🇺🇸 ABŞ və 🇮🇱 İsrail 🇮🇷 İranda hərbi obyektləri hədəfə aldı 🚀💥

Son günlər İran ərazisində ABŞ və İsrailin həyata keçirdiyi hərbi əməliyyatlar nəticəsində bir sıra hərbi baza və infrastruktur obyektləri hədəfə alınıb. Sosial mediada və bəzi xəbər agentliklərində yayılan görüntülər, zərbələrin gücünü və miqyasını ortaya qoyur.

Zərbələrin məqsədi İranın hərbi potensialını zəiflətmək, mövcud avadanlıq və silah anbarlarını məhv etmək və bölgədəki strateji üstünlüyü qorumaqdır.

#ABŞ #İsrail #İran #hərbibazalar #hücum

Kanala abunə olun

🇮🇷 İran 2026-cı ilin üçdə birini internet kəsintiləri ilə keçirib 🛜⁉️

Bu gün “NetBlocks” internet monitorinq təşkilatı bildirib ki, İranda internetin kəsilməsi hallarının ümumi müddəti 240 saata çatıb. Qurumun məlumatına görə, bu, hökumət tərəfindən indiyədək tətbiq edilən ən ciddi ölkəmiqyaslı internet kəsintilərindən biri hesab olunur.

NetBlocks-un açıqlamasında qeyd olunur ki, son aylarda baş verən çoxsaylı kəsintilər nəticəsində İran 2026-cı ilin təxminən üçdə birini ölkə üzrə və ya geniş yayılmış internet məhdudiyyətləri şəraitində keçirib.

Təşkilatın məlumatına əsasən, kəsintilər zamanı ölkənin qlobal internet şəbəkəsinə qoşulma səviyyəsi əhəmiyyətli dərəcədə azalıb. Bu isə ölkə daxilində milyonlarla istifadəçinin internetə çıxışını çətinləşdirib və bir çox onlayn xidmətlərin fəaliyyətinə təsir göstərib. (Independent Persian)

#İran #NetBlocks #internet #kəsintilər

Kanala abunə olun

🇹🇷 Türkiyə və 🇮🇷 İran XİN başçıları telefon əlaqəsi saxlayıb ☎️

Bu gün Türkiyənin xarici işlər naziri Hakan Fidan və iranlı həmkarı Abbas Əraqçı arasında telefon danışığı baş tutub.

Məlumata görə, söhbət zamanı Fidan Türkiyənin hava məkanının pozulmasının qəbuledilməz olduğunu və Ankaranın buna qarşı bütün lazımi tədbirləri görməyə davam edəcəyini vurğulayıb.

Nazir əlavə edib ki, bütün tərəflər regional təhlükəsizliyə zərər verə və mülki şəxslər üçün təhlükə yarada biləcək hərəkətlərdən çəkinməlidirlər.

Əraqçı da öz növbəsində qeyd edib ki, Türkiyənin hava məkanını pozan raketlər İran mənşəli deyil və tam araşdırma aparılacaq. (TRT Haber)

#Türkiyə #İran #XİN

Kanala abunə olun

İran XİN: “Hazırda yeganə prioritet ölkəni müdafiə etməkdir”

Bu gün İranın xarici işlər nazirinin hüquqi və beynəlxalq məsələlər üzrə müavini Kazım Qəribabadi ölkənin hazırkı vəziyyəti ilə bağlı açıqlama verib.

O, bildirib ki, İran Silahlı Qüvvələri hazırda ölkənin təhlükəsizliyini qətiyyətlə müdafiə edir. Qəribabadinin sözlərinə görə, mövcud şəraitdə İran üçün əsas və faktiki olaraq yeganə prioritet ölkənin müdafiəsini davam etdirməkdir.

“Hazırda İran İslam Respublikası üçün ölkəni qətiyyətlə və ciddi şəkildə müdafiə etməyə davam etməkdən başqa heç bir prioritet yoxdur. Biz müharibə vəziyyətindəyik və bu hərəkətlərin nəticələrinin olması təbiidir”, – deyə o vurğulayıb. (Rokna)

#İran #XİN #müdafiə #prioritet

Kanala abunə olun

🇮🇷 Tehrandan 🇪🇺 Brüsselə sərt mesaj: “İkiüzlü olmağı dayandırın” ❗️

Bu gün İran Xarici İşlər Nazirliyinin sözçüsü İsmayıl Bəqayi “X” hesabında paylaşım edərək, Avropa Komissiyasının prezidenti Ursula von der Leyenə sərt cavab verib.

Bəqayi paylaşımında Avropa Komissiyasının rəhbərini ABŞ və İsrailin İrana qarşı hərbi əməliyyatlarına münasibətdə “ikiüzlü mövqe tutmaqda” ittiham edib. Onun sözlərinə görə, Avropa İttifaqı rəhbərliyi bölgədə baş verən proseslərə obyektiv yanaşmır və bəzi hücumlara haqq qazandırmağa çalışır.

