🇺🇸 ABŞ 🇮🇷 Tehranda Şərif Texnologiya Universitetinə aviazərbə endirib 🎓🚀💥

دقایقی قبل، حمله هوایی آمریکا به دانشگاه صنعتی شریف در تهران

#İran #TexnologiyaUniversiteti #ABŞ #hücum

Kanala abunə oıun

🇮🇷 İranın yeni ali liderinin süni intellektlə hazırlanmış görüntüləri paylaşıldı 👳‍♂️👨‍💻

Müctəba Xameneyinin İranın “üçüncü ali lideri” kimi təqdim edilməsindən bir ay keçməsinə baxmayaraq, onunla bağlı yayılan vizual materiallar hələ də yalnız süni intellekt tərəfindən hazırlanmış görüntülərlə məhdudlaşır.

Məlumata görə, bu müddət ərzində Müctəba Xameneyinin yeni səs yazısı və ya real video görüntüsü ictimaiyyətə təqdim edilməyib.

Son olaraq hökumətə yaxın hesab olunan şəxslər və media resursları Xameneyinin süni intellekt vasitəsilə yaradılmış yeni videosunu yayıblar.

Yayılan videoda Xameneyi guya “müharibə otağında” təsvir olunur. Kadrlarda onun İsraildə yerləşən Dimona nüvə obyektinin xəritəsi fonunda göründüyü diqqət çəkir. (Independent Persian)

#İran #MüctəbaXameneyi #alilider #süniintellekt

Kanala abunə olun

🇺🇸 ABŞ pilotlarının gizli xilasetmə sistemi: CSEL necə işləyir? 👨‍✈️📞

ABŞ Hərbi Hava Qüvvələrinin pilotları fövqəladə vəziyyətlərdə əlaqə yaratmaq üçün CSEL adlı xüsusi rabitə sistemindən istifadə edir.

“Boeing” şirkəti tərəfindən hazırlanmış bu cihaz pilotun jiletinə bərkidilən kiçik və möhkəm qurğu kimi dizayn olunub. Pilot katapult etdikdən sonra da cihaz üzərində qalır və avtomatik şəkildə işə düşür.

Məlumata görə, CSEL sistemi adi radio rabitəsindən fərqli olaraq səsli danışıq əvəzinə qısa və şifrələnmiş siqnallar göndərir. Qurğu pilotun yerini, vəziyyətini və “yaralıyam” və ya “düşmən yaxınlıqdadır” kimi mesajları dəyişən tezlikli siqnallar vasitəsilə ötürür.

Sistemin əsas üstünlüyü səsli rabitənin olmaması və asan izlənilə bilən sabit siqnal yaymamasıdır. Bu da pilotun düşmən tərəfindən aşkarlanma riskini azaldır.

#ABŞ #pilot #xilasetməsistemi #CSEL

WSJ: "🇺🇸 ABŞ-🇮🇷 İran atəşkəsi üçün vasitəçilik dalana dirənib"

ABŞ və İran arasında atəşkəs əldə olunması üçün aparılan diplomatik vasitəçilik səyləri nəticəsiz qalıb.

“The Wall Street Journal” qəzetinin yazdığına görə, Pakistanın başda olmaqla bir sıra regional ölkələrin ABŞ və İran arasında müvəqqəti atəşkəs razılaşması yaratmaq məqsədi ilə apardığı danışıqlar dalana dirənib. İran tərəfi ABŞ-nin irəli sürdüyü şərtləri qəbul etməyəcəyini bildirib.

Nəşrin məlumatına əsasən, Türkiyə, Misir və Pakistan rəsmiləri İranı müharibənin dayandırılması və ya müvəqqəti atəşkəs üçün ABŞ ilə danışıqlara başlamağa razı salmağa çalışırlar. Ancaq bu cəhdlər hələlik konkret nəticə verməyib.

