🇮🇷🇦🇲 Molla rejimi İranda yaşayan erməniləri kilsələrə, küçələrə çıxmağa vadar edir, onları Azərbaycan Respublikasının ərazi bütövlüyü əleyhinə şüarlar səsləndirməyə sövq edir.🔴

Bundan əlavə, hər il aprelin 24-də ölkədə yaşayan ermənilər İran polisinin müşayiəti ilə küçələrə çıxararaq Türkiyə əleyhinə şüarlar səsləndirirlər.

Türkiyə dövlətinin Tehranın bu təxribatçı siyasətinə qarşı addım atmasının vaxtı çatmayıbmı?

#İran #Ermənistan #Azərbaycan #Türkiyə #şüar #təxribat

🇮🇷🇦🇲 İrandan Ermənistana qeyri-neft ixracı 38% artıb 🔴

“Təhlil Bazar” saytı məlumat verir ki, bu yaz İrandan Ermənistana qeyri-neft ixracı 335 min tondan çox, 101 milyon 747 min dollar (172 milyon 969 min 900 ₼) dəyərində mal olub ki, bu da ötən ilin müvafiq dövrü ilə müqayisədə 70%, dəyərdə isə 38% artım deməkdir.

Bu barədə İranın Ticarət sənayesi, dağ-mədən evinin inkişafı, beynəlxalq münasibətlər üzrə komitəsinin mətbuat katibi Seyid Ruhullah Lətifi Ermənistanın xarici işlər naziri Ararat Mirzoyanın İrana səfəri ilə eyni vaxtda deyib.

Onun sözlərinə görə, İrandan Ermənistana qeyri-neft sektorunda ixracat 53% artıb. 2023-cü ilin yazında 38,4% artaraq ötən ilin birinci rübünə bərabər olub.

“Üç milyonluq əhali ilə nisbətən kiçik olmasına baxmayaraq, Ermənistan İranın Avrasiya İqtisadi Birliyinə və Şərqi Avropaya qapısıdır”-deyə, o, əlavə edib.

#İran #Ermənistan #ixrac

🇮🇷 Tehranda zibil qutusuna atılmış körpə tapıldı 😱😢

Tehranın Naziabad küçəsində insanlar təsadüfən zibil qutusundan yeni doğulan körpənin ağladığını eşidiblər.

Daha sonra zibil qutusunun içərisinə baxdıqda, paketin içərisində körpənin olduğunu görüblər.

Onlar Təcili Tibbi Yardıma zəng vuraraq məlumat veriblər.

پیدا شدن نوزاد در سطل زباله در تهران

#İran #Tehran

🇦🇿🇦🇲 İranlı diplomat: “Azərbaycanla Ermənistan arasında sülh yaranarsa, bu, ermənilərin xeyrinə olacaq”

İranın Azərbaycandakı keçmiş səfiri Mohsen Pakayin özünü sosial media hesabında yazıb:

“Əgər Azərbaycanla Ermənistan arasında sülh yaranarsa, bu, ermənilərin xeyrinə olacaq və Qarabağın erməni azlığının hüquqları qorunub saxlanılacaq və Qarabağla Ermənistan arasında münasibətlər davam edəcək. Ona görə də sülhün əleyhinə olan, müharibəyə təhrik edən şərhlər Qafqaz üçün faydalı deyil”.

#Azərbaycan #Ermənistan

🇦🇿🇦🇲 “Cənubi Qafqazda sülh və sabitlik “3+3 mexanizmi”nin canlanmasından asılıdır”

İSNA yazır: “Cənubi Qafqazın strateji mövqeyi həm qonşular, həm də regiondankənar ölkələr üçün böyük əhəmiyyət kəsb edir.

İkinci Qarabağ müharibəsindən sonra Ermənistan və Azərbaycan arasında münaqişənin həlli üçün bir çox həll yolları təklif olunsa da, region ölkələri, o cümlədən İran regional əməkdaşlığa və problemin regional aktorların rolu ilə həllinə önəm verir. 👇👇👇

İran İslam Respublikası bölgədə maraqları olan ölkələrdən biri kimi mühüm geosiyasi sərhədlərin olmasına görə Cənubi Qafqaz regionunda təhlükəsizliyin və sabitliyin qorunmasının vacibliyini daim vurğulayır. Cənubi Qafqaz regionunun əhəmiyyəti mühüm qonşulardan biri kimi İran İslam Respublikası üçün o dərəcədə böyükdür ki, o, məsələnin regional mexanizmlər çərçivəsində nizamlanmasına çalışır.

