🇮🇷 İranda daha beş məhbus edam edilib 😱😢

İranda İnsan Haqları Təşkilatı xəbər verir ki, bu gün Şirazın Adilabad, İsfahanın Dəstgerd və Bircənd zindanlarında beş nəfər dar ağacından asılıb.

Məlumata görə, ölüm hökmü həyata keçirilən məhbuslar narkotik qaçaqmalçılığı və qəsdən adam öldürməkdə günahlandırılıblar.

احکام اعدام دستکم ۵ زندانی اجرا شد

#İran #məhbus #edam

Kanala abunə olun

Suriya 🇮🇷 İrandan 300 milyard dollar təzminat ödəməsini tələb edir 💸

Suriyanın “Əl-Mədən” qəzeti İran hökumətinin sözçüsü Fatimə Mühaciraninin “iki ölkə Dəməşq və Tehrandakı səfirliklərinin yenidən fəaliyyətini bərpa etməsi üçün diplomatik danışıqlar aparır” açıqlamasını təkzib edib.

Suriyanın yeni hökuməti Tehranı təzminat ödəməyə, hərbçilərin və Tehrana bağlı yaraqlıların Suriyadakı təxribatları nəticəsində bu ölkəyə dəyən ziyanı qarşılamağa məcbur etmək üçün beynəlxalq məhkəmə orqanlarında İrana qarşı şikayət verməyi planlaşdırır.

“Suriyanın yeni hökuməti xalqı və infrastrukturuna qarşı cinayətkar və özbaşına hərəkətləri və siyasətləri nəticəsində dəymiş ziyana görə İrandan Suriya xalqına və dövlətinə 300 milyard dollar təzminat ödəməsini tələb edən memorandum hazırlamağa çalışır. Hakimiyyət orqanları ilə İran arasında əlaqə kəsilib və yaxın gələcəkdə nə Dəməşqdə səfirliyin, nə də İranın Hələbdə konsulluğunun açılması ilə bağlı Tehranla əlaqə qurmaq planları yoxdur”, - deyə, vurğulanıb. (Əl-Ərəbiyyə)

SON DƏQİQƏ

🇮🇷 Pezeşkian 🇦🇿 Azərbaycan Prezidentinə başsağlığı verib

ISNA xəbər verir ki, bu gün İran prezidenti Məsud Pezeşkian Qazaxıstanın Aktau şəhərində “Azərbaycan Hava Yollarına” məxsus təyyarənin qəzaya uğraması ilə bağlı Azərbaycan Prezidenti İlham Əliyevə və xalqına başsağlığı verib.

Məlumata görə, Pezeşkian Azərbaycan Prezidenti İlham Əliyevə müraciətində bildirib: “Azərbaycana məxsus təyyarənin qəzaya uğraması xəbəri bizi dərindən kədərləndirdi. Zati-alilərinə və əziz Azərbaycan xalqına, xüsusilə də həlak olanların ailələrinə və yaxınlarına başsağlığı verir, Allahdan həlak olanlara rəhmət, yaralananlara tezliklə şəfa diləyirik”.

در پی حادثه سقوط هواپیما صادر شد
پیام تسلیت پزشکیان به رئیس‌جمهور آذربایجان

#İran #Azərbaycan #təyyarə_qəzası #başsağlığı

Kanala abunə olun

Bloomberq: “🇮🇷 Hüseyn Şəmxani Xəzər dənizi vasitəsilə 🇷🇺 Rusiyaya silah qaçaqmalçılığında əsas rol oynayır”

“Radio Farda” saytı xəbər verir ki, “Bloomberq” nəşri İranın Ali Milli Təhlükəsizlik Şurasının keçmiş katibi və hazırda ali rəhbər Əli Xameneyinin müşaviri olan Əli Şəmxaninin oğlu Hüseyn Şəmxani Rusiyaya silah göndərilməsində əsas rol oynamasından söz açıb.

Nəşrin məlumatına görə, Hüseyn Şəmxani özünü Qərb maliyyə sisteminin mərkəzinə yerləşdirib və Ukrayna ilə müharibədə Moskvaya kömək etmək üçün Xəzər dənizi vasitəsilə Rusiyaya silah ötürən bir qrup iş adamı sırasındadır.

Qeyd olunub ki, Şəmxani Dubayda yerləşən “Krios” Gəmiçilik Şirkəti də daxil olmaqla, nəzarəti altında olan şirkətlər şəbəkəsi vasitəsilə ötən ildən Xəzər dənizində ən azı iki gəmi ilə raketlərin, dron hissələrinin və ikili təyinatlı avadanlıqların daşınmasına başlayıb.

