🇮🇷 Tehranda bir müddət öncə məcburi hicab bəhanəsilə qadının avtomobilinə hücum edərək ziyan vuran və qadını döyən hökumət muzdlusunun kimliyi bəlli olub 🔥

Həmin şəxsin İsfahandan olan 32 yaşlı SEPAH üzvü Reza Dəyanət olması müəyyən edilib.

▪️مزدور وحشی که چندی پیش در تهران به یک خانم به بهانه‌ی آخوند‌ساخته‌ی حجاب اجباری حمله‌ور شده و ضمن آسیب‌رسانی به ماشین او، وی را مورد ضرب و شتم قرار داده بود، شناسایی شد!

#İran #məcburi_hicab #SEPAH_üzvü

Kanala abunə olun

🇮🇷 İranın keçmiş prezidentinin helikopterinin qəzaya uğramasına nə səbəb olub? 🚁

İranın sabiq prezidenti İbrahim Rəisini daşıyan helikopterin qəzaya uğraması ilə bağlı istintaq tamamlanıb və hadisənin sadəcə qəza olduğu elan edilib.
Bu barədə SEPAH-a bağlı "Fars" xəbər agentliyinə İranın xüsusi xidmət orqanlarındakı mənbə məlumat verib.

Mənbənin sözlərinə görə, prezident Rəisinin olduğu helikopterdə sərnişinlərin sayı normadan iki nəfər artıq olduğundan o, lazımi yüksəkliyə qalxa bilməyib və dumanlı havada dağa çırpılıb.
İranın xüsusi xidmət orqanları Rəisi işi üzrə 30 min insanı dindirib, bütün sübutlar helikopterin qəzaya uğramasında insan faktorunun olmadığını göstərir.

#İran #Rəisi #helikopter #qəza

Kanala abunə olun

🇮🇱🇱🇧 Livanın cənubunda Hizbullahın daha iki əsas üzvü İsrail ordusu tərəfindən öldürülüb 🚀

Məhəmməd Ğazi Şahin və Ziyad Həsən Qeşmer Livanın cənubunda Mətmurə bölgəsində həyətlərin birində raket atmağa çalışarkən İsrail dronu vasitəsilə vurulublar.

🔴 دو تن دیگر از اعضای مهم حزب الله لبنان در جنوب این کشور توسط ارتش اسراییل کشته شدند

#İsrail #Hizbullah #dron #Livan

Kanala abunə olun

🇮🇶 İraq rəsmisi: “🇮🇷 İranlı zəvvarlar Kərbalada çox qalmasınlar”❗️

İRNA xəbər verib ki, İraqın Vasit əyalətinin valisi Məhəmməd Cəmil əl-Miyahi #Ərbəin_yürüşü üçün #İraqa səfər etmiş #iranlı zəvvarlardan #Kərbəlada qalmamalarını və nəqliyyat yükünü azaltmaq üçün dərhal geri qayıtmalarını istəyib.

Məlumata görə, əyalət valisi bildirib ki, indiyədək bir milyona yaxın zəvvar İraqa daxil olub.

O, bildirib ki, zəvvarların İraqa problemsiz daxil olması və #Kərbəlaya göndərilməsi üçün İranla yüksək səviyyədə koordinasiya aparılır.

Bundan öncə İranın İlam əyalətinin valisi Həsən Bəhramnia qeyd edib ki, İran-İraq sərhədindəki Mehran #keçid_məntəqəsindən avqustun əvvəllərindən 1 milyon 300 mindən çox insan İraqa keçib, onların 26%-i isə artıq ölkəyə geri qayıdıb.

#İraq #Kərbəla #İran #zəvvarlar

Kanala abunə olun

🛑 Həbsdə vəziyyəti pisləşən güneyli fəalın xəstəxanaya yerləşdirilməsinə icazə verilmir 😢🤬

Həbs müddətinin başa çatmasına 18 gün qalmış güneyli idmançı-fəal Kərim İsmayılzadə Təbriz zindanında mədə qanaxması keçirib.

Məlumata görə, həbsxananın həkimləri onun xəstəxanaya aparılmalı olduğunu vurğulasalar da, milli fəalın məhkəmə işinə baxan hakim onun müalicə üçün xəstəxanaya yerləşdirilməsinə mane olub.

