🇮🇷 İranda internet bərpa olundu 🌐⁉️

İranda 88 günlük qlobal internet kəsintisindən sonra, çərşənbə axşamı telekommunikasiya şəbəkəsində beynəlxalq internetə tam bağlantı bərpa olunub.

Qoşulmanın ilk dəqiqələrində ölkə daxilindəki iranlılar "WhatsApp" tətbiqi vasitəsilə xaricdəki yaxınları ilə görüntülü zəng edə biliblər, eləcə də sosial şəbəkələrdə foto və videolar paylaşıblar.

Dünyada internetin vəziyyətini izləyən "NetBlocks" təşkilatı özünün son yeniləməsində İrandakı istifadəçilərin internetə çıxış səviyyəsinin yenidən artdığını təsdiqləyərək, mobil rabitə şəbəkələrinin və digər kommunikasiya sektorlarının qlobal internetə bağlandığını bildirub.

Bununla belə, sözügedən monitorinq qurumu filtrasiya (bloklama) sisteminin hələ də qüvvədə qaldığını, lakin istifadəçilərin ondan yan keçmək imkanına malik olduqlarını qeyd edib.

#İran #internet

Kanala abunə olun

🇮🇷 "Handala" şəxsi məlumatları səhv salaraq 🇮🇱 israillilərin "başı üçün mükafat" elan etdi

İranın "Handala" haker qrupu, "Şayetet-13" (yəhudi dilindən tərcümədə "13-cü flotiliya") adlı elit hərbi-dəniz bölməsinin döyüşçüləri adlandırdığı 69 israillinin hər biri üçün 100.000 dollar məbləğində mükafat təyin etdiyini bəyan edib.

Hakerlər iddia edirlər ki, bu şəxslər guya beynəlxalq "Sumud Flotiliyası"nın bu yaxınlarda qarşısının alınmasında iştirak ediblər.

Lakin profil medianın analizinə əsasən, təqdim olunan məlumatlar həqiqəti əks etdirmir.

"Hədəflər" sırasına heç vaxt xüsusi təyinatlı qüvvələrdə xidmət etməmiş insanlar düşüb: onların arasında 15 ildən çox əvvəl inzibati xidmət keçmiş və ya cihaz operatoru kimi işləmiş qadınlar, digər bölmələrin texniki mütəxəssisləri, həmçinin yaşları ilə əlaqədar artıq çoxdan ehtiyatda olanlar siyahısında sayılmayan şəxslər var.

#Handala #haker #İsrailhərbçiləri

Kanala abunə olun

🇮🇷 İran rəsmisi: "İşçilər artıq “sağ qalmaq uğrunda mübarizə aparırlar” 🍞💸

İran həmkarlar ittifaqı rəsmisinin sözlərinə görə, ərzaq qiymətlərinin kəskin bahalaşması bir çox işçini çıxılmaz vəziyyətə salıb və toyuq əti, yumurta və paxlalılar kimi əsas qida məhsulları getdikcə əlçatmaz olur.

Tehran İslam Əmək Birliyi Koordinasiya Şurasının idarə heyətinin üzvü Məcid Rəhməti bildirib ki, toyuq ətinin qiyməti hər kiloqram üçün təxminən 470 min tümənə yüksəlib. O əlavə edib ki, lobya və mərcimək kimi əsas alternativlər belə artıq əlçatmazdır.
“İndi toyuq işçilərin süfrəsindən yoxa çıxıbsa, onu paxlalılarlamı əvəz etməliyik?” — deyə o bildirib.
“Problem ondadır ki, paxlalılar da son dərəcə bahalaşıb".
Rəhməti bildirib ki, əvvəllər 45 milyon tümən hesablanan ehtiyac səbəti indi təxminən 70 milyon tümənə çatıb.
Halbuki işçilər ayda təxminən 24 milyon tümən maaş alırlar.

🇮🇷 İran Fars körfəzi üzərində 🇺🇸 ABŞ-nin MQ-9 Reaper dronunu vurduğu anın görüntülərini paylaşıb 🚀💥

#İran #ABŞ #dron #zərbə #FarsKörfəzi

Kanala abunə olun

🇮🇱🇱🇧 "Hizbullah" İsrailə məxsus "Merkava" tankının vurulma görüntülərini yayıb

#İsrail #Livan #Hizbullah #tank #Merkava

Kanala abunə olun

🇮🇷 İran XİN-i Xəzər dənizinin hüquqi statusuna dair konvensiyanın nəzərdən keçirildiyini bildirdi

İranın xarici işlər nazirinin hüquqi və beynəlxalq məsələlər üzrə müavini Kazım Qəribabadi bəyan edib ki, Xəzər dənizinin hüquqi statusu haqqında konvensiyanın nəzərdən keçirilməsi məsələsi parlamentin milli təhlükəsizlik və xarici siyasət komissiyasının iclasında müzakirə olunub.

