
በቅደም ተከተል ሁሉን ልንገራችሁ፤
ለዚሁ ብዬ ነው የሰበሰብኳችሁ።

ጎረቤቱ በፅሞና ያዳምጣል። ሴቲቱም በቅደም ተከተል ትነግራቸው ጀመር።

የመጀመርያው ወንድ እኔ የወደድኩት፣
ከማህፀን ስወጣ በቅድምያ ያየሁት፣
በፎጣ ጠቅልሎኝ አዛኑን ያሰማኝ፣
እሱ አባቴ ነው ፍቅርን ያስተማረኝ።

ሁለተኛው ወንድ ፤ አብሮኝ ያደገ ነው፤
እኔው ከወጣሁት ማህፀን ነው የወጣው።
መከታ ክብሬ ነው፤ የ'ናት ልጅ ወንድሜ፤
ውዴታው ይዘልቃል እስከ ሞት ፍፃሜ።

ሶስተኛው ወንድ እንኳ ፍቅሩ ይከብደኛል፣
በቃላት ልገልፀው ሆሄያት ያጥሩኛል።
ከማላውቀው ቤት ላይ ዘውድ ደፍቶልኛል፤
የልጆቼ አባት፤ በአባትነቱ እናት አድርጎኛል።

አራተኛው ወንዴ ሳላየው ናፍቄው፣
ለወራት በጉጉት በህመም ጠብቄው፣
ከውልደቱ ኋላ በስስት ምስመው፣
የአብራኬ ክፋይ እሱኛው ልጄ ነው።

አምስተኛው ወንድሽ ካላችሁኝ ማን ነው፤
ለሴት ልጄ የኔን ወግ፤ ዳግም የሚያሳየው
ከወንዶቹ መኃል ልጄን የሰጣሁት፣
እሱኛው ክብሬ ነው፤ ላ'ብራኬ መረጥኩት።

በስድስተኛው ላይ አንድ ወንድ ይገኛል፤
በስተርጅና እድሜዬ ናፍቆት ይገለኛል።
በማረፍያ ዘመን እረፍት ይነሳኛል፤
የልጄ ልጅ ረብሻው ሰላም ይሰጠኛል።

ሴቲቱ ስድስት ወንዶችን ከዘረዘረች በኋላ ታዳሚዎቹ ሰባተኛውን ሲጠብቁ ሲቱቲ እንባዋ ይረግፍ ጀመር። ሲቃ እየተናነቃት ቃላት ማውጣት ተሳናት። አንገቷን ደፍታ ስታነባ የተመለከቱ ሴቶች እንዲህ ሲሉ ጠየቋት።

ሰባት ወንዶች ወደድኩ ብለሽ ነገርሽን፤
ስድስቱን ዘርዝረሽ ሰባት ላይ ተውሽን።
ረስተሽው እንደሆን ሰባተኛውን ወንድ፤
ስድስቱን ሰምተናል በቃቹህ በይ እንሂድ።

ሴቲቱ ከሚተናነቃት ሲቃ ጋር ግብግብ ፈጥራ ሰባተኛውን ወንድ እንዲ ስትል ገለፀችው።

ሰባተኛውን ወንድ ከኋላ ያረግኩት፤
ሳያየኝ ቢወደኝ፤ ሳላየው ዮደድኩት።
ከስድስቱ ወንዶች ኋላ የማወሳው፤
ንግግሬ መዝግያው እንዲጥምልኝ ነው።

ስድስቱ ወንዶቼ፤ ፊት ያወሳኋቸው፤
ከዝያ ሁሉ ፍቅሬ፤ እንዲያ ምወዳቸው፤
ሁሉንም ሰብስቤ ለሱ ብሰዋቸው፤
ለሱ ካለኝ ፍቅር..
ስድስቱ ወንዶቼ ለኔ ምንም ናቸው።

