🇱🇧 Hizbullahın baş katibi: "🇮🇱 İsrail 27 noyabr 2024-cü il tarixli müqavilənin bir bəndini də yerinə yetirmədiyi müddətdə 15 ay dözdük, amma gözlədik"

Nəim Qaesm deyib: "Diplomatiya bir addım belə irəliləmədi və İsrailin təcavüz tempi 🇺🇸 ABŞ-nin tam dəstəyi ilə davam etdirildi.

İsrail işğalçılarının məqsədləri aydındır və bu, Livandakı istənilən gücü məhv etməkdir". (IRIB News)

دبیرکل حزب الله لبنان: ۱۵ ماه تحمل کردیم در حالی که «اسرائیل» حتی یک بند از توافق ۲۷ نوامبر ۲۰۲۴ را اجرا نکرد، با این حال ما صبر کردیم

#Hizbullah #NəimQasem #İsrail #ABŞ

Kanala abunə olun

🇺🇸 ABŞ rəsmiləri 🇮🇷 İranla mümkün görüş üçün plan hazırlayırlar

ABŞ rəsmisi CNN-ə bildirib ki, vəzifəlilər İranla görüş üçün mümkün tarix və məkanları nəzərdən keçirirlər, baxmayaraq ki, belə bir görüşün baş tutacağı hələ dəqiq deyil.

Məlumatlı mənbənin iddiasına görə, əgər yaxın günlərdə İran və regiondakı vasitəçilərlə davam edən danışıqlarda irəliləyiş olsa, bu araşdırmalar davam edəcək.
Lakin danışıqlar hələ ilkin mərhələdədir.

“Əgər vəziyyət görüşün keçirilməsinə doğru inkişaf etsə, biz bunun üçün sürətlə hazırlıq görməyə hazır olmalıyıq",- deyə mənbə vurğulayıb.

#ABŞ #İran #danışıqlar #araşdırma

Kanala abunə olun

🇮🇷 Əraqçı 🇺🇸 Trampı yalan danışmaqda ittiham etdi 🗣

İranın xarici işlər naziri Abbas Əraqçı sosial media hesabında yazıb: "Prezident Tramp özü özünü təkzib edir.
Bir tərəfdən deyir İran donanması məhv edilib, digər tərəfdən deyir ki, bizim gəmiləri vursanız pis olacaq.
Donanma yoxdursa niyə narahatsınız.
Cənab Tramp, xahiş edirik bizə dəqiq məlumat verin, donanma məhv edilib ya yox?"

#İran #Əraqçı #ABŞ #Tramp

Kanala abunə olun

🇪🇺 Ursula fon der Leyen: "🇺🇸 ABŞ-🇮🇷 İran münaqişəsinin 44 günü ərzində Aİ-nin enerji xərcləri 22 milyard avro artıb"

Avropa Komissiyasının prezidenti deyib: "Hörmüz boğazının blokadası iqtisadiyyata ciddi ziyan vurur.

Xərclərdəki bu artıma baxmayaraq, idxalın fiziki həcmi "bir molekul belə artmayıb".

Avropa Komissiyası aprelin 23-də keçiriləcək zirvə toplantısında Yaxın Şərqdəki vəziyyətlə əlaqədar olaraq Aİ-nin neft ehtiyatlarından istifadə etməyi təklif etmək niyyətindədir".

#Avropa #iqtisadiyyat #enerjixərcləri #ABŞ #İran

🇮🇷 İranda inflyasiya 180%-ə yaxınlaşır

İran Mərkəzi Bank Pezeşkiana iqtisadi tənəzzül barədə məlumat verib.

“Iran International” agentliyinin aldığı məlumatlar göstərir ki, İslam Respublikası Mərkəzi Bankının rəsmiləri hökuməti mövcud vəziyyətin davam edəcəyi təqdirdə inflyasiya səviyyəsinin 180 faizə çatacağı və ölkədə işsizlik səviyyəsinə iki milyon nəfərin əlavə olunacağı barədə xəbərdar ediblər.

Mərkəzi Bank hökumətə ölkənin müharibədən sonrakı iqtisadi vəziyyətinin "çox ağır" olduğunu və "şərait normallaşsa belə", İranda iqtisadiyyatın yenidən qurulmasının 12 il çəkəcəyini bildirib.

Məlumatlı mənbələr bildirib ki, İran Mərkəzi Bankının sədri Əbdünnaser Hemməti  prezident Məsud Pezeşkiana ölkənin iqtisadi vəziyyətini yaxşılaşdırmaq üçün ABŞ ilə razılığa gəlməyin və internet məhdudiyyətlərini aradan qaldırmağın vacibliyini çatdırıb.