Onun sözlərinə görə, iclas zamanı konvensiya üzrə işlərin həm daxili, həm beynəlxalq səviyyədə, həm də iştirakçı ölkələr arasında qarşılıqlı fəaliyyət çərçivəsində gedişatına dair hesabat təqdim edilib.

Deputatlarla sənədlə bağlı hüquqi, siyasi, iqtisadi və təhlükəsizlik məsələləri müzakirə olunub.

Qaribabadi eləcə də qeyd edib ki, Xəzər dənizinin hüquqi statusu haqqında konvensiya ilə bağlı qanun layihəsi hazırda İran hökuməti tərəfindən nəzərdən keçirilir.

Nazir müavini vurğulayıb ki, Xəzər dənizi İran üçün strateji maraqların, milli təhlükəsizliyin, regional əməkdaşlığın və ölkənin tarixi hüquqlarının bir hissəsidir.

WSJ: “🇮🇷 Tehran danışıqları davam etdirmək üçün hücumları görməzdən gəlib”

“The Wall Street Journal” yazır ki, İran hökuməti 🇺🇸 ABŞ-nin SEPAH-ın katerlərinə endirdiyi zərbələrə baxmayaraq, danışıqlar prosesini davam etdirmək qərarına gəlib.

Qəzetin məlumatına görə, Tehran danışıqlar yolu ilə əldə etmək istədiyi maliyyə resurslarına ciddi ehtiyac duyduğu üçün hərbi hücumların prosesi dayandırmasına imkan verməyib.

Məqalədə bildirilir ki, ABŞ-nin bazar ertəsi gecəsi həyata keçirdiyi hücum nəticəsində SEPAH üzvlərindən bir neçəsi həlak olub. Bununla belə, İran tərəfi danışıqlara zərər verməmək üçün bu məlumatın açıqlanmasını gecikdirib.

İran parlamentinin sədri və danışıqlar qrupunun rəhbəri Məhəmməd Baqer Qalibaf hücumlardan sonra da Dohada müzakirələri davam etdirib.

Məlumata əsasən, Pakistan, Qətər və Misir də daxil olmaqla vasitəçi ölkələr tərəflər arasında fikir ayrılıqlarını azaltmağa çalışırlar.

#İran #SEPAH #ABŞ #danışıqlar

Kanala abunə olun

🇺🇸 ABŞ Dövlət Departamenti: “🇮🇷 İran nüvə silahı əldə etməyəcək” ☢️❌

ABŞ Dövlət Departamentinin sözçüsü Tommi Piqot bildirib ki, Donald Tramp prezident vəzifəsinə başladığı ilk gündən İranın nüvə silahı əldə etməməli olduğunu açıq şəkildə bəyan edib.

Piqot “X” hesabında yazıb ki, Tramp administrasiyası İranın bu məqsədə çatmasının qarşısını almaq üçün qəti addımlar atıb.

Açıqlamada qeyd olunub ki, Vaşinqton İranın nüvə silahı əldə etməsinə imkan verməmək mövqeyində qalır.

سخنگوی وزارت خارجه آمریکا: ترامپ برای نرسیدن تهران به سلاح هسته‌ای، قاطعانه عمل کرده است

#ABŞ #Tramp #İran #nüvəsilahı

Kanala abunə olun

🇮🇷 İranlı zəvvarlar Həcc zamanı siyasi şüarlar səsləndiriblər 👳🗣️

Həcc mərasimindən yayılan videolarda bir qrup iranlı zəvvarın ABŞ və İsrail əleyhinə şüarlar səsləndirdiyi görünür.

Kadrlarda zəvvarların müxtəlif bannerlər daşıdığı da müşahidə olunur. Bannerlərdə İranın mərhum ali lideri Əli Xameneyinin təsviri, sıxılmış yumruq simvolu və ABŞ-İsrail hücumları zamanı Minab şəhərindəki qızlar məktəbində həyatını itirən 168 şagirdin xatirəsinə aid görüntülər yer alıb.

