يارب 🤲

ردد الدعاء دا في قيام ليلك 🌸
اللهم طريقا غائم بألطافك لا وقوع فيه ولا تعثر، إنما غيثا من لدنك يروي قلوبنا العطشي♥️

قبل ما تنام متنساش تقرأ أذكار النوم ، وسورة تبارك

#سورة_تبارك

هقولك حاجة لو زعلان قبل تنام ماهو ما ينفعش تكون في قناة أذكار وتنام زعلان 🙃

يمكن الدُنيا وحشه، يمكن مفيش حاجه كانت حنينه علينا ، بس خلينا عارفين إن الدُنيا كُلها مـَ تسوى حاجه بس ربنا موجود وهيعوضنا وكُل الوجع دَ بناخد أجر عليه ، فـَ دايما نقول الحمدلله ونرضى عشان ربنا يراضينا ، بلاش نمسك فـِ الزعل عارفه انه صعب لكن لما يبقى عندك يقين فـِ ربنا إن كُل حاجه هتتحل فـَ هتتحل .. نحاول ومنيأسش مفيش حاجه تستاهل هي مره وحده فـَ نعيشها صح 💗🪴).

اوعي تفوتك صلاة الفجر النهارده
تعرف إن صلاه فجر النهارده هيا أفضل صلاه ربنا بيحبها في الأسبوع كله .

لحديث النبي ﷺ:
إنَّ أفضلَ الصَّلواتِ عندَ اللَّهِ : صلاةُ الصُّبحِ يومَ الجمعةِ في جَماعةٍ

هنيئا لكم يا أهل الفجر

#أذكاركم

‏"أصبحنا بخيرك الدائم،
ولُطفكَ الخفيّ،
نظنّ بك
الظنّ الجميل، فتولّنا." 🤍

‏"يارب ارزقني فرح يعقوب، وفرج يونس، وتقوى يوسف، وصبر أيوب، يارب أعطِ قلبي القوة، قوة الصبر، وقوة السكوت، وقوة المواجهة، اللهم اجعلني بك أتجاوز كل شيء، يارب لا تجعلني أضر أحدًا من خلقك قصدًا مني او جهلًا، وارفعني بالذكر الطيب بمحياي ومماتي يارب"

﴿فَالِقُ الْإِصْبَاحِ﴾

اللهم مع أنفاس هذا الصباح، افتح لنا أبواب الخير، ويسّر لنا أمورنا، وبارك لنا في أوقاتنا، واجعلنا من الذاكرين الشاكرين. ☀️🤍

الحاجات دي لو حافظت عليهم فـ انت هتعيش ف جنة.

1 / الصلاة في معادها ، الصلاة هي صلتك بالله ، وهي اول ما يحاسب عليه العبد يوم القيامة.

2 / ورد الذكر وخصوصا الحوقلة والصلاة على النبي والاستغفار.

3 / صلاة الضحي ، معادها من بعد شروق الشمس بـ تلت ساعة لحد قبل الظهر بـ تلت ساعة ، ثوابها 360 صدقة.

4 / اذكار الصباح والمساء والنوم ، حفظ من الله من اي شر او حسد او سحر او وساوس أو مصائب.

5 / قيام الليل ، هيغير حياتك وهتلاقي نفسك في مكان عمرك ما كنت تتخيل أنك توصله في يوم من الايام ، دعواته بتحقق المعجزات.

6 / سورة البقره ، فيها البركه وحفظ للانسان من الاسحار والوساوس وتبطل اي سحر او عمل واذى.

7 / ورد القرآن ، ولو صفحتين بس ، واتعود انك تبدأ بيه يومك عشان يكون فيه بركة ، القران ده صحبك اللي هيستناك ف القبر وينوره ومش هيسيبك يوم القيامة إلا لما يشفعلك ويدخلك الجنة.

8/ الصدقة ، الصدقة دي سحر لو عندك حد تعبان أو مشكلة خرج صدقة وهتستغرب من اللي هيحصل ، وهي سبب م اسباب كثره الخير والرزق.

من أسباب التكاسل والصدود عن أذكار الصباح والمساء أن يظن الرجل وجوب الإتيان بها كاملة كما يراها ويقرأه من الكُتيِّبات، وإلا تركها.
يا حبيب، يكفيك ذِكر واحد، انتظم عليه، فإذا وجدت إقبالًا من نفسك فأردفه بآخر، ثم انتظم عليهما، فإذا وجدت من نفسك إقبالاً وإلا فأحب العمل إلى الله أدومه وإن قل.
تكفيك آية الكرسي!

