📰 NYT: 🇮🇷 İran hücumlardan sonra buraxılış qurğularının 60%-nə çıxışı bərpa edib

İran ABŞ və İsrailin kütləvi hücumlarına baxmayaraq raket potensialının əhəmiyyətli hissəsini qoruyub saxlayıb. Bu barədə The New York Times ABŞ kəşfiyyat icmasının hesablamalarına istinadən məlumat yayıb.

Qəzetin yazdığına görə, Tehran hazırda müharibədən əvvəlki ballistik raket ehtiyatının təxminən 70%-nə çıxış əldə edib. ABŞ kəşfiyyat və müdafiə mənbələri İranın hələ də buraxılış qurğularının təxminən 60%-nə, həmçinin dron donanmasının təxminən 40%-nə çıxışı olduğunu bildirir.

Məlumata görə, iki həftəlik atəşkəs qüvvəyə minənə qədər İran buraxılış gücünün təxminən yarısına nəzarət edirdi. Lakin atəşkəsdən sonra İran mütəxəssisləri yeraltı anbarlardan təxminən 100 buraxılış qurğusunu çıxarmağa nail olub və bu göstərici müharibədən əvvəl qeydə alınan səviyyənin 60%-nə çatıb.

#İran #müharibə #raketqurğuları

Kanala abunə olun

🇮🇷 Qalibaf: 🇺🇸 ABŞ bizdən güclüdür, ancaq strateji məğlub oldu

Dünən İran parlamentinin sədri Məhəmməd Baqir Qalibaf ABŞ və İsrail ilə qarşıdurma fonunda verdiyi açıqlamada İranın hərbi baxımdan Vaşinqtondan zəif olduğunu etiraf edib, ancaq bunun strateji üstünlük qazanmağa mane olmadığını bildirib.

Qalibafın sözlərinə görə, ABŞ-nin daha çox maliyyə imkanları, avadanlıq və resursları var, həmçinin dünyada çoxsaylı hərbi əməliyyatlar apardığı üçün daha geniş təcrübəyə malikdir.

İran parlamentinin sədri bildirib ki, Tehran müharibəni asimmetrik strategiya ilə apararaq düşməni geri çəkilməyə məcbur edib. Onun fikrincə, ABŞ və İsrail resurslara malik olsa da, səhv strategiya seçib və həm İranın hərbi imkanlarını, həm də xalqın reaksiyasını düzgün qiymətləndirə bilməyib.

O əlavə edib ki, İran düşməni tam məhv etməyib və onların hələ də silah və maliyyə resursları var, lakin Qalibafın sözlərinə görə, strateji baxımdan İran qarşısında məğlubiyyətə uğrayıblar. (IRIB News)

#İran #ABŞ #müharibə #güc #məğlubiyyət

🇮🇷 İran XİN: “🇪🇺 Avropa ikiüzlülüyə son qoymalıdır”

İran Xarici İşlər Nazirliyinin sözçüsü İsmayıl Bəqayi Avropa Birliyinin rəsmisi Kaya Kallası sərt şəkildə tənqid edib. O, “X” hesabında paylaşım edərək Kallası “ikiüzlülüyə son qoymağa” çağırıb.

Bəqayi bildirib ki, Avropa “beynəlxalq hüquq” anlayışını yalnız başqalarına dərs keçmək üçün istifadə edir, lakin ABŞ və İsrailin İrana qarşı hücumlarını görməzlikdən gəlir. O, AB-ni “ABŞ-İsrail təcavüz müharibəsinə sakitcə yaşıl işıq yandırmaqda” və iranlılara qarşı zorakılıqlara göz yummaqda ittiham edib.

İran XİN sözçüsü Avropanın beynəlxalq hüquqla bağlı mövqeyini “açıq-aşkar ikiüzlülük” adlandıraraq əlavə edib ki, Avropa öz təbliğ etdiyi prinsipləri tətbiq etməkdə “xroniki şəkildə acizdir”.

Bəqayi vurğulayıb ki, heç bir beynəlxalq hüquq norması İranın Hörmüz boğazından ölkəyə qarşı hərbi təcavüz üçün istifadənin qarşısını almaq məqsədilə tədbirlər görməsinə mane olmur.

