🇮🇷 İran ətrafında gərginlik fonunda Hörmüz boğazında gəmilərin hərəkəti kəskin azalıb 🌊🚢

Hörmüz boğazında ticarət gəmiçiliyi faktiki olaraq dayanıb.
Son 24 saat ərzində boğaza beşdən az gəminin daxil olması və ya çıxması qeydə alınıb və bunların hamısı İranın müəyyən etdiyi hərəkət sxemindən istifadə edib.

Halbuki İranla müharibəyə qədər bu marşrutla gündə 130-a yaxın gəmi keçirdi.

Hörmüz boğazı qlobal enerji təchizatı üçün strateji əhəmiyyətə malikdir. Dünyanın neft və mayeləşdirilmiş təbii qaz daşınmalarının təxminən 20%-i buradan keçir.

#İran #gərginlik #Hörmüzboğazı #gəmiçilik

Kanala abunə olun

🇷🇺 Lixaçov 🇮🇷 İranda Buşehr Atom Elektrik Stansiyasının tikintisinin bərpa olunduğunu bildirdi ☢

"Rosatom"un baş direktoru Lixaçev İranda Buşehr Atom Elektrik Stansiyasının (AES) ikinci enerji blokunun tikintisinin bərpa olunduğunu açıqlayıb.
O, əlavə edib ki, blokun divarları üçün beton tökmə və möhkəmləndirmə işləri artıq davam edir.

Rusiya korporasiyasının rəhbəri deyib: "Yerində qalan mütəxəssislərimiz müqavilə öhdəliklərimizin bir hissəsi olaraq podratçılarla fəal şəkildə əməkdaşlığa başlayıblar".

#Rusiya #İran #Buşehr #AES

Kanala abunə olun

🇷🇺 Rusiya və 🇦🇪 BƏƏ prezidentləri 🇮🇷 İran ətrafındakı prosesləri müzakidə ediblər

Kremlin məlumatına görə, Vladimir Putin BƏƏ prezidenti Şeyx Məhəmməd bin Zayed Əl Nəhyanla telefon danışığı aparıb.

Tərəflər İranla bağlı məsələləri müzakirə edib və kompromislərə əsaslanan sülh razılaşmalarına nail olmaq üçün siyasi və diplomatik proseslərin davam etdirilməsinin vacibliyini vurğulayıblar.

Putin eləcə də BƏƏ-yə 🇺🇦Ukraynadakı müharibə ilə bağlı məsələlərdə vasitəçiliyi və humanitar roluna görə təşəkkür edib. (Independent)

کاخ کرملین روز شنبه ۲۶ اردیبهشت، با انتشار بیانیه‌ای اعلام کرد که ولادیمیر پوتین، رئیس‌جمهوری روسیه، در تماسی تلفنی با همتای اماراتی خود، شیخ محمد بن زاید آل نهیان، درباره مناقشات مربوط به ایران گفتگو کرده است.

#Rusiya #BƏƏ #İran

Kanala abunə olun

🇬🇧 Britaniya Yaxın Şərqdə 🇮🇷 İranın dron ovuna çıxır

Britaniyanın Müdafiə Nazirliyi Yaxın Şərqdə İran istehsalı dronlara qarşı mübarizə məqsədilə yeni, daha ucuz anti-dron silah sisteminin yerləşdirildiyini açıqlayıb.

Nazirliyin məlumatına görə, Kral Hərbi Hava Qüvvələrinə (RAF) məxsus “Typhoon” qırıcıları lazer hədəfləmə texnologiyası ilə işləyən və idarə olunmayan raketləri yüksək dəqiqlikli silaha çevirən Qabaqcıl Dəqiq Öldürmə Silah Sistemi (APKWS) ilə təchiz olunacaq.

