🇺🇸 ABŞ-nin 🇰🇼 Küveytdəki səfirliyi mart ayında 🇮🇷 İranın hücumlarından sonra dayandırılmış fəaliyyətini bərpa edib

Bu barədə CNN məlumat yayıb.

Qeyd olunur ki, bayrağın qaldırılması mərasimində Fars körfəzi ölkələrinə turne çərçivəsində bu ölkəyə gələn ABŞ Dövlət katibi Marko Rubio da iştirak edib.

#Küveyt #ABŞ #səfirlik #İranhücumu

Kanala abunə olun

🇮🇹🇺🇸🇮🇷 İtaliya Ruttenin İrandakı əməliyyatda öz bazalarından istifadə olunması ilə bağlı bəyanatlarını təkzib edib

İtaliya Müdafiə Nazirliyi NATO-nun Baş katibi Ruttenin ABŞ-nin İrana qarşı hərbi əməliyyatını dəstəkləmək üçün "500 Amerika təyyarəsinin İtaliyadakı bazalardan havaya qalxması" barədə bəyanatını təkzib edib.
Romadan vurğulanıb ki, İtaliya yalnız qüvvədə olan beynəlxalq müqavilələrdə nəzərdə tutulmuş uçuşlara icazə verir.

Nazirliyin bəyanatında deyilir:
"NATO Baş katibinin "Epik Qəzəb" əməliyyatı ilə heç bir əlaqəsi olmadığı halda, icazə verilən uçuşların növlərini bir-birinə qarışdıraraq hadisələrin çaşdırıcı versiyasını təqdim etməsi təəccüblüdür. İtaliya yalnız müqavilələrdə nəzərdə tutulmuş uçuşlara icazə verir".
Daha sonra NATO-dan aydınlıq gətirilib ki, Rutte İtaliyanın hərbi əməliyyatlarda iştirakını deyil, maddi-texniki və logistik dəstək göstərməsini nəzərdə tutub.

#ABŞ #İtaliya #NATO #İran

Kanala abunə olun

🇮🇷 İran millət vəkilləri oturaq aksiyaya hazırlaşır 🔥

İran parlamentinin sədri Məhəmməd Baqir Qalibaf 4 aydır ki, parlamenti qanunsuz olaraq boykot edib və plenar iclasların keçirilməsinə icazə vermir.

Bunu parlamentin üzvü Kamran Qəzənfəri deyib.
O, Ali Milli Təhlükəsizlik Şurasının parlamentin bağlanması ilə bağlı qətnaməsinin olmasını yalan adlandırıb və bildirib ki, parlamentin bağlanması millət vəkillərinin ABŞ ilə danışıqlar prosesinə qarşı çıxmasının və atəşkəsi qəbul etməsinin qarşısını almaq məqsədi ilə həyata keçirilib.

“Parlament üzvləri bir-iki ay əvvəldən Qalibafdan belə bir qətnamənin olub-olmadığını göstərməsini tələb ediblər, ancaq o, heç nə göstərməyib. Buna görə də bu iddia tamamilə yalandır”,- Qəzənfəri əlavə edib.

O, bir qrup millət vəkilinin parlamentin qarşısında oturaq aksiya keçirməyə hazırlaşdıqlarını və bunun parlamentin plenar iclasının keçirilməsinə icazə verilənə qədər davam etdirmək niyyətində olduqlarını bildirib.

🇮🇷 İran və 🇸🇦 Səudiyyə Ərəbistanının xarici işlər nazirləri arasında telefon danışığı baş tutub ☎️

İran xarici işlər naziri Abbas Əraqçı və səudiyyəli həmkarı Feysəl bin Fərhan Tehran-🇺🇸 Vaşinqton danışıqları, regional və beynəlxalq müstəvidə baş verən son hadisələri nəzərdən keçirərək, regional sabitliyin qorunması məsələlərini müzakirə ediblər.

#İran #XİN #SəudiyyəƏrəbistanı

Kanala abunə olun

🇺🇸🇮🇷 Tramp: "İran çox böyük güzəştlərə gedir" 🗣

"Görək növbəti mərhələdə nə olacaq.
Amma bütün bunlar çox, çox, çox güclü idi. Hər şey çox, çox yaxşı gedir", - deyə ABŞ prezidenti əlavə edib.

