İlham Əliyev Azərbaycan Şahmat Federasiyasının vitse-prezidentini təbrik edib

Prezident İlham Əliyev TDT üzvləri arasında rəqəmsal iqtisadiyyat üzrə tərəfdaşlıq sazişini təsdiqləyib.

Qarabağdakı peşə məktəblərində oxuyanların təhsil haqqını dövlət ödəyəcək

Prezident İlham Əliyev bununla bağlı "Təhsil haqqında" və "Peşə təhsili haqqında" qanunlara dəyişikliyi təsdiqləyib.

Belə ki, təhsil müəssisələrində ödənişli əsaslarla təhsil aldıqları müddətdə təhsil haqqı dövlət büdcəsinin vəsaiti hesabına ödənilən şəxslər sırasına işğaldan azad edilən ərazilərdə məskunlaşan və 2025/2026, 2026/2027, 2027/2028-ci tədris illərində dövlət, bələdiyyə və özəl peşə təhsili müəssisələrinə qəbul olunmuş, habelə həmin təhsil müəssisələrində təhsil almaqda olan şəxslər də daxil edilib.

Qanun sentyabrın 15-dən qüvvəyə minəcək.

Əlilliyi olan şəxslər əl işlərinin internetlə satışına görə sosial vergi ödəməyəcək

Prezident İlham Əliyev bununla bağlı “Sosial sığorta haqqında” qanuna və Vergi Məcəlləsinə edilən dəyişikliyi təsdiqləyib.

Belə ki, əlilliyi olan şəxslərin vergi inzibatçılığının sadələşdirilməsi və onların özünüməşğulluq təşəbbüslərinin dəstəklənməsi üçün əl işlərinin satışından əldə olunan gəlirdən ödəmə mənbəyində 2 faiz vergi tutulacaq.

Həmçinin onların əl işlərinin satışını həyata keçirilməsi üçün xüsusi elektron portal yaradılacaq, əlilliyi olan şəxslər orada qeydiyyatdan keçəcəklər.

Layihəyə əsasən, əl işlərinin satışından əldə olunan gəlirlər məcburi dövlət sosial sığorta haqqı hesablanmayan gəlir növlərinə aid ediləcək.

Bakıda gecə 00:00-dan sonra səs-küy yaradan iaşə obyektləri cərimələnib. (DİN)

Azərbaycan Dəmir Yolları (ADY) Qapalı Səhmdar Cəmiyyətinə (QSC) yeni təyinat olub.

Axar.az Oxu.az-a istinadla xəbər verir ki, Turxan Əhmədov Kommunikasiya departamentinin rəhbəri vəzifəsinə təyin edilib.

Bununla bağlı müvafiq əmr imzalanıb. T.Əhmədov bu gündən vəzifəsinin icrasına başlayıb. O, bundan öncə "bp Azərbaycan" şirkətində çalışıb.

DMX: Bu ilin birinci rübündə 502 əcnəbinin Azərbaycana girişi məhdudlaşdırılıb.

⚡️Türkiyənin İstanbul, Ankara və İzmir şəhərlərində yerləşən 20-yə yaxın məktəbdə şagirdlər etiraz aksiyası keçirir.

Şagirdlər bildirib ki, aprelin 9-da nazirlik tərəfindən verilən qərara əsasən, lisey və məktəblərdə illərdir işləyən savadlı müəllimlər səbəbsiz yerə işdən çıxarılıb və onların yerinə siyasi dəstəkləri olan müəllimlər heç bir imtahan vermədən təyin edilib.

⚡️Qırğızıstan Moskvada kütləvi həbslərlə bağlı Rusiyaya nota verib.

Masallıda yaşayan 14 yaşlı L.T. itkin düşüb.

O, 2025-ci il aprelin 12-də saat 20 radələrində babasına məxsus - Masallı rayonu, Banbaşı kəndində yerləşən evdən çıxaraq naməlum istiqamətdə gedərək geri qayıtmayıb.

Ukraynanın Azərbaycandakı səfirliyində bayraqlar endirilib.

Dünən Rusiyanın Ukranyanın Sum şəhərinə raket hücumu nəticəsində 34 nəfər həlak olub, daha 117 nəfər yaralanıb.

📍Bakıda və Abşeron yarımadasında

Milli Hidrometeorologiya Xidmətinin məlumatına əsasən aprelin 14-dən 15-nə keçən gecədən başlayaraq hava şəraitinin fasilələrlə yağıntılı olacağı, şimşək çaxacağı, yağışın leysan xarakterli olacağı, arabir intensivləşəcəyi gözlənilir.

Aprelin 16-da yağışın aramsız güclü olacağı ehtimalı yüksəkdir. Prosesin şimşək və güclü küləklə müşayiət olunacağı gözlənilir.

Gözlənilən intensiv və güclü yağışla əlaqədar Abşeron yarımadasının bəzi ərazilərində subasma halları istisna olunmur. Prosesin aprel ayının 17-dək davam edəcəyi gözlənilir.