🇹🇷 Türkiyədən xəbərdarlıq: “🇮🇷 İranda etnik və dini qarşıdurmaya qarşıyıq” ❗️

Bu gün Türkiyənin xarici işlər naziri Hakan Fidan mətbuat konfransında İran müharibəsi ilə bağlı açıqlama verib.

Fidan bildirib ki, bəzi aktorlar eyni istiqamətdə hərəkət edərək İranda separatçı ssenariləri yenidən gündəmə gətirməyə çalışırlar. Onun sözlərinə görə, bu cür addımların məqsədi ölkədə vətəndaş müharibəsi yaratmaq və etnik və ya dini zəmində qarşıdurmaları alovlandırmaqdır.

Nazir Ankaranın bölgədə bu cür parçalanma və gərginlik yaradan planlara qətiyyətlə qarşı olduğunu açıqlayıb.

Fidan qeyd edib ki, bölgəni belə təhlükəli macəralara sürükləmək istəyənlərə xəbərdarlıq edilməlidir. Onun dediklərinə əsasən, regionda səhv addımların atılmasına imkan verilməyəcək.

#Türkiyə #XİN #İran #müharibə #qarşıdurma

Kanala abunə olun

Səfir: “🇮🇷 İrana ilk humanitar yardımı 🇦🇿 Azərbaycan göndərib”

Bu gün İranın Bakıdakı səfiri Müctəba Dəmirçilu jurnalistlərə müsahibəsində deyib ki, ölkəsinə ilk humanitar yardımı Azərbaycan göndərib.

“Bu ortaq, müştərək mədəniyyətimizdən irəli gəlir ki, dar günlərdə bir-birimizə kömək edirik”, - deyə, diplomat qeyd edib.

O, humanitar yardıma görə Rusiyaya, eyni zamanda, humanitar yardımın çatdırılmasında köməkliyə görə Azərbaycana minnətdarlığını bildirib.

Qeyd edək ki, martın 8-də Azərbaycan Prezidenti İlham Əliyev və iranlı həmkarı Məsud Pezeşkian arasında baş tutmuş telefon danışığına əsasən, İran xalqının hazırkı ehtiyaclarının təmin edilməsi məqsədi ilə martın10-da Azərbaycandan yardım yola salınıb.

#İran #Azərbaycan #səfir #humanitaryardım #təşəkkür

Kanala abunə olun

🚨 SON DƏQİQƏ

🇮🇷 İranın yeni ali lideri ilk dəfə xalqa müraciət edəcək 🗣️

Bu gün Müctəba Xameneyinin İranın yeni ali rəhbəri kimi ilk müraciəti yaxın dəqiqələrdə açıqlanacaq.

Məlumata görə, müraciət strateji xarakter daşıyır və yeddi əsas mövzunu əhatə edəcək. Mesajda ölkə daxilində və regionda baş verən hadisələrlə bağlı mühüm istiqamətlər və təlimatlar yer alacaq.

Qeyd olunub ki, müraciətdə İranın öldürülən lideri, xalqın, Silahlı Qüvvələrin, hökumət strukturlarının, müqavimət cəbhəsinin, eləcə də region ölkələrinin rolu və məsuliyyəti, eləcə də düşmənlərlə qarşılıqlı əlaqələrlə bağlı konkret təlimatlar yer alacaq. (IRNA)

#İran #MüctəbaXameneyi #alirəhbər #müraciət

Kanala abunə olun

🇷🇺 Rusiya 🇮🇷 İrana humanitar yardımın çatdırılmasında köməyə görə 🇦🇿 Azərbaycana təşəkkür edib ✈️

Bu gün Rusiyadan İrana humanitar yardım aparan təyyarə Lənkəran hava limanına eniş edib. Dərman və tibbi ləvazimatlardan ibarət yük nəqliyyat vasitələrinə yüklənəcək və Azərbaycanın Astara sərhəd keçid məntəqəsindən İrana daşınacaq.

