🇮🇷 İran XİN rəhbəri mətbuatda 🇺🇸 ABŞ ilə danışıqların gedişatı barədə yayılan xəbərləri "fərziyyə" adlandırıb

İran və ABŞ arasında vasitəçilik yolu ilə danışıqlar və mesaj mübadiləsi hələ də davam edir.
Bunu jurnalistlərə açıqlamasında İranın xarici işlər naziri Abbas Əraqçı bildirib.
Onun sözlərinə görə, konkret nəticə əldə olunmayana qədər hər hansı bir nəticə çıxarmaq hələ tezdir.

Nazir əlavə edib: "Hazırda deyilənlərin hamısı fərziyyədir və hər şey tam dəqiqləşənə qədər bunlara ciddi yanaşmaq lazım deyil".

#İran #Əraqçı #ABŞ #danışıqlar

Kanala abunə olun

🇮🇷 Fatimə Mühacirani Pezeşkianın istefası ilə bağlı yayılmış xəbərə münasibət bildirdi

İran hökumətinin sözçüsü Fatimə Mühacirani "X" hesabında yazıb: "Pezeşkian hökuməti çətin günlərdə xalqın yanında olduğunu göstərdi; bu gün də eyni baxışla ölkənin problemlərinin həlli və insanların rifahının yaxşılaşdırılması üçün çalışır.

İran həmrəylik və milli birliklə irəliyə doğru gedəcək".

واکنش سخنگوی دولت به شایعه استعفای رییس جمهور

#İran #hökumətsözçüsü #FatiməMühacirani #xəbər

Kanala abunə olun

🇮🇷🇺🇸 İran mümkün razılaşma mətninə yeni düzəlişlər edəcək 📝

ABŞ mediasının Trampın hazırkı mətnə yeni düzəlişlər təklif etməsi barədə yaydığı xəbərlərlə bağlı məlumatlı bir mənbə bildirib: "Mətnlərin mübadiləsi davam edir, İran da təbii olaraq mətnə öz düzəlişlərini edəcək və hələ heç nə yekunlaşmayıb".

O vurğulayıb: "İran üçün meyar özümüzün qəbul etdiyimiz mətndir və Tramp tərəfindən düzəlişlərin edilməsi onların İran tərəfindən qəbul olunması demək deyil".

Məlumatlı mənbə qeyd edib ki, İran razılaşmanın əldə olunmayacağı varianta da tam hazırdır. (Tasnim News)

ایران اصلاحیه‌های جدید درباره متن تفاهم احتمالی اعمال خواهد کرد

#İran #ABŞ #saziş #razılaşma #düzəliş #dəyişiklik

Kanala abunə olun

🇮🇷 İranda çox sayda şagird müxtəlif səbəblərdən təhsildən kənarda qalıb 🏫🎒

Mərkəzi əyalətdə 1598 şagird təhsildən yayınıb.
Bu şagirdlərdən 1268 nəfərinin işi Rifah Təşkilatına (Behzisti) yönləndirilib, lakin sənəd və ünvan səhvləri, köç və ya ölüm kimi səbəblərdən onlardan yalnız 742 nəfərinin şəxsiyyətini dəqiq müəyyən etmək mümkün olub.

Bu vəziyyət İran Konstitusiyasının 30-cu maddəsi və ölkənin də imzaladığı Beynəlxalq Uşaq Hüquqları Konvensiyasının 28-ci maddəsinə- "hamı üçün pulsuz və əlçatan təhsil" prinsipinə ziddir. (HRANA)

#İran #təhsildənyayınma

Kanala abunə olun

🇮🇷 Tehranda yaşayış kompleksində partlayış baş verib 🏚💥🔥

Tehran şəhərinin Əndişe yaşayış massivində 40 mənzilli yaşayış kompleksinin üçüncü mərtəbəsində qaz sızması nəticəsində partlayış olub. Dörd nəfər xəsarət alıb.

#İran #Tehran #partlayış #qaz

Kanala abunə olun

🇺🇸 ABŞ 🇮🇷 İranın hərbi obyektlərinə zərbələr endirib 🚀🔥

ABŞ Mərkəzi Komandanlığı (CENTCOM) son iki gün ərzində İranın Qeşm adası və Sirik bölgəsində yerləşən bəzi hərbi obyektlərə zərbələr endirildiyini açıqlayıb.

CENTCOM-un məlumatına görə, əməliyyatlar İranın radar sistemlərini və pilotsuz uçuş aparatlarının idarəetmə infrastrukturunu hədəfə alıb. ABŞ tərəfi bu əməliyyatları “müdafiə xarakterli zərbələr” kimi təqdim edib.

Bildirilib ki, zərbələr İranın ABŞ-yə məxsus MQ-1 dronunu vurması və Vaşinqtonun “təhdid” kimi dəyərləndirdiyi digər hərəkətlərə cavab olaraq həyata keçirilib.

CENTCOM əməliyyat zamanı ABŞ qüvvələri arasında itki olmadığını açıqlayıb və Vaşinqtonun bölgədəki hərbi qüvvələrini və maraqlarını qorumağa davam edəcəyini vurğulayıb. (Independent Persian)

#ABŞ #İran #hərbiobyektlər #hücum

Kanala abunə olun

🇮🇷 İranda daha iki etirazçı edam edildi 👨‍⚖️😢

Bu gün Tehranda yanvar etirazları zamanı saxlanılan iki şəxs dar ağacından asılıb. Bununla bağlı, İranın Məhkəmə-Ədliyyə Sisteminin mətbu orqanı – “Mizan Online” agentliyi xəbər verib.

Məlumata görə, Mehrdad Məhəmmədiniya və Əşkan Maleki Tehrandakı Cəfəri məscidini yandırmaqda ittiham olunublar.