ወንዶቹን ተዉና ሴቱን ብዘርዝር፣
እናት እህቶቼን ልጄንም ብቀብር፣
ለሰባተኛው ወንድ ለክብሩ ብገብር፣
መች ይበዛበታል ለዝያ ለሰው ክቡር።

ሙሐመድ ይሰኛል እንዲህ ያስለቀሰኝ፤
እሱን ለማየት ስል ሞትን ያስናፈቀኝ፤
ሳያየኝ አዝኖልኝ፣ ሲሞት ተናዞልኝ፤
‹‹ሴቶችን አደራ›› ብሎ አክብሮኝ፤

ነገ ከሞት ወድያ ጉዳዬ ሲከብደኝ፤
እጌታዬ ዘንዳ፤ ሂዶ ሚያሸማግለኝ፤

ሳያየኝ ናፍቆ፤ እንባ ላነባልኝ
ወላጆቼ ለሱ ፍዳ ይሁኑልኝ

ከአረብኛ የተተረጎመ Sefwan Sheik Ahmedin
https://t.me/B1e9h

እራስን መመልከት
~
እየውልህ ወንድሜ! ህሊና አልባ በድን ማሽን አትሁን። የምትገባው ከራስህ እንጂ ከኡስታዝህ ቀብር አይደለም። ሲራጥን የምትሻገረው በራስህ ስራ መጠን እንጂ ኡስታዝህ እጅህን ይዞ አያሻግርህም። ያለ አስተርጓሚ ራቁትህን ከጌታህ ፊት ለምርመራ ስትቆምም ኡስታዝህ ከጎንህ አይቆምልህም። ይህንን ሁሉ የምልህ ማንንም በጭፍን እንዳትከተል ነው። በአሁኑ ሰዓት በየሰፈሩ ያሉ ሸይኾችና ኡስታዞች አብይ መታወቂያ ጭፍንነትን ሥራዬ ብለው የሚግቱ፣ ተማሪዎቻቸውን በጭፍንነት የሚኮተኩቱ መሆናቸው ነው። የወደዱትን በጭፍን እንድትወድላቸው፣ የጠሉትን በጭፍን እንድትጠላላቸው እስከ ደም ጠብታ ይታገሉሃል። ቁርኣን፣ ሐዲሥ፣ የዑለማእ ንግግር ተንኮለኛ በሆነ መልኩ ከአውድ ውጭ እያገናኙ የሃሳብ ሽብር ይነዙብሃል። እዚህ ላይ "ለምሳሌ እነ እንትናን ብንወስድ… " ብዬ ባጣቅስ የእነ እንትና ጭፍራ ጦር ሰብቆ ይነሳል። ከነሱ ውጭ ያለው ደግሞ በአመዛኙ ይደግፋል። እውነት ለመናገር ግን ጣት መቀሰሩ ስለሚቀለን እንጂ ይሄ በሽታ ይብዛም ይነስም በየቤቱ ይገኛል። ችግራችን ግን አይናችን ውስጥ ያለውን ግንድ ጥለን ከሌሎች አይን ያለን ጉድፍ ነው የምንመለከተው። የሌሎችን ጥፋት ለማጋለጥ እንረባረባለን። እሺ የራሳችንንስ ማን ያርመው? ለማነው የምንተወው? ኧረ ልባችን ፈቃጅ ተመልካች አጣ!! ድባቡ የተበከለ ሆኖ መገሳሰፅ አልቻልንም። እኛም ለራሳችን ተገቢውን ትኩረት አልሰጠንም። ግን እስከመቼ?
እና ወንድሜ ከማንም ጎጠኛ ቡድን ጋር ጭፍን ተሰላፊ አትሁን። ከዑለማእ ንግግር ውስጥ ከስሜቱ ጋር በሚገጥምለት መልኩ እየመረጠ የሚያቀርብ ሰው ስታይ በችኮላ እጅ አትስጥ። የትኛውም ቡድን ጋር የተሰለፈው ሁሉ ይህንን እያደረገ ነውና የሱ ከሌሎች በምን እንደሚለይ ረጋ ብለህ መርምር። የማይነቃነቅ ነባራዊ ሐቅ፣ የአህለ ሱና ዋና መታወቂያ አስመስሎ ያቀረበልህ ጉዳይ አብዛኞቹ ዑለማዎች ዘንድ ያለው አቋም እሱ ካወራህ ተቃራኒ ሆኖ ልታገኘው ትችላለህና ከስሜት ነፃ ሆነህ በሚገባ ፈትሽ። ደግሞ ቆም ብለህ ታዘባቸው። ብዙዎቹ ቡድናዊነት የሰበሰባቸው አካላት:—
— "እነ እከሌ ጠርዘኞች ናቸው፣ ድንበር አላፊዎች ናቸው" እያለ ከፍ አድርጎ ያስተጋባል። የሚያስከነዱ ጠርዘኞችን ግን አቅፎ ያሽሞነሙናል። ምክንያቱም እነዚህኞቹ እሱ ሲስል የሚስሉ፣ ሲያነጥስ የሚያነጥሱ የገደል ማሚቶዎች ናቸውና።
— "እነ እከሌ ጃሂሎች ናቸው" ይልሃል። በምንም መመዘኛ ከነሱ የማይሻሉ ሰዎችን ግን በትልልቅ መድረክ ላይ ያስተዋውቃል። ምክንያቱ አቋማቸው ከአቋሙ ስለገጠመለት ብቻ ነው።
— "እነ እከሌ አቋም የሌላቸው ወላዋዮች ናቸው" ያለህ ስብስብ በየክስተቱ ባደባባይ የሚዋልሉ ሰዎችን ከጎናቸው አሰልፈው ታገኛቸዋለህ። ምክንያቱም መመዘኛው ርካሹ ቡድናዊ ሚዛን እንጂ ኢኽላስ አይደለምና።

