Birincisi, bu üzvlük Bakının xarici siyasətində böyük dəyişikliyə zəmin yaradır. 1992-ci ildə Minsk prosesi başlayandan, eləcə də 1995-ci ildə Damato sanksiyaları ilə eyni vaxtda “Mazandaran” (Xəzər) dənizinin şərqində yerləşən neft yataqlarına Qərb şirkətlərinin böyük sərmayə qoyduğu vaxtdan bəri Bakının siyasəti İranı cilovlamaq üçün Qərblə müttəfiqliyə yönəlib.

Bu arada, Zəngəzur dəhlizi ilə bağlı qarşıdurmada NATO və Qərbin Paşinyana hərtərəfli dəstək verməsi Azərbaycanın Şərqə baxış siyasətini gücləndirməsinə səbəb oldu.

Digər tərəfdən, Ermənistan və Azərbaycan arasındakı münaqişədə Rusiyanın Bakıya dəstək verməsi Ukraynadakı müharibənin nəticəsidir.

Moskvanın Qarabağ məsələsində Azərbaycana dəstəyi və indi də “Sünik” (Zəngəzur) problemi Qərb üçün yeni münaqişə cəbhələri açmaq siyasətinin davamıdır”.

#Rusiya #Azərbaycan #səfər #Zəngəzur

Kanala abunə olun

🇮🇷 İran: “Yəqin ki, 🇮🇱 İsrailə cavab buna ən az ehtimal verdiyi vaxtda və şəraitdə olacaq” 🔥

İSNA xəbər verir ki, dünən #İranın BMT-dəki Nümayəndəliyi #HƏMAS lideri İsmayıl Həniyənin öldürülməsindən sonra Tehranın #İsrailə cavab verəcəyi vaxtı açıqlayıb.

“İranın cavabında iki konkret nəticə olmalıdır. Birincisi, terrora və İranın milli suverenliyinin pozulmasına görə İsrail cəzalandırılmalıdır. İkincisi, İran çəkindirici gücünü möhkəmləndirməli və gələcəkdə istənilən hücumun qarşısını almaq üçün İsraili peşman etməlidir.

Yəqin ki, İranın cavabı elə bir vaxtda, şəraitdə və elə bir şəkildə baş tutacaq ki, İsrail buna ən az ehtimal verəcək. Bəlkə də, gözləri səmada və ya radarlarda olanda yerdən təəccüblənəcəklər, bəlkə də bu ikisinin birləşməsi olacaq”, - deyə, İranın BMT-dəki Nümayəndəliyi qeyd edib.

#İran #İsrail #cavab

Kanala abunə olun

🇮🇷 İran hökuməti daha bir güneyli azyaşlını türk adını dəyişdirməyə məcbur edib 🤬

İranın Qeydiyyat İdarəsi Təbrizdə dünyaya gələn azyaşlı uşağa Volkan adına görə doğum haqqında şəhadətnamə verməyib.

Bununla bağlı, uşağın atası Rəhman Azərmey Rad bildirib ki, Qeydiyyat İdarəsi Volkan adının əcnəbi olması və İranın dini və mədəniyyəti ilə heç bir əlaqəsi olmadığı bəhanəsi ilə azyaşlıya doğum şəhadətnaməsi verməkdən imtina edib.

Bildirilib ki, daha sonra azyaşlıya məcbur olaraq Alpay adı seçilib və 19 ay hüquqi mübarizədən sonra bu ada doğum haqqında şəhadətnamə almaq mümkün olub.

Qeyd edək ki, İran hökuməti dəfələrlə türk adlarının təsdiq edilmiş rəsmi adlar siyahısında olmaması bəhanəsi ilə güneyli körpələrə doğum şəhadətnaməsi verilməsinə ciddi maneələr törədib. (GADTB)

#Güney_Azərbaycan #türk_adları
#İran_hökuməti #qadağa

Kanala abunə olun

🇮🇷 “İslam Respublikası” qəzeti: Bütün nazirlər təsdiq olunsalar belə, Pezeşkian bu kabinetlə vədlərinə əməl edə bilməyəcək 📰

İranda hökuməti və rəsmiləri tənqid atəşinə tutan “İslam Respublikası” qəzeti yenidən prezident Məsud Pezeşkianı hədəfə alaraq yazıb ki, o, parlamentə təklif etdiyi Nazirlər Kabineti ilə xalqa verdiyi sözləri yerinə yetirə bilməyəcək.

“Fakt budur ki, Pezeşkianın təklif etdiyi nazirlərin hamısı etimad səsi alsalar belə, hazırkı kabinetlə, prezident seçki kampaniyaları zamanı verdiyi sözləri yerinə yetirməyi bacarmayacaq. Kabinet üzvlərinin bir çoxu bir-biri ilə ziddiyyət təşkil edən bəzi siyasi cərəyanlara borcludurlar. Hökumətin daxili problemləri ilə yanaşı, kənarda da yolunda getməyən məsələləri var”, - deyə, qəzet əlavə edib.

Habelə qeyd edilib ki, mövcud olan böyük maneələr hökumətin bütün gücünü, vaxtını və imkanlarını əlindən alacaq və məqsədlərinə çatmasına imkan verməyəcək.

#İran #prezident #vədlər #Nazirlər_kabineti

Kanala abunə olun