Qeyd edək ki, bundan öncə də milli fəalın müalicəsi üçün xəstəxanaya aparılmasının qarşısı alınıb. (GADTB)

#Güneyli_fəal #həbs #xəstəlik

Kanala abunə olun

🛑 Güney Azərbaycanda zəvvarları daşıyan avtobus qəzaya uğradı: 20-yə yaxın yaralı var 🚌🔥

İRNA xəbər verir ki, bu gün #Qəzvin_əyalətində Ərbəin zəvvarlarını daşıyan avtobus qəzaya uğrayıb.

Məlumata görə, bununla bağlı Qəzvin əyalətinin Yol Polisi İdarəsinin rəisi polkovnik Fərhad Zakeri Məneş deyib: “Bu gün səhər saat 05:47 radələrində 44 Ərbəin zəvvarını daşıyan avtobus Qəzvin-Rəşt magistralında Kuhin bölgəsində “Nissan” markalı avtomobillə #toqquşaraq aşıb. Nəticədə 15 sərnişin #yaralanıb”.

Onun sözlərinə görə, dörd nəfər dərhal xəstəxanaya aparılıb, digər zərərçəkənlər isə #ambulator_müalicə olunub.

#Güney_Azərbaycan #Ərbəin_zəvvarları #qəza

Kanala abunə olun

🇷🇺 Rusiya XİN başçısı yeni təyin olunan 🇮🇷 iranlı həmkarını Moskvaya dəvət edib

Rusiyanın xarici işlər naziri Sergey Lavrov Seyid Abbas Əraqçının İranın yeni xarici işlər naziri seçilməsi münasibətilə təbrik edib.

Məlumata görə, Rusiya XİN rəhbəri təbrik məktubunda iki dost xalqın maraqlarına, beynəlxalq sülh və təhlükəsizlik sahəsində əməkdaşlığın möhkəmlənməsinə xidmət edən konstruktiv qarşılıqlı fəaliyyətin davam etdirilməsinə ümidvar olduğunu bildirib.

Qeyd olunub ki, Sergey Lavrov sonda iranlı həmkarı Abbas Əraqçını Rusiyada qəbul etməkdən məmnun olacağını diqqətə çatdırıb. (İSNA)

#Rusiya #İran #XİN #təbrik #dəvət

Kanala abunə olun

Caliber: “🇮🇷 İran və 🇦🇲 Ermənistan arasında 500 milyon dollarlıq gizli razılaşma saxta deyil” 🚨

“Caliber.az” saytı xəbər verir ki, dəqiq araşdırmalardan sonra #Azərbaycan mənbələri İran və Ermənistanın 500 milyon dollar dəyərində #gizli_silah_müqaviləsi imzaladığı barədə sensasion məlumatı təsdiqləyiblər.

Bildirilib ki, bununla bağlı ilk xəbər verən “İran İnterantional” kanalının yaydığı məlumatı yanlış deyil.

Qeyd olunur ki, İran və Ermənistanın sövdələşməni #təkzib etməsinə baxmayaraq, faktların və mənbələrin yoxlanılması bunun əksini göstərir.

#İran #Ermənistan #gizli_silah_sövdələşməsi

Kanala abunə olun

Anti-Azərbaycan mövqeli 🇮🇷iranlı ekspert 🇷🇺Rusiyanı tənqid edib

Tehran Universitetinin professoru və 🇦🇿Azərbaycana qarşı mövqeyi ilə tanınan ekspert (əslən təbrizli) Əhməd Kazemi “İran diplomatiyası” saytındakı qeydində Rusiya prezidenti Putinin Azərbaycana səfərindən sonra bu ölkənin XİN rəhbəri Lavrovun müsahibəsini şərh edib.

Zəngəzur dəhlizini “saxta” adlandıran ekspert iddia edib ki, regional kommunikasiya xətlərinin yenidən açılması guya əslində İran və Azərbaycan arasında tikilən Araz dəhlizi və Ermənistanın “Sülh kəsişməsi” layihəsini təqdim etməklə vurğuladığı məsələdir.

Professor Zəngəzur dəhlizini qərəzli şəkildə “NATO-nun Turan dəhlizi” adlandıraraq deyib ki, Rusiyanın Qərbin “yeni aləti”ndən xəbərsiz olması inandırıcı deyil.