ወንድሜ ሆይ! አላህን አስበህ ስለምትሰራው ነገር የማንንም ጭብጨባ አትጠብቅ። የማንም ተቃውሞም አይጠፍህ። ይልቅ ውስጥህን አዳምጥ፣ ኢኽላስህን ፈትሽ። ያለ ኢኽላስ ጩኸትህ የቁራ ጩኸት ነው። ልፋትህም ከንቱ ድካም። በደዕዋህ ቀዳሚው ትኩረትህ ሰፊው ህዝብ ይሁን። አትዘንጋ! ዛሬም አብዛኛው ወገናችን ከተውሒድ ግንዛቤ የራቀ ነው። ሺርክ ላይ የሚማቅቀው ብዙ ነው። ከባባድ አጥፊ ወንጀሎች ላይ እስከ አፍንጫው የተነከረው ቀላል አይደለም። ቀዳሚው ጥረትህ የዚህን ወገንህን ሸክም ለመቀነስ ይሁን። ይህንን መሰረታዊ ጉዳይ ገሸሽ በማድረግ ውሃ ቀጠነ፣ ከሰል ጠቆረ ብሎ ለሚነታረክ ጀርባህን ስጠው። የጊዜ ጉዳይ እንጂ ሁሉም አረፋ ነው።
በኢኽላስ እስከሰራህ ድረስ የማንም ጫጫታ ቅስምህን አይስበረው። ሰዎች እንቅፋት ሲያበዙ አንተ ፅናትህን ጨምር። ወደፊት እንጂ ወደ ኋላ አትበል።
የሌሎችን ጩኸት ሳታጣራ የምታስተጋባ በቀቀን አትሁን። በጭፍን አትደግፍ። በጭፍን አትንቀፍ። እወቅ! እውር ጥላቻና እውር ውዴታ ነገ ከአላህ ፊት ያሳፍርሃል። ማንንም በእውር ድንብር አትከተል። ጭፍን ወገንተኝነት በቃላት ቢያሸበርቅም፣ በሱና፞ ስም ቢቀርብም የተወገዘ ነው። የአሳማ ስጋ በወርቅ ሰሀን ስለቀረበ አሳማነቱ አይቀየርም። አሳማ አሳማ ነው። የመዝሀብ ሰዎች ዘንድ የምናውቀው ጭፍን ወገንተኝነት ተቀባብቶ ተከሽኖ በሱና፞ ዑለማዎች ስም ሲቀርብ ማየት እየተለመደ መጥቷል። ይበልጥ የሚያሳፍረው ደግሞ አንዳንዶች በየሰፈሩ በየመንደሩ እየተቧደኑ ‘ወላእ’ እና ‘በራእ’ የሚቋጥሩባቸው አካላት መመደባቸው ነው።
ደግሞም በልክ እንሁን። በሌሎች ሃገራት ወይም አካባቢዎች ያየነውን ወይም የሰማነውን ኺላፍ ሁሉ ሰበብ እየፈለጉ እየጎተቱ ማምጣት ግልብነት ነው። ወላጆችህ ወገኖችህ በሺርክ እየተጨማለቁ አንተ በሸይኽ እንትናና በሸይኽ እከሌ መካከል ስለተፈጠረው ኺላፍ ጧት ማታ እያቦካህ በአካባቢህ ያሉ ዱዓቶችን ለመፈረጅ አድፍጠህ ብትጠባበቅ የፊትና ጥማትህን እንጂ ንቃትህን አያሳይም። በአካባቢህ ይሄ ነው የሚባል የደዕዋ ተሳትፎ ሳይኖርህ እንዳቅማቸው እየደከሙ ያሉ አካላትን ትንሽዬ ጥረት አይኗን ለማጥፋት ጦር ብትሰብቅ ጥሬነትህን ብቻ ነው የሚያሳየው። ወንድሜ ከቻልክ አግዝ። ክፍተት ካየህ አርም። አቅሙ ከሌለህ ባላቸው አስመክር። በምትችለው ከጎናቸው ቁም። ለሰፈርህ ለአካባቢህ የደዕዋ እንቅስቃሴ አጋዥ እንጂ አፍራሽ አትሁን። ለደዕዋ እንቅፋት በመሆን ሌሎች እንዳይለወጡ መሰናክል አትፍጠር። ሰዎች የሚተላለፉበት መንገድ ላይ አስቸጋሪ ነገሮችን መጣል ፀያፍ ጥፋት ነው። ወደ ኣኺራ በሚወስደው የደዕዋ መንገድ ላይ እንቅፋት መጣል ግን እጅግ አደገኛ ወንጀል ነው። እንዲህ አይነቱን የወንጀል ሸክም የምትቋቋምበት ጫንቃው የለህምና ዛሬውኑ ሚናህን ለይ። ዛሬውኑ ለደዕዋ ያለህን አስተዋፅኦ ገምግም።
=
(ኢብኑ ሙነወር፣ የካቲት 07/2013)
የቴሌግራም ቻናል:-
https://t.me/IbnuMunewor