“Minabda 165-dən çox azyaşlı iranlı uşaq qətlə yetiriləndə harada idiniz? Xəstəxanalar, tarixi yerlər, neft infrastrukturu, yaşayış məntəqələri qəddar hücumların hədəfinə çevrilərkən niyə susursunuz? Qanunsuzluq və cinayət qarşısında susqunluq sadəcə ortaqlıqdan başqa bir şey deyil”, - deyə, Bəqayi vurğulayıb.

Sözçü yazısının sonunda “paylaşımınızın altındakı şərhlərə baxın və insanların cinayətkarları haqlı çıxarmağınız barədə həqiqətən nə düşündüklərini görün”, - deyə, bildirib.

🇮🇷 İranın 🇦🇲 Ermənistandakı səfiri 🇦🇿 Naxçıvana hücum xəbərlərini təkzib edib 🤔

Bu gün İranın Ermənistandakı səfiri Xəlil Şirqulami İran tərəfindən Naxçıvana endirilən dron zərbələri ilə bağlı xəbərləri rədd edib.

Diplomat Ermənistanın “Shant TV” telekanalına müsahibəsində iddia edib ki, İranın Azərbaycan ərazisinə hücum etmək üçün heç bir səbəbi yoxdur. Bununla yanaşı, səfir riyakarcasına qeyd edib ki, əgər İran həqiqətən belə bir qərar versəydi, zərbə yüksək dəqiqliklə həyata keçirilər və hədəfinə çatardı.

Baş verən hadisəni “şübhəli” adlandıran səfir deyib ki, Naxçıvan istiqamətindəki insidentlə bağlı bütün detallar aydın deyil. O, habelə, ikiüzlülüklə Azərbaycanın reaksiyasını “qeyri-mütənasib” hesab etdiyini dilə gətirib.

Onun sözlərinə görə, guya “bu reaksiyadan sonra İran Silahlı Qüvvələri Azərbaycana daha ehtiyatlı davranmağı və öz ərazisindən İrana qarşı mümkün hücumlar üçün istifadə olunmasına icazə verməməyi tövsiyə edib”.

#İran #Ermənistan #səfir #Azərbaycan #Naxçıvan #hücum #təkzib

🚨TƏCİLİ

🇮🇱 Netanyahunun taleyi ilə bağlı şayiələr yayılır 🤔

İsrailin baş naziri Benyamin Netanyahunun ölümü və ya yaralanması ilə bağlı bəzi ivritdilli mediada müxtəlif fərziyyələr yayılır.

Bununla bağlı, “Tasnim News” agentliyi məlumat yayıb:

1. Netanyahunun son videosunun yayımlanmasından təxminən üç gün, son görüntülərinin dərcindən isə dörd gün keçib. Bu müddətdə onun adından yalnız yazılı açıqlamalar paylaşılıb;
2. Bundan öncə Netanyahu demək olar ki, hər gün, bəzən isə gündə bir neçə video paylaşırdı. Son günlər isə heç bir video yayımlanmayıb;
3. Bəzi ivrit mənbələri martın 8-də Netanyahunun iqamətgahı ətrafında təhlükəsizlik tədbirlərinin, xüsusilə dronlara qarşı müdafiənin gücləndirildiyini iddia edir;
4. Cared Kuşner və Stik Uitkofun İsrailə planlaşdırılan səfərinin ləğv edilməsi də bu iddialarla əlaqələndirilir;
5. Emmanuel Makron və Netanyahunun telefon danışığı barədə yayılan məlumatda danışığın dəqiq tarixi göstərilməyib və yalnız mətn formasında açıqlama verilib.

🇷🇺 Rusiya 🇺🇸 ABŞ-🇮🇱 İsrail–🇮🇷 İran müharibəsində vasitəçi roluna hazırdır

Kreml bildirib ki, Rusiya prezidenti Vladimir Putinin İran, ABŞ və İsrail arasında davam edən müharibə ilə bağlı vasitəçilik təklifləri hələ də qüvvədə qalır.

Kremlin sözçüsü Dmitri Peskov açıqlamasında qeyd edib ki, Putin böhranın ilk günlərindən, hətta hərbi mərhələ başlamazdan öncə gərginliyin azaldılması və tərəflər arasında dialoqun qurulması üçün müxtəlif variantlar irəli sürüb.

Peskov əlavə edib ki, Rusiya münaqişənin başa çatması üçün “bacardığı qədər” kömək etməyə hazırdır. Bununla belə, o qeyd edib ki, müharibənin dayandırılması üçün çoxsaylı razılaşmalar və diplomatik anlaşmalar tələb olunacaq.

