🇺🇦 Ukrayna: “🇷🇺 Rusiya 🇮🇷 İran istehsalı dronlarla kütləvi hücumlar həyata keçirib” 🚀🔥

Ukraynanın Hava Hücumundan Müdafiə Qüvvələri aprel ayında Rusiyanın həyata keçirdiyi hücumlar zamanı 6 mindən çox dron və raketi vurduğunu və ya sıradan çıxardığını açıqlayıb.

Məlumata görə, Rusiya son bir ay ərzində Ukraynaya qarşı:

• 6583 İran istehsalı “Shahed-136” dronu atıb, onların 5861-i (89%) vurulub;
• 141 qanadlı və ballistik raket istifadə edib, onların 89-u (63%-dən çox) məhv edilib.

Ukrayna HHM sistemlərinin aprel ayı üzrə ümumi effektivliyi 88,5% olub. Ən böyük dron hücumu aprelin 1-də, Rusiyanın 700 PUA atəşlədiyi gün qeydə alınıb. (Ukrayna Müdafiə Nazirliyi)

#Ukrayna #Rusiya #İran #Shahed #dron #hücum #müharibə

Kanala abunə olun

🇮🇷 Pezeşkian Müctəba Xameneyi ilə iki saat yarımlıq görüşündən danışdı

Bu gün İran prezidenti Məsud Pezeşkian ölkənin ali lideri Müctəba Xameneyi ilə son görüşü barədə açıqlama verib.

Pezeşkian bildirib ki, görüş səmimi şəraitdə keçib və müzakirələr təxminən iki saat yarım davam edib. Onun sözlərinə görə, görüş zamanı ən çox diqqətini çəkən məqam ali rəhbərin qarşıdurma tərzi, dünyagörüşü, təvazökarlığı və səmimi davranışı olub.

Prezident vurğulayıb ki, bu yanaşma dialoqu inam, sakitlik, empatiya və birbaşa ünsiyyət üzərində qurulan mühitə çevirib.

Pezeşkian, habelə, ölkə idarəçiliyində birlik və qarşılıqlı etimadın möhkəmləndirilməsiin vacibliyini qeyd edərək bildirib ki, yüksək vəzifəli şəxslərin bu cür davranışı dövlət idarəçiliyi üçün nümunə ola bilər. (Tasnim News)

#İran #Pezeşkian #MüctəbaXameneyi #görüş

Kanala abunə olun

🇮🇷 İran vurulan “Yaxın Şərqin ən hündür körpüsü”nün bərpasına başlayıb 🌉🏗

İranın Kərəc şəhərində yerləşən və “Yaxın Şərqin ən hündür körpüsü” kimi tanınan B1 körpüsünün yenidənqurulmasına başlanılıb.

Nəqliyyatın İnkişafı və Tikinti Şirkətinin baş direktoru bildirib ki, ABŞ və İsrailin hücumu nəticəsində dağıdılan körpünün bərpasının birinci mərhələsi çərçivəsində dağıntıların təmizlənməsi işləri həyata keçirilir və bu prosesin təxminən bir həftə davam edəcəyi gözlənilir.

Onun sözlərinə görə, körpünün yenidən qurulması bir ildən az vaxt aparacaq. Məlumata əsasən, layihənin dəyəri təxminən 3,7 trilyon tümən (61,7 milyon dollar) olaraq dəyərləndirilir.

Qeyd edək ki, aprelin 2-də Kərəc şəhərində B1 körpüsü hücuma məruz qalıb.

آغاز بازسازی پل b1 کرج

#İran #Kərəc #körpü #təmir

🇫🇷 Fransa: “Hörmüz boğazı açılmadan 🇮🇷 İrana qarşı olan sanksiyalar ləğv edilməyəcək”

Bu gün Fransanın xarici işlər naziri Jan-Noel Barro bildirib ki, Hörmüz boğazı bağlı qaldığı müddətdə İrana qarşı sanksiyaların yumşaldılması və ya ləğvi mümkün deyil.

Barro RTL radiosuna müsahibəsində qeyd edib ki, Hörmüz boğazı beynəlxalq ümumi əhəmiyyət daşıyan bir keçiddir və heç bir tərəf onun üzərində nəzarət quraraq “fidyə tələb edə bilməz”.

