🚨TƏCİLİ

🇮🇷 İranın cənubundan raketlər atılıb 🚀🌊🚢

Bir neçə dəqiqə əvvəl İran Silahlı Qüvvələri ölkənin cənub bölgələrindən müəyyən hədəflərə raket zərbələri endirib.

Bu hədəflərin dəqiq yeri hələlik məlum deyil, lakin bəzi mənbələr Fars körfəzi sularında münaqişənin baş vermə ehtimalı barədə məlumat yayır.

İran mediası həmçinin xəbər verir ki, 🇺🇸 ABŞ-nin dörd hərbi gəmisi strateji Hörmüz boğazına daxil olmağa cəhd edib.

İran qüvvələrinin onlara "Əbu Mehdi" tipli uzaqmənzilli qanadlı raketlərlə zərbə endirdiyi iddia edilir.

#İran #raket #FarsKörfəzi

Kanala abunə olun

🇮🇷🇺🇸 İran və ABŞ arasında potensial anlaşma memorandumunun mətni hələ də razılaşdırılmayıb və təsdiq olunmayıb

Bu haqda "Tasnim" agentliyi danışıqlarda iştirak edən nümayəndə heyətinə yaxın mənbəyə istinadən məlumat yayıb.

Mənbənin sözlərinə görə, "İran hələlik pakistanlı vasitəçiyə mətnin qəti şəkildə təsdiqləndiyini bildirməyib".

Bundan öncə "Axios" nəşri öz mənbələrinə istinadən yazmışdı ki, ABŞ və İranın danışıqlar aparan tərəfləri anlaşma memorandumu layihəsini razılaşdırıblar.

#İran #ABŞ #razılaşma #təkzib

Kanala abunə olun

Pezeşkian: "🇮🇷 İran nüvə silahı əldə etməyə çalışmır" ☢

İran prezidenti Məsud Pezeşkian bəyan edib ki, Tehran nüvə silahı yaratmağa can atmır, regiondakı qeyri-sabitliyin səbəbi isə 🇮🇱 İsrailin siyasətidir.

Onun sözlərinə görə, İran xalqının artıq 80 gündən çoxdur ki, öz mövqelərini qoruması bütün dünyanı təəccübləndirib.

"Onlar elə düşünürdülər ki, iki bomba və raketlə bir dəstə xaini qızışdırıb ölkəni xaosa sürükləyə bilərlər", — deyə Pezeşkian bildirib.

O əlavə edib ki, əgər İran dünyanın ən güclü dövlətinə qarşı durursa, çətinliklərə də hazır olmaq lazımdır.

"Müharibə aparıb, eyni zamanda həyatın əvvəlki kimi davam edəcəyini gözləmək olmaz", — deyə prezident vurğulayıb. (Eghtesad News)

#İran #Pezeşkian #nüvəsilahı

Kanala abunə olun

🚨TƏCİLİ

🇮🇷 İran "qaydaları pozan" 4 gəmiyə xəbərdarlıq atəşi açıb 🌊🚀🚢

İran mediası xəbər verir ki, SEPAH Hərbi Dəniz Qüvvələri cümə axşamı Hörmüz boğazı yaxınlığında razılaşdırılmadan boğazdan keçməyə çalışaraq "qaydaları pozan dörd gəmiyə" "xəbərdarlıq atəşi" açıb.

Eyni zamanda, sosial mediada yayılan məlumatlarda Hörmüzqan və Buşehr bölgələrində partlayış səslərinin eşidildiyi bildirilir.

رسانه‌های ایران گزارش دادند که نیروی دریایی سپاه شامگاه پنج‌شنبه در نزدیکی تنگه هرمز به ۴ «شناور خاطی» که قصد عبور بدون هماهنگی از تنگه هرمز را داشتند، «شلیک اخطار» کرده است.

همزمان، گزارش‌های منتشرشده در رسانه‌های اجتماعی از شنیده‌شدن صدای انفجار در هرمزگان و بوشهر حکایت دارد.