#İran #XİN #AB #ikiüzlülük #ittiham

Kanala abunə olun

📰 WSJ: 🇺🇸 Tramp 🇮🇷 İranın Xarq adasının ələ keçirilməsinə qarşı çıxıb

ABŞ prezidenti Donald Trampın İranın strateji əhəmiyyətə malik Xarq adasının ələ keçirilməsi planına qarşı çıxdığı bildirilir. Bu barədə The Wall Street Journal qəzeti məlumat yayıb.

Nəşrin yazdığına görə, ABŞ hərbi komandirləri əməliyyatın uğurlu olacağına dair Trampa zəmanət versələr də, prezident riskləri əsassız hesab edib və bu addımın ciddi nəticələr doğura biləcəyindən narahat olub.

Məlumata əsasən, Tramp hücum zamanı ABŞ bölmələrinin asan hədəfə çevriləcəyindən və “qəbuledilməz dərəcədə yüksək itkilərlə” üzləşəcəyindən ehtiyat edib. O, həmçinin seçki kampaniyası öncəsi belə bir əməliyyatın böyük itkilərlə nəticələnəcəyi təqdirdə Respublikaçılar üçün siyasi fiasko ola biləcəyini bildirib. (ILNA)

#ABŞ #Tramp #İran #Xarqadası

Kanala abunə olun

🇮🇷 Pezeşkian: “Hansı cinayətə görə hüquqlarımızdan imtina etməliyik?” 🗣

Bu gün İran prezidenti Məsud Pezeşkian 🇺🇸 ABŞ prezidenti Donald Trampın İranın hüquqları ilə bağlı mövqeyini tənqid edib. O, bu barədə Gənclər və İdman Nazirliyində çıxışı zamanı danışıb.

Pezeşkian bildirib ki, Tramp İranın öz hüquqlarından istifadə etməməli olduğunu iddia edir, ancaq bunun səbəbini izah etmir. “ABŞ prezidenti deyir ki, İran öz hüquqlarından istifadə etməməlidir, ancaq hansı cinayətə görə? sualına cavab vermir”, – deyə o vurğulayıb.

İran prezidenti qeyd edib ki, Tehran müharibə yaymaq niyyətində deyil və indiyədək heç bir ölkəyə hücum etməyib. Onun sözlərinə görə, İran nə müharibəni başladıb, nə də hazırda kiməsə hücum etmək planı var.

Pezeşkian əlavə edib ki, İran yalnız öz qanuni hüquqlarını tələb edir və bu hüquqların tanınmaması üçün ölkəyə qarşı təzyiq və zorakılıq tətbiq olunur. (Snn.ir)

#İran #Pezeşkian #hüquqlar #ABŞ #Tramp

Kanala abunə olun

🇮🇷 İranda zərər görən xəstəxananın görüntüləri yayılıb 🏥🚀

Müharibə zamanı İsrail və ABŞ-nin İrana endirdiyi zərbələr nəticəsində zərər gördüyü xəstəxananın görüntüləri yayılıb.

Sosial şəbəkələrdə yayılan kadrlarda xəstəxana binasında ciddi dağıntılar, qırılmış şüşələr və zədələnmiş otaqlar diqqət çəkir.

#İran #xəstəxana #ABŞ #İsrail #hücum #müharibə

Kanala abunə olun

🇮🇷 İran: “🇺🇸 ABŞ-yə zənginləşdirilmiş uranın təhvil verilməsi müzakirə olunmur” ☢️

İran xarici işlər nazirinin müavini Səid Xətibzadə ABŞ-yə zənginləşdirilmiş uranın təhvil verilməsi ilə bağlı iddiaları təkzib edib. O, bu barədə Antalya Diplomatik Forumu çərçivəsində Associated Press agentliyinə müsahibəsində danışıb.

Xətibzadə bildirib ki, Tehran və Vaşinqton arasında müxtəlif kanallar vasitəsilə mesajlar mübadiləsi aparılsa da, ABŞ İranın qəbul etmədiyi “həddindən artıq şərtlərdə” israr etməyə davam edir.