Nazir vurğulayıb ki, İranla bağlı sanksiyaların gələcəyi Tehran–Vaşinqton danışıqlarının bərpası və mümkün anlaşma prosesi ilə əlaqələndirilir. (Independent Persian)

#Fransa #XİN #İran #Hörmüzboğazı #sanksiya

Kanala abunə olun

🇮🇷 Pezeşkian: “Etirazlar üzərindən qurulan plan işə yaramadı” 🗣

Bu gün İran prezidenti Məsud Pezeşkian bildirib ki, 🇮🇱 İsrail və 🇺🇸 ABŞ son müharibə dövründə İranı daxildən zəiflətmək və parçalamağa yönəlmiş siyasət yürüdüb.

Pezeşkian iş adamları ilə görüşdə çıxışı zamanı deyib ki, “İsrail və ABŞ sabitliyin təmin edilməsi ilə məşğul olan təhlükəsizlik strukturlarımızı hədəfə alıb”.

Onun sözlərinə görə, bu qüvvələr vəziyyətdən istifadə edərək ölkə daxilində narazılıq və etirazların artacağını, bunun isə hakimiyyətə təzyiq yaradacağını düşünürdü.

Prezident qeyd edib ki, müxtəlif ölkələrdə qiymət artımları səbəbilə etirazların baş verməsi fonunda oxşar ssenari İran üçün də planlaşdırılmışdı.

Pezeşkianın dediklərinə görə, ictimai dəstək və iş adamlarının fəaliyyəti bu planların həyata keçməsinin qarşısını alıb.

#İran #Pezeşkian #ABŞ #İsrail #etirazlar #plan

Kanala abunə olun

🛑 Hörmüz boğazında iki minə yaxın gəmi ilişib 🌊🚢

CNN telekanalı xəbər verib ki, Hörmüz boğazında vəziyyət kritik həddə çatıb və bölgədə təxminən 1600 ticarət gəmisi iki aydan çoxdur sıxlıq səbəbindən hərəkətsiz qalıb.

Məlumata görə, gəmiçilik şirkətləri təhlükəli bölgədən keçid üçün alternativ marşrutlar axtarsa da, böyük logistika və maliyyə riskləri ilə üzləşirlər.

CNN yazır ki, ABŞ-nin bölgədə təhlükəsiz keçid yaratmaq cəhdlərinə baxmayaraq, nəticələr məhdud olub və indiyədək yalnız iki gəmi nəzarət altında olan marşrutu uğurla keçə bilib.

Kanalın məlumatına görə, hazırkı şəraitdə tranzit əməliyyatları həm yükün dəyərini, həm də ekipajların təhlükəsizliyini ciddi risk altına saldığı üçün bir çox daşıyıcı şirkət keçidi təkbaşına həyata keçirməkdən imtina edir. (Shafaqna)

سی ان ان: 1600 کشتی همچنان پشت تنگه هرمز متوقف مانده اند

#Hörmüzboğazı #gəmi #məhdudiyyət

Kanala abunə olun

🇮🇷 İranın XİN rəhbəri Xameneiyə sui-qəsddə ittiham edilir 😱

İranın “Hizbullah” təşkilatının baş katibi və “Hizbullah” qəzetinin baş redaktoru Məhəmməd Baqir Xərrazi “X” hesabında paylaşım edərək, İranın xarici işlər naziri Abbas Əraqçıya qarşı ağır ittihamlar səsləndirib.

Xərrazi iddia edib ki, Əraqçı mərhum ali lider Əli Xameneiyə qarşı mümkün sui-qəsd planında rol oynaya bilər.

Onun sözlərinə görə, Əraqçının bir yüksək səviyyəli görüşdən sonra İran liderinin iqamətgahının “hədəfə çevrilməsi” təsadüf ola bilməz.

Sərt xətt tərəfdarı dairələrə yaxınlığı ilə tanınan bu qrup Əraqçını, həm də, ABŞ və İsrail mövzusunda “yumşaq mövqe” sərgiləməkdə günahlandırıb və çıxışlarında tərəflər arasında fərq qoymağa çalışdığını vurğulayıb.

Daha da sərtləşən Xərrazi hazırkı diplomatik danışıqlara da toxunaraq deyib:

“Əgər hazırkı danışıqlar JCPOA kimi bir öhdəliyə çevrilərsə, küçə etirazları yaratmaqdan və Xarici İşlər Nazirliyini və Pezeşkian administrasiyasını məhv etməkdən bir an belə çəkinməyəcəyik”. (Iran Wire)

Hazırda Hörmüz boğazı 🌊🚢

“Fars News” agentliyi Hörmüz boğazı ətrafında gərginliyin artdığı bir vaxtda yeni görüntülər yayımlayıb.