Qeyd edək ki, Lavrov həmin müsahibəsində Zəngəzur dəhlizinin Azərbaycan, Rusiya və Ermənistan liderlərinin 10 noyabr 2020-ci il razılaşmasının 9-cu maddəsinə uyğun olaraq açılmalı olduğunu və Ermənistan hökumətinin həmin maddənin icrasını sabotaj etdiyini vurğulayıb.

Güneyli vəkilə həbs cəzası verildi 👨‍⚖️❌

Almaniyada yaşayan tanınmış güneyli hüquqşünas Sina Yusifi Tehran prokuroru Əli Salehi tərəfindən həbs cəzasına məhkum edildiyini açıqlayıb.

Bununla bağlı, Sina Yusifi dünən “X” hesabında paylaşım edərək yazıb:

“Tehran prokuroru tərəfindən “ictimai düşüncəni çaşdırmaq məqsədilə sosial şəbəkələrdə yalan məlumatlar paylaşmaq”da günahlandırılaraq 9 ay həbs cəzası almışam. Tvitlərimdə heç bir yalan məzmun yoxdur. Baxmayaraq ki, sizin (Tehran prokuroru) düşüncənizdə (hakimiyyətin) qanunsuz hərəkətlərdən, insan hüquqlarının geniş və aşkar şəkildə pozulmasından danışmaq yalan məlumatlar paylaşmaq sayılır... #Müstəqil_vəkillər”.

#Güney_Azərbaycan #hüquqşünas #həbs

Kanala abunə olun

İranlı ekspert: “🇷🇺 Rusiya 🇮🇷 İranın qırmızı xətlərini pozdu”

Rusiya üzrə iranlı ekspert Məhəmməd Yusifi iddia edib ki, Zəngəzur dəhlizinin açılmaması və Sünik əyalətinin guya Azərbaycan tərəfindən “tutulması” məsələsi Tehran üçün o qədər önəmli idi ki, İrəvanla Bakı arasında yaranan gərginlik zamanı İran 🇦🇿 Azərbaycanı bundan çəkindirmək üçün öz hərbi qüvvələrini Azərbaycan sərhədinə göndərdi. 👇👇👇

Onun sözlərinə görə, Tehran dəfələrlə vurğulayıb ki, Ermənistanla sərhəd xətlərinin bağlanması və ya dəyişdirilməsi İranın qırmızı xətti sayılır, buna görə də ayrı-ayrı görüşlərdə Əli Xameneyi bununla bağlı Putin və Ərdoğana xəbərdarlıq edib ki, biz heç bir sərhəd bağlanmasına dözməyəcəyik.

“Ancaq iki gün öncə Rusiya prezidentinin Azərbaycana səfəri zamanı Zəngəzur dəhlizinin yaradılması üçün rusların Azərbaycan tərəfinə dəstəyini və ölkənin XİN rəhbəri Sergey Lavrovun erməniləri tənqid etdiyinin şahidi olduq. Məsələ burasındadır ki, Tehran və Moskva arasında bəzi sahələrdə son əməkdaşlığa baxmayaraq, İranın Qafqaz məsələsində ruslarla müttəfiq deyil, əksinə strateji rəqabət aparır. Ruslar həmişə göstəriblər ki, özlərinin yaxın xarici coğrafi bölgəsi hesab etdikləri Qafqazda İrana rol vermək və oyunçu kimi qəbul etmək istəmirlər”, - deyə, ekspert əlavə edib. (İranda yaşayan ermənilərə məxsus HUR Tərcümə və Araşdırma Mərkəzinin “Telegram” kanalı)

#Rusiya #İran #Azərbaycan #Zəngəzur

Kanala abunə olun

🚨 Təbrizdə etiraz edən tibb işçilərinə təhdid mesajları göndərilir 🧑‍⚕️👩‍⚕️

Məlumata görə, #narazı tibb işçiləri #maaşlarının yetərsiz olmasına və yüksək #inflyasiyaya etiraz ediblər.

#Təbrizdə narazı tibb işçilərinə #hökumət_orqanı tərəfindən #təhdid_mesajları göndərilib. Bununla bağlı narazı tibb işçilərindən biri səs yazısı paylaşıb.