İstintaqın iddiasına əsasən, onlar məscidə od vurmaqda, ictimai əmlakın dağıdılmasında, təhlükəsizlik qüvvələri ilə qarşıdurmada, küçələrin bağlanmasında və nəqliyyatın hərəkətinə mane olmaqda iştirak ediblər.

Agentlik bildirib ki, hadisələrlə bağlı təhlükəsizlik kameralarının görüntüləri məhkəmə materiallarında yer alıb. İranın Ali Məhkəməsi isə hər iki şəxs barəsində çıxarılan ölüm hökmünü qüvvədə saxlayıb.

Edamların icra olunması ölkədə kütləvi etirazlarla bağlı məhkəmə prosesləri və ölüm hökmləri ətrafında müzakirələrin davam etdiyi bir dövrə təsadüf edir.

#İran #etirazçı #məhbus #ittiham #edam

Kanala abunə olun

🇮🇷 İran raketi müxalif kürd qrupunun bazasını hədəfə aldı 🚀🔥

Dünən İraq Kürdüstanında fəaliyyət göstərən İranın kürd müxalifət təşkilatlarından biri bazasına raket zərbəsi endirildiyini açıqlayıb.

Kürdüstan Azadlıq Partiyasının sözçüsü Xəlil Kani Sənaninin dediklərinə əsasən, mayın 31-i səhər saatlarında Ərbilin şimal-qərbində yerləşən qərargah raket atəşinə məruz qalıb.

Onun sözlərinə görə, raket təşkilatın yerləşdiyi əraziyə düşüb. Hadisə nəticəsində ölən və ya yaralananlar barədə hələlik məlumat verilməyib. (Asr Iran)

حمله موشکی به حزب ضد ایرانی «پاک» در کردستان عراق

#İran #İraqKürdüstanı #raket #hücum

Kanala abunə olun

🇰🇼 Küveyt hava hücumundan müdafiə sistemlərini işə saldı 🚀

Bu gün Küveytin dövlət xəbər agentliyi ölkənin hava hücumundan müdafiə qüvvələrinin raket və dronlarla həyata keçirildiyi bildirilən hücumu zərərsizləşdirdiyini açıqlayıb.

Məlumata görə, hadisə zamanı ölkənin müxtəlif bölgələrində hava həyəcanı siqnalları verilib və müdafiə sistemləri işə salınıb. Küveyt rəsmiləri hücumun nəticələri və mümkün ziyan barədə əlavə məlumat paylaşmayıblar.

Hadisə bölgədə təhlükəsizliklə bağlı narahatlıqların artdığı bir vaxta təsadüf edir. İran mediası xatırladıb ki, ötən həftənin əvvəlində Bəndər Abbasın şərqində də hərbi obyektlərdən biri hədəfə alınıb.

Həmin hadisədən sonra Küveytin hava məkanına yönələn pilotsuz uçuş aparatları və raketlərin məhv edildiyini açıqlamış, SEPAH isə Bəndər Abbasa hücumun həyata keçirildiyi mənbəni hədəfə aldığını iddia etmişdi.

#Küveyt #İran #SEPAH #dron #hücum

Kanala abunə olun

🇮🇷 İran XİN: “🇺🇸 ABŞ ilə danışıqlar şühbə mühitində aparılır” 🗣

Bu gün İran Xarici İşlər Nazirliyinin sözçüsü İsmayıl Bəqayi mətbuat konfransında ABŞ ilə aparılan danışıqlara dair açıqlamalar verib.

O bildirib ki, danışıqlar əvvəldən etimadsızlıq mühitində başlayıb və hazırda tərəflər arasında mesaj mübadiləsi də bu gərgin atmosferi əks etdirir. Bəqayi qeyd edib ki, diplomatiya güc siyasətinin əvəzi deyil və bu iki anlayış bir-birindən fərqləndirilməlidir.

Onun sözlərinə görə, qarşı tərəfin tez-tez mövqe dəyişməsi, yeni və bir-birinə zidd tələblər irəli sürməsi və media vasitəsilə fərqli mesajlar göndərməsi danışıqlar prosesini uzadır.

Bəqayi, habelə, vurğulayıb ki, ABŞ və İsrail ayrı aktorlar kimi qiymətləndirilə bilməz və bölgədə, xüsusilə Livanda baş verən hadisələrin ABŞ-nin dəstəyi ilə əlaqəsi olduğu iddia olunur. (Snn.ir)

#İran #XİN #ABŞ #danışıqlar

Kanala abunə olun

🇮🇷 İran XİN: “🇺🇸 ABŞ ilə nüvə məsələsi üzrə danışıqlar aparılmayıb” ☢️❌

Bu gün İran Xarici İşlər Nazirliyinin sözçüsü İsmayıl Bəqayi jurnalistlər üçün keçirilən brifinqdə ABŞ ilə aparılan danışıqlar prosesi barədə diqqət çəkən məqamlara toxunub.

O bildirib ki, hazırkı mərhələdə nüvə məsələsinin detalları ilə bağlı heç bir müzakirə aparılmayıb. Bəqayi qeyd edib ki, lazım gələrsə, İran nüvə məsələləri ilə bağlı necə addım atacağını yaxşı bilir.

Sözçünün dediklərinə görə, hazırkı mərhələdə əsas diqqət müharibənin dayandırılmasına yönəlib.

O, habelə, ABŞ tərəfi ilə danışıqlarda yaranan əsas problemlərdən birinin mövqelərin tez-tez dəyişməsi və ziddiyyətli açıqlamalar olduğunu vurğulayıb. (Snn.ir)

#İran #XİN #ABŞ #danışıqlar #nüvəməsələsi #müzakirə

Kanala abunə olun