#İran #Sepah #xəbərdarlıqatəşi #gəmi

Kanala abunə olun

🇮🇷 İran və 🇵🇰 Pakistan liderləri diplomatiyanı müzakirə ediblər ☎️

İran prezidenti Məsud Pezeşkian Pakistanın baş naziri Şahbaz Şərif ilə telefon danışığı aparıb.

Pezeşkian “X” hesabında paylaşım edərək, söhbət zamanı Tehran diplomatiyaya sadiqliyini bir daha vurğulayıb və Pakistan tərəfinə İranla ABŞ arasında mümkün razılaşma istiqamətində göstərilən səylərə görə təşəkkür edib.

“İranın siyasəti müsəlman ölkələri və qonşuları ilə bütün sahələrdə əməkdaşlığı genişləndirməkdir”, - deyə, o vurğulayıb.

Tərəflərin regional vəziyyət, ikitərəfli münasibətlər və əməkdaşlıq məsələlərini də müzakirə etdiyi bildirilir.

#İran #Pezeşkian #Pakistan #nazir #danışıqlar

Kanala abunə olun

Vens: “🇺🇸 ABŞ 🇮🇷 İranla danışıqlarda irəliləyiş əldə edib” 🤔

ABŞ-nin vitse-prezidenti C.D. Vens “Fox News” telekanalına müsahibəsində Vaşinqtonun İranla aparılan danışıqlarda “çox irəliləyiş” əldə etdiyini bildirib.

Vens qeyd edib ki, Tehranın “ən azı indiyə qədər vicdanla danışıqlar apardığına” inanırlar.

Onun sözlərinə görə, yekun razılaşmanın imzalanıb-imzalanmayacağını və bunun nə vaxt baş verəcəyini demək hələ tezdir. “Bəzi məsələlərdə irəli-geri gedirik”, – deyə ABŞ vitse-prezidenti vurğulayıb.

Vens biıdirib ki, İran da razılaşma əldə etməkdə maraqlıdır və tərəflər Hörmüz boğazının açılması məsələsində ortaq maraqlara malikdirlər. O əlavə edib ki, danışıqlarda əsas müzakirə mövzuları yüksək səviyyədə zənginləşdirilmiş uran ehtiyatları və uranın zənginləşdirilməsi məsələsidir.

#ABŞ #Vens #vitseprezident #İran #danışıqlar #razılaşma

Kanala abunə olun

🇶🇦 Qətər əmiri 🇺🇸 Trampı diplomatiyaya üstünlük verməyə çağırır 🗣

Qətər əmiri Şeyx Təmim bin Həməd Al Tani ABŞ prezidenti Donald Trampla telefon danışığı aparıb.

Qətər əmiri ofisinin yaydığı məlumata görə, tərəflər Yaxın Şərqdəki son regional inkişafları müzakirə ediblər.

Şeyx Təmim danışıq zamanı bölgədə gərginliyin və eskalasiyanın qarşısının alınması üçün diplomatik həll yollarına və dialoqa üstünlük verilməsinin vacibliyini vurğulayıb.

Qeyd olunub ki, Donald Tramp da öz növbəsində Qətərin Pakistanın Vaşinqton və Tehran arasında vasitəçilik səylərinə verdiyi dəstəyi yüksək dəyərləndirib. (BBC)

#ABŞ #Tramp #Qətər

Kanala abunə olun

🇮🇷 İran zənginləşdirilmiş uranı xaricə verməyəcəyini açıqlayıb ☢️

Dünən İran parlamentinin Milli Təhlükəsizlik və Xarici Siyasət Komissiyasının sədri İbrahim Əzizi bildirib ki, Tehran zənginləşdirilmiş uranı üçüncü ölkəyə ötürmək niyyətində deyil.

Əzizi Rusiyanın RİA Novosti agentliyinə müsahibəsində İranın belə bir planı olmadığını vurğulayıb.

O, Tehran və Vaşinqton arasında davam edən danışıqlara toxunaraq bildirib ki, ABŞ öz davranışını yenidən nəzərdən keçirməlidir, əks halda danışıqlarda nəticə əldə etmək mümkün olmayacaq.

