🇺🇸 ABŞ-nin Hörmüz boğazına tətbiq etdiyi blokada qüvvədədir 🌊🚢❌

ABŞ Mərkəzi Komandanlığının (CENTCOM) məlumatına görə, son 24 saat ərzində 🇮🇷 İrana gedən və ya İrandan gələn heç bir gəmi ABŞ-nin tətbiq etdiyi dəniz blokadasını pozmayıb.

#ABŞ #İran #Hörmüzboğazı

Kanala abunə olun

🇵🇰 Pakistandakı danışıqlarda 🇮🇷 İran nümayəndə heyəti arasında fikir ayrılığı yaranıb 🤔

İslamabadda keçirilən danışıqların ilk mərhələsində İranın xarici işlər naziri Abbas Əraqçı, xüsusən də 🇱🇧 Livan Hizbullahına hərbi və maliyyə yardımının kəsilməsi məsələsində çeviklik nümayiş etdirib və bu da İran Ali Milli Təhlükəsizlik Şurasının katibi Məhəmməd Baqer Zulqədri qəzəbləndirib.

Bu xəbər Tehrana çatıb və Müctəba Xameneyinin ofisindən Tehrana qayıtmaq əmri gəlib.

Geniş yayılmış məlumatların əksinə olaraq, danışıqların dayandırılması təşəbbüsünü 🇺🇸 Amerika tərəfi deyil, İran nümayəndə heyəti irəli sürüb. (İranintl)

#İran #nümayəndəheyəti #İslamabad #Əraqçı #Zulqədr #fikirayrılığı

Kanala abunə olun

Reuters: "🇺🇸 Tramp hökuməti 🇮🇷 İran neftinə qarşı sanksiyalara 30 günlük güzəşt müddətini uzatmayacaq" 🛢

Tramp administrasiyasının iki rəsmisi çərşənbə axşamı Reuters agentliyinə bildirib ki, ABŞ İran neftinin tranzitinə (dənizdə) tətbiq edilən sanksiyalara qoyulan 30 günlük güzəştin bu həftənin sonlarında başa çatmasına icazə verəcək.
Bu addım ABŞ ordusunun İran limanlarına dəniz blokadası tətbiq etməsi ilə əlaqədardır.

Rəsmilərdən biri bildirib ki, bu addım "Xəzinədarlıq Nazirliyinin İrana qarşı tammiqyaslı "iqtisadi qəzəb" planını irəli sürdüyünü" göstərir.
Bu ifadə ABŞ-nin İslam Respublikasına qarşı apardığı hərbi kampaniya olan "Epik Qəzəb Əməliyyatına" istinad kimi görünür.

Xəzinədarlıq katibi Skott Besant ötən ay açıqlamışdı ki, nazirliyin 20 martda verdiyi güzəşt təxminən 140 milyon barel neftin qlobal bazarlara çatmasına imkan verir və bu da İran müharibəsi zamanı enerji təchizatına təzyiqi azaltmağa kömək edir.
Güzəştin müddəti aprelin 30-da başa çatacaq.

#ABŞ #İran #neft #sanksiya

🇮🇷 İran neft gəlirlərindən sənayeni yenidən qurmaq üçün istifadə edəcək 🛢💸

İranın neft naziri Mohsen Paknejad Reuters agentliyinə bildirib ki, davam edən hərbi münaqişəyə baxmayaraq, İranın neft ixracından gələn gəlirlər artıb.

O qeyd edib ki, hökumət gəlirlərin əhəmiyyətli bir hissəsini döyüşlərdən ciddi şəkildə zərər çəkmiş ölkənin sənaye sektorunun yenidən qurulmasına sərf etməyi planlaşdırır.

Nazir eləcə də qeyd edib ki, İran, 🇺🇸 ABŞ və 🇮🇱 İsrail arasındakı münaqişə zamanı neft sənayesi işçiləri bütün obyektlərin rahat işləməsini təmin edərək, əsas mərkəz olan Xarq adası da daxil olmaqla, neft ixracının kəsilməsinin qarşısını alıblar.

