Biz qonşu olmuşuq, qonşuyuq və qonşu olaraq qalacağıq. Bizi sərhəd, iqtisadiyyat, nəqliyyat, energetika, təhlükəsizlik və mədəni əlaqələr birləşdirir. Qarşıdurma strategiyası iflasa məhkumdur.

İran parlamentinin sədti Qalibaf və prezident Pezeşkianın bəyanatları hər şeyə nöqtə qoydu. Bu, həm xarici dünyaya, həm də yaxınlaşmanın daxili əleyhdarlarına bir mesajdır.

Qalibaf vurğulayıb ki, İran müharibənin çətin dövründə Azərbaycanın nümayiş etdirdiyi mövqeyi, humanitar dəstəyi və Bakının məsuliyyətli xəttini unutmur.

Bu bəyanatların fonunda konkret layihələr müzakirə olunur: Ağbənd–Kəlalə körpüsü, İran üzərindən keçən marşrutlar, loqistika. Siyasət qışqırıqlarla deyil, yollarla, ticarətlə və qarşılıqlı fayda ilə ölçülür.

Yekunda Azərbaycan və İranın milli maraqlarının qarşıdurmadan deyil, əməkdaşlıqdan keçdiyini, mövcud problemlərin isə siyasi bəyanatlardan çox konkret addımlarla həll oluna biləcəyini qeyd edilir.

#Azərbaycan #İran #Qalibaf

Kanala abunə olun

"🇦🇿 Azərbaycan ərazisindən 🇮🇷 İrana heç bir zərər gəlməyəcək"

İslam Əməkdaşlıq Təşkilatına üzv ölkələrin Parlament Birlikləri İttifaqının konfransı çərçivəsində İranın parlament nümayəndə heyətinin rəhbəri Ruhullah Mütəfəkkir Azad Azərbaycanın Milli Məclisinin Beynəlxalq və Parlamentlərarası Əlaqələr Komitəsinin sədri Səməd Seyidovla görüşüb.

Görüş zamanı hər iki tərəf Tehran və Bakı arasında siyasi, iqtisadi və parlamentlərarası əlaqələrin, xüsusilə Şimal-Cənub nəqliyyat dəhlizi, Rəşt-Astara dəmir yolu və enerji layihələri üzrə əməkdaşlığın genişləndirilməsinin vacibliyini vurğulayıb. İran tərəfi quru sərhədlərinin açılmasını və bəzi konsulluq məsələlərinin həllini xahiş edib.👇👇👇

Səməd Seyidov bəzi Qərb mediasında (məsələn, CNN-də) İsrailin guya İrana qarşı Azərbaycan ərazisindən istifadə etməsi barədə yayılan xəbərləri qətiyyətlə təkzib edib və bunu "yalan xəbər" (fake news) adlandırıb.
O vurğulayıb ki, Azərbaycan ərazisindən və xalqından İrana heç bir zərər və təhlükə yönəlməyəcək.

Azərbaycanlı deputat qeyd edib ki, üçüncü tərəflərin ikitərəfli münasibətlərə müdaxilə etməsinə yol verməmək üçün Bakı və Tehran birbaşa dialoq mexanizmləri ilə hərəkət etməlidir.

Sonda İran nümayəndə heyətinin rəhbəri Səməd Seyidovu İrana rəsmi səfərə dəvət edib. (Khabarpu.com)

#İran #MütəfəkkirAzad #Azərbaycan #SəmədSeyidov

Kanala abunə olun

🇦🇺 Avstraliya 🇮🇷 SEPAH-ı gizli əməliyyatlarda ittiham edir

Avstraliyanın daxili kəşfiyyat agentliyi olan ASIO-nun baş direktoru Mayk Burqes bildirib ki, SEPAH-ı Sidney və Melburndakı yəhudi hədəflərinə qarşı həyata keçirilən yanğın hücumlarını idarə etmək üçün vaxtilə Avstraliyada yaşamış iki agentdən istifadə edib.

“Associated Press”in məlumatına görə, Burqes İranın Avstraliyanı gizli və məqsədyönlü zorakılıq aktları üçün potensial hədəf kimi görməyə davam etdiyini deyib.

Avstraliya hökuməti daha əvvəl 2024-cü ildə Sidneydəki yəhudi restoranına və Melburndakı Edas İsrail sinaqoquna qarşı törədilmiş yanğın hücumlarına görə İranı məsuliyyət daşımaqda ittiham etmişdi.