Qəzet qeyd edir ki, İran rəsmiləri mövqelərindən geri çəkilmək niyyətində deyil və müvəqqəti atəşkəs qarşılığında Hörmüz boğazının açılması təklifini də rədd ediblər. (Deutsche Welle)

#ABŞ #İran #atəşkəs #vasitəçilik

Kanala abunə olun

AEBA: 🇮🇷 İranın uran ehtiyatının əsas hissəsi İsfahandadır ☢️

Atom Enerjisi üzrə Beynəlxalq Agentliyin (AEBA) baş direktoru Rafael Qrossi “Frontline PBS” proqramına müsahibəsində İranın uran zənginləşdirmə fəaliyyətləri və mövcud ehtiyatları ilə bağlı diqqətçəkən açıqlamalar verib.

Qrossi bildirib ki, İranın zənginləşdirilmiş uran ehtiyatı o qədər böyükdür ki, hətta onun bir hissəsi başqa yerə köçürülsə belə, yenə də bir neçə nüvə döyüş başlığı hazırlamaq üçün kifayət edə bilər.

AEBA rəhbərinin sözlərinə görə, İranın zənginləşdirilmiş uran ehtiyatının böyük hissəsi İsfahan şəhərində saxlanılır. O əlavə edib ki, bu ehtiyatın bir hissəsi isə Natənz nüvə obyektində yerləşir.

Qrossi uranın zənginləşdirmə səviyyəsinə toxunaraq bildirib ki, İranın ehtiyatının “70 faizdən çox olması mümkündür, ancaq bəlkə də bir qədər azdır”. O, vurğulayıb ki, İranın çox böyük miqdarda zənginləşdirilmiş uran ehtiyatı var və bu ehtiyat “hərbi dərəcəyə çox yaxın” səviyyədə dəyərləndirilir.

#AEBA #Qrossi #İran #uran #nüvə

Taczadə: “🇮🇷 İranı Daş dövrünə qaytarmaq 🇺🇸 ABŞ-nin uğuru sayılmır” ❗️

İranın keçmiş daxili işlər nazirinin müavini və hazırda siyasi məhbus olan islahatçı Mustafa Taczadə ABŞ prezidenti Donald Trampa məktub ünvanlayaraq, Vaşinqtonun İrana qarşı hərbi əməliyyatlarını tənqid edib.

Evin həbsxanasında saxlanılan Taczadə məktubunda ABŞ-nin İranla danışıqların davam etdiyi bir vaxtda hücum əmri verməsini sual altına qoyub və bu addımı “müharibəni alovlandıran qərar” kimi dəyərləndirib.

Taczadə bildirib ki, İran xalqı istənilən şəraitdə ölkənin suverenliyini müdafiə edəcək. Onun sözlərinə görə, İranı “Daş dövrünə” qaytarmaq cəhdi Amerikanın müharibədə uğur qazandığını göstərmir.

Siyasi məhbus məktubunda İran hakimiyyətinə də çağırış edib. Taczadə əlavə edib ki, İran xalqının əksəriyyətinin demokratik tələblərinin qəbul edilməsi və nüvə fəaliyyəti ilə bağlı beynəlxalq narahatlıqların aradan qaldırılması “şərəfli razılaşma” üçün yol aça bilər. (Asr Iran)

#İran #siyasiməhbus #ABŞ #müharibə #tənqid

🇺🇸 ABŞ-🇮🇱 İsrail hücumları nəticəsində 🇮🇷 SEPAH ağır itkilər verdi

ABŞ-İsrail qüvvələrinin Ərdəbil əyalətinə hücumları nəticəsində SEPAH-ın 5 zabiti öldürülüb, daha bir nəfər isə yaralanıb.

Bununla bağlı, SEPAH-ın Ərdəbil əyaləti üzrə ictimaiyyətlə əlaqələr bölməsi məlumat yayıb. Açıqlamada bildirilir ki, hücumlar Muğan düzündə yerləşən Germi və Parsabad bölgələrində qeydə alınıb.

Məlumata əsasən, ölənlərin adları belə açıqlanıb: SEPAH zabitləri Abbas Əşrəfi, Əli Məliki, Hadi Babayi və Omid Şahinfər, habelə, çağırışçı əsgər Seyid Mehdi Fatehi. (Snn.ir)

#ABŞ #İsrail #İran #SEPAH #zabitlər

Kanala abunə olun