Əzizi İranın zənginləşdirilmiş uran ehtiyatlarının xaricə köçürülməsi ehtimalını qəti şəkildə rədd edib.

#İran #zənginləşdirilmişuran #nüvə

Kanala abunə olun

🇮🇷 İran zənginləşdirilmiş uranı 🇨🇳 Çinə ötürmək istəyir ☢️

“Əl-Ərəbiyyə” telekanalı məlumatlı mənbələrə istinadən xəbər verib ki, İran zənginləşdirilmiş uranı Çinə ötürmək variantını nəzərdən keçirir.

Məlumata əsasən, Tehran bu addımı yalnız Pekinin həmin materialı ABŞ-yə verməyəcəyinə zəmanət verəcəyi halda qəbul edə bilər.

Mənbələrin bildirdiyinə görə, İranın nüvə proqramı ilə bağlı davam edən danışıqlarda bir sıra məsələlər üzrə razılıq əldə olunub.

Habelə, iddia edilir ki, İran nüvə obyektlərinin bağlanmasının qarşısını almaq məqsədilə onların beynəlxalq monitorinqinə razılıq verib. (Iranintl)

#İran #zənginləşdirilmişuran #Çin #ABŞ

Kanala abunə olun

🇮🇷 Xameneyi: "🇮🇱 İsrail növbəti 15 ili görməyəcək" 👳‍♂

İran mediası Tehranın Fələstin meydanında “İsrail növbəti 15 ilə yox olacaq” şüarı yazılmış bannerin yerləşdirildiyini bildirib.

Yayılan görüntülərə görə, banner İranın ali lideri Müctəba Xameneiyə aid edilən və İsrailin “uğursuz həyatının son mərhələsinə yaxınlaşdığı” ifadələrinin yer aldığı açıqlamadan sonra ortaya çıxıb.

Mətnin bir hissəsində mərhum ali lider Əli Xameneyinin 2015-ci ildə etdiyi və İsrailin “25 ildən sonra tarixin bir parçası olmayacağı” barədə çıxışına istinad edilir.

نصب دیوارنگاره جدید در تهران با شعار «اسرائیل ۱۵ سال آینده را نخواهد دید»

#İran #Xameneyi #İsrail #şüar

Kanala abunə olun

🛑 Güney Azərbaycanın incisindən möhtəşəm görüntülər 🌊🦢

Bu gün sosial mediada Güney Azərbaycanın incisi sayılan Urmu gölündən yayılan görüntülər diqqət çəkib.

Məlumata görə, köçəri quşlar yenidən Urmu gölünün adalarına qayıtmağa başlayıblar.

Bildirilir ki, yaşayış şəraitinin nisbətən yaxşılaşması fonunda müxtəlif köçəri quş növləri bu ərazini yenidən dayanacaq və yaşayış məkanı kimi seçiblər.

Urmu gölü adaları İranın şimal-qərbində yerləşən ən mühüm vəhşi təbiət məkanlarından biri sayılır və hər il minlərlə köçəri quşa ev sahibliyi edir.

Son illərdə su səviyyəsinin azalması və ekoloji problemlərlə gündəmə gələn göldə quşların geri qayıtması bölgədə ekoloji canlanmanın əlaməti kimi dəyərləndirilir.

#GüneyAzərbaycan #Urmugölü #köçəriquşlar

Kanala abunə olun

🇱🇧 Hizbullah 🇮🇱 İsrail bazasına hücum görüntüləri yayıb 🔥📹

Hizbullah İsrail Müdafiə Qüvvələrinə aid hərbi bazada yerləşən iki “Dəmir Günbəz” raket qurğusunun vurulduğuna dair görüntülər yayımlayıb.

Təşkilatın yaydığı videoda raket qurğularının hədəfə alındığı və partlayışların baş verdiyi görünür.

“Dəmir Günbəz” sistemi İsrailin qısa mənzilli raket və pilotsuz uçuş aparatlarına qarşı istifadə etdiyi əsas hava hücumundan müdafiə sistemlərindən biri hesab olunur.

