🇮🇷🇷🇺🇺🇦 İyulun 11-nə keçən gecə, Rusiya ordusunun Ukraynanın cənubuna kütləvi hücumu zamanı, İran istehsalı olan 28 ədəd Shahed-136/131 kamikadze dronundan 26-sı məhv edilib.

#Ukrayna #İran #dron #Rusiya #müharibə

🇮🇷 İranda türk adlarına qoyulan qadağa Türkiyə mətbuatının manşetinə cıxarıldı 🪪📹

Türkiyənin “Gerçek Hayat” verilişi İranda yaşayan türklərin öz övladlarına türk adları verə bilmədiyini qeyd edib. Xüsusilə də Güney azərbaycanlıların övladlarına doğum şəhadətnaməsi almaq uğrundakı çətinliklərindən siz açıb.

ممنوعیت نام گذاری اسامی تورکی در ایران، تیتر اخبار رسانه های ترکیه شد

#İran #Türk #milliyət

🇮🇷 İran rejiminin anti-Azərbaycan ideoloqu saxlanıldı 🔥

İran Xarici İşlər Nazirliyinin sözçüsü Bakıya qarşı davamlı təbliğat aparan Əli Əkbər Raefipurun Həcc ziyarətindən sonra Səudiyyə Ərəbistanından çıxışına qadağa qoyulduğunu təsdiqləyib və problemin həlli istiqamətində səylərin davam etdiyini açıqlayıb.

Naser Kənani deyib ki, Raefipurun Ciddə hava limanından çıxışında "bizim üçün hələlik aydın olmayan səbəbdən" problem yaranıb. Halbuki, bəziləri Raefipurun Səudiyyə Ərəbistanına saxta pasportla girdiyi üçün həbs olunduğunu bildirirlər.

Saxta pasportla bağlı daha ətraflı məlumat və Raefipurun hansı adla Səudiyyə Ərəbistanına daxil olduğu açıqlanmayıb.

Qeyd edək ki, Raefipur İkinci Qarabağ müharibəsi və ondan sonrakı dövrdə Azərbaycan Respublikasına qarşı davamlı çıxışları ilə tanınır. O, İranın Ermənistana hərbi dəstək verməsi, Zəngəzur dəhlizinin açılmaması üçün oraya hərbi qüvvə göndərilməsində israr edən anti-Azərbaycan siyasətinin əsas media təbliğatçısıdır.

Ermənistana etiraz edən güneyli fəal zaminə buraxıldı ✌️

İyulun 7-də Xudafərin körpüsü yaxınlığında, Araz çayının kənarında İran sərhədçiləri tərəfindən həbs edilən güneyli fəal Sədullah Sasani 150 milyon tümən girov qarşılığında müvəqqəti olaraq məhkəməyə qədər sərbəst buraxılıb.

Qeyd edək ki, Ermənistanın Araz çayını çirkləndirməsinə etiraz etdiklərinə görə iyulun 7-də həbs edilən Mustafa Əvəzpur, Rəhim Sasani, Məhəmməd Mərdi, Məhəmməd Əlipur, Sədullah Sasani və Cəfər Novruzi adlı fəallar saxlanıldıqları təcridxanada işgəncəyə məruz qalıblar.

Adları sadalanan beş fəal 28 saat dindirildikdən sonra sərbəst buraxılsalar da, Sədullah Sasani ölümcül şəkildə döyüldüyü və vəziyyəti ağır olduğu üçün buraxılmamışdı. 👇👇👇

Tutulan azərbaycanlı fəallar bununla bağlı bildiriblər: “Bizi saxladıqdan sonra mobil telefon və başqa şəxsi əşyalarımızı aldılar, sərbəst buraxdıqdan sonra da geri qaytarmadılar. Məmurlar bizi mümkün qədər incidir, təhqir edir, isti havada günəş altında barmaqlıqlara qandallayaraq ac-susuz saxlayırdılar. Dindirmə zamanı bizi dəfələrlə ölümcül şəkildə döyüblər. Sədulla Sasaniyə isə daha ağır işgəncələr verildiyindən onun vəziyyəti ağırlaşdı və məsələ ictimailəşməsin deyə onu həbsdən buraxmadılar”.

Xatırladaq ki, Ermənistanın Metsamor Atom Elektrik Stansiyasının zəhərli tullantılarının Araz çayına axıdılması inəticəsində Güney Azərbaycan bölgələrində kənd təsərrüfatı sahəsinə ağır xəsarətlər dəyib, bölgədə xərçəng xəstəliyi geniş yayılıb.

#Güney_Azərbaycan #milli_fəallar #Arazın_çirkləndirilməsi #Ermənistan #Metsamor #etiraz #həbs

🇮🇷 Molla rejimi repressiv qüvvələrdən hicabsız qadınlara qarşı birbaşa hərəkətə keçməyi tələb edib 👳‍♂👮‍♀😡

İslam Respublikasının yüksək vəzifəli rəsmiləri dünən bir daha hicabsız qadınlara qarşı mübarizənin dayandırılmamalı olduğunu qeyd ediblər.

İran prezidenti İbrahim Rəisi müxtəlif qurumları hüquqi vəzifələrini yerinə yetirməyə və qanuni vəzifələrinin icrasını bəhanə edərək, “Hicab Və İffət Qanunu”-nun təsdiqini gecikdirməməyə çağırıb.