#ABŞ #Tramp #İran

Kanala abunə olun

🇺🇸 Rubio: "🇮🇷 İran ilə texniki danışıqlar iyunun 30-dan etibarən ekspertlərin iştirakı ilə 🇨🇭 İsveçrədə başlayacaq"

ABŞ-nin dövlət katibi Marko Rubio bu gün Küveytdə bəyan edib ki, İran İslam Respublikası ilə texniki danışıqların növbəti mərhələsi ekspertlər səviyyəsində və "müxtəlif mövzular üzrə işçi qruplarının" yaradılması ilə keçiriləcək.

Amerikanın baş diplomatının sözlərinə görə, bu danışıqların iyunun 30-da qərargah səviyyəsində başlayacağı gözlənilir.

Rubio bu danışıqların təfərrüatlarını açıqlayaraq bildirib: "Bu görüşlər müxtəlif sahələrin əməkdaşları və mütəxəssisləri səviyyəsində, məsələn, nüvə enerjisi, sanksiyalar və bu kimi sahələrin ekspertlərinin iştirakı ilə baş tutacaq".

O, həm də qeyd edib ki, Dövlət Departamenti ilə yanaşı, ABŞ Energetika Nazirliyinin ekspertləri də bu ixtisaslaşmış işçi qruplarında təmsil olunacaqlar.

#ABŞ #Rubio #İran #danışıqlar #İsveçrə

Kanala abunə olun

Son 24 saat ərzində Hörmüz boğazından 72 gəmi keçib və 20 milyon barrel neft daşınıb 🌊🛢🚢

Bu haqda 🇺🇸 ABŞ-nin energetika naziri Kris Rayt açıqlama verib və qeyd edib ki, bununla da daşınma həcmi "münaqişə başlamazdan əvvəlki səviyyəyə qayıdıb.

#Hörmüzboğazı #neft #ABŞ #İran

Kanala abunə olun

🇮🇷 İran Parlamentinin Xarici Siyasət və Milli Təhlükəsizlik Komitəsinin sözçüsü İbrahim Rzayi: 🗣

"Regional dostlarımıza hörmət bəsləyirik və onların ABŞ ilə hesablaşdıqlarını da bilirik, lakin İran İslam Respublikası müstəqil bir ölkədir və başqalarının təsiri altına düşmür.
Hörmüz boğazı əbədi olaraq İrana məxsusdur.
Biz bu boğazı danışıqlar yolu ilə fəth etməmişik ki, indi də danışıqlar yolu ilə təhvil verək. Vəssalam".

#İran #Hörmüzboğazı #ABŞ

Kanala abunə olun

🇮🇹 Meloni: "🇪🇺 Avropa 🇮🇷 İranın nüvə silahı əldə etməsinə icazə verə bilməz" ☢

Avropa İslam Respublikasının uzunmənzilli raket qabiliyyətini nümayiş etdirdiyi halda, onun nüvə silahı əldə etməsinə icazə verə bilməz.

Bunu İtaliyanın baş naziri Corcia Meloni deyib.

O, "Lauretta" qəzetinə müsahibəsində ABŞ-İran razılaşmasını "çox mürəkkəb" adlandırıb və onun mərkəzində üç məsələnin lazımlığını vurğulayıb: 
"İslam Respublikasının nüvə proqramı, regional ölkələrin təhlükəsizliyi və naviqasiya azadlığı".

Baş nazir birinci məsələnin İslam Respublikasının nüvə proqramının taleyi olduğunu bildirib və əlavə edib ki, Avropa ayətullah rejiminə nüvə silahı əldə etməyə icazə verə bilməz.

#İtaliya #Meloni #Avropa #İran #nüvəsilahı

Kanala abunə olun

🇮🇷 İranda günün günorta çağı oğurluq 🏴‍☠😱

Hadisə İranın Babolsər şəhərində baş verib.

Mağaza sahibi bu görüntüləri sosial mediada paylaşıb.

باز هم دزدی در روز‌ روشن

#İran #mağaza #oğurluq

Kanala abunə olun

🇦🇿 Bakı və 🇮🇷 Tehranın mesajı ✌️

Son illərdə Bakı və Tehran arasındakı münasibətlər ətrafında bir çoxları "qaçılmaz münaqişə" mövzusunu qabardaraq və Azərbaycanı xarici düşmən kimi qələmə verərək siyasi kapital qazanmağa çalışırdılar. Xüsusilə İrandakı radikal qruplar və hərbi dairələrin bir hissəsi bu məsələdə aktiv idilər.

Lakin coğrafiya təbliğatdan daha güclüdür. İran Azərbaycanla dostluğun dəyərini anlayır.👇👇👇

Biz qonşu olmuşuq, qonşuyuq və qonşu olaraq qalacağıq. Bizi sərhəd, iqtisadiyyat, nəqliyyat, energetika, təhlükəsizlik və mədəni əlaqələr birləşdirir. Qarşıdurma strategiyası iflasa məhkumdur.