Rusiyanın Azərbaycandakı səfiri Mixail Yevdokimov bildirib ki, Rusiya humanitar yardımın çatdırılmasında göstərdiyi köməyə görə Azərbaycana minnətdardır.

Diplomatın sözlərinə görə, bütün humanitar yardımın çatdırılma əməliyyatı yüksək səviyyədə təşkil olunub. Səfir Rusiyadan göndərilən 13 ton tibbi ləvazımanın bu gün İrana çatdırılacağını açıqlayıb.

#Rusiya #İran #humanitaryardım #Azərbaycan #təşəkkür

Kanala abunə olun

🇮🇷 İranda yeni ali liderin maketi öpüldü: bütpərəstlik, yoxsa... 👳‍♂️

İranda yeni ali rəhbəri Müctəba Xameneyinin cansız maketinin nümayiş olunduğu mərasimdə diqqətçəkən hadisə baş verib.

Mərasimdə aparıcı, Xameneyinin maketini öpüb. Bu jest İslam ölkəsində dini liderin maketinə qarşı sevgi və hörmət əlaməti kimi təqdim edilsə də, qeyri-adi bir görüntü yaradıb.

Hadisə sosial mediada paylaşıldıqdan sonra geniş müzakirələrə səbəb olub, çünki İslam Respublikasında bu cür jestlər ənənəyə uyğun sayılmır və simvolik olaraq “bütpərəstlik” kimi şərh oluna bilər.

Bu görüntü, dini mərasimlərin vizual effektini artırmaq məqsədilə, həm də siyasi və simvolik mesajlar daşıyan paradoksal bir mənzərə yaradır.

#İran #MüctəbaXameneyi #alilider #maket

Kanala abunə olun

🇮🇷 Müctəba Xameneyi ilk müraciətində strateji təhdidləri açıqladı 🗣️

İranın yeni ali rəhbəri Müctəba Xameneyi xalqa ilk müraciətində Hörmüz boğazının strateji əhəmiyyətini vurğulayıb.

Xameneyi bildirib ki, “Hörmüz boğazını bağlamaq rıçağından mütləq istifadə edilməlidir”. O, düşmənin digər cəbhələrdə təcrübəsinin az və həssas olduğunu qeyd edərək, müharibə vəziyyəti davam edərsə, bu rıçağın aktivləşdirilməsinin mümkün olduğunu söyləyib.

Müctəba qeyd edib ki, hər hansı hərəkət yalnız İranın maraqlarına riayət olunmaq şərti ilə həyata keçiriləcək. (Tasnim News)

#İran #MüctəbaXameneyi #müraciət #təhdidlər

Kanala abunə olun

🇮🇷 Xameneyi 🇺🇸 ABŞ-nin qonşu ölkələrdəki bazalarını hədəf göstərdi ❗️

Bu gün İranın yeni ali rəhbəri Müctəba Xameneyi IRIB News dövlət televiziyası vasitəsilə xalqa ilk müraciətində ABŞ-nin bölgədəki hərbi fəaliyyətlərini sərt tənqid edib.

Xameneyi bildirib ki, “düşmən illərdir ki, tədricən bəzi qonşu ölkələrdə bazalar qurur və son hücumda həmin bazalardan istifadə olunub. Təbii ki, açıq şəkildə xəbərdarlıq etdiyimiz kimi, həmin bazalara hücum etdik”.

O, qonşu ölkələrə ABŞ bazalarının tez bir zamanda bağlanması çağırışı edib və vurğulayıb ki, ABŞ bölgəyə sülh və təhlükəsizlik gətirəcəyi iddiasını heç vaxt doğrultmayıb.

Müctəba əlavə edib ki, İran şəhidlərin qanının qisasını alacaq, xüsusilə də Minab şəhərinin şəhidləri üçün. Təzminat alınmazsa, düşmənin aktivləri və ya onların ekvivalent əmlakı hədəfə alınacaq.