Paylaşımda “Hörmüz boğazındakı vəziyyət və İran tərəfindən saxlanılan gəmilərin son görüntüsü” ifadəsi yer alıb.

Hazırda Hörmüz boğazı bölgədə artan gərginlik fonunda beynəlxalq diqqət mərkəzində qalır.

تازه‌ترین تصویر از وضعیت تنگۀ هرمز و کشتی‌های توقیف‌شده توسط ایران

#Hörmüzboğazı #gərginlik

Kanala abunə olun

“Azadlıq Layihəsi” yarımçıq qaldı: 🇸🇦 Səudiyyə 🇺🇸 ABŞ-yə hava məkanını bağladı 🌊❌

NBC News telekanalı xəbər verir ki, ABŞ prezidenti Donald Trampın Hörmüz boğazı ilə bağlı “Azadlıq Layihəsi”ni qəfil dayandırıb. Buna səbəb isə Körfəz müttəfiqləri arasında ciddi narazılıq olub.

Məlumata görə, layihənin dayandırılması qərarı Səudiyyə Ərəbistanının ABŞ hərbi qüvvələrinin əməliyyatda istifadə edə biləcəyi hava məkanı və bazalara çıxışını məhdudlaşdırmasından sonra verilib.

Rəsmilər bildiriblər ki, Tramp layihəni sosial şəbəkə vasitəsilə elan etdikdən sonra Körfəz ölkələri, xüsusilə Səudiyyə rəhbərliyi bu addımdan təəccüblənib və narazılıq ifadə edib. Bunun ardınca Ər-Riyad ABŞ-yə Şahzadə Sultan aviabazasından istifadə və Səudiyyə hava məkanından keçid icazəsini dayandırdığını bildirib.

Məlumata görə, Tramp və vəliəhd Məhəmməd bin Salman arasında telefon danışığı da məsələni həll etməyib və ABŞ tərəfi layihəni dayandırmaq qərarı verib. (Iranintl)

#ABŞ #Hörmüzboğazı #AzadlıqLayihəsi #SəudiyyəƏrəbistanı

🇦🇪 BƏƏ Hörmüz boğazında neft daşımalarını gizli şəkildə həyata keçirib 🌊🚢🛢️

Reuters agentliyi xəbər verib ki, BƏƏ Hörmüz boğazı ətrafında artan gərginlik fonunda xam neft ixracını davam etdirmək üçün bir neçə tanker vasitəsilə marşrut və izləmə sistemlərində dəyişiklik edib.

Məlumata görə, İran, ABŞ və İsrail arasında davam edən gərginlik dövründə ən azı dörd tanker aprel ayında BƏƏ-nin Yuxarı Zakum və Das yataqlarından təxminən 6 milyon barel xam neft daşıyıb.

Hesabatda bildirilir ki, bəzi gəmilər Avtomatik İdentifikasiya Sistemini (AIS) söndürərək hərəkət edib. Bu addımın məqsədinin İran qüvvələri tərəfindən izlənilmə riskini azaltmaq olduğu qeyd olunur.

Reuters əlavə edir ki, daşınan neftin bir hissəsi Hörmüz boğazından kənarda digər tankerlərə ötürülüb, bəzi yüklər isə Omanda yerləşən anbarlara boşaldılıb, daha sonra isə Asiya ölkələrindəki neft emalı zavodlarına göndərilib. (Iranintl)

#BƏƏ #Hörmüzboğazı #gizlineftdaşımaları

🇮🇷 İran və 🇵🇰 Pakistan XİN rəhbərləri telefon danışığı aparıb ☎️

Bu gün İranın xarici işlər naziri Abbas Əraqçı və pakistanlı həmkarı Məhəmməd İshaq Dar arasında telefon danışığı baş tutub.

Məlumata görə, tərəflər söhbət zamanı bölgədəki son prosesləri və mövcud gərginlikləri müzakirə ediblər.

Nazirlər bölgədə sabitliyin qorunmasının vacibliyini vurğulayaraq, gərginliyin artmasının qarşısının alınması üçün dialoq və diplomatiya yolunun davam etdirilməsinin önəmini qeyd ediblər.