Onun sözlərinə görə, hazırda İran və ABŞ arasında birbaşa dialoq mümkün deyil. (Tasnim News)

#İran #XİN #uran #ABŞ

Kanala abunə olun

WSJ: 🇺🇸 Tramp 🇮🇷 İranda vurulan ABŞ təyyarəsindən sonra köməkçilərinə qışqırıb 🗣

ABŞ prezidenti Donald Trampın aprelin əvvəlində İran üzərində ABŞ-yə məxsus F-15E qırıcısının vurulduğunu öyrəndikdən sonra köməkçilərinə saatlarla qışqırdığı iddia olunur. Bu barədə The Wall Street Journal qəzeti mənbələrə istinadən məlumat yayıb.

Mənbələrin sözlərinə görə, Tramp 1979-cu ildə baş vermiş girov böhranının təkrarlanmasından narahat olaraq, vurulan təyyarənin hər iki ekipaj üzvünün xilas edilməsi üçün təcili axtarış-xilasetmə əməliyyatının həyata keçirilməsini tələb edib.

Lakin ABŞ ordusuna əməliyyat planını hazırlamaq üçün müəyyən vaxt lazım olub. Bu müddətdə Trampın köməkçiləri hadisə ilə bağlı dəqiqəbədəqiqə yeniləmələr alsalar da, prezidentin səbirsizliyinin prosesi poza biləcəyindən ehtiyat edərək, ona yalnız əsas məlumatları təqdim ediblər.

🇮🇶 İraq və 🇮🇷 İran regional vəziyyəti müzakirə edib

Bu gün İraq prezidenti Nizar Amidi İranın Bağdaddakı səfiri Məhəmməd Kazem əs-Sadiqi qəbul edib.

Əs-Sadiq dövlət başçısını təyinatı münasibətilə təbrik etdi. Görüşdə ikitərəfli münasibətlər və onları gücləndirməyin yolları, eləcə də regiondakı təhlükəsizlik vəziyyəti müzakirə edilib.

Prezident dialoqun davam etdirilməsinin və regionda müharibə təhlükəsinin qarşısının alınmasının vacibliyini vurğuladı ki, bu da beynəlxalq təhlükəsizliyin və sülhün möhkəmləndirilməsinə töhfə verəcək. (IRNA)

#İran #İraq #regionalvəziyyət

Kanala abunə olun

🇮🇷 İran təhlükəsizlik qüvvələri “casus və terror şəbəkəsinə” qarşı əməliyyat keçirib 🔥

İranda casusluq və terrorçuluq ittihamları ilə daha 51 nəfərin saxlanıldığı iddia edilib. Bu barədə bu gün SEPAH rəsmi məlumat yayıb.

Bildirilib ki, İranın cənub-şərqində yerləşən Kerman əyalətində “xarici ölkələrlə əlaqəli casusluq və terror şəbəkələrini dağıtmaq məqsədilə genişmiqyaslı əməliyyat” həyata keçirilib. Əməliyyat nəticəsində 51 nəfər saxlanılıb.

SEPAH-ın açıqlamasına görə, saxlanılan şəxslərin ABŞ, Böyük Britaniya və İsrail kəşfiyyat xidmətləri ilə əlaqəli şəbəkələrdə fəaliyyət göstərdiyi iddia olunur. Onlar silahlı hücumların hazırlanması, casusluq fəaliyyəti, silah qaçaqmalçılığı və küçə etirazlarının təşkili kimi ittihamlarla üzləşirlər. (Mehr News)

#İran #SEPAH #casusluq #terrorçuluq #həbs

Kanala abunə olun

🇮🇷 SEPAH: “🇺🇸 ABŞ silahlanma yarışında məğlub olub” 🔥

Bu gün SEPAH-ın Aerokosmik Qüvvələrinin komandanı Məcid Musəvi bildirib ki, İranın raket və pilotsuz təyyarə ehtiyatlarının doldurulma sürəti hazırda müharibədən əvvəlkindən daha yüksəkdir.

General qeyd edib ki, ABŞ İslam Respublikası ilə müqayisədə atəşkəs dövründə silah ehtiyatlarını doldura bilməyib və "buna görə də dünyanın digər tərəfindən sursat damcılatmaq məcburiyyətində qalıb".

