🇺🇸 Tramp: " 🇮🇷 İran zindanlarında
məhbuslara cinsi təcavüz edilir" 😱

ABŞ prezidenti 🇮🇱 İsrailin "Jerusalem Post" qəzetindən bir xəbər paylaşıb və orada atəşkəs dövründə İran həbsxanalarında cinsi təcavüz hallarının artdığı iddia edilir.

Xəbərdə deyilir: "Atəşkəs zamanı İran həbsxanalarında cinsi zorakılıq halları kəskin artır.
Bir etirazçı "The Media Line" agentliyinə dindirilmə zamanı dəyənəklə zorlandığını bildirib.
Başqa bir kişi isə nəzarətçilərin onun həyat yoldaşının cəsədini təhqir etdiklərini iddia etməsindən sonra intihara cəhd edib. İnsan haqları qurumları bildirirlər ki, müharibə başlayandan bəri ən azı 3,646 iranlı həbs olunub, internetin kəsilməsi isə hadisənin real miqyasını gizlədir".

#Tramp #İran #zindan #cinsitəcavüz

Kanala abunə olun

🇮🇷 İran beynəlxalq mediaya 🇮🇱 İsrail KİV-lərinə kontent ötürməyi qadağan edib ❌

İran hakimiyyəti ölkə ərazisində fəaliyyət göstərən beynəlxalq media qurumları üçün məhdudiyyətləri sərtləşdirərək, İsrail mediası tərəfindən istifadə oluna biləcək kontentin ötürülməsini qadağan edib.

ABC News telekanalının verdiyi məlumata görə, yeni qərar Tehranda akkreditə olunmuş bir sıra xarici agentliklərə, telekanallara və nəşrlərə göndərilib.
Sənəddə qeyd olunur ki, bütün kontent — o cümlədən fotoşəkillər, videomateriallar, reportajlar və digər media məhsulları — İsrail mediası və İran hüdudlarından kənarda fəaliyyət göstərən farsdilli telekanallar tərəfindən istifadəsinin qadağan olunmasına dair mütləq qeydlə müşayiət edilməlidir.

Bu məhdudiyyətlər Tehranın İsrail ilə davam edən qarşıdurma fonunda informasiya məkanı üzərində nəzarəti gücləndirmək istiqamətində növbəti addımı olub.

#İran #media #İsrail

Kanala abunə olun

🇺🇸 ABŞ 🇮🇷 İranın dondurulmuş vəsaitlərini azad etməyə razılıq verib?

İran parlamentinin sədri Məhəmmədbaqer Qalibaf və xarici işlər naziri Abbas Əraqçının Qətər səfərindən sonra İslam Respublikasının 12 milyard dollar məbləğində dondurulmuş aktivlərinin azad edilməsi məsələsində irəliləyişlər əldə edilib, lakin bu məsələnin bəzi təfərrüatları hələ razılaşdırılmayıb.

Bu haqda "Tasnim" agentliyi məlumat yayıb.

"Son iki-üç gündə ümumi irəliləyişə baxmayaraq, bəzi məqamlar üzrə fikir ayrılıqları hələ də mövcuddur və mesaj mübadiləsi davam edir", - məlumatda bildirilib.
پس از سفر قالیباف و عراقچی و هیات همراه به قطر، پیشرفت‌هایی درباره آزادسازی ۱۲ میلیارد دلار از دارایی‌های بلوکه شده ایران به وجود آمده است با این حال برخی جزئیاتی این موضوع هنوز نهایی نیست.
#İran #ABŞ

Kanala abunə olun

🇺🇸 Tramp 🇮🇷 İranda rejim dəyişikliyi etdiyini bildirir 🗣

ABŞ prezidenti Donald Tramp deyib: "Mən əslində onların daha ağıllı olduqlarını düşünürəm. Amma mən onların çox daha məntiqli olduğunu...
Bu, rejim dəyişikliyidir.
Bir rejim getdi, başqa bir rejim getdi, biz üçüncüsü ilə döyüşürük.
Onun parçaları ilə.
Çünki onların da bəziləri yox olub, mən belə hesab edirəm...
Məncə, bundan daha güclü bir rejim dəyişikliyi necə ola bilər?"