#İran #inflyasiya #işsizlik

Kanala abunə olun

🇺🇸 ABŞ 🇮🇷 İrandan uranın zənginləşdirilməsini 20 il müddətinə dondurmasını istəyib ☢❌

Bu barədə mənbələrə istinadən "Axios" portalı məlumat yayıb.

Tehran buna əks-təşəbbüslə cavab verib və uranın zənginləşdirilməsinin 10 ildən az müddətə dondurulmasını təklif edib..

#ABŞ #İran #uranzənginləşdirmə

Kanala abunə olun

Gərgin 🇵🇰 İslamabad danışıqlarından sonra 🇺🇸 ABŞ və 🇮🇷 İran dialoqa açıqdırlar 🤔

İslamabadda yuxusuz və gərgin bir gecədən sonra İran və ABŞ rəsmiləri onilliklər ərzində ən yüksək səviyyəli danışıqları heç bir irəliləyiş olmadan başa vurdular, lakin danışıqlarla tanış olan 11 mənbə dialoqun hələ də davam etdiyini bildirib.

Bazar ertəsi günü ABŞ prezidenti Donald Tramp İranın "bu səhər zəng etdiyini" və "razılaşma əldə etmək istədiklərini" söyləyib.

Reuters agentliyi iddianı dərhal təsdiqləyə bilməyib.

Trampın şərhinə istinad edən ABŞ rəsmisi, ABŞ ilə İran arasında davamlı əlaqələrin olduğunu və razılığa gəlmək üçün irəliləyişin olduğunu bildirib.

Ağ Evin sözçüsü Olivia Uels şərh istənildikdə, ABŞ-nin mövqeyinin İslamabad görüşündə heç vaxt dəyişmədiyini deyib.

"İran heç vaxt nüvə silahına sahib ola bilməz və Prezident Trampın danışıqlar qrupu bu qırmızı xəttə və bir çox digər məsələlərə sadiq qaldı.
Razılaşma istiqamətində əlaqələr davam edir", - deyə o əlavə edib.

🇫🇷🇺🇸🇮🇷 Fransa Hörmüz boğazında çoxmillətli müdafiə qüvvələrinin yerləşdiriləcəyini açıqladı

Fransa prezidenti Emmanuel Makron ölkəsinin 🇬🇧 Böyük Britaniya ilə birlikdə Hörmüz boğazında çoxmillətli dəniz müdafiə qüvvələrinə rəhbərlik edəcəyini bildirib.

Makron "X" hesabında bu haqda yazıb: "Hörmüz boğazında, yaxın günlərdə, Birləşmiş Krallıqla birlikdə, boğazda naviqasiya azadlığını bərpa etməyə yönəlmiş dinc çoxmillətli missiyada bizə qoşulmağa hazır olan ölkələrlə konfrans keçirəcəyik.

Münaqişədə iştirak edən tərəflərdən ayrı olan bu sırf müdafiə missiyası şərtlər hazır olan kimi yerləşdirilməlidir."

#Fransa #Hörmüzboğazı #missiya

🇮🇷 İranda "Starlink" terminallarından istifadə edən 10 nəfər həbs edilib 🌐

İranda "Starlink" peyk interneti terminallarından istifadə etdiyinə görə on nəfər hüquq-mühafizə orqanları tərəfindən saxlanılıb.

Qeyd olunur ki, İslam Respublikasında "Starlink" avadanlıqları təhlükəli mallar kateqoriyasına daxil edilib və bu cihazların sahibləri mövcud qanunvericiliyə uyğun olaraq sərt şəkildə cəzalandırılacaqlar. (Defapress.ir)

#İran #Starlink #həbs

Kanala abunə olun

WSJ: 🇸🇦 Səudiyyə 🇺🇸 ABŞ-dən Hörmüz blokadasını ləğv etməyi istəyir 🌊

The Wall Street Journal qəzetinin məlumatına görə, Səudiyyə Ərəbistanı ABŞ-dən Hörmüz boğazına tətbiq etdiyi blokadanı ləğv etməyi və danışıqlar masasına qayıtmağı istəyir.

Ərəb rəsmilərinin bildirdiyinə görə, Ər-Riyad Donald Trampın keçidi bağlamaq qərarının İranı gərginliyi daha da artırmağa vadar edəcəyindən narahatdır. Xüsusilə İranın cavab olaraq Bab əl-Məndəb boğazı kimi digər strateji marşrutlarda da təhlükəsizliyi pozacağı ehtimalı qeyd olunur.