Musəvinin sözlərinə görə, ABŞ "müharibənin bu mərhələsini də uduzub", eynilə "Hörmüz boğazını, Livanı və bütün bölgəni itirib". (Fars News)

#İran #SEPAH #ABŞ #silahlanma #yarış

Kanala abunə olun

🇹🇷🇮🇷🇺🇸 Türkiyə XİN: “Atəşkəsin uzadılması ilə bağlı nikbinəm”

Anadolu Forumu çərçivəsində keçirilən mətbuat konfransında Türkiyənin xarici işlər naziri Hakan Fidan Yaxın Şərqdəki mövcud vəziyyət, xüsusən də ABŞ və İran arasında atəşkəslə bağlı şərh verib.

Fidan atəşkəsin uzadılmasının vacibliyini vurğulayıb.

"ABŞ və İran arasında fikir ayrılıqlarını cəmi iki həftə ərzində həll etmək asan deyil. Ancaq atəşkəsin uzadılması ilə bağlı nikbinəm”, - deyə, nazir vurğulayıb.

#Türkiyə #XİN #HakanFidan #İran #ABŞ #atəşkəs

Kanala abunə olun

🇺🇸 Tramp: “🇮🇷 İran atəşkəsi ciddi pozub, ancaq…”

ABŞ prezidenti Donald Tramp İranın atəşkəsi “ciddi şəkildə pozduğunu” desə də, Vaşinqtonla Tehran arasında sülh razılaşmasının əldə olunacağına inandığını bildirib.

Tramp bununla bağlı, ABC News telekanalının müxbirinə verdiyi müsahibədə danışıb. ABŞ prezidenti qeyd edib ki, razılaşma qaçılmazdır və bu proses hər halda nəticə verəcək.

“Bu, baş verəcək. Bu və ya digər şəkildə. Yaxşı və ya çətin yol. Bu, həyata keçiriləcək”, – deyə, Tramp bildirib.

#ABŞ #Tramp #İran #atəşkəs

Kanala abunə olun

🇺🇸 ABŞ rəsmiləri 🇮🇷 İranla danışıqlar üçün 🇵🇰 Pakistana səfər edəcək

Bu gün ABŞ prezidenti Donald Tramp Amerika nümayəndə heyətinin Pakistana uçduğunu və danışıqlar üçün sabah İslamabad çatacağını açıqlayıb.

Bununla bağlı, Tramp özünün “Truth Social” platformasında paylaşım edib. O, Vaşinqtonun "ədalətli və ağlabatan bir razılaşma" təklif etdiyini və Tehranı onu qəbul etməyə çağırdığını söyləyib.

O, xəbərdarlıq edib ki, razılaşma rədd edilərsə, ABŞ İrandakı "bütün elektrik stansiyalarını və körpüləri söndürəcək".

#ABŞ #Tramp #İran #danışıqlar #İslamabad

Kanala abunə olun

🇮🇷 İran-🇺🇸 ABŞ danışıqlarının yeni raundu bu həftə keçiriləcək

"New York Post” qəzetinin məlumatına görə, Uitkof və Kuşner 🇵🇰 İslamabadda İranla keçiriləcək yeni danışıqlar mərhələsində ABŞ-ni təmsil edəcəklər, lakin J.D. Vens iştirak etməyəcək.

#İran #ABŞ #danışıqlar #İslamabad

Kanala abunə olun

🇮🇷 İran və 🇵🇰 Pakistanın xarici işlər nazirləri arasında telefon danışığı baş tutub 📞

Abbas Əraqçı və Məhəmməd İshaq Dar sıx əlaqə saxlamaq və eləcə də bu gün axşam İran Prezidenti ilə Pakistan Baş naziri arasında telefon danışığı barədə razılığa gəliblər.
İshaq Dar regionda və ondan kənarda sülh və sabitliyin təşviq edilməsi məqsədilə mövcud münaqişənin tez bir zamanda həlli üçün dialoq və əməkdaşlığın davam etdirilməsinin vacibliyini vurğulayıb.

#İran #Pakistan #XİN

Kanala abunə olun