#ABŞ #Tramp #İran #rejimdəyişikliyi

Kanala abunə olun

🇺🇸 Tramp İranın zənginləşdirilmiş uranı 🇷🇺 Rusiyaya və ya 🇨🇳 Çinə verməsinin əleyhinə olduğuna işarə edib ☢

​Jurnalistin "Əgər Rusiya və ya Çin zənginləşdirilmiş uranı götürsəydi, rahat olardınızmı?" sualına cavab verən Tramp: "Xeyr, olmazdım", — deyə bildirib.

#ABŞ #Tramp #İran #uran #Rusiya #Çin

Kanala abunə olun

🇮🇷 SEPAH bir sutkada 23 gəminin Hörmüz boğazından keçidini təmin edib 🌊🚢

İslam İnqilabı Keşikçiləri Korpusunun (SEPAH) Hərbi Dəniz Qüvvələri son bir sutka ərzində 23 gəminin Hörmüz boğazından təhlükəsiz keçidinə şərait yaradıb.

ISNA agentliyinin məlumatına görə, söhbət neft tankerləri, konteyner gəmiləri və digər ticarət gəmilərindən gedir.
Onların hamısı icazə alıb və SEPAH-ın koordinasiyası və təhlükəsizlik təminatı altında boğazdan keçib.

#Hörmüzboğazı #gəmi #SEPAH

Kanala abunə olun

🇷🇺Rusiya XİN başçısının müavini və İran rəsmisi 🇮🇷 İranın nüvə proqramını müzakirə ediblər ☢

Rusiya Federasiyasının xarici işlər nazirinin müavini Sergey Ryabkov və İranın Ali Milli Təhlükəsizlik Şurasının katibinin müavini Əli Baqiri-Kəni arasında telefon danışığı baş tutub.

Tərəflər İranın nüvə proqramı ətrafındakı vəziyyəti müzakirə ediblər.

#İran #Rusiya

Kanala abunə olun

🇮🇷 SEPAH 🇺🇸 ABŞ hərbi bazasına hücum edib? 🚀🤔

Bu gün SEPAH səhər saatlarında İranın Bəndər Abbas hava limanı yaxınlığındakı bir nöqtədən ABŞ aviabazasını “təcavüzün mənşəyi” kimi hədəfə aldığını açıqlayıb.

SEPAH-ın bəyanatı Küveyt mediasının ölkənin hava hücumundan müdafiə qüvvələrinin raket və pilotsuz uçuş aparatlarına qarşı fəaliyyət göstərdiyini bildirməsi ilə eyni vaxta təsadüf edib.

Eyni zamanda sosial mediada “Xuzistan səmasında raket izləri” olan görüntülər yayılıb.

#İran #SEPAH #ABŞ #hərbibaza #hücum

Kanala abunə olun

🇺🇸 ABŞ Fars Körfəzi Boğazı Administrasiyasına sanksiya tətbiq edib 🌊❌

Bu gün ABŞ Maliyyə Nazirliyi Fars Körfəzi Boğazı Administrasiyasına sanksiya tətbiq etdiyini açıqlayıb.

Nazirlik bildirib ki, təşkilatla əməkdaşlıq edən hər hansı şəxs və ya qurum SEPAH ilə əlaqəli fəaliyyətə dəstək vermiş hesab oluna və sanksiyalarla üzləşə bilər.

ABŞ maliyyə naziri Skot Besant açıqlamasında qeyd edib ki, “İslam Respublikası ordusunun qlobal dəniz ticarətindən pul qoparmaq üçün son cəhdi İran rejiminin maliyyə ehtiyacını göstərir”.