#İran #molla_rejimi #məcburi_hicab #azadlıq

🇮🇷 İranda molla rejiminə etiraz edən sünni dini müəllimlərin evləri sökülüb 🏚️🚜 😱😢🤬

Zahidan şəhərində yerləşən Məkki məscidinin bir sıra dini müəllimlərinin evləri hökumət qüvvələri tərəfindən qəsdən dağıdılıb.

Məlumata görə, 2008-ci ildə Zahidan şəhərində sənədli icazə ilə müəllimlər üçün evlər tikiilib. Müəllimlər həmin torpaqlara görə müəyyən məbləğ də ödəyiblər. Lakin bu gün səhər saatlarında evlərin tikintisi qanunsuz adlandırılaraq, yerlə-yeksan edilib.

Zahidan şəhər bələdiyyəsinin rəhbərliyi isə bu evlərin aqibəti barədə xəbərsiz olduqlarını bildirib.

تخریب منازل برخی از اساتید مسجد مکی واقع در مسیر چشمه زیارت خارج از شهر زاهدان

منازل برخی از اساتید مسجد مکی در زاهدان که از سال ۸۸ با سند و مجوز ساخته شده بود کاملا تخریب و با خاک یکسان شدند.

#İran #Zahidan #molla_rejimi

🇮🇷 The Guardian: "İranda 60 tələbə məcburi hicaba görə təhsildən məhrum edilib" 🧑‍🎓🚫

Britaniyanın “The Guardian” qəzeti yazıb ki, İranda ən azı 60 tələbə qız məcburi hicaba riayət etmədikləri üçün təhsillərini davam etdirmələri qadağan edilib.

Qəzet sözügedən universitetdən uzaqlaşdırılan və öz akademik gəcəyindən narahat olan 9 tələbə ilə danışıb.

Universitet tələbələri məcburi hicaba əməl etməməyin ciddi fəasdları barədə qəzetə danışıblar və hətta qeyd ediblər ki, ölkədə “Hicab və İffət Qanunu” qüvvəyə minərsə, universitet daxilində oyrəncilərə qarşı repressiyalar daha da genişlənəcək.

#İran #molla_rejimi #məcburi_hicab #tələbə

🇦🇿🇮🇷 Azərbaycan-İran Birgə Texniki Komissiyasının iclası başlayıb

Azərbaycan Respublikasının nümayəndə heyəti bu iclasda iştirak etmək üçün İrana səfər edib.

Görüşdə Ordubad və Marazad Su Elektrik Stansiyalarının tikintisi prosesinin başa çatdırılması üzrə növbəti addımlar, eləcə də, iki ölkə arasındakı Araz çayı üzərindəki "Xudafərin" və "Qız qalası" bəndi layihələri müzakirə ediləcək.

Azərbaycan nümayəndə heyətinin tərkibində Xarici İşlər Nazirliyinin Naxçıvan Muxtar Respublikası İdarəsinin rəisi Vüsal Ələkbərli, Naxçıvan Dövlət Energetika Təşkilatının rəhbəri Namiq Paşayev və digər rəsmi şəxslər iştirak edirlər.

#İran #Azərbaycan #SES #əməkdaşlıq

🇮🇩🇮🇷 İndoneziya İranın neft tankerini ələ keçirib ⛴️🚫

“Reuters”-in məlumatına görə, İndoneziyanın Sahil Qvardiyası qanunsuz neft daşıdığı gümah olunan İran bayrağı altında üzən neft tankekerinin ölkə sularında ələ keçirildiyini açıqlayıb.

İndoneziya Sahil Qvardiyasının verdiyi açıqlamada saxlanılan “Arman-114” neft tankerinin qanunsuz şəkildə 272 min 569 ton yüngül xam neftin Kamerun bayraqlı gəmiyə ötürülməsi zamanı saxlanıldığını bildirilib.

Xatırladaq ki, İndoneziya 2021-ci ilin yanvarında İran bayraqlı “M.T.Horse” neft tankerini də ələ keçirib.

#İran #İndoneziya #neft #gəmi

🇮🇱🇺🇸🇮🇷 İsrail vətəndaşı İrana neft və silah satışında ittiham edilir❗️

ABŞ-İsrail ikili vətəndaşı və Vaşinqtonda yerləşən beyin mərkəzinin rəhbərlərindən olan Qal Loft barədə İslam Respublikasına “silah qaçaqmalçılığı, qeydiyyatsız xarici agent kimi fəaliyyət göstərmək, ABŞ sanksiyalarını pozmaq və yalan bəyanatlar vermək” ittihamları irəli sürülüb.

ABŞ Ədliyyə Departamentindən verilən açıqlamaya görə, federal agentlər Qal Loftu xarici agent kimi qeydiyyatdan keçmədən ABŞ-da Çinin maraqlarını inkişaf etdirmək üçün bir sıra qanunları pozub. Departamentin bəyanatına əsasən, ona qarşı irəli sürülən ittihamnamədə 100 ildən artıq həbs cəzasına çatdıran bir neçə həbs cəzası sadalanır.

Qeyd edək ki, o, fevral ayında Kipr hava limanında saxlanılıb, lakin açılmış iş üzrə “deportasiya üçün vəsiqənin verilməsini gözləmə” müddətindən yayınaraq gizlənib, hal-hazırda onun gizləndiyi yer axtarılır.

#İran #İsrail #Amerika #həbs #ittiham