Hesabatda vurğulanır ki, Qırmızı dənizdə yerləşən Bab əl-Məndəb boğazı Səudiyyə Ərəbistanının neft ixracı və Asiya ilə Avropa arasında ticarət üçün əsas marşrutlardan biri hesab olunur. Səudiyyə rəsmiləri həmin keçidin təhlükəsizliyinin pozulacağı halda ölkənin neft ixracının mühüm hissəsinin risk altına düşəcəyini bildirib. (Independent Persian)

#SəudiyyəƏrəbistanı #ABŞ #İran #Hörmüzboğazı

Kanala abunə olun

🇮🇷 İran ərəb ölkələrindən təzminat tələb edir 💸

İranın BMT-dəki səfiri Əmir Səid İrəvani təşkilatın baş katibi Antonio Quterreşə ünvanladığı məktubda Bəhreyn, Səudiyyə Ərəbistanı, Qətər, BƏƏ və İordaniyanın müharibə zamanı İrana dəyən ziyana görə kompensasiya ödəməli olduqlarını bildirib.

Məktubda qeyd olunur ki, sözügedən beş ölkə öz ərazilərinin İrana hücum üçün istifadəsinə icazə verməyə son qoymalıdır. İran səfiri onların “qanunsuz addımları” ilə İrana qarşı beynəlxalq öhdəliklərini pozduğunu və buna görə beynəlxalq məsuliyyət daşıdıqlarını vurğulayıb.

İrəvani məktubda bildirib ki, bu ölkələr İrana dəyən bütün maddi və mənəvi ziyana görə təzminat ödəməlidir.

Eyni zamanda qeyd olunub ki, İran Təhlükəsizlik Şurasına ABŞ və İsrailin İrana hücum etmək üçün adıçəkilən dövlətlərin ərazilərindən istifadə etdiyini göstərən dəlillər təqdim edib. (BBC)

#İran #ərəbölkələri #BMT #müharibə #təzminat

Reuters: 🇺🇸 ABŞ blokadasına baxmayaraq 🇨🇳 Çin tankeri Hörmüzdən keçib 🌊🚢

ABŞ tərəfindən Hörmüz boğazında blokada elan edildikdən sonra ilk dəfə olaraq sanksiyaya məruz qalmış Çin tankeri bu ərazidən keçib.

Reuters agentliyinin qlobal LSEG məlumatlarına istinadən yaydığı xəbərə görə, ABŞ sanksiyalarına məruz qalan Çin neft-kimya tankeri “Rich Starry” blokadaya baxmayaraq Hörmüz boğazını keçərək yoluna davam edib.

Qeyd olunur ki, bu, blokadanın tətbiqindən sonra həmin marşrut üzrə qeydə alınan ilk keçiddir.

“Rich Starry” tankeri Shanghai Xuanrun Shipping Co Ltd şirkətinə məxsusdur və təxminən 250 min barel metanol daşıyır. Yükün BƏƏ-dəki limanlardan birində gəmiyə yükləndiyi bildirilir.

#ABŞ #Çin #Hörmüzboğazı #tanker

Kanala abunə olun

🇨🇭İsveçrə 🇺🇸 ABŞ və 🇮🇷 İran arasında vasitəçi olmağa hazırdır

Bu gün İsveçrə Xarici İşlər Nazirliyi İran və ABŞ arasında vasitəçi rolunu oynamağa hazır olduğunu bəyan edib.

Nazirliyin açıqlamasında qeyd olunur ki, Tehran və Vaşinqton arasında birbaşa diplomatik əlaqələrin olmaması fonunda İsveçrə ənənəvi vasitəçilik roluna əsaslanaraq tərəflər arasında dialoqu asanlaşdırmağa hazırdır.

İsveçrə XİN vurğulayıb ki, ölkə uzun illərdir diplomatik vasitəçilik missiyasını həyata keçirir və mövcud gərginliyin azaldılması üçün tərəflər arasında ünsiyyət kanalının açıq saxlanılmasını vacib hesab edir. (ISNA)

#İsveçrə #XİN #İran #ABŞ #danışıqlar #vasitəçilik

Kanala abunə olun

🇮🇷 İran 🇺🇸 ABŞ və 🇮🇱 İsraildən tələb etdiyi təzminatı açıqladı 🗣 💸

Dünən İran ABŞ və İsrailin həyata keçirdiyi hücumlar nəticəsində ölkəyə dəymiş ziyanın ilkin olaraq təxminən 270 milyard dollar tğşkil etdiyini açıqlayıb.

Bununla bağlı, İran hökumətinin sözçüsü Fatimə Mühacirani “RİA Novosti”yə müsahibəsində danışıb.