Eyni zamanda, region ölkələri arasında konstruktiv əməkdaşlığın genişləndirilməsi məsələsi də müzakirə olunub.(Əraqçının “Telegram” kanalı)

گفتگوی تلفنی وزرای امور خارجه ایران و پاکستان

#İran #Pakistan #XİN #regionalgərginlik

Kanala abunə olun

🇺🇸 ABŞ-də 🇮🇷 İran müharibəsi ilə bağlı neft bazarında şübhəli əməliyyatlar araşdırılır🛢

ABC News-un məlumatına görə, ABŞ Ədliyyə Nazirliyi və Əmtəə Fyuçersləri Ticarət Komissiyası (CFTC) Tramp və İran rəsmilərinin müharibə ilə bağlı açıqlamalarından əvvəl baş verən şübhəli neft ticarəti əməliyyatlarını araşdırır.

Məlumata görə, treyderlər kritik siyasi hadisələrdən əvvəl neft qiymətlərinin düşəcəyinə ümumilikdə 2,6 milyard dollardan çox məbləğdə mövqe açıblar.

Araşdırmada qeyd edilən əsas epizodlar:
• 23 mart: Trampın İranla bağlı hərbi təhdidlərdə dəyişiklik edəcəyini açıqlamasından təxminən 15 dəqiqə əvvəl, neftin ucuzlaşacağına 500 milyon dollardan çox mərc edilib;
• 7 aprel: müvəqqəti atəşkəsdən bir neçə saat öncə 960 milyon dollar həcmində oxşar əməliyyatlar aparılıb;
• 17 aprel: Abbas Əraqçının Hörmüz boğazının açıq olduğunu bildirməsindən 20 dəqiqə əvvəl 760 milyon dollar dəyərində pul qoyulub;
• 21 aprel: Trampın atəşkəsi uzatmaq qərarından 15 dəqiqə əvvəl 430 milyon dollarlıq mərc qeydə alınıb.

🇴🇲 Oman Sultanı və 🇪🇬 Misir prezidenti 🇮🇷 İran-🇺🇸 ABŞ böhranının həlli yollarını müzakirə ediblər

Oman Sultanı və Misir prezidenti Əl-Bərəkə Sarayında keçirilən görüşdə regional prosesləri və böhranların həlli yollarını müzakirə ediblər.

Görüşdə tərəflər ABŞ-İran böhranında yekun razılığa gəlməyin yolları, regional məsələlər və onların siyasi, iqtisadi və təhlükəsizlik baxımdan nəticələri haqda fikir mübadiləsi aparıblar.

سلطان عمان و رئیس‌جمهور مصر درباره راهکارهای حل بحران ایران و آمریکا گفت‌وگو کردند

#Oman #Misir #İran #ABŞ #münaqişə #danışıqlar #razılıq #həllyolu

Kanala abunə olun

Körfəz Əməkdaşlıq Şurası 🇮🇷 İrana xəbərdarlıq etdi: "Biz 🇦🇪 BƏƏ-nin yanındayıq" 🗣

Körfəz Əməkdaşlıq Şurasının baş katibi İranın BƏƏ-yə qarşı mövqeyini və hücumlarını pisləyərək, Tehranı gərginliyi artırmaqda və bölgəni sabitsizləşdirməkdə günahlandırıb.

Çərşənbə axşamı İran Xarici İşlər Nazirliyinin bəyanatına və Birləşmiş Ərəb Əmirliklərinə son hücumlara cavab olaraq Körfəz Əməkdaşlıq Şurasının baş katibi Casim Əl-Bədəvi Tehranın mövqeyini "yalan və qəbuledilməz iddialar" adlandırıb.

O, bildirib ki, İslam Respublikası təkcə BƏƏ ərazisinə qarşı "təcavüzkar hücumlar" həyata keçirməyib, həm də "faktları təhrif etməyə" çalışmaqda davam edir.

Bu reaksiya İran Xarici İşlər Nazirliyinin BƏƏ-ni "düşmən ölkələrlə əlbir olmaqda" və xarici hərbi bazalara ev sahibliyi etməkdə günahlandırmasından sonra yaranıb.

Əl-Bədəvi açıqlamasında bu addımın İslam Respublikasının bölgədə gərginlik yaratmaq üçün davamlı yanaşmasının və Tehranın açıq şəkildə regional təhlükəsizliyi pozmağa doğru irəlilədiyinin göstəricisi olduğunu qeyd edib.

Körfəz Əməkdaşlıq Şurasının baş katibi şuranın altı üzv dövlətin hamısının BƏƏ-nin yanında olduğunu və onun təhlükəsizliyini və suverenliyini qorumaq üçün addımlarını dəstəklədiyini vurğulayıb.