ሶሐቦች ምን ያክል የሙስሊሞች ዐቂዳ ያሳስባቸው ነበር?
~
እነዚያ የኢስላም አንበሶች፣ የነብዩ ﷺ ድንቅ አጋሮች የሙስሊሞችን ዐቂዳ ለመጠበቅ የሚችሉትን መስዋእትነት ሁሉ ከፍለዋል። ለዚህ ማስረጃ አንድ ታሪክ እንመልከት። አቡል ዓሊያህ እንዲህ ይላሉ፡ “የቱስተር ከተማን በከፈትን ጊዜ በሁርሙዛን ግምጃ ቤት ውስጥ አስከሬን ያለበት አልጋ አገኘን። … አስራ ሶስት የተራራቁ ቀብሮችን በቀን ቆፈርንና (ከአንዱ) ውስጥ በሌሊት ቀበርነው። ከዚያም ሰዎች እንዳያወጡት በመስጋት እንዳይለይ አድርገን ቀብሮቹን ሁሉንም (በተመሳሳይ ከመሬት) አስተካከልናቸው።”
“ከሱ ምን ይፈልጋሉ?” ተብለው ሲጠየቁ “ድርቅ ሲሆንባቸው አልጋውን ይዘውት ይወጡና ዝናብ ይለምኑበታል” አሉ አቡል ዓሊያህ።
“ሰውየው ማነው ብላችሁ ትገምታላችሁ?” ሲባሉ “ዳንኤል የሚባል ነው” አሉ። “ስታገኙት ከሞተ ምን ያክል ሆኖታል?” ሲሏቸው “ሶስት መቶ አመት ሆኖታል” አሉ።
“ከሱ ምን የተቀየረ አለው?” ሲሏቸው “ከማጅራቱ አካባቢ ጥቂት ፀጉሮች እንጂ የተቀየረ የለም። የነብያትን ስጋ'ኮ አፈር አይበላውም” አሉ። [አልመጋዚ፣ ኢብኑ ኢስሓቅ፡ 6]