Qafqaz üzrə iranlı ekspert Məhəmmədrza Dəmavəndi hesab edir ki, 3+3 mexanizminin fəal şəkildə formalaşdırılması üçün səylər göstərilməlidir, bu mexanizm çoxdandır irəli sürülüb mövcud olsa da, aktiv deyil.

Geosiyasət üzrə professor Əbdürrza Fərəcirad da 3+3 mexanizminin yaxşı plan olduğunu bildirib: “Region ölkələri bir-biri ilə görüşməli və bu sahədə danışıqlar aparmalı, məsləhətləşməlidir ki, həll yolu tapılsın, əks halda problem müharibə və qarşıdurma ilə həll olunmayacaq”.

Onun sözlərinə görə, Rusiya, İran və Türkiyə Qafqaz münaqişəsi ilə bağlı razılığa gəlməli, daha sonra həll yolu üçün digər tərəflərlə çoxtərəfli danışıqlar aparılmalıdır.

İranın Ermənistandakı keçmiş səfiri Seyid Əli Səqqiyan da İSNA-ya müsahibəsində vurğulayıb ki, Cənubi Qafqaz regionunda vəziyyət Rusiya-Ukrayna müharibəsindən təsirlənib və bu təşəbbüs (3+3 formatı) Cənubi Qafqazda sülh və sabitliyin vacibliyini vurğulamaqdan ötrü yenidən irəli sürülüb.

“Burada əsas tərəflər İran, Rusiya və Türkiyədir və onlar bir daha bir araya gəlməlidirlər, lakin görünən odur ki, regionda vəziyyət daha da mürəkkəbləşib və müharibənin davam etməsi ilə sülh və sabitliyin bərqərar olması üçün danışıqlar prosesi dəstəklənməlidir”,- diplomat əlavə edib.

#Azərbaycan #Ermənistan

🇻🇪🇮🇷 Venesuelanın hərbi İran raketlərinin görüntüləri yayıldı

“Etemad Online” saytı yazır ki, Venesuelanın Hərbi Dəniz Qüvvələrinə məxsus JM-16 sürət katerləri “Nəsir” adlı qanadlı raketlərlə təchiz edilib.

Qeyd edək ki, sözügedən raket İran istehsalıdır və 3000 tonluq döyüş gəmilərini məhv etmək üçün nəzərdə tutulub.

Xatırladaq ki, bu yaxınlarda İran hökumətinin rəsmisi Venesuelaya satılan malların pulunu ala bilmədiklərini və dəniz ticarətində bir sıra problemlərin olduğunu vurğulayıb. Lakin dərc edilən görüntülər raket ticarətində heç bir çətinliyin olmadığını göstərir.

#İran #Venesuela #raket #ticarət

🇦🇿🇦🇲 Ekspert: “3+3 qrupunun danışıqlarının minimum təsiri Qafqazda gərginliyi nəzarətdə saxlamaq və müharibədən qaçmaqdır”

Qafqaz üzrə iranlı analitik Əfife Abedi İLNA-ya müsahibəsində Ermənistan xarici işlər nazirinin Tehrana səfərinin məqsədləri ilə bağlı suala belə cavab verib:

“Ermənistan xarici işlər nazirinin İrana səfərini ikitərəfli və regional münasibətlər prizmasından dəyərləndirmək olar. Amma indiki mərhələdə İran və Azərbaycan arasında münasibətlərdə gərginliyin nəzarət altına alındığını nəzərə alsaq, Ermənistan xarici işlər nazirinin Moskvadakı üçtərəfli görüşdən düz bir gün əvvəl İrana səfəri bu səfərin daha çox regional aspektdən vacib olduğunu göstərir. 👇👇👇

Tehran-İrəvan münasibətlərində bir neçə onillik siyasi münasibətlərin təcrübəsi və təhlükəsizlik-geosiyasi mülahizələr iki ölkəni belə bir qənaətə gətirib ki, bu əlaqələrin ikitərəfli və regional səviyyədə qorunub saxlanması və inkişaf etdirilməsi qaçılmazdır və strateji xarakter daşıyır.

Əslində Ermənistan xarici işlər nazirinin İrana səfəri regional mövqelərin uyğunlaşdırılması və yenidən koordinasiya edilməsi və üçtərəfli danışıqlar masasında onun siyasi çəkisinin artırılması məqsədi daşıyırdı.