#KörfəzƏməkdaşlıqŞurası #xəbərdarlıq #İran #hücum #BƏƏ

Kanala abunə olun

🛑 Güney Azərbaycanda mina partlayışı 21 yaşlı gəncin ölümünə səbəb oldu 💣😢

Saqqız şəhərində İran-İraq müharibəsindən qalan minanın parlaması nəticəsində 21 yaşlı Peyman Rəhmanpur həlak olub.

سقز؛ یک جوان ۲۱ ساله در پی انفجار مین جان‌باخت

#GüneyAzərbaycan #mina #partlayış #gənc #ölüm

Kanala abunə olun

🇮🇷 Pezeşkian enerjiyə qənaət etməyə çağırıb 🗣🔌⚡️

İran prezidenti deyib: "Biz artıq istehlakı idarə etməliyik.
Elə etməliyik ki, istehsalata elektrik enerjisi və qazın verilişini kəsməyək.

Başqa yerlərin enerjisini kəsmək lazım deyil, hər kəsin istifadə edə bilməsi üçün kəsintiyə ehtiyac yoxdur; hər kəs artıq lampaları söndürsün.

Əgər biz enerjini düzgün istehlak etsək, lazım olan bir çox enerjini və ya xidmətləri istehsalçılara verə bilərik və onlara maneə yaratmarıq".

پزشکیان: اگر مصرف اضافه را کنترل کنیم، انرژی مورد نیاز تولید تأمین می‌شود

#İran #Pezeşkian #çağırış #enerji #qənaət

Kanala abunə olun

🇮🇷 İranda edamlar davam edir 😱😢

Kermanşah əyalətinin Salase-Babacani şəhərində qətl törətməkdə ittiham olunan Məhəmmədtağı Şahveysi çərşənbə günü dar ağacından asılıb.

Onun dörd uşaq atası olduğu bildirilir. (Hengaw)

تصویری از محمدتقی شاه‌ویسی اهل ثلاث باباجانی که سحرگاه چهارشنبه ۱۶ اردیبهشت ١٤٠٥ به همراه سیروس رمضانی از بابت اتهام قتل در زندان مرکزی کرمانشاه (کرماشان) اعدام شد.

#İran #edam #qətl

Kanala abunə olun

🇮🇷 Bəqayi: "İran 🇵🇰 Pakistan vasitəsilə göndərilən təklifləri nəzərdən keçirir" 🗣

İran Xarici İşlər Nazirliyinin sözçüsü İsmayıl Bəqayi bildirib ki, ölkəsi hazırda Pakistan tərəfinin vasitəçiliyi ilə irəli sürülən təklifləri araşdırır.

Onun sözlərinə görə, Tehran hələlik yekun qərara gəlməyib və 🇺🇸 Amerika tərəfinin təklifinə cavab hələ hazır deyil.

اسماعیل بقایی، سخنگوی وزارت خارجه جمهوری اسلامی روز پنجشنبه ۱۷ اردیبهشت گفت: ایران در حال بررسی پیام‌های طرف آمریکایی با میانجیگری پاکستان است.

#İran #XİN #Bəqayi #Pakistan #vasitəçilik #təkliflər #ABŞ #danışıqlar

Kanala abunə olun

🇮🇷 İranın Bəndər Abbas şəhəri yaxınlığında partlayış səsləri eşidilib 💥

Rəsmi qurumlar hadisə ilə bağlı hələlik heç bir açıqlama verməyib.

Yerli sakinlərin məlumatına görə, Hormozqan əyalətinin Sirik bölgəsində çox güclü partlayış baş verib.

#İran #BəndərAbbas #partlayışsəsi

Kanala abunə olun

🇮🇷 İranda limana hücum edilib 🚀🔥

Bu haqda Fars News məlumat yayıb.

Məlumatda deyilir: "Bəndər Abbas limanında Fars xəbər ajansının araşdırmaları göstərir ki, İran silahlı qüvvələri ilə düşmən arasında baş verən atışma zamanı Qeşm adasındakı Bəhmən limanının ticarət bölmələri hədəfə alınıb".

بررسی‌های فارس در بندرعباس نشان می‌دهد در جریان تبادل آتش میان نیروهای مسلح ایران و دشمن بخش‌هایی تجاری اسکله بهمن قشم هدف قرار گرفته است.

#İran #BəndərAbbas #Qeşm #liman #hücum

Kanala abunə olun