2025 ел: Татар милләтенең бөек күтәрелешенә юл ачабыз!

Кадерле милләттәшләр!

Бөек татар халкының балалары, без 2025 елның ишеген ачып кердек. Бу яңа ел, Раббыбыз насыйп итсә, безнең өчен милләтебез киләчәге өчен зур адымнар ясау, милли үзаңыбызны ныгыту, халкыбызны берләштерү һәм аның данлы тарихын, көчен яңадан дөньяга таныту елы булыр.

Барыгызны да Яңа ел белән ихлас күңелдән котлыйм! Һәрбер гаиләгә бәхет, сәламәтлек, мул тормыш һәм иминлек телим! Әмма бу изге теләкләрне без һәркайсыбызның тырышлыгы белән генә тормышка ашыра алачакбыз. Милләтебезнең киләчәге һәрберебезнең кулында, һәм хәзер бердәм булып, хәрәкәт итеп, үзебезнең милли идеалларыбызны торгызу вакыты җитте.

Тарих бездән көчле булуны таләп итә. Без бүген бөтен дөньяга сибелгән милләтебезнең яңадан берләшүен тәэмин итәргә тиешбез. Татарның теле, гореф-гадәтләре, тарихы, мәдәнияте – алар милләтебезнең нигезе. Без аларны сакларга һәм үстерергә бурычлы. Бу юлда бары тик бергә булсак кына, без үз максатларыбызга ирешә алабыз.

Милләтебезнең җаны һәм йөрәге – ул аның бердәмлеге. Татарлар гасырлар буе иң кыен шартларда да үзләренең милли рухын саклап калды, телен, динен, мәдәниятен югалтмады. Без бүген дә шушы рухны ныгытырга, татар халкын берләштереп, аны киләчәккә әзерләргә тиешбез.

Гаяз Исхакый әйткәнчә:
"Безнең төрек-татарның кыйбласы ачык итеп тәгаен ителгән: ул үзенең милли барлыгын саклап, үзенең киләчәктә үзенчә үсүенә, алга китүенә килешү – бер нигез әзерләү."
Бу сүзләр бүген дә безнең өчен маяк булып тора. Татарның кыйбласы – үзенчәлеген югалтмыйча, киләчәккә ышаныч белән атлау. Татар халкы – эреми торган металл кебек, берләшү дәверендә бернәрсә дә безнең юлда каршы тора алмый һәм торалмаячак.

2025 ел – бу милләтебез өчен тарихи ел булырга тиеш!
Без, "Азатлык" Татар яшьләре берлеге буларак, татарларның милли байрагы тирәсендә берләшүенә хезмәт итәчәкбез. Шушы юлда кулдан килгән һичбер хезмәтне дә кызганмаячакбыз! Милләтебез өчен һәр гамәл изге, һәр тырышлык мөһим. Безнең өчен кечкенә эш юк, һәрбер адым халкыбыз өчен зур мәгънәгә ия.

Берләшүнең мәгънәсе – ул милли яңарыш. Бергә булганда безне җиңә алучы булмаячак. Үткәндә, бабаларыбыз тауларны һәм суларны җиңеп, үз хокукларын саклап калган кебек, без дә бүгенге замана сынауларын җиңеп чыгачакбыз. Моның өчен милләтчеләребезнең тирән белемнәре, халкыбызның рухи көчләре, динебезнең изге ныклыгы кирәк.

Татар халкының киләчәге якты! Әмма ул бездән – һәрберебездән тырыш хезмәт сорый. Яңа ел безнең өчен яңадан уйлану, көч туплау, милли үзаңыбызны яңарту елы булсын. Татарның киләчәгенә хезмәт итү – безнең изге бурыч.

Бүген, милләтебезнең тарихи юлында, без һәркайсыбызга бер сорау бирергә тиешбез: "Мин татар халкы өчен нәрсә эшләдем? Нинди өлеш кертә алам?" Бу сорауларга җавап биреп, милләтебезнең киләчәген бергә төзик.

2025 елда безнең юл ачык, кыйблабыз нык, милли байрагыбыз – безнең горурлык! Бергә булыйк, көчле булыйк, бердәм булыйк!

Ихтирам белән,
Наил Нәбиуллин,
"Азатлык" Татар яшьләре берлеге рәисе.

Әмма безнең көрәш - өметсез түгел. Бүгенге шартларда да нәрсәдер эшләп була. Акчура урамы бөтенләй юк иде. Хәзер бар. Әйе, читтә. Әмма безнең активлыгыбыз аркасында бар. Килер бер көн, шәһәрдәге җыен чуп-чар урам исемнәрен чын татар исемнәрен алыштырырбыз. Бөек Гаяз Исхакый исеме колхоз базары янындагы бер тыкрыкка түгел, ә зур, матур проспектка бирәчәкбез. Сөембикә, Батыршаларыбыз, Садри Максуди һәм Йосыф Акчура исемнәре Татар башкаласының үзәгендә лаеклы урыннарын алачак!
Бу көн киләчәк!