Təbii ki, bu səfər İranın Moskva danışıqlarındakı rolunu və təsirini də özünəməxsus şəkildə təsdiqləyib. Son bir ildə həm İran, həm də Ermənistan dəfələrlə Qarabağda sülhün bərqərar olmasını və artan gərginliyin qarşısını almaq istədiklərini bəyan ediblər...”.

#Azərbaycan #Qarabağ #Ermənistan

🇮🇷 Sistan və Bəluçistan əyalətində yağan güclü sel yağışları insan tələfatına səbəb olub 💦🌊😱😢

Dünən Sistan və Bəluçistan əyalətində yay yağışları və baş verən güclü sel nəticəsində ən azı 5 yanacaq daşıyan tanker sürücüsü ölüb, daha 5 nəfər isə itkin düşüb.

جان باختن دستکم پنج سوختبر و ناپدید شدن پنج تن دیگر در پی بارش های تابستانی و گرفتار شدن در سیلاب در جنوب سیستان و بلوچستان

#İran #Sistan #Bəluçistan #sel

🇮🇷 İran İnsan Haqları Təşkilatı Xameneyi ilə bağlı etiraz bəyanatı yaydı 📄

Norveçdə yerləşən qeyri-hökumət təşkilatı olan İran İnsan Haqları Təşkilatı Əli Xameneyinin Avropa vətəndaşlarının edam ediləcəyi ilə bağlı hədə-qorxularına etiraz edib və bunu İran rəhbərinin edam hökmlərinin İrandan kənarda genişlətməsi kimi qiymətləndirib.

Bəyanatda deyilir:

"Bu, edam hökmlərinin icrasının İrandan xaricdə də həyata keçiriləcəyi ilə bağlı təhdiddir. Təəssüflər olsun ki, bu ilin may ayında "nikahdan kənar münasibət" ittihamı ilə 1 nəfərin, "müqəddəsləri təhqir etmək" ittihamı ilə isə 2 nəfərin edam edilməsinə beynəlxalq ictimaiyyətin lazımi reaksiya verməməsi İran rəhbərlərini oxşar hökmlər çıxarmağa, hətta Avropa vətəndaşlarını da edam etməklə hədələməyə sövq edib".

Hüquq müdafiəçisi və həmin təşkilatın sədri Mahmud Əmiri Müqəddəm açıqlamasında deyib:

“Dünya ictimaiyyəti 21-ci əsrdə fikir azadlığı səbəbilə insanların edam edilməsinə dözməməlidir”.

#İran #insan_haqları #Xameneyi #bəyanat

🇮🇷 İranda bir məhbus edam edilib 😱😡

İranda İnsan Haqları Təşkilatı məlumat verir ki, bu gün Hormozqan əyalətinin Bəndər-Abbas şəhərində qəsdən adam öldürməklə ittiham edilən məhbusun edam hökmü icra edilib.

Edam edilən məhbusun adı barədə isə dəqiq bir məlumat yoxdur.

Qeyd edək ki, təşkilat sözügedən həbsxanada daha 2 məhbusun edam hökmünün verilərək təkadamlıq kameraya köçürüldüyünü qeyd edib.

#İran #Bəndər_Abbas #edam #etiraz

🇮🇷 İranda repressiv qüvvələrlə məcburi hicaba riayət etməyən qadın arasında münaqişə yaşanıb 😱

Dünən iki hökumət muzdlusu bir qadını hicab taxmağa məcbur ediblər.

Qadın isə onların görüntülərini çəkməyə başladıqda ona hücum ediblər.

درگیری بین زن بی حجاب و مزدوران

#İran #məcburi_hicab #münaqişə

🇮🇷🇦🇿 İran rejimi Məhərrəmlik mərasimlərindən Azərbaycana qarşı sui-istifadə edir 😡

İranda keçirilən Məhərrəmlik və əzadarlıq mərasimlərində molla rejimi Azərbaycanı İslam əleyhinə olan ölkə kimi tanıdır.

Mərasimlərdə nümayiş etdirilən pankart və plakatlarda “Azərbaycanın 2000 məhbus şiə mücahidinin xatirəsinə”, “Azərbaycan sionist işğalından azad olunsun!” və s. bu kimi sözlər yazılıb. (Axar.az)

#İran #Azərbaycan #Məhərrəmlik

🇮🇷 İranda məscidlərin birində dava düşüb 🔥🤛

Qeyd edək ki, ölkədə məscidlərdə söyüş, ikinci dəfə yeməyin verilməməsi, nəzir verməmək üstündə qalmaqallar hər gün artır.

دعوا و فحش ناموسی در مسجد بر سر گرفتن پرس دوم غذا و ندادن نذری

#İran #məscid #dava