#İran #MüctəbaXameneyi #müraciət #ABŞ #qonşuölkələr #təhdid

Kanala abunə olun

🛑 Təbrizdə daha bir komandan öldürülüb 🔥

Dünən İran Hərbi Hava Qüvvələrinin Təbrizdəki bazasının komandanı, general Dariuş Süleymani dron hücumu nəticəsində həlak olub.

Məlumata görə, Süleymaninin evinə yönəlmiş məqsədli hücum baş verib. Hadisə zamanı generalın ailə üzvlərinin də həyatını itirdiyi bildirilib. (Tasnim News)

در ترور هدفمند صبح دیروز زعفرانیه تبریز ، داریوش سلیمانی فرمانده پایگاه شکاری تبریز و خانواده‌اش کشته شدند.

#Təbriz #komandan #hücum #ölüm

Kanala abunə olun

🇮🇷 Laricani 🇺🇸 Trampın təhdidinə reaksiya verdi ⚡️🗣

İranın Ali Milli Təhlükəsizlik Şurasının katibi Əli Laricani "X" hesabında Trampın ABŞ-ın İranın elektrik şəbəkəsini bir saata məhv edə biləcəyi ilə bağlı açıqlamasına münasibət bildirib: "Lakin əgər o bunu etsə, yarım saat keçməmiş bütün bölgədə ümumi elektrik kəsintisi yaranar və qaranlıq bölgədə qaçan amerikalı hərbçiləri izləmək və ovlamaq üçün uyğun fürsətə çevrilər".

ABŞ prezidenti Donald Tramp İrana qarşı yeni hücum planı ilə bağlı demişdi: “İranın elektrik sistemini bir saat ərzində məhv edə bilərəm, amma bunu etmədim”.

#ABŞ #Tramp #təhdid #hücum #İran #Laricani #cavab

Kanala abunə olun

🇮🇱 İsrail 🇮🇷 Əhvazda SEPAH bazalarına zərbə endirib 🚀💥

Əhvazın 92-ci Zirehli Texnika Bazası da bu hədəflərdən biri olub.

فوری؛ مقر لشکر ۹۲ زرهی در اهواز هدف حمله قرار گرفت

#İsrail #İran #Əhvaz #hücum #SEPAH #hərbibaza

Kanala abunə olun

🇮🇷 İranın raket sisteminə zərbələrlə eyni vaxtda: 250-dən çox İran dronu məhv edildi 🚀🔥

İran rejiminin atəş gücünə qarşı zərbələrin bir hissəsi olaraq, İsrail Hərbi Hava Qüvvələri 250-dən çox dron, onların buraxılış meydançalarını və onlarla buraxılış məntəqəsini məhv edib.

Bu hücum zamanı İsrailə buraxılış üçün dron hazırlayan İran əsgərləri də hədəfə alınıb.

#İsrail #hücum #İran #dron #raketsistemi

Kanala abunə olun

🇮🇷 Əli Xameneyinin həyat yoldaşı sağdır 🧕

Bu haqda "Fars" xəbər agentliyi məlumat yayıb.

Qeyd olunur ki, İranın keçmiş ali rəhbəri Əli Xameneyinin 🇺🇸 ABŞ-🇮🇱 İsrail hücumunda öldüyü bildirilən həyat yoldaşı sağdır və onun həyatını itirməsi ilə bağlı yayılan məlumatlar yanlışdır.

#İran #Xameneyi #həyatyoldaşı #müharibə

Kanala abunə olun

🇵🇱 Polşa 🇮🇷 İranda quru əməliyyatında iştirakını istisna edir və qısamüddətli münaqişə proqnozlaşdırır

Polşanın müdafiə naziri Kosiniak-Kamış Varşavanın Polşa qoşunlarını İrana göndərmək planının olmadığını bildirib.