#İran #neftgəlirləri #sənaye

Kanala abunə olun

"The Washington Post": "🇺🇸 Tramp Hörmüz boğazındakı vəziyyəti dəyişir"

ABŞ-🇮🇷 İran qarşıdurması ilə bağlı vəziyyət son bir həftə ərzində əhəmiyyətli dərəcədə dəyişib.
Tramp sosial media platforması "TruthSocial"-da məqalə paylaşaraq Vaşinqtonun münaqişədə təşəbbüsü ələ aldığını iddia edib.

İslamabadda İran rəsmiləri ilə danışıqlar əsnasında ABŞ İran limanlarına gedən gəmilərin hərəkətini dayandırmaq üçün Fars körfəzinə hərbi gəmilər göndərib.
İran əvvəllər öz gəmiləri keçəekən Amerika və müttəfiq gəmilərinin keçidini məhdudlaşdırmışdı.👇👇👇

Qeyd edildiyi kimi, tətbiq edilən blokada, birbaşa quru müdaxiləsi olmadan İranın neft ixracının əsas mərkəzi olan Xarq adasının mümkün ələ keçirilməsi ilə müqayisə edilə bilən bir effekt əldə edir.
Bu, ölkə iqtisadiyyatına ciddi təsir göstərə və onu neft gəlirlərinin əhəmiyyətli bir hissəsindən məhrum edə bilər.

Əlavə təzyiq amili enerji təchizatının əhəmiyyətli bir hissəsi Hörmüz boğazından keçən 🇨🇳 Çinə təsir ola bilər.

İranın enerji ixracının məhdudlaşdırılması Pekini Tehrana diplomatik təzyiqə cəlb edə bilər.

Eyni zamanda, ABŞ gəmiləri müşayiət etmək üçün beynəlxalq missiyanın növbəti mərhələsini hazırlayır.

Plan suları minalardan təmizləmək və kommersiya gəmiçiliyi üçün təhlükəsiz dəhliz yaratmaqdır. Əgər İran boğazı bütün ölkələr üçün açmaqdan imtina edərsə, Vaşinqton naviqasiyanı təmin etmək üçün güc tətbiq etməyi düşünə bilər.

Bu ssenaridə, əksinə, İran gəmilərinin boğaza girişi məhdudlaşdırıla bilər ki, bu da ölkə üçün əhəmiyyətli iqtisadi itkilərə səbəb olardı.

ABŞ hərbi qiymətləndirmələrinə görə, İranın hərbi infrastrukturunun əsas elementləri, o cümlədən hava hücumundan müdafiə sistemləri, raket qurğuları və dəniz qüvvələri münaqişə zamanı ciddi şəkildə zəifləyib. ABŞ Mərkəzi Komandanlığının rəsmiləri vəziyyəti ölkənin hərbi potensialının kütləvi şəkildə zəifləməsi kimi təsvir edirlər.

Hadisələrin sonrakı inkişafı atəşkəsin nəticəsindən və tərəflərin onun uzadılması və ya ləğvi ilə bağlı qərarlarından asılı olacaq.

The Washington Times: "Hörmüz boğazı ətrafındakı gərginlik 🇦🇿 Azərbaycan və 🇰🇿 Qazaxıstana marağı artırır"

“The Washington Times” qəzeti yazır ki, 🇮🇷 İranın son həftələrdə Hörmüz boğazında gəmiçiliyin hərəkətini pozmaq üçün təhdidləri və addımları qlobal bazarları qeyri-sabitləşdirib, neft qiymətlərinin artmasına səbəb olub və region ölkələrini təcili olaraq alternativ təchizat yolları axtarmağa məcbur edib.