Dünən Səudiyyə Ərəbistanındakı Ərəfat səhrasında 1,5 milyondan çox zəvvar Həcc mərasimlərinin əsas mərhələlərindən birini yerinə yetirmək üçün toplaşıb.

Bu ilki Həcc mərasimi Yaxın Şərqdə davam edən gərginlik, eləcə də ABŞ, İsrail və İran arasında son aylarda yaşanan qarşıdurmalar fonunda keçirilir.

#SəudiyyəƏrəbistanı #Həcc #İran #zəvvarlar #şüar #etiraz #İsrail #ABŞ

Kanala abunə olun

🛑 Təbriz hava limanı fəaliyyətini bərpa edib ✈️

Təbriz Beynəlxalq Hava Limanı son müharibə zamanı uğradığı zərərdən sonra bu gün fəaliyyətini bərpa edir.

İranın Mülki Aviasiya Təşkilatının sözçüsü Məcid Əxəvan bildirib ki, təmir işləri başa çatdıqdan sonra ilk uçuşun bu gün həyata keçirilməsi planlaşdırılır.

Bundan əvvəl hava limanının uçuş-enmə zolağı və idarəetmə qülləsinin zərbələr nəticəsində zədələndiyi açıqlanmışdı.

Məlumata görə, Təbriz hava limanı İranda hərbi əməliyyatlardan sonra yenidən açılan sayca 21-ci hava limanı olub.

Təbriz Beynəlxalq Hava Limanı ölkənin ən iri hava limanlarından biri sayılır və İstanbul, Bağdad, Dubay, Bakı, Hamburq və digər şəhərlərə beynəlxalq uçuşlar həyata keçirir.

#Təbriz #havalimanı #aviaşirkət #uçuşlar

Kanala abunə olun

🇮🇷 İranlı ekspert: “Hücum ehtimalı olarsa, nüvə silahı əldə etməliyik” ☢️

Dünən İslam Respublikasına tərəfdarlığı ilə tanınan strateji məsələlər üzrə ekspert Mehdi Xərratian ABŞ ilə mümkün razılaşmadan sonra da təhlükələrin davam edə biləcəyini bildirib və İran rəhbərliyinə “nüvə çevikliyi” siyasətini qəbul etməyi tövsiyə edib.

O, “IranTalk” podkastına müsahibəsində qeyd edib ki, noyabr ayında ABŞ Nümayəndələr Palatasına keçiriləcək aralıq seçkilərindən sonra regionda İrana qarşı yeni addımlar atılarsa, Tehran daha sərt qərarlar verməlidir.

Xərratian iddia edib ki, əgər Qətər və Səudiyyə Ərəbistanında hərbi və logistika fəaliyyətləri müəyyən həddi keçərsə, İran Nüvə Silahlarının Yayılmaması Müqaviləsindən (NPT) çıxmalı və nüvə silahı istehsalına başlamalıdır.

Onun açıqlamaları İran və ABŞ arasında mümkün razılaşma ilə bağlı müzakirələrin davam etdiyi bir vaxta təsadüf edir.

#İran #nüvəsilahı #ABŞ #hücum

Kanala abunə olun

🇮🇷 Hökumət mollası 🇺🇸 Trampı “qara sarayın dəli düşməni” adlandırıb 👳‍♂️

Bu gün Tehranın cümə imamı Əhməd Xatəmi Qurban bayramı namazındakı çıxışında ABŞ prezidenti Donald Trampı sərt ifadələrlə tənqid edib.

Xatəmi Trampı “qara sarayın dəli düşməni” adlandıraraq, İran xalqına müraciətlə deyib: “Düşmənləriniz və səhvən Ağ Ev adlandırılan qara sarayın bu dəli düşməni sizin rüsvayçılığınızı istəyirlər, amma bu dəli insan bu istəyi öz məzarına aparacaq”.

Vaşinqtonun Tehranla bağlı mövqeyinə toxunan hökumət mollası bildirib ki, ABŞ-nin məqsədi həqiqi danışıqlar deyil.

“Onlar İranla danışıqlardan danışırlar, amma həqiqət budur ki, məqsədləri danışıqlar yox, bizim təslim olmağımızdır”, — deyə Xatəmi əlavə edib.