#Hizbullah #İsrail #hücum

Kanala abunə olun

CNN: “🇮🇷 İran yeraltı raket bazalarına çıxışı bərpa edir” 🛰️🚀

CNN telekanalı yeni peyk görüntülərinə istinadən xəbər verib ki, İran yeraltı raket obyektlərinə çıxışı bərpa etməyə çalışır.

Kanalın təhlilinə görə, ABŞ və İsrailin birgə zərbələri nəticəsində SEPAH-ın yeraltı raket düşərgələrinin girişləri bağlanıb və raket qurğularının, eləcə də müxtəlif hərbi avadanlıqların bir hissəsi obyektlərin daxilində qalıb.

Məlumata əsasən, bu vəziyyət İranın raket buraxmaq imkanlarını əhəmiyyətli dərəcədə zəiflədib.

CNN-in nəzərdən keçirdiyi peyk görüntülərində İranın hazırda həmin obyektlərə girişləri açmaq üçün buldozerlər və yük maşınları kimi texnikalardan istifadə etdiyi görünür.

Kanal yazır ki, dağıntıların təmizlənməsi və obyektlərin bərpası prosesi İranın raket ehtiyatlarının böyük hissəsinə yenidən çıxış əldə etməsinə imkan yarada bilər.

#İran #raketbazaları #peykgörüntüləri

Kanala abunə olun

🇮🇷 İran rəsmisi: “Regional təhlükəsizlik 🇺🇸 ABŞ və 🇮🇱 İsrailsiz qurulmalıdır”

Bu gün İran Ali Milli Təhlükəsizlik Şurasının katibinin müavini Əli Baqeri Kəni Moskva Təhlükəsizlik Konfransının kuluarlarında açıqlama verib.

O bildirib ki, ABŞ və İsrailin son hücumlarından sonra regionda sülh və sabitliyin təmin olunması üçün yeni təhlükəsizlik çərçivəsi formalaşdırılmalıdır. Onun sözlərinə görə, bu mövqe konfransda iştirak edən bir sıra ölkələr tərəfindən müsbət qarşılanıb.

Baqeri Kəni, habelə, “İbrahim Paktı”nı tənqid edərək onu “Firon Paktı” adlandırıb və bu razılaşmanın regionda sülhə zəmanət vermədiyini bildirib.

O əlavə edib ki, ABŞ-nin “Böyük Yaxın Şərq” və ya “Böyük İsrail” kimi planları həyata keçirdiyi müddətdə regionda sabitlik əldə olunmayacaq.

İran rəsmisi vurğulayıb ki, hər hansı yeni təhlükəsizlik mexanizmi yalnız region ölkələrinin iştirakı ilə və ABŞ və İsrailin müdaxiləsi olmadan formalaşdırılmalıdır.

#İran #ABŞ #İsrail #regionaltəhlükəsizlik

Kanala abunə olun

🇺🇸 ABŞ: “🇴🇲 Oman Hörmüz boğazında rüsum planını təkzib edib” 🌊💵

ABŞ-nin maliyyə naziri Skot Besant bildirib ki, Oman Hörmüz boğazından keçən gəmilərdən rüsumların yığılması planında iştirak etmədiyini Vaşinqtona təsdiqləyib.

Basnet Ağ Evdə keçirilən mətbuat konfransında deyib ki, həmin gün səhər Oman səfiri ilə telefon danışığı aparıb.

Onun sözlərinə görə, söhbət zamanı Maskat tərəfi belə bir planın mövcud olmadığını bildirib.

ABŞ rəsmisi qeyd edib ki, Vaşinqton Oman tərəfinə bu cür addımların mümkün nəticələri barədə xəbərdarlıq edib və belə bir təşəbbüsün “qəbuledilməz” olduğunu vurğulayıb.

Basnet əlavə edib ki, bu cür planlar Oman və ya onun maliyyə institutlarını sanksiya riskinə məruz qoya bilər.

#ABŞ #Oman #HörmüzBoğazı #rüsum #təkzib

Kanala abunə olun

🇮🇷 Pezeşkian: "Azərbaycan kimi qonşu ölkələrin imkanlarından istifadə edilsin" 🗣

Bu gün İran prezidenti Məsud Pezeşkian zəruri mallar və dərman təminatı ilə bağlı keçirilən iclasda hökumətə alternativ ticarət marşrutlarının inkişafını sürətləndirməyi tapşırıb.