"тегеләй эшләргә кирәк, болай эшләргә кирәк" дип язучы иптәшләр. Бәлки Сез эшләп күрсәтерсез ә?
Милли хәрәкәт - ябык җәмгыять түгел. Монда һәркем килеп эшли ала. Зинһар рәхим итегез!

"Берәү чит бер телне өйрәнәсе булса, башта үз телен яхшы белсен"

Каюм Насыйри

теманы дәвам итеп.

"Тегеләй эшләргә кирәк, болай эшләргә кирәк!" – язучы иптәшләргә мөрәҗәгать

Хөрмәтле фикер йөртүчеләр һәм киңәш бирүчеләр!
Без сезнең актив позициягезне, фикерләрегезне һәм тәкъдимнәрегезне хөрмәт итәбез. Әмма сүз генә җитми. Милли хәрәкәтне үстерү өчен реаль эшләр кирәк!

Без сезгә мөрәҗәгать итәбез:
Бәлки, сез үзегез эшләп күрсәтерсездер? Әгәр дә сезнең яхшы идеяләрегез һәм фикерләрегез бар икән – бу искиткеч! Әмма хәзер сүздән гамәлгә күчү вакыты! Милли хәрәкәт – ябык җәмгыять түгел! Бу – һәркем өчен ачык мәйдан. Теләге булган һәркем килеп үз өлешен кертә ала. Һәр эш – зурмы ул, кечкенәме – милләт өчен бәяләп бетергесез кыйммәткә ия.

Без сезне милли хәрәкәткә һәм "Азатлык" ка кушылырга чакырабыз. Бергәләп:
– Милли проектлар булдыруда катнашырга.
– Үзегезнең осталыгыгыз һәм идеяләрегез белән уртаклашырга.
– Бергәләп эшне яхшырак итеп оештырырга.

Сезнең эшчәнлегегез бик кирәк!
Без сүздә генә түгел, гамәлдә дә берләшергә тиеш. Зинһар, рәхим итегез – эшкә кушылыгыз!

Элемтә өчен бот - @AzatliqElemta_bot

Милләт эше – ул җаваплылык. Бу бер сүздә милләт өчен эшләүнең тирән мәгънәсе, кыйммәте һәм төп асылы ята. Татар милли хәрәкәтенең һәр чорында да милләт өчен янып-көеп йөрүче ихлас, самими кешеләрнең катнашуы очраклы түгел. Милләт эшендә катнашу – ул милләтең алдында җаваплылык тою, аның киләчәге өчен борчылу һәм шушы борчылуны гамәлгә әверелдерү дигән сүз. Бу юлны сайлаган кешеләр үзләренең шәхси мәнфәгатьләреннән өстен булып, милләт язмышына багышланган шәхесләр булалар.

Милләт өчен җаваплылык – ул аны аңлау, тану һәм кабул итү. Татар милли хәрәкәтендә катнашучы кеше үзенең шәхси тормышын гына кайгыртмый, ә милләтнең киләчәген дә үз җаваплылыгы итеп күрә. Бу җаваплылык сүзләрдә генә түгел, гамәлләрдә дә чагыла. Мәдәниятне саклау, телне үстерү, милли аңны уяту – болар барысы да шушы җаваплылыкны үтәү юллары. Милләт эше ул шәхси дәрәҗәдә генә түгел, ә тарихи һәм рухи яктан да әһәмиятле. Татар халкы гасырлар дәвамында күп сынаулар үтеп, үзенең телен, динен, мәдәниятен саклап калырга омтылган. Бу җаваплылык татар милли хәрәкәтенең һәр буынында дәвам итте һәм бүген дә дәвам итә.

Милли хәрәкәт – ул һәрвакыт кыюлык таләп итә торган эш. Милләткә хезмәт итү җиңел юл түгел. Бу юлда каршылыклар, кыенлыклар, хаталар һәм сынаулар бар. Ләкин нәкъ менә шушы кыюлык аркасында татар милли хәрәкәте яшәде һәм яши. Кыюлык – ул үз фикереңне әйтә белү, үз халкыңның мәнфәгатьләрен яклау һәм кирәк булганда, авыр шартларда да үз идеалларыңнан ваз кичмәү. Татар милли хәрәкәте әгъзалары һәрвакыт шушы принципларны тотып эш иттеләр.