#İran #hökumətmollası #ABŞ #Tramp #tənqid

Kanala abunə olun

🇮🇷 İranda saxlanılan 🇮🇳hindistanlı gəmiçilər azad edildi 🌊👮‍♂🚢

Hindistan Dəniz Administrasiyasının rəsmiləri ötən yay İranın cənub sularında saxlanılan 10 hindistanlı dənizçinin azad edildiyini açıqlayıb.

AFP agentliyinin məlumatına görə, Hindistan Dəniz Administrasiyası bildirib ki, “MV Harbor Phoenix” gəmisinin heyət üzvləri 2025-ci ilin iyul ayında Cask limanı yaxınlığında gəminin ələ keçirilməsindən sonra İranda saxlanılmışdı.

Qurumun açıqlamasında qeyd olunub ki, bütün dənizçilər artıq təhlükəsiz vəziyyətdədir və onların ölkələrinə geri qaytarılması üçün lazımi tədbirlər görülür.

AFP yazır ki, Hindistan hökuməti məsələ ətrafında əlavə həssaslıq yaranmaması üçün dənizçilərin azad olunması ilə bağlı danışıqları mediadan uzaq şəkildə aparıb.

Məlumatda həmçinin vurğulanır ki, regional gərginliklərə və Hindistanın ABŞ və İsraillə yaxın münasibətlərinə baxmayaraq, Yeni Dehli Tehranla əlaqələrini qoruyub saxlamağa davam edir.

#İran #Hindistan #dənizçilər #azadlıq

Kanala abunə olun

🇮🇷 İran–🇺🇸 ABŞ razılaşması ilə bağlı nikbinlik bazarlara təsir edib 🛢️📈📉

Qlobal bazarlarda neft qiymətləri İran və ABŞ arasında mümkün razılaşma ilə bağlı “ehtiyatlı nikbinlik” fonunda əvvəlcə yüksəlsə də, daha sonra yenidən geriləyib.

Bu gün Brent markalı Şimal dənizi neftinin qiyməti 2,42 faiz azalaraq bir barel üçün 97,19 dollara düşüb.

Bu geriləmə Asiya bazarlarında qiymətlərin qısa müddət ərzində 99 dollar həddini keçməsindən sonra qeydə alınıb.

#İran #ABŞ #qlobalbazar #enerji #neft

Kanala abunə olun

🇰🇷 Seul: “HMM Namo gəmisinə İran raketi ilə hücum edilmiş ola bilər” 🚀💥🚢

Cənubi Koreyanın Xarici İşlər Nazirliyi Hörmüz boğazında “HMM Namo” yük gəmisinə edilən hücumun çox güman ki, İran raketi ilə həyata keçirildiyini açıqlayıb.

Reuters agentliyinin məlumatına görə, rəsmi Seul ötən həftə Koreyaya məxsus tankerə qarşı hücumda İranın mümkün rolunu araşdırır.

Cənubi Koreyanın Prezident Administrasiyasının rəsmisi bildirib ki, hücumun arxasında dayanan tərəfə cavab veriləcək, lakin hadisəyə görə cavabdehlik daşıyan məsul şəxslər hələ tam müəyyən edilməyib və araşdırma davam edir.

Rəsmi əlavə edib ki, istintaq yekunlaşmadan hadisə ilə bağlı qəti nəticə açıqlanmayacaq.

#CənubiKoreya #İran #HörmüzBoğazı #HMMNamo #tankər #hücum

Kanala abunə olun

🇮🇷 İran 🇮🇶 İraqı təhlükələrin qarşısını almağa çağırıb 🔥

İranın Ali Milli Təhlükəsizlik Şurası katibinin müavini Əli Baqiri Kəni İraqın milli təhlükəsizlik müşaviri Qasim əl-Əraci ilə görüşündə rəsmi Bağdadı İraq ərazisindən İrana qarşı istifadə edilən təhdidlərin qarşısını almağa çağırıb.

İran dövlət mediasının məlumatına görə, görüş Moskvada keçirilən 14-cü Beynəlxalq Təhlükəsizlik Konfransı çərçivəsində baş tutub.

Baqiri bildirib ki, “bu təhdidlərin mənbələri aradan qaldırılmalıdır” və İranın bu məsələdə İraqla əməkdaşlığa hazır olduğunu vurğulayıb.

Tərəflərin görüşdə regional təhlükəsizlik və ikitərəfli əməkdaşlıq məsələlərini də müzakirə etdiyi qeyd olunur.

#İran #çağırış #İraq #təhlükə

Kanala abunə olun