Kremlin açıqlaması Putinlə ABŞ prezidenti Donald Tramp arasında baş tutan telefon danışığından bir gün sonra səsləndirilib.

Tramp isə Putinin münaqişənin həllində “faydalı olmaq istədiyini” qeyd edib və əlavə edib ki, onun Ukraynadakı müharibəyə son qoymaq üçün də eyni səyləri göstərməsi daha faydalı olardı. (Independent Persian)

🚨YENİLƏNİB

🇮🇷🇧🇭 Bəhreyndə yaşayış binasının vurulma anları 🚀🏢💥

Dünən İranın Bəhreynin paytaxtı Manamada yaşayış binasına endirdiyi zərbə nəticəsində bir nəfər həlak olub, səkkiz nəfər yaralanıb.

Bununla bağlı, Bəhreyn Krallığının Daxili İşlər Nazirliyi məlumat yayıb.

Nazirliyin açıqlamasında bildirilib ki, “Manamada yerləşən yaşayış binasına qarşı yönəlmiş açıq-aşkar İran aqressiyası nəticəsində bir nəfər ölüb, bir neçə nəfər isə yaralanıb".

#İran #Bəhreyn #yaşayışbinası #hücum

Kanala abunə olun

🇺🇸 Pit Heqset: “🇮🇷 İran mollaları çıxılmaz vəziyyətdə qalıb” 👳‍♂️🤔

Bu gün ABŞ-nin müdafiə naziri Pit Heqset İranla bağlı çıxışında İslam Respublikası ilə bağlı sərt fikirlər səsləndirib.

İran hakimiyyətinin hazırda çıxılmaz vəziyyətdə qaldığını dilə gətirən nazir deyib:

“İran mollaları çıxılmaz vəziyyətdədir və çaşqın halda addım atırlar. Terrorçu qorxaqlar kimi onlar raketləri qəsdən məktəblərin və xəstəxanaların yaxınlığından buraxırlar”.

#ABŞ #PitHeqset #müdafiənaziri #İran

Kanala abunə olun

🇮🇷 Laricani Hörmüz boğazı ilə bağlı kəskin açıqlama verdi ❗️

Bu gün İran Ali Milli Təhlükəsizlik Şurasının katibi Əli Laricani “X” hesabında Hörmüz boğazının gələcəyi ilə bağlı sərt paylaşım edib.

“Hörmüz boğazı ya bütün ölkələr üçün açıq olacaq, ya da müharibə istəyənlər üçün qapalı bir məkan halına gələcək”, - deyə, Laricani paylaşımında vurğulayıb.

لاریجانی: تنگه‌ی هرمز یا تنگه‌ی گشایش است برای همه؛ یا تنگه‌ی تنگناست برای جنگ طلبان.

#İran #ƏliLaricani #Hörmüzboğazı

Kanala abunə olun

🇮🇷 İranda daha bir yüksək rütbəli şəxs öldürülüb

Bu gün İran mediasında ölkənin Silahlı Qüvvələrinin Baş Qərargahının “Bəsic” bölməsinin rəisi Əsədullah Badfərin ölümü ilə bağlı məlumatlar yayılıb.

Hələlik rəsmi strukturlardan bu xəbərin təsdiqi gəlməyib və Əsədullah Badfərin ölümü ilə bağlı ətraflı məlumat açıqlanmayıb.

اسدالله بادفر رئیس بسیج ستاد کل نیروهای مسلح امروز کشته شد.

#İran #SilahlıQüvvələr #rəis #ölüm

Kanala abunə olun

🇺🇸 Tramp Hörmüz boğazı ilə bağlı 🇮🇷 İrana xəbərdarlıq etdi ❗️

Bu gün ABŞ prezidenti Donald Trump özünün “Truth Social” platformasında paylaşım edərək İrana xəbərdarlıq edib.

Prezident bildirib ki, əgər İran Hörmüz boğazında neft axınını dayandıracaq hər hansı bir addım atarsa, ABŞ tərəfindən indiyə qədər həyata keçirilən əməliyyatlardan iyirmi dəfə daha güclü zərbə alacaq.

Tramp əlavə edib ki, bu zərbələr İranın rahatl;qla məhv edilə bilən hədəflərini əhatə edəcək və ölkənin yenidən qurulmasını faktiki olaraq çətinləşdirəcək. O, açıqlamasında “ölüm, atəş və qəzəb onların üzərində hökmranlıq edəcək” ifadəsini işlədib, ancaq belə bir ssenarinin baş verməsinə ümid etdiyini bildirib.

Onun sözlərinə görə, bu, Çin və Hörmüz boğazından intensiv istifadə edən bütün ölkələr üçün bir hədiyyədir.

#ABŞ #Tramp #İran #Hörmüzboğazı #xəbərdarlıq

Kanala abunə olun