Pezeşkian İranın şimal limanlarının potensialından maksimum istifadə edilməsinin vacibliyini vurğulayıb.

O, Pakistan, Azərbaycan və Rusiya da daxil olmaqla qonşu ölkələrin imkanlarından istifadə edərək zəruri malların idxalının genişləndirilməsini istəyib.

İran prezidenti müvafiq razılaşmaların daha sürətlə həyata keçirilməsini tələb edib və müxtəlif kateqoriyalı malların tədarükünün daha səmərəli təşkili üçün xüsusi işçi qruplarının yaradılması barədə göstəriş verib.

#İran #Pezeşkian #ticarət #Azərbaycan #qonşuölkələr

Kanala abunə olun

Tasnim: “🇮🇷 İran-🇺🇸 ABŞ memorandumunun mətni hələ yekunlaşmayıb”

SEPAH-a yaxınlığı ilə tanınan Tasnim News agentliyi məlumatlı mənbəyə istinadən xəbər verib ki, İran və ABŞ arasında mümkün anlaşma memorandumunun mətni hələ yekunlaşdırılmayıb.

Mənbənin sözlərinə görə, sənəd yekunlaşdırılacağı təqdirdə rəsmi şəkildə elan olunacaq.

Tasnim həmçinin bildirib ki, Qərb mediasında indiyədək yayılan və memorandumun mətninə aid olduğu iddia edilən məlumatlar dəqiq deyil.

Mənbə əlavə edib ki, son günlər mümkün anlaşma memorandumunun mətnində bir sıra dəyişikliklər edilib və tərəflər arasında danışıqlar davam edir.

#İran #ABŞ #danışıqlar #memorandum

Kanala abunə olun

🇺🇸 ABŞ müharibə naziri: “🇮🇷 İran seçim qarşısındadır”

Bu gün ABŞ-nin müharibə naziri Pit Heqset “Boxer” amfibiya hücum gəmisində dənizçilər və dəniz piyadaları qarşısında çıxışı zamanı İranla bağlı açıqlamalar verib.

O bildirib ki, Tehran seçim qarşısındadır: ya danışıqlar apararaq nüvə proqramından imtina etməli, ya da ABŞ-nin hərbi cavabı ilə üzləşməlidir.

Səhər fiziki məşqi zamanı danışan Heqset deyib ki, ABŞ “öz işini düzgün yerinə yetirdikdə” qarşı tərəf ya geri çəkilir, ya da “ABŞ ordusunun gücü və qəzəbi” ilə qarşılaşır.

ABŞ prezidenti Donald Trampın son açıqlamalarına toxunan Heqset vurğulayıb ki, Vaşinqton üçün üstünlük verilən variant diplomatik razılaşmadır.

#ABŞ #nazir #İran #seçim

Kanala abunə olun

🇮🇷 Qalibaf İranın əsas prioritetlərini açıqladı

Bu gün İran parlamentinin sədri Məhəmməd Baqer Qalibaf “X” hesabında paylaşım edərək ölkənin təhlükəsizlik və danışıqlar siyasəti ilə bağlı prioritetlərini açıqlayıb.

Qalibafın açıqlamalarına görə:

• İran güzəştləri dialoq yolu ilə deyil, raket gücü ilə əldə etməyə çalışır və danışıqlar yalnız mövqelərin aydınlaşdırılması məqsədi daşıyır.

• Tehran nə zəmanətlərə, nə də verilən vədlərə inanır. Onun sözlərinə görə, yalnız real addımlar ölçü hesab olunur və qarşı tərəf əməli addım atmayana qədər İran da heç bir tədbir görməyəcək.

• Qalibaf bildirib ki, istənilən razılaşmada üstünlük müharibəyə daha yaxşı hazırlaşan tərəfdə olur.

#İran #Qalibaf #parlamentsədri #prioritet

Kanala abunə olun