Burqes deyib ki, SEPAH-ın qlobal şəbəkələrini idarə edən yüksək vəzifəli casuslardan biri Avstraliya vətəndaşı olub.

#Avstraliya #İran #SEPAH #ittiham

Kanala abunə olun

🇺🇸 Tramp 🇮🇷 İranın dəniz tranziti üzrə ödəniş tələbinə qarşı çıxıb 🌊🚢💰❌

Dünən ABŞ prezidenti Donald Tramp İranla aparılan danışıqlarla bağlı bildirib ki, gəmiçilik və ya dəniz tranziti fəaliyyətlərinə görə rüsumların tətbiqini nəzərdə tutan hər hansı yekun razılaşma Vaşinqton üçün qəbuledilməz olacaq.

Tramp Ağ Evdə NATO-nun baş katibi Mark Rutte ilə görüşü zamanı jurnalistlərin suallarını cavablandırarkən bu məsələ ilə bağlı mövqeyini açıqlayıb.

O qeyd edib ki, belə bir tələbin qəbul edilməsi digər ölkələrin də oxşar iddialarla çıxış etməsinə yol aça bilər. “Bu, mənim üçün qəbuledilməz olardı. Əgər bunu onlar üçün etmisinizsə, deməli, başqaları üçün də etməlisiniz”, - deyə Tramp bildirib.

O əlavə edib ki, belə bir qərar beynəlxalq dəniz nəqliyyatı sahəsində yeni presedent yarada və mövcud qaydaları dəyişdirə bilər.

#ABŞ #Tramp #İran #razılaşma #tranzitödənişi #etiraz

Kanala abunə olun

🇺🇸 ABŞ Senatı 🇮🇷 İranla bağlı qətnamənin müzakirəsini dayandırıb

ABŞ Senatı Demokrat senator Tim Keyn tərəfindən təqdim edilən İran müharibəsi səlahiyyətləri qətnaməsinin müzakirəsinə başlanılmasını rədd edib.

Prosedur səsverməsində 50 senator qətnamənin irəliləməsinin əleyhinə, 47 senator lehinə səs verib, bir senator isə bitərəf qalıb. Bununla da sənədin Senatda nəzərdən keçirilməsi faktiki olaraq dayandırılıb.

Respublikaçılar və ABŞ prezidenti Donald Tramp qətnamənin qəbulunun Vaşinqtonun İranla davam edən danışıqlardakı mövqeyini zəiflədə biləcəyini müdafiə edirdilər.

Səsvermədən sonra Tramp bir neçə respublikaçı senatora təşəkkür edib. O bildirib ki, senatorlar Rand Paul və Bil Kasidinin mövqeyi səsvermənin nəticəsinə təsir göstərib. (Iranintl)

سنای آمریکا با آغاز بررسی طرح محدودیت اختیارات جنگی ترامپ در مورد ایران مخالفت کرد

#ABŞ #Senat #İran #müharibə #qətnamə

Kanala abunə olun

🇺🇸 Tramp: “🇮🇷 Minab məktəbinə hücumda kimin günahkar olduğu heç vaxt aydınlaşmaya bilər” 🤔

Dünən ABŞ prezidenti Donald Tramp İranda Minab ibtidai qızlar məktəbinə edilən ölümcül hücumun məsuliyyətinin heç vaxt tam aydınlaşdırılmaya biləcəyini bildirib.

Tramp qeyd edib ki, hadisə zamanı bölgədə çox sayda raket istifadə olunurdu və buna görə də hücumun məsuliyyətini kimin daşıdığını müəyyənləşdirmək çətin ola bilər.

"Bilmirəm ki, onlar bu problemi kimin günahı ilə həll edəcəklər. Hər yerə raketlər uçurdu və baş verənlər dəhşətlidir", – deyə prezident bildirib.

Tramp hücumun ABŞ raketi ilə həyata keçirildiyi barədə səsləndirilən xəbərlərə da toxunaraq, bunun doğru olduğuna onu inandıracaq hər hansı sübut görmədiyini deyib.

Qeyd edək ki, fevralın 28-də baş vermiş hücum nəticəsində 168 şagird daxil olmaqla, 175-dən çox uşaq və müəllim həlak olub.