ኢብኑል ቀይም ረሒመሁላህ ከዚህ ታሪክ ስር እንዲህ ይላሉ፡-
“በዚህ ታሪክ ውስጥ ሙሃጂሮችና አንሷሮች የፈፀሙት ሰዎች እንዳይፈተኑበት ቀብሩን እንዳይለይ ማድረግ ነው እንጂ እሱ ዘንድ ዱዓእ እንዲደረግና በረካ እንዲፈልጉበት ግልፅ ማድረግ አይደለም። ዘግይተው የመጡት ሰዎች ቢያገኙት ኖሮ ለሱ ሲሉ በሰይፍ ይሞሻለቁ ነበር። ከአላህ ውጭም ያመልኩት ነበር። በርግጥም ከዚህ ጋር የማይነፃፀሩና የማይቀራረቡ መቃብሮችን ጣኦቶች አድርገው ይዘዋል። አገልጋዮች መድበውላቸዋል። ከመስጂዶች የበለጡ የአምልኮት ቦታዎችም አድርገዋቸዋል።

መቃብር ዘንድ ዱዓእ ማድረግ፣ እዚያም ሶላት መስገድ፣ በነሱም በረከትን መሻት ትሩፋት ቢኖረው ኖሮ ወይም ሱና ቢሆን ኖሮ ወይም የተፈቀደ ቢሆን ኖሮ ሙሃጂሮችና አንሷሮች ይህን ቀብር ለእንዲህ አይነት ተግባር ተምሳሌት ያደርጉት ነበር። እሱም ዘንድ ዱዓእ ያደርጉ ነበር። ከኋላቸው ለሚመጣ ትውልድም ፍኖት ያደርጉት ነበር። ነገር ግን ከኋላቸው ከመጡ ክፉ ምትኮች በተሻለ አላህን፣ መልእክተኛውንና ሃይማኖቱን የሚያውቁ ነበሩ። እነሱን በመልካም የተከተሉ ታቢዒዮችም እንደዚያው በዚሁ መንገድ ላይ ነው የተጓዙት። እነሱ በብዛት እያሉ ከነሱ ዘንድ የሶሐቦች መቃብር በየሀገራቱ በብዛት ነበር። ከነሱ አንድም ከሶሐቦች ቀብር ዘንድ ሄዶ እርዳታ የጠየቀ፣ እሱንም የለመነ፣ በሱም የተመጀነ፣ በሱ ፈውስን፣ ዝናብን፣ እገዛን የጠየቀ የለም።” [ኢጋሠቱል ለህፋን፡ 1/202-203]

ከዚያ በኋላ ግን ሺርክን ያነገሱ፣ ተውሒድን ያኮሰሱ፣ ቃላቸውን ያፈረሱ፣ ስሜታቸው ጋር የሚፈሱ ክፉ ምትኮች ተተኩ። የሶሐቦችን ግንዛቤ ተመልከቱ። ከዚያም የኛን ዘመን ትውልድ ታዘቡ። የዛሬ ቀብር አምላኪዎችስ ከቀብር ዘንድ ሲቆሙ ማንን ነው የሚያስቡት? የነብዩ ﷺ አስተምህሮት ለእንዲህ አይነት የጣኦት ስርኣት ሰይፍ ነበር፣ የተሰላ ሰይፍ! አቡ ዋቂድ አለይሢይ ረዲየላሁ ዐንሁ እንዲህ ይላሉ፡-