Mesajda etirazları davam etdirəcəkləri halda onlara qarşı tədbir görüləcəyi və #cəza_tədbiri kimi maaşlarından vəsait tutulacağı ilə bağlı #xəbərdarlıq edilib. (AZOH)

تهدید پرستاران معترض در تبریز

به دنبال برپایی تجمع اعتراضی و‌ مسالمت‌آمیز جمعی از پرستاران بیمارستان‌های دولتی تبریز؛ به برخی از این پرستاران پیامک تهدید آمیز ارسال شده است.

#Güney_Azərbaycan #Təbriz #tibb_işçiləri #etiraz #təhdid_mesajları

Kanala abunə olun

❌ Həbsdə olan güneyli qadın fəal təkadamlıq kameraya köçürüldü 😢😡

Təbriz zindanında cəza çəkən Tələbə Hərəkatı fəalı Armita Pavir təkadamlıq kameraya köçürülüb. Bununla bağlı insan haqları təşkilatları xəbər verir.

Məlumata görə, qadın fəalın ailəsi ilə görüşü və telefon əlaqəsi qadağan edilib.

Bunun güneyli fəalın zindanda məhbuslara edilən basqılara etiraz etməsindən sonra baş verdiyi bildirilib.

Xatırladaq ki, Armita Pavir sonüncü dəfə 21 sentyabr 2023-cü il tarixdə tutulub, " İran rəhbərini təhqir etmək və dövlət quruluşuna qarşı təbliğat aparmaq" ittihamına görə 22 ay 17 gün azadlıqdan məhrum edilib.

O, barəsində çıxarılan hökmü ədalətsiz adlandırıb və buna etiraz olaraq həbsxanada bir neçə dəfə aclıq aksiyası keçirib.

#Güneyli_fəal #Təbriz_zindanı #həbs #təzyiq

Kanala abunə olun

🇮🇱 Təl-Əvivdə universitet yataqxanası yanıb 🏬🔥

İsrail mediası dünən Təl-Əviv universitetlərindən birinin #yataqxanasında yanğın baş verdiyini bildirib.

Hələlik #yanğının səbəbi müəyyən edilməyib. (Tasnim News)

آتش‌سوزی در خوابگاه یکی از دانشگاه‌های تل‌آویو

#İsrail #Təl_Əviv #universitet #yanğın

Kanala abunə olun

🇮🇷 İranın yeni XİN rəhbəri Avropa ölkələrinin qarşısına əlaqələrin bərpası üçün şərtlər qoydu❗️

İSNA xəbər verir ki, bu gün #İranın xarici işlər naziri Abbas Əraqçı ilk müsahibəsində vurğulayıb ki, o, #Vaşinqtonla gərginliyi idarə etməyə və bir sıra şərtlər əsasında #Avropa ölkələri ilə münasibətləri bərpa etməyə çalışacaq.

“İran Avropa ölkələri ilə #münasibətləri bərpa etməyə çalışacaq, ancaq bu şərtlə ki, onlar öz düşmən yanaşmasından əl çəkməli və 2015-ci il nüvə sazişini canlandırmağa, o cümlədən sanksiyaları ləğv etməyə səy göstərməlidirlər”, - deyə, XİN başçısı əlavə edib.

Abbas Əraqçı qeyd edib ki, regional böhranı birgə həll etmək üçün #Tokio ilə əməkdaşlıq ediləcək. Bununla yanaşı, #Yaponiya İranın neft yataqlarına yenidən qayıda bilər.

#İran #XİN #Avropa #şərt

Kanala abunə olun

🇮🇷 İranda son bir ay ərzində 100-dən çox insan edam edilib 😱🚨

#İranda iyul ayının sonlarından bu günə qədər ölkənin Ədliyyə-Məhkəmə Sistemi hər 7 saatda orta hesabla bir məhbusu dar ağacından asıb.

İran İnsan Haqları Təşkilatı – HRANA-nın məlumatına görə, bu ay ərzində ölkə #zindanlarında ən azı 106 məhbus #edam edilib.

Bildirilib ki, cari ilin əvvəlindən İran #həbsxanalarında 15-i qadın olmaqla 388 nəfərin #ölüm_hökmü həyata keçirilib.

Avqustun 7-də HRANA İranla İsrail arasında gərginliyin artması fonunda ölkədə məhbusların kütləvi şəkildə edam olunması ilə bağlı xəbərdarlıq edib və beynəlxalq ictimaiyyəti İrandakı #qətl_maşınına təcili diqqət yetirməyə çağırıb.

#İran #məhbus #edam

Kanala abunə olun