#ABŞ #Tramp #İran #Minab168 #qızlarməktəbi #hücum

Kanala abunə olun

🇮🇷 İran və 🇦🇲 Ermənistan yeni ticarət və tranzit marşrutlarını müzakirə edib 🛣

Dünən İrəvanda Ermənistan İqtisadiyyat Nazirliyində İran və Ermənistan rəsmilərinin iştirakı ilə iki ölkə arasında ticarət və tranzitin inkişafına həsr olunmuş görüş keçirilib. Tədbirə İranın İrəvandakı səfiri Xəlil Şirqulami də qatılıb.

👇👇👇

Görüşdə İranın Yol və Nəqliyyat Təşkilatının rəhbəri Rza Əkbəri ölkəsinin beynəlxalq Şimal–Cənub və Şərq–Qərb nəqliyyat dəhlizlərindəki strateji mövqeyini vurğulayaraq, tranzit və logistika potensialından tam şəkildə istifadənin vacibliyini qeyd edib. O bildirib ki, Ermənistan coğrafi mövqeyi və tarixi əlaqələri baxımından İranın mühüm tərəfdaşlarından biri sayılır.

Ermənistanın iqtisadiyyat nazirinin müavini isə nəqliyyat sahəsində mövcud maneələrin aradan qaldırılması, tranzit xərclərinin azaldılması və sərhəd-keçid məntəqələrinin daha səmərəli təşkili istiqamətində əməkdaşlığı genişləndirmək niyyətində olduqlarını bildirib. Eyni zamanda, sərhəd bölgəsində yeni körpünün tikintisi perspektivləri nəzərdən keçirilib.

İranın Ermənistandakı səfiri də danışıqların müsbət atmosferdə keçməsini alqışlayaraq, iqtisadi diplomatiya çərçivəsində bu razılaşmaların həyata keçirilməsinə tam dəstəyini vurğulayıb.

Sonda tərəflər Asiya ilə Avropa arasında nəqliyyat əlaqələrinin genişləndirilməsi və bölgənin tranzit imkanlarından daha səmərəli istifadə olunması yönündə əməkdaşlığı davam etdirmək əzmində olduqlarını bildiriblər. (IRNA)

عزم ایران و ارمنستان برای گشایش مسیرهای جدید تجاری و ترانزیتی

#İran #Ermənistan #tranzitmarşrutlar #əməkdaşlıq

Kanala abunə olun

Müharibə zamanı 🇮🇷 İran sahillərində vurulan gəminin görüntüləri diqqət çəkib 🌊🚢🚀

Bu gün sosial mediada 🇺🇸 ABŞ–İran müharibəsi dövrünə aid olduğu bildirilən yeni görüntülər yayılıb.

Paylaşımlarda qeyd olunur ki, kadrlar bir neçə ay əvvəl müharibənin ən gərgin günlərində Bəndər Abbas sahillərində çəkilib. Məlumata görə, görüntülərdə ABŞ Hərbi Hava Qüvvələrinin zərbəsi nəticəsində vurulan İran Hərbi Dəniz Qüvvələrinə məxsus Süleymani sinif korvet əks olunub.

Görüntülərdə, habelə, gəmidə baş verən partlayışdan sonra göyərtədə yerləşən raketlərdən birinin gözlənilmədən işə düşərək atəşləndiyi bildirilib.

#ABŞ #İran #gəmi #hücum #müharibə

Kanala abunə olun

🇦🇪 BƏƏ-dən bölgədə yeni qarşıdurma riskləri barədə xəbərdarlıq❗️

Bu gün BƏƏ prezidentinin diplomatik müşaviri Ənvər Qarqaş Fars körfəzi bölgəsində yeni geosiyasi reallıqların güc yolu ilə qəbul etdirilməsinin sabitliyə xidmət etməyəcəyini bildirib.

Qarqaş "X" hesabında qeyd edib ki, İranla bağlı danışıqlar fonunda Körfəzin ərəb ölkələrinə qarşı qəfil təcavüz nəticəsində formalaşan yeni geosiyasi vəziyyətin region dövlətlərinə qəbul etdirilməsi mümkün deyil.

O vurğulayıb ki, təcavüz nəticəsində yaranan yeni status-kvonun tətbiqi sabitlik yaratmır, əksinə gələcəkdə yeni fikir ayrılıqları və münaqişələr üçün zəmin formalaşdırır.

BƏƏ rəsmisi əlavə edib ki, bu yanaşma xüsusilə Hörmüz boğazı ilə bağlı məsələlərdə daha böyük əhəmiyyət daşıyır.

#BƏƏ #Körfəz #qarşıdurma #xəbərdarlıq

Kanala abunə olun