“ከአላህ መልእክተኛ ﷺ ጋር ወደ ሑነይን ወጣን። ከክህ ደት ከወጣን ቅርብ ጊዜያችን ነበር። (አዲስ ሰለምቴዎች ነን።) በአንዲት የቁርቁራ ዛፍ አጠገብ አለፍን። ከዚያም ‘የአላህ መልእክተኛ ሆይ! ለኛም ይቺን መስቀያ አድርግልን፣ ለሙሽሪኮቹ መስቀያ እንዳለቻቸው’ አልን። ነብዩ ﷺ 'አላሁ አክበር! ነፍሴ በእጁ በሆነችው እምላለሁ! የኢስራኢል ልጆች ለሙሳ፡ 'ለነሱ (ለሙሽሪኮቹ) አማልክት እንዳሏቸው ለኛም አምላክ አድርግልን' ያሉት አይነት ነው የተናገራችሁት!' እሱም፡ 'እናንተ የማታውቁ ህዝቦች ናችሁ' ብሏቸዋል። በውኑ ከናንተ በፊት የነበሩ ሰዎችን ዱካዎች ትከተላላችሁ!' አሉ።” [ዚላሉል ጀናህ፡ 1/31]

አቡ በክር አጦርጡሺይ ከዚህ ሐዲስ ስር እንዲህ ይላሉ፡- “ተመልከቱ እንግዲህ አላህ ይዘንላችሁና። የትም ቦታ ሰዎች የሚያስቧት፣ የሚያከብሯት፣ ፈውስና መድሃኒትነትን የሚያስቧት፣ ሚስማሮችና ቁርጥራጭ ጨርቆች የሚሰቅሉባት ቁርቁራ ወይም ሌላ ዛፍ ካገኛችሁ ዛቱ አንዋጥ ናትና ቁረጧት!” [አልሐዋዲሥ ወልቢደዕ፡ 38] በሌሎች ሀገራት እንደሚገኘው በሀገራችንም የስለት ክር የሚተበተብባቸው፣ ቅቤ የሚቀቡ፣ ለበረካ ታስቦ አላፊ አግዳሚ የሚያርፍባቸው፣ ለዱዓእ የሚሰባሰቡባቸው፣ እርድ የሚፈፀምባቸው በርካታ ዛፎች - ዛቱ አንዋጦች - ዛሬም ድረስ አሉ።

ዛሬ እንኳን ሰለጠነ በሚባለው አለም የጣኦት አምልኮ “ላኢላሀ ኢለላህ” በሚሉ ሰዎች መሀል እግሩን ዘርግቶ ይገኛል። “የእናቴ ጀበና አተረፈኝ” እያለ የማይረባ ሸክላ የሚያመልክ ትውልድ ዛሬም ከውስጣችን ይገኛል። በሀገራችን በተለይም ወደ ገጠሩ አካባቢ የተጓዘ እጅግ ብዙ የሚመለኩ ዛፎችን፣ ድንጋዮችን፣ መቃብሮችን ወዘተ በየአካባቢው ያገኛል። እነኚህን ነገሮች የሚስም፣ የሚሳለም፣ የሚተሻሽ፣ ቅቤ የሚቀባ፣ ስለት የሚያስር፣ እርድ የሚያርድ፣ ምንነቱን በውል ከማያውቀው ቦታ ላይ ጠጠር እየወረወረ ድንጋይ የሚከምር ... መአት ነው። ይህንን ኮተት እስከ ደም ጠብታ ልንዋጋው ይገባል።
=
የቴሌግራም ቻናል :-
https://t.me/IbnuMunewor