Bu şəraitdə alternativ enerji mənbələrinin və nəqliyyat marşrutlarının inkişafı xüsusilə aktualdır. 👇👇👇

Nəşr qeyd edir ki, bu kontekstdə Xəzər dənizi mərkəzi mövqe tutur.
Qeyd olunur ki, qlobal istehsalın nisbətən kiçik payına - neftin 2-3%-i və qazın 8-9%-i - baxmayaraq, region əhəmiyyətli potensiala malikdir.
Qazaxıstan və Azərbaycan birgə gündə 2 milyon bareldən çox neft hasil edir və müvafiq təşviqlərlə Qərb bazarlarına tədarükü artıra bilərlər.

Şərqi Asiyanı Mərkəzi Asiya, Xəzər regionu və Cənubi Qafqaz vasitəsilə 🇪🇺 Avropa ilə birləşdirən nəqliyyat marşrutu olan Orta Dəhliz əsas infrastruktur elementi hesab olunur.
O, 🇷🇺 Rusiyadan keçən şimal marşrutlarına və Hörmüz boğazı da daxil olmaqla, maneələrə qarşı həssas olan cənub marşrutlarına alternativ kimi yerləşdirilib.

Əlavə bir amil İran və Azərbaycan arasında gərginliyin artmasıdır.
Müharibə zamanı Azərbaycanın Naxçıvan bölgəsinə İran dronları hücum edib.
Bu fonda məqalənin müəllifi Bakı ilə Qərb arasında daha da yaxınlaşma ehtimalına işarə edir.
Bildirilir ki, 🇺🇸 ABŞ artıq ikitərəfli münasibətlərdə uzun müddətdir gərginlik mənbəyi olan "köhnəlmiş" 907-ci maddənin ləğvini müzakirə edir.

Tramp administrasiyası yeni strateji tərəfdaşlıq müqavilələri və Tramp Marşrut Təşəbbüsü (TRIPP) kimi logistika layihələri vasitəsilə Azərbaycanla münasibətləri dərinləşdirməyə çalışdığı üçün bu düzəlişin ləğvi məntiqli görünür.

🇮🇷 İran daha 4 etirazçını edam edəcək 😱😢

Tehranın İnqilab Məhkəməsinin 26-cı bölməsi yanvar etirazlarında saxlanılan 4 nəfər barəsində edam qərarı çıxarıb.

Bu haqda "Mizan" saytı məlumat yayıb.

Məhəmmədrza Məcidi Əsl, Bita Hemməti, Behruz Zamaninejad və Kuruş Zamaninejad adlı məhbuslar "düşmən dövlətlərin xeyrinə fəaliyyət", "milli təhlükəsizliyə qarşı toplaşmaq" və "ictimai əmlakı dağıtmaq"da günahlandırılıblar.
Bununla yanaşı onların edamdan əvvəl 5 il həbsdə qalmaları və əmlaklarının müsadirə edilməsi barədə də hökm çıxarılıb.

#İran #edam #ittiham

🇮🇷 İranda çörək qıtlığı yaranıb 🍞

İranın müxtəlif əyalətlərində un çatışmazlığı səbəbindən çörək sexlərinin fəaliyyətində məhdudiyyətlər yaranıb.

Məlumata görə, bu, alıcılarla çörək sexləri işçiləri və müdiriyyəti arasında çoxsaylı qarşıdurmalara səbəb olub.

"Çörək sexlərinə unun nəzərdə tutulan miqdarda verilməməsi və qara bazarda un qymətinin kəskin bahalaşması sexlərin istehsal gücünün əhəmiyyətli dərəcədə azalması ilə nəticələnib",- yerli mənbələr bildiriblər.

Rəsmilər isə məsələ ilə bağlı "un ehtiyatı yaxşı vəziyyətdədir" cavabı ilə kifayətləniblər.

#İran #un #çörək #qıtlıq

🇮🇷 İran küçələrində postlar qurulub 🚓👮‍♀

Məlumatlara görə, İran küçələri nəzarət məntəqələrinə çevrilib və şəhərlər SEPAH-ın silahlı dəstələri və onların zabitləri tərəfindən işğal edilib.