Britaniya Müdafiə Nazirliyi bildirib ki, sistem sınaq mərhələsindən real yerləşdirməyə cəmi bir neçə ay ərzində çatdırılıb və bu, müdafiə sənayesi ilə sürətli əməkdaşlıq nəticəsində mümkün olub. (Independent Persian)

#Britaniya #İran #dron

Kanala abunə olun

🇮🇷 İran Hörmüz boğazı üçün “Hormuz Safe” sığorta saytı açıb 🌊🛳️👨‍💻

İran Hörmüz boğazından keçən gəmilər və dəniz yükləri üçün nəzərdə tutulmuş yeni ixtisaslaşmış sığorta platforması — “Hormuz Safe” adlı veb saytı təqdim edib.

Məlumata görə, platforma Fars körfəzi, Hörmüz boğazı və bitişik su yolları vasitəsilə daşınan yüklərin sığortalanmasını əhatə edir. Qaydalar əsasında müştərilərə kriptoqrafik yoxlama seçimi ilə “təcili sığorta polisləri” təklif olunur.

Hesabatda vurğulanır ki, sistem çərçivəsində bütün sığorta ödənişləri yalnız rəqəmsal valyuta ilə həyata keçiriləcək. (Fars News)

تارنمای بیمهٔ ایرانی تنگهٔ هرمز راه‌اندازی شد

#İran #Hörmüzboğazı #sığortasaytı

Kanala abunə olun

🇮🇷 Qalibaf: “Dünya yeni nizamın astanasındadır” 🌍

Bu gün İran parlamentinin sədri Məhəmməd Baqir Qalibaf “X” hesabındakı paylaşımında bildirib ki, dünya yeni qlobal nizamın formalaşması mərhələsinə daxil olur və bu proses sürətlənir.

Qalibaf Çin lideri Si Cinpinin “bir əsrdə görünməyən transformasiya” ifadəsinə istinad edərək qeyd edib ki, İran xalqının son 70 gündə göstərdiyi müqavimət bu dəyişiklikləri daha da sürətləndirib.

“Gələcək, Qlobal Cənuba məxsusdur”, - deyə, Qalibaf əlavə edib.

#İran #QlobalCənub #dünyanizamı

Kanala abunə olun

🇮🇷🇺🇸 İran: “Böhranın həlli üçün 10 bəndlik plan «qırmızı xətt»dir”

İran parlamentinin Şuralar Komissiyasının sədri Məhəmmədsaleh Cokar bildirib ki, böhranın həlli üçün İranın ali rəhbəri tərəfindən irəli sürülən 10 bəndlik şərtlər istənilən danışıqlar üçün “qırmızı xətt” hesab olunur.

Onun sözlərinə görə, şərtləri “uğursuzluğa düçar olan tərəf” deyil, döyüş meydanında üstünlük qazanan ölkə müəyyən edir:

“Şərtlər döyüş meydanında qalib gələn ölkə tərəfindən müəyyən edilir. Məqsədlərinə çata bilməyən və yalnız dağıntı gətirən ölkənin hökuməti tərəfindən yox. Buna görə də amerikalılar bizim şərtlərimizi qəbul etməlidirlər”.

Cokar əlavə edib ki, İran tərəfi bu şərtlərdən geri çəkilməyi mümkün hesab etmir və bu plan istənilən siyasi razılaşmanın əsas çərçivəsi kimi görülür. (Mehr News)

#İran #ABŞ #danışıqlar #şərtlər #qırmızıxətt

Kanala abunə olun

🇬🇧 Britaniya 🇮🇷 İrana bağlı ailə şəbəkəsinə sanksiya tətbiq etdi

Britaniya hökuməti İranın gizli maliyyə şəbəkəsi ilə əlaqələrdə ittiham olunan Zərrinqələm ailəsinin beş üzvünə qarşı sanksiyalar tətbiq edib.

Britaniya Xarici İşlər Nazirliyinin məlumatına görə, bu ailənin üzvləri və onlarla əlaqəli olan Bərlian Exchange və GCM Exchange adlı mübadilə şirkətləri Britaniya və digər ölkələrin sabitliyini pozmaqda ittiham edilən şəxslərə və qurumlara maliyyə xidmətləri göstəriblər.