#ABŞ #İran #FarsKörfəziAdministrasiyası #SEPAH #sanksiya

Kanala abunə olun

🇮🇷 Millət vəkili: “🇺🇸 ABŞ bizi hər gün təhdid və təhqir edir” ❗️

Bu gün İran parlamentinin üzvü Kamran Qəzənfəri bildirib ki, ABŞ ilə mümkün razılaşma əldə olunsa belə, onun icrasına dair zəmanət yoxdur.

O, Vaşinqtonla danışıqların davam etdirilməsini tənqid edərək deyib: “Amerikalılar bizi hər gün təhdid edir və İran rəsmilərini alçaldırlar”.

Qəzənfəri əlavə edib ki, onun fikrincə, “İranı təslim etməyi hədəfləyən” tərəflə danışıqlar aparmaq kökündən yanlışdır.

Açıqlama Tehran və Vaşinqton arasında diplomatik təmasların davam etdiyi bir vaxtda səsləndirilib. ABŞ prezidenti Donald Tramp da son açıqlamalarında danışıqlar prosesindən və İranın təkliflərindən narazılığını ifadə etmişdi.

#İran #millətvəkili #ABŞ #danışıqlar #təhdid

Kanala abunə olun

WSJ: “🇮🇷 İranın ehtiyatları üç aylıq idxala yetməyə bilər” ❗️

“The Wall Street Journal” qəzeti Capital Economics İnstitutunun araşdırmasına istinadən yazıb ki, İranın mövcud valyuta ehtiyatları müharibədən əvvəlki səviyyə ilə müqayisədə üç aydan artıq idxal xərclərini qarşılamaq üçün kifayət etməyə bilər.

“İran ABŞ blokadasının iqtisadi ağrısına nə qədər dözə bilər?” adlı hesabatda ABŞ-nin dəniz blokadasının İranın iqtisadi, hərbi və siyasi strategiyasına mümkün təsirləri təhlil olunub.

Məqalədə ekspert rəylərinə, beynəlxalq bazar reaksiyalarına və İranla ABŞ rəsmilərinin açıqlamalarına istinad edilir.

Hesabatda bölgədəki gərginliyin enerji bazarlarına və İranın xarici ticarət imkanlarına təsir göstərdiyi vurğulanır.

#İran #iqtisadiyyat #böhran

Kanala abunə olun

🇮🇷 Hökumət mollası: "Görünür 🇺🇸 Tramp ağlını itirib" 👳‍♂

İran parlamentinin Mədəniyyət Komissiyasının üzvü Məhəmməd Mirzayi ABŞ prezidenti Donald Trampı son açıqlamalarına görə tənqid atəşinə tutub.

Mirzayi bildirib ki, Tramp “heç bir düzgün əsaslandırması olmayan və dəlilik təsiri bağışlayan” bəyanatlar verir.

O, ABŞ və İsrailin İrana qarşı hücumlarına toxunaraq deyib: “Bir çox Qərb və Amerika analitikinin belə müdafiəolunan hesab etmədiyi açıqlamalar səsləndirilir. Trampın özündən başqa heç bir amerikalı analitik ABŞ-nin bu müharibədə qalib gəldiyini deməyib”.

Millət vəkili əlavə edib ki, “hətta bəzi yaxınları da onun ruhi vəziyyəti ilə bağlı açıqlamalar veriblər”.

#İran #millətvəkili #ABŞ #Tramp #tənqid

Kanala abunə olun

🇺🇸 ABŞ 🇮🇷 İranın hərbi obyektini hədəfə aldı 🚀💥 🔥

“Reuters” agentliyinin məlumatına görə, Amerika ordusu Hörmüz boğazında ABŞ qüvvələrinə və ticarət gəmilərinə təhlükə yaratdığı bildirilən İran hərbi obyektinə yeni zərbələr endirib.

Məlumatda qeyd olunur ki, əməliyyat zamanı bir neçə İran pilotsuz uçuş aparatı da vurulub.