Милли хәрәкәткә беренче чиратта халкыңа хезмәт итү өчен киләләр. Бу эштә катнашучы кеше үзен милләткә багышлый. Татар милли хәрәкәтендә беркайчан да яшь аермасы булмады: монда балалар да, өлкәннәр дә, ир-атлар да, хатын-кызлар да бер тигез. Милли эштә катнашасың икән – димәк, син лаеклы, җаваплы кеше. Милли хәрәкәт ул кешеләрне яшенә, дәрәҗәсенә яки матди хәленә карап түгел, ә йөрәк җылылыгына һәм милләт өчен эшләргә әзерлегенә карап кабул итә. Монда катнашучы һәр кеше үз урынын таба ала, үз сәләтен милләт файдасына куллана ала.

Милләт өчен эшләү – ул бүгенге көн белән генә чикләнми, ә киләчәккә багышланган хезмәт ул. Татар халкының киләчәге аның бүгенге халәте һәм безнең гамәлләребезгә бәйле. Ә милли хәрәкәт – ул милләтнең үткәне, бүгенгесе һәм киләчәге арасындагы күпер. Үткәннәрне белмичә, киләчәкне төзеп булмый. Шуңа күрә татар милли хәрәкәтенең төп бурычы – халык хәтерен саклау, тарихи аңны уяту һәм аны киләчәк буыннарга тапшыру.

Милләт эше – ул җаваплылык, кыюлык һәм тугрылык. Татар милли хәрәкәтенең төп кыйммәте – милләт өчен ихлас күңел белән эшләү, халкың өчен янып-көеп йөрү. Милләт эшендә катнашкан һәр кеше – ул милләтнең бер терәге. Бу эшкә үзеңне багышлау, авырлыкларны җиңеп чыгу һәм киләчәк өчен эшләү – татар милли хәрәкәтенең мәңгелек кыйммәтләренең берсе.

Күрми калган булсагыз - карап алыгыз! Рухландыра торган видео.
https://www.youtube.com/watch?v=OivXCYltf9Y&t=2s

соң булса да уң булсын...

ТАТАР МИЛЛИ ХӘРӘКӘТЕ АКСАКАЛЫ ФАЗЫЛ ВӘЛИӘХМӘТОВНЫ КУЛГА АЛГАННАР!

Татарстанда Татар милли хәрәкәтенә карата көчле басым дәвам итә. 5 декабрьдә Бөгелмәдә полиция хезмәткәрләре Татарстанның милли хәрәкәт ветераны, аксакалыбыз, 70 яшьлек милләтпәрвәр Фазыл Вәлиәхмәтовны кулга алган. Шул ук көнне аның өендә тентү уздырылган, анда көч структуралары “яшерен китаплар” эзләгән дип хәбәр ителә. Тентүдән соң аксакалны Бөгелмә тикшерү изоляторына япканнар. Хәзергә билгеле булганча, аны 8 февральгә кадәр сак астында тоту карары чыгарылган.

Фазыл Вәлиәхмәтов – татар милли хәрәкәтенең күренекле вәкиле. Ул 1990нчы елларда Татарстан бәйсезлеге өчен көрәштә катнашкан, 1991 елның май аенда Ирек мәйданында башланган сәяси ачлык акциясендә катнашучыларның берсе. Әлеге чара Татарстанның азатлыгын яклау һәм РСФСР президентына сайлауларны Татарстанда уздырмау таләбе белән оештырылган.

Фазыл Вәлиәхмәтов Бөгелмәдә беренче татар лицее һәм татар журналы булдыруның башлап йөрүчесе, шулай ук Хади Атласи исемендәге музей-библиотеканың җитәкчесе иде. Ул үз гомерен татар телен, мәдәниятен һәм милли традицияләрне саклауга багышлады. Активист шулай ук шигырьләр язды, татар җырларына клиплар төшерде һәм яшьләрне патриотик тәрбияләү эшен алып барды.

Соңгы елларда Фазыл Вәлиәхмәтов хакимият тарафыннан басымнарга дучар булды. 2023 елда аңа 30 мең сум штраф салынды, ул социаль челтәрдә ясаган язмасы өчен “Русия хәрби көчләрен дискредитацияләү”дә гаепләнде.

Соңгы вакыйгалар күрсәткәнчә, Татарстанда милли хәрәкәт активистларына каршы басымнар көчәя бара. Фазыл Вәлиәхмәтовның кулга алынуы бу вәзгыятьнең ачык мисалы. Аның өендә тентүләр уздырылуы, тикшерү изоляторына ябылуы һәм сак астында озак вакыт тотылуы – татар милли хәрәкәтен басым астына куярга теләгән системаның адымнары булып күренә. Әлеге хәлләргә карамастан, рәсми матбугат чаралары бу вакыйга турында тулысынча дәшми, татар милли хәрәкәте вәкилләренә каршы чараларны күрмәмешкә салыша. Бу хакимиятнең милли мәсьәләләрне җәмәгатьчелек игътибарыннан яшерү омтылышы кебек кабул ителә.