O, mövcud münaqişənin məhdud xarakter daşıdığını və 🇦🇫 Əfqanıstan və ya 🇮🇶 İraq kimi uzunmüddətli quru əməliyyatına çevrilməsi ehtimalının az olduğunu bildirib.

"Düşünmürəm ki, bu, uzun çəkəcək. Bu əməliyyatları başa çatdırmaq üçün üç-dörd həftə kifayət edəcək", - deyə nazir vurğulayıb və mövcud vəziyyəti tezliklə başa çatacağını proqnozlaşdırdığı "epik bir qəzəb" kimi təsvir edib.

#Polşa #İran #münaqişə #quruəməliyyatları #proqnoz

Kanala abunə olun

Reuters: "🇮🇷 İran 🇮🇳 Hindistan bayrağı altında üzən tankerlərin Hörmüz boğazından keçməsinə icazə verəcək" 🚢🛢

Reuters agentliyinin Hindistan hökumətindəki mənbəyə istinadən verdiyi məlumata görə, İran Hindistan bayrağı altında üzən tankerlərin Cənubi Asiya ölkəsinin neft idxalının 40%-ni təşkil edən Hörmüz boğazından keçməsinə icazə verəcək.
Lakin, ölkədən kənarda olan bir İran mənbəsi belə bir razılaşmanın olmadığını bildirib.

Hindistan hökuməti daha əvvəl bildirib ki, iki ölkənin xarici işlər nazirləri son günlərdə üç dəfə bir-biri ilə əlaqə saxlayıblar və bu həftə keçirilən son görüşdə "Hindistan üçün gəmiçilik təhlükəsizliyi və enerji təhlükəsizliyi ilə bağlı məsələlər" müzakirə olunub.

Hindistanlı mənbə bildirib ki, Hindistana gedən iki xarici bayraqlı tanker bu yaxınlarda boğazdan keçib və İran hər iki ölkənin xarici işlər nazirləri arasında telefon danışığından sonra Hindistan bayrağı altında üzən gəmilərin təhlükəsiz keçidini təmin edib.

#İran #Hörmüzboğazı #Hindistan #nefttankeri #icazə

🇱🇾 Aişə Qəddafi 🇮🇷 İranı Qərbə güzəştə getməməyə çağırdı 🗣

Liviyanın keçmiş lideri Müəmmər Qəddafinin qızı Aişə İran xalqına xəbərdarlıq edib.
O, Qərbə güzəştlərin sülhə deyil, yalnız məhvə apardığını bildirərək, Liviyanı nümunə göstərib.

"Canavarlarla danışıqlar sürünü xilas etmir; bu, sadəcə növbəti ovun tarixini müəyyən edir", - deyə o bildirib.

Aişə Qərbin atasına nüvə silahlarından və ballistik raket proqramlarından imtina etsə, dünyanın qapılarını onun üzünə açacağına dair zəmanət verdiyini söyləyib.

"Atam onlara inandı, güzəştə etdi... və NATO bombaları ölkəni xarabalığa çevirdi", - deyə, Aişə Qəddafi əlavə edib.

#Qəddafi #Aişə #çağırış #İran #Qərb

Kanala abunə olun

🇮🇷 İran prezidenti və 🇮🇳 Hindistanın Baş naziri regiondakı vəziyyəti müzakirə ediblər 📞

Telefon danışığı zamanı Hindistanın Baş naziri Narendra Modi bildirib ki, Hindistan vətəndaşlarının təhlükəsizliyi və mühafizəsi, eləcə də malların və enerjinin maneəsiz tranzitinə ehtiyac Yeni Dehlinin əsas prioritetləri olaraq qalır.

O, eləcə də Hindistanın sülh və sabitliyə sadiqliyini ifadə edərək, münaqişənin həlli üçün dialoq və diplomatiyanı qətiyyətlə tövsiyə edib. (Modinin "X" hesabı)

#İran #Pezeşkian #Hindistan #Modi

Kanala abunə olun