ТАТАРЧА ЯЗЫГЫЗ!

Үз сәхифәләрендә Татарча язмаучы милләттәшләр миндә бер яктан кызгану, икенче яктан шактый тискәре фикерләр уята. Нигә Сез үз телегездә дә язмыйсыз? Нигә үз ана телегез хисабына башка телгә өстенлек бирәсез? Башкалар да аңласын дисез имеш, аларга да хөрмәт күрсәтәсез имеш. Соң аңласын, өйрәнсеннәр. Сез тырышкан кешеләрнең берсе дә (!) Сез аңласын дип татарча язмый, үз телендә яза. Татар гына нигәдер һаман яраклаша, һаман башкалар өчен тырыша. Туган телгә хөрмәт үз-үзебездән, татар телен кулланудан, бу телдә язудан башлана! Башкалар аңласыннар өчен 2 телдә языгыз. Ялкауланмагыз. Ә тагын да күбрәк кеше аңласын өчен инглиз, француз, кытайча да яза аласыз. Татарча да язмау - үз-телегезгә, үз анагызга хөрмәтсезлек күрсәтү белән бер. Шуны истә тотыгыз.

Азатлык

26 июнь - Кырым Татар байрагы көне котлы булсын!

26 июня - с днем Крымско-татарского флага!

Азатлык

Бүген, 27 Июнь - «Азатлык» Татар яшьләре берлеге лидеры, журналист һәм публицист, Татар милли хәрәкәте лидерларының берсе, Төркиядә Татарлар өчен чаралар оештыручы, марафончы НАИЛ НӘБИУЛЛИННЫҢ ТУГАН КӨНЕ! Дустыбыз 35 яшьлеген белән чын күңелдән котлыйбыз !!! Иң изге, якты, матур теләкләребезне юллыйбыз!

Көчле рухлы һәм кешелекле, юмарт һәм ярдәмчел, бәхетле һәм сәламәт бул! Уй-теләкләрең тиң, туар таңнарың тыныч, саулыгың ныклы, гомерең бәхетле булсын. Авырмый, кайгы-хәсрәт күрми, озын гомер итүеңне, гаилә шатлыгы, балаларыңның, якыннарыңның игелеген күреп яшәргә язсын Ходай! Ныклы тазалык, озын гомер, ак бәхетләр белән мул тормышта яшәвеңне телибез!

Наил Татар милли хәрәкәтендә 2007 елдан бирле, татар өчен җан аткан, татар халкының үсешенә зур өлеш керткән кеше:

- 2010 елдан "Азатлык" Татар яшьләре берлеге рәисе.
- "Азатлык", "Төрки караш" гәҗитләрен чыгарган.
- Гаяз Исхакый порталын булдыручы һәм баш мөхәррире
- Нәшир: китаплар hәм гәҗитләр чыгара.
- Казандагы Татар акчасы музеен оештыручыларның берсе.
—Төрки Дөнья Ассамблеясы әгъзасы.
-Көлтәгин медале иясе (Төрки халыклар өчен хезмәт бүләге)
-Фикер, Шәрык клубларында яшьләр өчен меңләгән кичәләр оештыручы.

Наил кебек киң йөрәкле, бөтен татарларны берләштереп торган, татар халкы өчен җан атып торган кеше юк, барлык эшләгән эше халык өчен, татар өчен, милләт өчен...Татар Милләтенең Горурлыгы син, туган көнен котлы булсын!

#туганкөн #котлау #тәбриклибез #котлыйбыз

«Азатлык» Татар яшьләре берлеге лидеры Наил Нәбиуллин Төркиянең техник яктан иң авыр таулы йөгерү ярышларының берсендә катнашты. Гомуми биеклек җыелмасы 2500 метр һәм озынлыгы 57 чакрым булган араны ул уңышлы гына тәмамлады һәм финишка Татар байрагы белән килеп керде!
Котлыйбыз!

Дөнья әле Татарларның рухын һәм көчен күрәчәк!

“Бик авыр йөгерү булды, техник яктан шактый кыен һәм бик куркыныч төшүләрне үтәргә туры килде, аяклар канга батты, бик эссе иде. Әмма без авырлыклардан курыкмыйбыз!”- дип сөйләде ул фиништан соң.

Наил Нәбиуллин – һәвәскәр марафончы һәм ультрамарафончы. Ул дистәләгән авыр йөгерүләрдә катнашты. Мәсәлән, 2023 елның октябрь аенда Төркиянең Анталия шәһәреннән Искешәһәр аша Әнкарага 700 чакрым йөгерде, татар теленең хәленә игътибар җәлеп итәргә тырышты. “Азатлык” лидеры һәрвакыт Татар байрагы белән йөгерә.

Лидер “Азатлык” Наиль Набиуллин принял участие в одном из технически сложных забегов Турции, 57 км с набором высоты 2500 метров. Он пришел к финишу с гордо поднятым Татарским флагом. Поздравляем!
Мир еще увидит силу и дух Татар!

“Было очень непросто, пришлось преодолеть технически сложные и очень опасные спуски с острыми камнями и обрывами. Ноги буквально в кровь. Жара. Но мы не боимся сложностей” – сказал он после забега.

Наиль Набиуллин – марафонец и ультрамарафонец. За его спиной десятки сложных забегов. К примеру, в октябре 2023 года он пробежал 700 км из Анталии в Анкару (через Эскишехир), привлекая внимание к ситуации с татарским языком. Лидер "Азатлык" всегда бежит и финиширует с Татарским флагом.

Спорт белән шөгелләнегез!
Сәламәт тәндә - көчле рух!
Көчле рух - димәк көрәшү һәм безнең җиңү!

Занимайтесь спортом!
В здоровом теле - сильный дух!
Сильный дух - значит борьба и наша победа!

Шулай мени әле?!
Фирдүс үзе өчен яңа чынбарлык ачкан - балалар урыслаша икән бит, татарча сөйләшми икән.
Ә ничек сөйләшсен алар татарча Фирдүс? Татар мәктәпләре-бакчалары һәм укыту юк, урыслашу көчәйгәннән көчәя.
Ә Сез һаман "патриотлар" шушыларга ярдәм итәсез, каршы бер сүз дәшмисез.
Сезләр җырлап йөреп, дәшми торганга да хәлебез шундый авыр.

https://intertat.tatar/news/firdus-tyamaev-uly-belan-itdi-angama-korgan-tatarca-soilaserga-oiranerga-kirak-5867086

Талантлы шагыйрь һәм журналист Фәнил Гыйләҗев Татарның бөек юлбашчысы Гаяз Исхакыйга багышлап язылган бик көчле
"Исхакый каберендә" шигыре.
Укый - Фәнил үзе.

Дуслар, видеоларыбызны лаеклагыз, фикерләрегезне языгыз һәм Исхакыйга багышланган ютуб сәхифәсенә язылыгыз!

https://www.youtube.com/watch?v=z1ZnNopxv9k