Татар халкының милли мәнфәгатьләрен яклап гомерен багышлаган шәхесләрне эзәрлекләү – милләтнең үз тамырларын, үз телен, үз горурлыгын юкка чыгарырга омтылуның куркыныч үрнәге. Милли лидерларны эзәрлекләү – бары тик аларның сүзләренә, гамәлләренә каршы аргументлар җитмәгән очракта гына кулланыла торган көчсезлек билгесе.

Фазыл Вәлиәхмәтов – күпләр өчен милли горурлык символы. Ул үзенең бөтен тормышы белән татар милләтенә хезмәт итте: милли белем бирү системасын үстерү, телебезне саклау, мәдәниятебезне яңарту өчен зур тырышлыклар куйды. Аның бүгенге көндә кулга алынуы безнең халкыбыз өчен яра булып тора.

Без, “Азатлык” татар яшьләре берлеге, Фазыл Вәлиәхмәтовка карата булган эзәрлекләүләрне катгый рәвештә тәнкыйтьлибез. Бу – аның шәхесенә генә түгел, ә татар милләтенең киләчәгенә дә һөҗүм. Без Татарстан халкын, барлык милләтпәрвәрләрне милли хәрәкәт аксакалын яклап чыгыш ясарга чакырабыз.

Татарстанны яклаучы милли лидерларыбызны саклыйк! Аларның изге көрәшен дәвам итәр өчен, үз хокукларыбыз һәм үз киләчәгебез өчен җаваплы булырга тиешбез!

В ТАТАРСТАНЕ АРЕСТОВАЛИ АКСАКАЛА ТАТАРСКОГО НАЦИОНАЛЬНОГО ДВИЖЕНИЯ ФАЗИЛЯ ВАЛИАХМЕТОВА!

В Татарстане продолжается давление на активистов Татарского национального движения. 5 декабря в Бугульме сотрудники полиции арестовали ветерана национального движения, нашего аксакала, 70-летнего патриота Фазиля Валиахметова. В тот же день в его доме прошел обыск, в ходе которого силовики искали якобы «секретные книги». После обыска аксакала отправили в следственный изолятор города Бугульма. По имеющейся информации, суд постановил содержать его под стражей до 8 февраля.

Фазиль Валиахметов – выдающийся представитель татарского национального движения. В 1990-х годах он активно участвовал в борьбе за свободу Татарстана, в том числе в политической голодовке на площади Свободы в мае 1991 года. Эта акция была организована в поддержку суверенитета Татарстана и против проведения выборов президента РСФСР на территории республики.

Фазиль Валиахметов стал одним из инициаторов открытия первой татарской гимназии и татарского журнала в Бугульме, а также руководил музеем-библиотекой имени Хади Атласи. Он посвятил свою жизнь сохранению татарского языка, культуры и национальных традиций. Кроме того, активист писал стихи, снимал клипы на татарские песни и занимался патриотическим воспитанием молодежи.

В последние годы Фазиль Валиахметов подвергался давлению со стороны властей. В 2023 году ему был назначен штраф в размере 30 тысяч рублей за «дискредитацию российских вооруженных сил» из-за публикации в социальных сетях.

Последние события демонстрируют усиление давления на активистов национального движения в Татарстане. Арест Фазиля Валиахметова является ярким примером этой ситуации. Его обыск, заключение в следственный изолятор и продолжительное содержание под стражей – это шаги системы, направленные на подавление национального движения татар. Несмотря на это, официальные средства массовой информации полностью игнорируют эту ситуацию, замалчивая репрессии против активистов. Это выглядит как попытка властей скрыть национальную проблематику от общественного внимания.

Преследование людей, посвятивших свою жизнь защите национальных интересов татарского народа, – это тревожный пример стремления уничтожить корни, язык и гордость нации. Преследование национальных лидеров – признак слабости, когда не хватает аргументов против их слов и действий.

Фазиль Валиахметов – символ национальной гордости для многих. Он посвятил свою жизнь служению татарскому народу: развитию системы национального образования, сохранению языка и возрождению культуры. Его арест – это рана для всего нашего народа.

Мы, Союз татарской молодежи «Азатлык», решительно осуждаем преследование Фазиля Валиахметова. Это нападение не только на его личность, но и на будущее татарского народа. Мы призываем народ Татарстана и всех патриотов выступить в защиту аксакала национального движения.

Поддержим наших национальных активистов! Чтобы продолжить нашу борьбу, мы должны быть ответственными за свои права и свое будущее!

Зинданнан хат. Фазыл Вәлиәхмәтовның төрмәдән язылган шигыре.

#ФазылВәлиәхмәтовкаАзатлык