#İran #Hüseyn_Şəmxani #Xəzər_dənizi #silah_qaçaqmalçılığı

Kanala abunə olun

🇷🇺 Rusiya yenidən raketlərlə və 🇮🇷 İran dronları ilə 🇺🇦 Ukraynaya hücuma keçib 🔥

Ötən gecə Rusiya ordusu çox sayda raket və İran istehsalı dronlarla Ukraynanın bəzi şəhərlərini hədəfə alıb. Bununla bağlı, Ukrayna Silahlı Qüvvələrinin Hərbi Hava Qüvvələri Komandanlığının rəsmi “Telegram” kanalı xəbər verir.

Məlumata görə, Ukrayna qüvvələri hücumlar zamanı 54 ədəd İran istehsalı olan #Şahed_136/131 dronunu zərərsizləşdirib. Eyni zamanda, 55 ədəd X-101, X-55cm və “Kalibr”, eləcə də dörd ədəd X-59/69 raketi vurulub.

#Rusiya #Ukrayna #müharibə
#İran #dron #raket #hücum

Kanala abunə olun

🇮🇷 İranın vitse-prezidenti Tehranda 🇦🇲 erməni icmasının nümayəndələri ilə görüşüb

“Jamaran News” xəbər verir ki, dünən İran prezidentinin strateji məsələlər üzrə müavini Məhəmməd Cavad Zərif həyat yoldaşı Məryəm İmaniyə ilə birlikdə Tehrandakı Müqəddəs Sarkis kilsəsini ziyarət edib.

Məlumata görə, Zərif “erməniləri Milad və Yeni il bayramları münasibəti ilə təbrik edib, xoş arzular göndərib, iki ölkə və xalqın dostluğunu vurğulayıb”.

بازدید محمد جواد ظريف و همسرش از کلیسای ارمنی و دیدار با جامعه ارامنه

#İran #vitse_prezidenti #erməni_icması #kilsə

Kanala abunə olun

🇮🇷 SEPAH generalı: “Yaxın bir neçə ildə 🇮🇱 “sionist” adlanan bir hökumət olmayacaq”

Bu gün SEPAH-ın baş komandanının müavini generalı Əli Fədəvi jurnalistlərə müsahibəsində deyib ki, “İranın ali rəhbəri Əli Xameneyi bir neçə gün öncə zülmün heç bir şəkildə sona qədər davam etməyəcəyini açıqlayıb”.

“Biz Allahın vədinə inanırıq. Ali rəhbər bildirib ki, bütün ölkələr son dövrdə anlayıblar ki, dünyanın ən zalım hökuməti “sionist rejimdir”. Bu barədə heç bir şübhə yoxdur. Dünya ölkələrinin 92%-dən çoxu “sionistlərin” hücumlarına etiraz edib. Biz əminik ki, yaxın bir neçə ildə “sionistlər” adlanan bir hökumət qalmayacaq”, - deyə, Fədəvi vurğulayıb.

سردار فدوی: تا چند سال آینده حکومتی به اسم "صهیونیست‌ها" وجود نخواهد داشت

#İran #SEPAH #İsrail 

Kanala abunə olun

Hökumət sözçüsü: “🇮🇷 İranın Suriyadakı səfirliyinin yenidən fəaliyyətini bərpa etməsi yeni hökumətin fəaliyyətindən asılıdır” 🤔

IRNA xəbər verir ki, bu gün İran hökumətinin sözçüsü Fatimə Mühacirani bir daha İslam Respublikasının səfirliyinin Suriyada fəaliyyətini yenidən bərpa etməsi məsələsi ilə bağlı verilən suallara cavab olaraq deyib:

“İran bu məsələdə Suriyanın yeni hökumət rəsmilərinin davranışı və fəaliyyətinə əsasən qərar verəcək. Suriyada hazırkı vəziyyət bəlli deyil”.

Qeyd edək ki, dünən hökumət sözçüsü İran və Suriyanın səfirliklərinin fəaliyyətlərinin bərpası üçün ikitərəfli danışıqlar aparmasını açıqladıqdan sonra Suriya mediası bunu təkzib edib.

مهاجرانی: بازگشایی سفارت ایران، بستگی به عملکرد حاکمان سوریه دارد

#İran #Suriya #səfirlik

Kanala abunə olun