Vətəndaşlar bu qüvvələrin təhqiramiz və qorxuducu davranışlarından şikayət edirlər.

تبدیل خیابان‌های ایران به مراکز ایست بازرسی و پایگاه نیروهای نیابتی سپاه پاسداران

#İran #SEPAH #küçələr #post

Kanala abunə olun

🇮🇱 "Mossad" şefi: "🇮🇷 İrandakı missiyamız rejim devrilənə qədər davam edəcək" 🗣

İsrail İranda mühüm nailiyyətlər əldə edib, amma iş bitməyib.

“Ynet”in xəbərinə görə, bunu İsrailin xarici kəşfiyyat xidməti — “Mossad”ın direktoru David Barnea deyib.
Onun sözlərinə görə, 40 günlük intensiv döyüşlər əhəmiyyətli nailiyyətlərlə nəticələnib.

David Barnea bildirib ki, onların arasında ən mühümü İranın əsas hədəfinə, yəni İsrail dövlətinin məhvi ilə bağlı hədəfinə zərbə vurulub: “Buna baxmayaraq, bizim missiyamız tamamlanmayıb.
Biz heç vaxt düşünməmişdik ki, döyüş səngiyəndən sonra missiyamız bitəcək. Biz kampaniyamızı zərbələrdən sonrakı dövr üçün də planlaşdırmışıq”.

O, “Mossad”ın öz tapşırığının yalnız İrandakı “ekstremist rejim” dəyişdikdə yerinə yetiriləcəyini vurğulayıb.

#İsrail #Mossad #İran #rejim

Kanala abunə olun

🇺🇸 CENTCOM: 🇮🇷 İran limanlarının dəniz blokadası tam şəkildə həyata keçirilir 🌊🚢❌

ABŞ Mərkəzi Komandanlığının (CENTCOM) komandanı admiral Bred Kuper İran limanlarına qarşı tətbiq edilən dəniz blokadasının tam şəkildə icra olunduğunu açıqlayıb.

Kuper bildirib ki, ABŞ qüvvələri Yaxın Şərqdə dəniz üstünlüyünü qoruyur və blokada regionda İran İslam Respublikasına təzyiqi artırmaq səylərinin bir hissəsidir.

Admiralın sözlərinə görə, İran iqtisadiyyatının təxminən 90 faizi dəniz ticarətindən asılıdır və blokadanın tətbiqindən sonra 36 saatdan az müddətdə ölkə daxilində və xaricində dəniz iqtisadi mübadilələri dayanıb. (Independent Persian)

#ABŞ #CENTCOM #İran #liman #dənizblokadası

Kanala abunə olun

Tramp: “🇺🇸 ABŞ-🇮🇷 İran müharibəsi sona yaxınlaşır” 🤔

Dünən ABŞ prezidenti Donald Tramp Fox Business telekanalına verdiyi müsahibədə ABŞ-İran müharibəsinin “sona yaxınlaşdığını” bildirib.

Aparıcı Maria Bartiromonun müharibənin bitib-bitmədiyi barədə sualına cavab verən Tramp, “Düşünürəm ki, bitməyə yaxındır. Mən bunu bitməyə çox yaxın hesab edirəm”, – deyə qeyd edib.

Tramp eyni zamanda ABŞ-nin hələ bütün məqsədlərinə çatmadığını vurğulayaraq, “Biz hələ işimizi bitirməmişik. Görək nə olacaq”, – ifadəsini işlədib.

ABŞ lideri əlavə edib ki, İran tərəfi “çox pis bir razılaşma əldə etmək istəyə bilər” və vəziyyətin necə inkişaf edəcəyinin yaxın günlərdə aydınlaşacağını bildirib.

#ABŞ #Tramp #İran #müharibə

Kanala abunə olun