یک مقام آمریکایی: ارتش آمریکا یک سایت نظامی را در ایران هدف قرار داد

#ABŞ #İran #hərbiobyekt #hücum

Kanala abunə olun

🇺🇸 Ağ Ev: “🇮🇷 İran mediasının razılaşma ilə bağlı yaydığı xəbər saxtadır” 📃📺❌

Bu gün Ağ Ev İran ındövlət mediasında Tehran və Vaşinqton arasında mümkün anlaşma memorandumunun layihəsi ilə bağlı yayılan məlumatları təkzib edib.

Ağ Evin “X” hesabında pqylaşılan açıqlamada bildirilib: “İran dövlətinin nəzarətində olan media tərəfindən dərc edilən bu hesabat doğru deyil və onların yayımladığı memorandum tamamilə saxtadır. İran dövlət mediasının dərc etdiyinə heç kim inanmamalıdır. Faktlar vacibdir”.

Bundan əvvəl İran mediası iddia etmişdi ki, memorandum layihəsində ABŞ qüvvələrinin İranın ətraf bölgələrindən çıxarılması və İran limanlarına tətbiq edilən blokadanın ləğvi nəzərdə tutulur.

Həmin iddialara görə, bunun müqabilində Hörmüz boğazında ticarət gəmilərinin hərəkəti bir ay ərzində müharibədən əvvəlki səviyyəyə qaytarılmalı idi. (Iran Wire)

#ABŞ #AğEv #İran #razılaşma #xəbər #yalan

Kanala abunə olun

🇮🇷 İran XİN 🇺🇸 ABŞ-nin Bəndər Abbasa hücumlarını pislədi

İran Xarici İşlər Nazirliyinin sözçüsü İsmayıl Bəqayi ABŞ-nin Bəndər Abbasa endirdiyi zərbələri və Donald Trampın Omanla bağlı açıqlamalarını sərt şəkildə tənqid edib.

İran mediasının yaydığı məlumata görə, Bəqayi bildirib ki, İranın ərazi bütövlüyünə və milli suverenliyinə qarşı yönəlmiş bu addımlar beynəlxalq hüququn və BMT Nizamnaməsinin kobud şəkildə pozulmasıdır.

O əlavə edib ki, BMT Təhlükəsizlik Şurası ABŞ-ni məsuliyyətə cəlb etmək üçün hüquqi öhdəliyini yerinə yetirməlidir.

Bəqayi Donald Trampın Omanla bağlı sözlərinə cavab verərək deyib ki, regional sülh və diplomatiyada vasitəçi rolunu oynayan Omanı “məhv etməklə” hədələmək beynəlxalq münasibətlərdə təhlükəli tendensiyadır.

#İran #XİN #ABŞ #hücum

Kanala abunə olun

🇮🇷 İran raketinin üzərindəki şüar diqqət çəkdi 🚀💥

SEPAH bildirib ki, 🇺🇸 ABŞ ordusunun İranın Bəndər Abbas hava limanı yaxınlığındakı bir nöqtəyə hava mərmiləri ilə hücumundan sonra hücumun həyata keçirildiyi ABŞ hərbi hava bazası səhər saat 04:50-də hədəfə alınıb.

İran mediasında yayılan məlumatlarda qeyd olunur ki, hücum zamanı istifadə edilən raketin üzərində “İman silahı və «Allah böyükdür» şüarı ilə düşmənimizi geri itələyir və onları rüsvay edirik” ifadəsi yazılıb.

Hadisə regionda İran və ABŞ arasında qarşılıqlı hərbi açıqlamaların və gərginliyin artdığı bir vaxta təsadüf edir.

ABŞ tərəfi isə hadisə ilə bağlı hələlik əlavə rəsmi açıqlama verməyib.