Onun sözlərinə görə, müharibə dövründə müxtəlif bölgələrdə baş verən hücumlar nəticəsində infrastruktur, sənaye obyektləri və mülki yaşayış sahələri ciddi zərər görüb. Hazırda aidiyyəti qurumlar ziyanın dəqiq hesablanması üçün araşdırmaları davam etdirir.

Xanım Mühacirani bildirib ki, ilkin dəyərləndirmələrə əsasən ümumi təzminat məbləği 270 milyard dollar civarındadır və yekun rəqəm sonradan dəqiqləşdiriləcək.

O, əlavə edib ki, İran rəsmiləri, o cümlədən prezident Məsud Pezeşkian müxtəlif çıxışlarında zərərin kompensasiyası məsələsini əsas tələblərdən biri kimi gündəmə gətirib.

#İran #ABŞ #İsrail #müharibə #təzminat

Kanala abunə olun

🇺🇸 ABŞ Yaxın Şərqə hərbi daşımaları davam etdirir ✈️

ABŞ və 🇮🇷 İran arasında aparılan danışıqların nəticəsiz qalmasından sonra Vaşinqtonun Yaxın Şərqə hərbi daşımaları davam etdirdiyi bildirilir.

Bu barədə “FlightRadar24” platformasının yaydığı məlumatda qeyd olunub.

Məlumata görə, ABŞ-yə məxsus hərbi nəqliyyat təyyarələri son günlər region istiqamətində ardıcıl uçuşlar həyata keçirir və müxtəlif istiqamətlərə hərbi yüklər daşınır.

#ABŞ #İran #YaxınŞərq #gərginlik

Kanala abunə olun

🇮🇷 İranda dəmir yolu xidməti bərpa olunub 🛤️🚉

İran ABŞ-İsrail hücumları nəticəsində yaranan fasilələrdən sonra Tehran, Təbriz və Məşhəd arasında dəmir yolu xidmətini bərpa edib.

Məlumata görə, dörd-beş günlük fasilədən sonra qatarların hərəkəti bərpa edilib. Tehran-Təbriz-Van qatarı da relslərlə Türkiyəyə yola düşüb. (Khabarfoori)

بازگشت قطارهای تبریز به ریل پس از بازسازی بخش‌های آسیب‌دیده در حمله اسرائیل

#İran #Təbriz #Tehran #Məşhəd #Türkiyə #dəmiryolu

Kanala abunə olun

🛑 YENİLƏNİB

🇨🇳 Çin tankeri 🇺🇸 ABŞ blokadasına baxmayaraq Hörmüz boğazını keçib 🌊🚢

ABŞ-nin Hörmüz boğazında tətbiq etdiyi “blokada” fonunda Çin şirkətinə məxsus “Rich Stary” adlı neft-kimya tankeri bu gün boğazdan maneəsiz şəkildə keçib.

Məlumata görə, tanker ABŞ-nin tətbiq etdiyi məhdudiyyətlərə baxmayaraq marşrutunu dəyişmədən hərəkətini davam etdirib.

Hadisə Hörmüz boğazında gərginliyin artdığı bir vaxtda diqqət çəkir və blokadanın real tətbiq imkanları ilə bağlı suallar doğurur.

#ABŞ #Çin #Hörmüzboğazı #blokada #tanker

Kanala abunə olun

🇮🇷 İran millət vəkili: 🇺🇸 ABŞ ilə müvəqqəti atəşkəsin müddəti uzadıla bilməz

Bu gün İran parlamentinin Milli Təhlükəsizlik Komissiyasının sözçüsü İbrahim Rzayi ABŞ ilə mövcud müvəqqəti atəşkəs barədə sərt açıqlama verib.

O, “X” hesabındakı paylaşımında bildirib ki, atəşkəsin müddətinin bitməsi onun avtomatik şəkildə uzadılmasına səbəb olmamalıdır.

“(ABŞ ilə) atəşkəsin bitməsi onun müddətinin uzadılmasına səbəb olmamalıdır. Onlar ya İranın hüquqlarını, o cümlədən Hörmüz boğazı üzərində nəzarətimizi tanımalı, ya da müharibəyə qayıtmalıdırlar”, – deyə Rzayi qeyd edib.

Deputat əlavə edib ki, Tehran Vaşinqtonun mövcud fasilədən yeni hərbi addımlar üçün istifadə etməsinə və ya yenidən silahlanmasına imkan verməyəcək.

#İran #millətvəkili #ABŞ #danışıqlar #atəşkəs

Kanala abunə olun