İran parlamentinin sədti Qalibaf və prezident Pezeşkianın bəyanatları hər şeyə nöqtə qoydu. Bu, həm xarici dünyaya, həm də yaxınlaşmanın daxili əleyhdarlarına bir mesajdır.

Qalibaf vurğulayıb ki, İran müharibənin çətin dövründə Azərbaycanın nümayiş etdirdiyi mövqeyi, humanitar dəstəyi və Bakının məsuliyyətli xəttini unutmur.

Bu bəyanatların fonunda konkret layihələr müzakirə olunur: Ağbənd–Kəlalə körpüsü, İran üzərindən keçən marşrutlar, loqistika. Siyasət qışqırıqlarla deyil, yollarla, ticarətlə və qarşılıqlı fayda ilə ölçülür.

Yekunda Azərbaycan və İranın milli maraqlarının qarşıdurmadan deyil, əməkdaşlıqdan keçdiyini, mövcud problemlərin isə siyasi bəyanatlardan çox konkret addımlarla həll oluna biləcəyini qeyd edilir.

#Azərbaycan #İran #Qalibaf

Kanala abunə olun

"🇦🇿 Azərbaycan ərazisindən 🇮🇷 İrana heç bir zərər gəlməyəcək"

İslam Əməkdaşlıq Təşkilatına üzv ölkələrin Parlament Birlikləri İttifaqının konfransı çərçivəsində İranın parlament nümayəndə heyətinin rəhbəri Ruhullah Mütəfəkkir Azad Azərbaycanın Milli Məclisinin Beynəlxalq və Parlamentlərarası Əlaqələr Komitəsinin sədri Səməd Seyidovla görüşüb.

Görüş zamanı hər iki tərəf Tehran və Bakı arasında siyasi, iqtisadi və parlamentlərarası əlaqələrin, xüsusilə Şimal-Cənub nəqliyyat dəhlizi, Rəşt-Astara dəmir yolu və enerji layihələri üzrə əməkdaşlığın genişləndirilməsinin vacibliyini vurğulayıb. İran tərəfi quru sərhədlərinin açılmasını və bəzi konsulluq məsələlərinin həllini xahiş edib.👇👇👇

Səməd Seyidov bəzi Qərb mediasında (məsələn, CNN-də) İsrailin guya İrana qarşı Azərbaycan ərazisindən istifadə etməsi barədə yayılan xəbərləri qətiyyətlə təkzib edib və bunu "yalan xəbər" (fake news) adlandırıb.
O vurğulayıb ki, Azərbaycan ərazisindən və xalqından İrana heç bir zərər və təhlükə yönəlməyəcək.

Azərbaycanlı deputat qeyd edib ki, üçüncü tərəflərin ikitərəfli münasibətlərə müdaxilə etməsinə yol verməmək üçün Bakı və Tehran birbaşa dialoq mexanizmləri ilə hərəkət etməlidir.

Sonda İran nümayəndə heyətinin rəhbəri Səməd Seyidovu İrana rəsmi səfərə dəvət edib. (Khabarpu.com)

#İran #MütəfəkkirAzad #Azərbaycan #SəmədSeyidov

Kanala abunə olun

🇦🇺 Avstraliya 🇮🇷 SEPAH-ı gizli əməliyyatlarda ittiham edir

Avstraliyanın daxili kəşfiyyat agentliyi olan ASIO-nun baş direktoru Mayk Burqes bildirib ki, SEPAH-ı Sidney və Melburndakı yəhudi hədəflərinə qarşı həyata keçirilən yanğın hücumlarını idarə etmək üçün vaxtilə Avstraliyada yaşamış iki agentdən istifadə edib.

“Associated Press”in məlumatına görə, Burqes İranın Avstraliyanı gizli və məqsədyönlü zorakılıq aktları üçün potensial hədəf kimi görməyə davam etdiyini deyib.

Avstraliya hökuməti daha əvvəl 2024-cü ildə Sidneydəki yəhudi restoranına və Melburndakı Edas İsrail sinaqoquna qarşı törədilmiş yanğın hücumlarına görə İranı məsuliyyət daşımaqda ittiham etmişdi.

Burqes deyib ki, SEPAH-ın qlobal şəbəkələrini idarə edən yüksək vəzifəli casuslardan biri Avstraliya vətəndaşı olub.

#Avstraliya #İran #SEPAH #ittiham

Kanala abunə olun