- مصطفى محمود.

زعلانة ليه ومڪشرة وشك الحلو ده؟ ا
الدنيا ڪلها متستاهلش تاخد من صحتكِ ولا من نضارة بشرتك وضحڪتك الغالية .
نصيحة من قلب بيحبك اقطعي المود الزعلان ده دلوقتي؛ صلي رڪعتين واعملي لـ نفسك حاجة دافية بتحبي تشربيها، وافتحي برنامج بتحبيه أو اتڪلمي مع أختك وصاحبتك اللّي بتبسطك. زعلكِ مش هيغير اللّي حصل، بس رضاڪِ وقوتك هما اللّي هيخلوكِي تتخطي ڪل حاجة ب رزانة ووقار. أنتي غالية، وخلي قلبك دايماً غالي ومرفوع فوق ڪل زعل زائل 💝 .

يا شباب الزواج حلو و جميل
لكن ده مش معناه أبدا التسرع في الاختيار،
براحه،
اختاري علي مهلك الرجل اللي عنده دين و محترم و ابن ناس و مستواه الاجتماعي شبهك و المالي مناسب ليكي و شكله جميل ليكي (ده حقك)
كذلك انت اختار اللي عندها دين و مؤدبه و بنت ناس و متربيه و مستواها المادي و الاجتماعي مناسب لك (ده حقك)

و اهم حاجه استخاره كثير جدا و دعاء كثير جدا ان ربنا يوفقكم في الاختيار

و علي مهلكم محدش بيجري وراكم.

أغبى حاجة مُمكن تعملها في حق نفسك إنّك تصدّق إن كُل الناس اللي هتتعامل معاها في حياتك زي أهل بيتك؛ لازم تعرف كويّس إن الرجالة كُلهم مش زي أبوك، ولا كُل الستات حنيّنة زي أُمك، ولا باقي الناس إتربّت زي تربيتك، ولا عينهُم مليانة وبطونهم شبعانة زيَّك، لازم تاخُد حَذرك من كُل الناس حتى يَثبُت العكس، ما ينفعش تثق في كُل شخص تقابله.. وفي قاعدة مُهمّة حُطها قُدامك "مش كُل الناس هتحب تشوفك أحسن منها وتتمنالك الخير".

مساء الخير يارب تكونوا في أفضل حال يا أخوات 🤍🌸

اقولكم حاجة . خطبة الجمعة إمبارح .

امبارح خطيب صلاة الجُمعة قال جملة وقفت عندها كتير : مِش كُلّ تأخير فـِ حياتك معناه إن ربنا ناسيك ، ومِش كُلّ حاجة اتمنعت عنك معناها إنَّك ما تستحقهاش . أوقات ربنا بيأخّر عنك حاجة لأن توقيتها لِسة ماجاش ، وأوقات بيمنع عنك حاجة لأنك لو خدتها كَانِت هتتعبك ، وأوقات بيبعد عنك ناس كُنت فاكر إنهم خير ليك وهو سُبحانه شايف حاجات إنتَ مِش شايفها . فـَ ماتستعجلش علىٰ رزقك ، وماتحزنش علىٰ باب اتقفل ، ثق إن ربنا لا يمنع إلا لحكمة ، ولا يؤخر إلا لخير ، وإن إللي ليك هيجيلك فـِ وقته مهما طال الانتظار ❤️❤️❤️❤️❤️🌴.")

‏ *احذف كل الأغانى اللى فى* *الأكونت بتاعك ، واحذفها* *من تليفونك واستبدلها* *بالقرآن ومتنزلهاش استورى* *تانى عشان دى سيئات* *جارية، وبعد الموت مفيش* *حد هيقدر يحذفلك الحاجات* *دى ، سيب وراك أثر طيب* ‌
*الموضوع مفيهوش هزار يا* *إما جنه يا إما نار، وهناك* *مفيش حاجة اسمها أسف!*

> د/حازم شومان

تعالوا نعمل حاجة حلوة 🙃
كل واحد يبص علي نسبة الشحن في الموبايل بتاعه
وعلي قد النسبة
يصلي علي النبي
يعني مثلا الشحن 70 في المية .. صلي علي النبي سبعين مرة
كل واحد علي حسب نسبة الشحن .

يلا ونكسب ثواب .