Londonun tətbiq etdiyi tədbirlərə ölkəyə giriş qadağası, aktivlərin dondurulması və korporativ fəaliyyətə məhdudiyyətlər daxildir.

Associated Press-in məlumatına görə, Britaniya hakimiyyəti bu addımı “İranla əlaqəli zərərli fəaliyyət”ə qarşı mübarizənin bir hissəsi kimi qiymətləndirir. Bildirilir ki, gizli maliyyə şəbəkələri vasitəsilə sanksiyalardan yayınmaq və İranın neft və hərbi sektorlarına fayda vermək məqsədilə milyardlarla dollar dövriyyəyə buraxılıb. (Manoto)

#Britaniya #İran #sanksiya

Kanala abunə olun

🇮🇷 İranda artır 12-ci həftədir internet yoxdur 🛜⁉️

Qlobal internet monitorinqi təşkilatı – NetBlocks bildirib ki, İranda ölkə miqyasında internetin bağlanması artıq 12-ci həftəyə daxil olub və 79-cu gününü geridə qoyub.

Təşkilatın açıqlamasında qeyd olunur ki, bu miqyasda internet məhdudiyyətləri ölkədə informasiya axınını ciddi şəkildə dəyişdirib və ictimai fəallıq imkanlarını zəiflədib. (Iranintl)

نت‌بلاکس: قطع سراسری اینترنت در ایران وارد هفتادونهمین روز شد

#İran #NetBlocks #internet #məhdudiyyətlər

Kanala abunə olun

🛑 ŞƏRHSİZ

Hörmüz boğazının havadan görünüşü 🌊🚢

بدون شرح
تصاویر هوایی از تنگه هرمز

#Hörmüzboğazı

Kanala abunə olun

🇮🇷 İranda hicab məhkəmələri yenidən fəaliyyətə başlayıb 🧕👨‍⚖️

İranda müxtəlif şəhərlərdə “hicab məhkəmələri”nin fəaliyyətinin yenidən bərpa edildiyi bildirilir.

Məlumata görə, son həftələrdə hökumət tərəfdarı gecə mitinqlərində qadınların məcburi hicab qaydalarına əməl etməməsi ilə bağlı görüntülər yayılsa da, bu məhkəmələrin yenidən aktivləşməsi diqqət çəkib.

Məlumata əsasən, bu addım hakimiyyətin məcburi hicab siyasətindən geri çəkilib-çəkilmədiyi ilə bağlı suallar doğurub.

Bildirilir ki, əvvəlki dövrdə etirazların genişlənməsi ehtimalı səbəbilə qadınlara qarşı ictimai təzyiq qismən azaldılsa da, inzibati və məhkəmə mexanizmləri tam dayandırılmayıb. (Iran Wire)

#İran #məcburihicab #məhkəmə

Kanala abunə olun

🇺🇸 Tramp 🇮🇷 İranla atəşkəsin “fırtınadan əvvəlki sakitlik” ola biləcəyinə işarə etdi ❗️

ABŞ prezidenti Donald Tramp Truth Social platformasında hərbi gəmilərin görüntüsünü paylaşaraq postuna “Qasırğadan əvvəlki sakitlik idi” başlığını yazıb.

Bu paylaşım sosial mediada geniş müzakirələrə səbəb olub. Bir çox istifadəçi və müşahidəçilər Trampın bu ifadəsini İranla bağlı gərginliyin yenidən artacağına və mümkün hərbi əməliyyatların bərpa edilə biləcəyinə işarə kimi qiymətləndiriblər.

Tramp isə paylaşımın məqsədi və mesajı barədə hələlik rəsmi açıqlama verməyib.

#ABŞ #Tramp #İran #atəşkəs

Kanala abunə olun