#İran #SEPAH #ABŞ #raket #hücum

Kanala abunə olun

🇮🇷 İran 🇺🇸 ABŞ-dən bütün dondurulmuş aktivlərini tələb edir 💵

İranın Ali Milli Təhlükəsizlik Şurası katibinin müavini Əli Baqiri bildirib ki, Tehran ABŞ-dən bütün dondurulmuş İran aktivlərinin tam və qeyd-şərtsiz şəkildə azad edilməsini tələb edir.

Baqiri RİA Novosti agentliyinə açıqlamasında deyib: “ABŞ ilə münasibətlərimizdə haqlı olaraq özümüzə məxsus olanı əldə etməyə çalışırıq və bizim haqqımız odur ki, bu vəsaitlər tam şəkildə bizə qaytarılsın”.

Bundan əvvəl İran mediası yazmışdı ki, 24 milyard dollar həcmində vəsaitin azad edilməsi Tehran üçün ABŞ ilə mümkün razılaşmanın əsas şərtlərindən biridir.

Məlumatlara görə, İran tərəfi həmin məbləğin yarısının anlaşma memorandumunun imzalanmasından dərhal sonra, qalan hissəsinin isə yekun razılaşmadan sonra köçürülməsini istəyir.

#İran #ABŞ #dondurulmuşaktivlər

Kanala abunə olun

🇮🇶 İraqın şiə lideri silahlı qrupların dövlət strukturuna daxil edildiyini açıqladı 👳‍♂️

İraqın nüfuzlu şiə lideri Müqtəda əs-Sədr nəzarətində olan “Saraya əs-Səlam” silahlı qrupunun İraq dövlət strukturlarına inteqrasiya ediləcəyini açıqlayıb.

Əs-Sədr bildirib ki, qərar “ictimai maraqların qorunması və ölkənin risklərdən uzaq saxlanılması” məqsədilə qəbul olunub.

Onun sözlərinə görə, hərəkat bundan sonra qərargah, ayrıca silahlı struktur və ya müstəqil təşkilati sistem olmadan dövlətə tam şəkildə daxil olacaq.

Əs-Sədr bütün silahlı qrupların ləğv edilməsinin və onların siyasi fəaliyyətinin qadağan olunmasının vacibliyini vurğulayıb. O, bu çağırışa əməl etməyən qrupları “qanundan kənar” adlandırıb.

İraqın şiə lideri eyni zamanda Həşd-Şəbi qüvvələrini də silahları təhvil verməyə çağırıb. (Amerikanın Səsi)

#İraq #şiəlideri #silahlıqruplar #çağırış

Kanala abunə olun

🇮🇷 İranın ali liderinin danışıqlardan nə dərəcədə xəbərdar olduğu müzakirə edilir 👳‍♂️

Tehranla Vaşinqton arasında aparılan danışıqlara yaxın olduğu bildirilən mənbə “Iran International” kanalına açıqlamasında İslam Respublikasının danışıqlar qrupu ilə bağlı koordinasiya məsələlərinin müzakirə olunduğunu iddia edib.

Məlumata görə, İran parlamentinin sədri Məhəmməd Baqer Qalibaf və danışıqlar qrupunun Müctəba Xameneyi ilə koordinasiya səviyyəsi barədə ciddi qeyri-müəyyənliklər mövcuddur.

Qeyd olunur ki, Müctəba Xameneyinin danışıqlar prosesindən nə qədər məlumatlı olduğu və Tramp administrasiyası ilə mümkün anlaşmanın hansı mərhələdə olduğu tam aydın deyil.

Qalibaf və xarici işlər naziri Abbas Əraqçının Qətərə səfəri, İran nümayəndələrinin Pakistana getməkdən və ya Tehranda danışıqları davam etdirməkdən imtina etməsi bu şübhələri daha da artırıb.

منبع نزدیک به مذاکرات: درباره هماهنگی قالیباف با مجتبی خامنه ای تردید وجود دارد

#İran #MüctəbaXameneyi #ABŞ #danışıqlar

Kanala abunə olun